حوامل شهر يوليو 2007

صباح الخير ع حواملنا الحلوات...عساكم بصحة
امس العصرية كنت نايمة وما قمت الا على الاسنان أأأأأأأأأأأأأأأأأأأأأأخ توجعني
شكلها كان تذكرني بموعد الاسنان..وسكرت الكهرباء علينا...واتصلت على اهلي لقيت عندهم
كهرباء ورحت عندهم خفت عن اطيح في الظلام...ما ناقصة.
واخذت اختي ومريت الدكتور ..لما قلت له انه السن توجعني قال احنا قتلنا الاعصاب في السن التحتي هذا اللي فوق هو اللي عاملك الالم..قلت له ابوي بعالجه عندك ما فاضيه حال الالم>>والسهر
وفي انتظار موعدي يوم الاثنين القادم عشان اسمع نبض قلب الجنين ...
ام عن الكروشة فباينة شوية مو واجد خاصة انه يوم كنت افصل للعرس وسعت ملابسي وللحين
كل شئ تمام...

هلا حبيباتي الحوامل........شحالكم؟

أنا أغط فترة وأجيكم بالأخبار

بخبركم عن زيارتي امس للدكتورة

بعد ما صورت البيبي الحمدالله طلع كل شي تمام...بس قلت لها صار لي

عشرة أيام وانا أحس بصداع وكله آخذ بنادول....قالت لي ما في ضرر من البنادول

بس المهم إنج تستمرين على الفيتامينات حتى تتجنبين الصداع. ولما قلت لها إني كسوله

واتعايز أخذها عصبت علي :angry: وقالت لي "ليه يا ماما مش عاوزين مشاكل في الحمل

دي فترة الحمل فتره جميله ومع الراحة والاستمرار على الفيتامينات يعدي الحمل بدون مشاكل"

وقالت لي بعد لازم انتبه على الكلي لأنه في الشهر الرابع والخامس البيبي يضغط على الكلي ومع

قلة السوائل تتأثر الكلي. وفعلا أنا مرات أحس بألم خاصة في الكلية اليمنى. فانتبهن خواتي

للسوائل. لازم تشربن كمية كافية سواء من العصير أو الماي.

سألتني بعد إذا أحس بانتفاخ في الاطراف خاصة في الأرجل. فخبرتها إني في حملي الأول صار

لي هالشي في الشهور الأخيرة. فقالت لي من الشهر السابع لازم تخففين الموالح.

بس أنا هاليومين صايبني احتقان في البلعوم. وما قدرت آخذ شي أخاف. بس حطيت شوي فيكس فابورات ما دري يضر ولا لا؟؟؟؟

هذي آخر مستجداتي وإن شاالله ما كون طولت عليكن.

عاد نحن بتبدا عندنا إجازة منتصف العام الدراسي. واحتمال ما اشوفكن إلا بعد الإجازة.

وإن شاالله اسمع أخبار طيبة لما أرجع.

ام عبدالرحمن ماتشوفين شر ان شاء الله سلامات يالغاليه
والله يكون في عونج بس الحمدلله بما انج تقدرين تعالجينه توكلي على الله وعالجيه لاتقعدين طوال فترة حملج تعانين منه سلامات


بوكيه ورد حياج الله وهذي الساعة المباركة
الله يوفقج ويتمم عليج حملج ان شاء الله وكثري من السوائل واكلي الفيتامينات ترى مو بس الدكتورة راح تعصب ترى حتى احنا كلنا راح نعصب عليج :angry:


دمتم سالمين
اختكم شريفة

ها ام سعود شخباركم مع البرد وروشة الدفايات
ان شاء الله طلعت الشموشة شوي تدفيكم وتنسيكم قرصة البرد


يسعد القلوب اللي على بعضها البعض ...........

