حوامل شهر يوليو 2007

أم عبد الرحمن ياهلا بيكي ويانا بالرابطه




وزين عندك أم المهند معاك بهالرابطه ومن نفس بلدك عشان تستفيدوا بعدين للتجهييييز



والله يعينك على الاسناااان >>>>> مجربه وجع الاسنااااان آآآآآآآآخ



وحبيت أنصحك بالسمك ترااااه واجد مفييييد لك ولطفلك فلا تتركينه

السلالالالالالالالالالام عليكم ورحمة الله وبركاته
الف تحيه لللستااااااااااااااااااات الحلووووووووين معنا واتمنى للكل الصحه والعافيه....
اخواتي ممكن سؤال ؟؟؟؟؟؟؟
اذا نزل من الام الحامل افرازات عاديه مثل اللي تنزل قبل الدوره بيضاء االون اومائله للاصفر اثناء الحمل تعتبر عادي ؟؟؟؟؟؟؟؟؟

UMABDULRAHMAN:
مرحبا فيك يا ام المهند
على التاريخ مرة مضبط ....اول مرة ينظبط شئ بحياتي * _ *
وعاد على الزبادي هاذي معلومة جديدة علي تشكرين عليها بس الحين احس نفسي شوي اقدر على الحليب لان قبل ما كنت اطيق اشوف حتى غرشة الحليب
اما عن الاسنان والتخدير فايدي على قلبي لحد ما أشوف البيبي بخير
والملابس لميت لي كم موديل بروح اسويهم وبفصل عباية بعد بمقاسات عشان زيادة الكروشة
وانا من مسقط - الخوض

مراحب حبيبتي أم عبدالرحمن ..

أنا نفس الشي ما أطيق الحليب وااايد لأني من الأساس ما أشربه فما بالك وأنا حامل مع التغيرات اللي تصيب الحامل من لوعان وغيره بس الحمد لله أعوض نفسي بمشتقات للحليب بأشياء ثانية مثل الزبادي الخالي من الدسم بالذات المراعي وايد أحبه ولذيذ ومفيد جدا جدا ولا زلت إلى يومك هذا آخذه ..

ولا توسوسين بموضوع التخدير وكلي أمرك لله سبحانه وهو القادر على حماية جنينك ..

بالمسبة لتفصيل الملابس شكلي بعاني بالذات إني أشتغل .. لأني ما أحب ألبس حاجات مفصلة كله جاهز وأحب أكثر شي تنانير وقمصان ( بدون اكمام ) طبعا وألبس عباية وتعودت على لبسي بهالشكل لين يومك ومحاتية لما تكبر كروشتي لا أقدر ألبس تنورة ولا شي ، يعني بضطر أفصل بس يالله تو الناس بعده بدري .

تشرفت بمعرفتك أختي أم عبدالرحمن ، الخوض بالنسبة لي بعيدة طبعا السيارة تقرب البعيد ههههههههه بس أقصد بعيدة بالمسافة عن سكني .. أنا في القرم تفضلي زورينا

أحلى شهد:
هلا بأم المهند ويسعد صباحك حبيبتي



ماتشوفي شر حبيبتي انشالله وعن الضغط انشالله يعتدل يارب بأقرب فرصه

والحمد لله على بقيه الفحوصات وانشالله دوووم عالتمام التمام

أسعد الله أوقاتك أختي شهودة ..

الشر ما يجيك الغالية تسلمين ع الدعوات الطيبة .. طمنينا على أحوالك

أحلى شهد:




والدفايات خلصت من الخلييييج السنه ذي

:dd: :dd: :dd: :dd:


إيه والله على قولتك هالسنة برد غير شكل .. الله يحفظ لنا عيالنا هم المتأثرين فديتهم

elsherog:
السلالالالالالالالالالام عليكم ورحمة الله وبركاته
الف تحيه لللستااااااااااااااااااات الحلووووووووين معنا واتمنى للكل الصحه والعافيه....
اخواتي ممكن سؤال ؟؟؟؟؟؟؟
اذا نزل من الام الحامل افرازات عاديه مثل اللي تنزل قبل الدوره بيضاء االون اومائله للاصفر اثناء الحمل تعتبر عادي ؟؟؟؟؟؟؟؟؟