أم عبد الرحمن الله يساعدش على هالضرس ويالله سرعي بعلاجه قبل لا يكبر الالم الذي لا يطااااق



على فكره أسم عبد الرحمن رووووووعه وأكثر من روعه أفكر أسمي ولدي بهالأسم بشاور



زوجي على هالأسم .......... وهم بشاااااوركم أنتو كااااان وش رايكم اذا طلع ولد أسميه




عبد الرحمن ؟؟؟؟؟





بوكيه ورد



أنشاء الله دوووم اتطمنينا على الجنين
والحمد لله انه طلع كل شي تمااااااااااممم




وأما عن الفيتامينات فالحال من بعضه يوم أشرب وثلاثه لأ أنسى الله يستر






وأشكرك من كل قلبي على انش خبرتينا عن سالفه الكلى والسوئل




لأني مقصره هاليومين بالسوائل كثيييير بس انشالله راح ما اقصر فيه





وأستمر على شرب الماااااااااااي والعصائر الطازجه لحتى الولاده






وسالفه الصداااااع أختي ماتشوفين شر بس أنصحج لا تكثري بالبندوووول والله اني



أحاول اتجنب ألألم بأي وسيله ولا أكل بندوووووول واذا ماقدرت أمسك الألم أضطر



للبندوووووول




ياهلا بأختي شريفه كيف أحوالك وشرفتينا بهالطله

هلا ام عبدالرحمن
هلا فيج والله لحد الحين برد والكحة اذبحتني مو راضيه تروح عني
انتي شلونج وشلون ضرسج احسن ان شا ءالله

احلى شهد شلونج انا بخير الحمدلله انتي شلونج وشلون الحمل معاج ان شاء الله كل شي تمام
واسم عبدالرحمن من احلى الاسامي والله اذا ولد توكلي على الله انا احب الاسامي كل ماحمد وعبد
عبدالله ،عبدالعزيز ، عبدالرحمن ، عبداللطيف ، عبدالوهاب ....

الله يكتب اللي فيه الخير ان شاء الله


دمتم سالمين
اختكم شريفة

هلا شريفه شلونش وشخبارش




أحوالي بخير والحمد لله بس أمراض هالشتويه شوي ذابحتني



كحه وسعاااال وصدري وزكااااام ووووووالخ



والحمد لله على كل حال




ومشكووووره أختى على ألأسامي تراج شجعتيني




على أسم عبد الرحمن والله يكتب اللي فيه الخير

هلا بالغاليه 2m2m


الحمد لله نحن بخييير والبرد حلو هالسنه بس أمراض الشتا هي اللي مب حلوه



زين حبيبتي أنش اتطمنتى هالجنين وسمعتي نبضاته وشفته




أحلى شي هاللحضات اللي تمر سريعه وأحنا نسمع نبضاته ونشوفه



هاللحضات أتحلى الحمل ولو فيه كل هالتعب بس الواحد لما يطمن ينسى كل شي



يارب دوووووم يطمنونا ويفرحونا كلنا بالبيبي وتقر عيونا بهم



ويرزقنا الولد أو البنت السليم المعافي لا زياده ولا نقصان

مرحبا بنات كيف الحااااااااال وكيفل الحمل معاكم



أنشاء الله كل شي تمااااااام التمااااااااام



وينكم ترا هذي أبطئ رابطه شفتها بالمنتدى




وين الحوامل ووين اللي يشاركوا الكل برداااااان




أوكيه حبايبي حبيت أقولكم تصبحوا على خيير

[grade="00BFFF 4169E1 0000FF"] مراحـــــــــــــــــــــــــــــــ حواملـــــــــــــ شهر 7 ــــــــــ ب
اخباركم الحلوات
احنا امس كانت اجازة السنة الهجرية ورحت فيها عيادة الاسنان عشان الضرس الثاني " ترا يغاروا من بعض"
وباكر موعدي بالمركز الصحي
اترجى الموعد بقوة عشان اطمن على الطفل واسمع نبضه
وبالنسبة للاسم حبيبتي وايد حلو عبد الرحمن واحب اكثر منه
عبد العزيز " هذا اسم ولد اختي الحلبوس"
بس انا اذا كان ولد ان شاء الله راح اسميه " إلياس"
واذا بنوتة اللي زوجي خاطره فيها موووووت راح نسميها " فجر"
ما ادري ليش عندنا الموضة الازواج يعملون طلب للبنات [/grade]

هلا ام عبد الرحمن ومرحبا بك أختي


زين أنش أستغليتي الاجازه عشان تعالجي الظرسس



وسالفه يغاروا من بعض هذي صدقتي فيها


وانشاء الله تبشرينا بكرا بسلامه الجنين


ماقلتي لنا يا أم عبد الرحمن بشنو اتحسين بالتغيرات لحد الآن


عن نفسي فيه تغيرات باينه وواضحه راح أكتبها عما قريب



وسلامتكم

شخباركم حبايبي الحلوين ... عساكم بخير
عن نفسي احس ان اللوعة خفت والحمد لله بس الم بطني يجي ويروح وموعدي مع الدكتورة اول الشهر الله يستر

بس بغيت اسأل حوامل البحرين عن الدكتورة ...زينب الجفيري .... شرايكم فيها
اترياكم لا تبطون

السلام عليكم
اهلين حبيباتي حواملنا شلونكم بخير ان شالله
بشروني عنكم
احلى شهد صاجة والله ابطأ رابطة ادش واطلع واشبك واشوف الموضوع ما تحرك
بس بنحركه غصب طيب :)
ام عبدالرحمن الحمدلله على سلامتج وزين سويتي عالجتي ضرسج يالله الحمدلله وواحد يغار من الثاني عادي يالله ان شاء الله يكون اخر ضرس
ام تو ام تو
الله يطمنج ان شاءالله وتشيلينه مابين ايديج يارب
الله يتمم على خير ان شاء الله
ام المهند مالها طاري وينج منخشه ...؟؟ نسأل عنج
كربلاء الحمدلله مع الوقت تخف النساة يالله الحمدلله وان شاء الله بنات البحرين يفيدونج عن الدكتورة يالله احلى شهد ان شاءالله تقدرين تفيدين كربلاء عن سؤالها
وننطر مشاركاتكم


دمتم سالمين
اختكم شريفة

السلام عليكم ورحمه الله وبركااااته



كيف حالك أختي كربلا وكيف حال الجنين وأنشالله بانت



علامات الحمل الشكليه لو للحين ماطلعت الدبه




والحمد لله أن اللوعه خفت وأنشالله راح تخف عدل مدل لما يبدأ البطن بالبروز وبتعيشي



أحلى فترات الحمل لان الشهور الوسطيه أحلة فتره عندي ((( من تجربه سابقه ))))



وصدق من قال خير الامور أوسطها لو لاحظنا أن كل شي وسط جميييل



بالنسبه للدكتوره أنصحج تزورين رابطه حوامل البحرين راح اتفيدش أكثر



لأن هناك الحوامل يتكلموا عن أفضل الدكاتره اللي تابعوا معاهم الحمل




وكمان راح تستفيدي من شغلات كثيره كالتجهيز للبيبي وللأم الحامل وووو.....ألخ



أنشالله بحط الرابط بعد هالمشاركه





بررررب

تيييييييييييييييييت




إنشاء الله ما اتأخرت





http://www.3roos.com/forums/showthread.php?t=209631





كربلا شوفي هالرابطه وأسألي عن الدكتوره زينب الجفيري وأنشاء الله تستفيدي





وعن نفسي بصراحه ما اتعاملت معاها هالدكتوره

مرحبا أختي شريفه



صدقتي أختي كنت بدش هالرابطه عشان أسأل عن أم المهند



ماليها خبر ومو من عوايدها تغيب



وإن شالله بكرا تيجي وتسعدنا بوجودها

وتصبحووون على خييير

هلا بأحلى حوامل شحاااالكم إن شاء الله أطياب

فديتك شوشو ( شريفة ) ع سؤالك الطيب تسلمين والشكر موصول للغالية شهودة بعد على سؤالها عني ..


أنا يا حبايبي بخير ولله الحمد بس يوم السبت كان عندنا إجازة السنة الهجرية الجديدة كل عام وإنتوا بخير وأمس الأحد دشيت ع السريع قريت أخباركم وما قدرت أشارك بسبب زحمة العمل وآآآآآآآآآآآآه من العمل !!!


الله يسهل عليكم علوم الحمل يا رب .. يوم الخميس الماضي رحت موعدي ويا الطبيبة عشان أول فحص أشعة تلفزيون .. الحمد لله كل شي تمام وشفت جنيني فديته وهو ينط ببطني وكان شعور شفناه أنا وزوجي بوناسة الله يثبته يا رب .. عاد فضولي خلاني أسأل الدكتورة عن جنس الجنين وضحكت قالت مستعجلة وخبرتني إنه لسه ما يبين الحين وذاك اليوم كنت داشة الرابع يعني 13 أسبوع ..

بس أنا سمعت إن شكل رحم أو كيس الجنين له علاقة بنوعه شو رايكن بنات ؟؟؟؟


قريت إن الدائرري يعني بنت والهلالي يعني ولد !!!!


عموما الخلاصة إن كيس الحمل مالي كان دائري ( بيضاوي ) هل هذا يعني إني حامل ببنت ؟؟؟؟؟


إن شاء الله يا رب إدعو لي يا بنات أجيب بنوتة للمهند واللي عنده فكرة عن موضوع الكيس يفيدنا .

المهم عطتني فيتامينات وحديد والله يسهل للجميع

هاتوا علومكم

[grade="00BFFF 4169E1 0000FF"] مراحب بنات
والله اسـتأنست لما شفت مشاركتك حبيبتي ام المهند
اما هاذي معلومة جديدة علينا بس كيف نعرف شكل الرحم دائري او هلالي



بالنسبة لي رحت المركز الصحي واعطوني ابرة وقاسوا الضغط وشافوا السكري واطمن ع حالي
اما البيبي فيسلم عليكم فديته حبيبي..
كان يرواني شكل يده وكان يرفع ايده فالدكتورة ضحكت وقالت " هذا هو يسلم ع امه"
فديت عمره
وقالت الدكتورة انه كل شئ تمام مقاسته مضبوطه
وقالت اني بالاسبوع ما بين الخامس عشر والسادس عشر
انا احسب بداية الخامس عشر..ما ادري عن حسبتهم
وبعد عملوا قالوا لي اي مستشفى تختاري فاخترت اللي قريب من شغلي..
وعطوني موعد بتاريخ 20 /2/07
وسلامتكم




فرحتي لا توصف اني اشوف طفلي يسلم علي * _ *[/grade]

هلا بحبيبتي أم عبد الرحمن تسلمين الغالية والله فرحتي بشوفتكم أكثر الغالية ..

أما علومش تجنن ( أقول بكلمش بالعماني ههههههه )

إنتي شكلش تتعالجي في مركز صحي الخوض صحححح؟؟؟؟

يالله الله يسهل عليك الحمل ويثبته يا رب ، تراه على فكرة الطبيبة تحسب أسبوع زيادة في كل مكان أوين من باب الإحتياط فقط فلا تاخذي بكلامهم .. يااااا الللله شفتي جنينك إنتي بعد والله إنه شعور حلو بصراحة وحاسة فيك هههههههه فديته يسلم عليك بعد ؟؟ هذا طالع مؤدب من بدري ههههه الله يحفظه لك ..

بالنسبة لموضوع كيس الحمل الدائري = بنت والهلالي = ولد فهذا وارد من أغلب البنات ومن تجاربهم بعد .. ولو عملتي بحث بالموضوع راح تشوفين إيش أقصد ، وحتى مرفق صور من البنات بارك الله فيهن على صور أشعة التلفزيون وفعلا فيه الهلالي والدائري سبحان الله أنا بدور لج وأرجع طيب ؟؟؟

يالله بخليك