وعليكم السلاااااام والرحمة .. هلا بمن لفانا يا هلا به

شحااالك الطيبة منورة الرابطة عزيزتي .. وألف تحية إلج إنتي بعد يعطيك ألف عافية


بالنسبة لسؤالك .. عزيزتي أغلب الحوامل يعانون هالشي وإذا كانت هالإفرازات مو غزيرة فما فيها مشكلة بالذات لما تكون ما فيها ريحة وفي الأغلب هي تنزل ببدايات الحمل فقط .. بس لو كانت العكس فأنصحك تشوفين الطبيبة بأسرع وقت وسلامتك ما تشوفين شر ..

هلا فيج يا الغالية ام المهند
وحياك هنا وفي الخوض افا عليج
انتي تحب زبادي المراعي
وانا صايرة احب روب نوعية يونيكاي يعجبني اكله مع الارز الابيض


الرابطة منورة فيكم يا احلى شهد:
والسمك هم عافته نفسي من قبل ما اكون ادوره وين ما يكون
بس احب الروبيان الصغير والحبار
لان السمك لما اخلص ماكلتنه احس نفسي لايعة
وصرت استبعده خاصة بالصالونة....

الله يخليكم بنات ع ردودكم الحلوة

الرابطة محد فيها اليوم

بنات اليوم أنا كملت الـ 12 أسبوع يعني كملت 3 أشهر ولله الحمد بكل سلامة ..

أنا في الدوام وفيني ملل فضييييع ودي أنااااااااام ، أكلت فطيرة بيض من شوية بصراحة لذيذة وأشوفني صايرة أحب البيض ما أعرف إذا له علاقة بإرتفاع ضغط الدم عندي حالياً !!!

يالله بنات بنا تفاعل

مرحبا بالشيخة ام المهند....
مبروك عليك باكر الشهر الرابع...
ايش فينا على البيض اليوم...
انا اكلت سندويش بيض مع جبن .. كان يمي يمي لذيذ
بصراحة البيض الوحيد اللي ما يجيب لوعان
خاصة اذا كان مسوينه برع يطلع الذ من البيت..

elsherog



أم المهند كفت ووفت بسالفه الافرازات


ونصيحه صغنونه مني حاولي كل مره تدخلي الحمام ( والكل بالف كرامه ) تنشفي المنطقه عدل


وتستبدلي الملابس الداخليه ( الهاف ) ضروري عشان هالأفرازات ماتكثر وتستويلش فطريات



وألتهابات والشر بعييييييييييد عنش عن الا لتهابات





أم عبد الرحمن وأم المهند شفيكم ويه البيض ترا حالتي من حالكم اليوم فطوري بيض


وصايره أحب البيض خخخخخخ




ياهلا باللي سالوا عن حالي فحالي ولله الحمد بالف خييييير





وألحين جا دوري أسألكم عن أحوالكم

حياكم الله بنات شلونكم
اي والله برد مووووت ولحد الحين خلاص مافي دفايات يا احلى شهد اذا عندكم بالبحرين دفايه طرشيلي
:)
ام المهند الله يتمم عليج ان شاء الله
بخصوص الضغط لا تكلين بيض البيض فيه زلال ويرفع الضغط عندج
وقللي من الملح والتعب والكركديه وايد زين وينزل الضغط بس تأكدي اول يصلح للحامل والا لا وماكو الا العافيه ان شاء الله
والبيض صايره احبه والله واحس انه لذيذ يقولين شتبين فيه يقعد على الجبد اقولهم لذيذ ومايأثر معاي بشي يعني عادي

انا امس كانت مراجعتي عند الدكتوره انا الحين في الاسبوع الرابع عشر يعني نص الرابع والله يتمم على خير بس قالت لي المشيمة نازله وقالت يبيلها راحه
ومن امس رافعه ريولي وباخذ مرضية يومين مع الويك اند وان شاء الله الله يتمم علي وعليكم بالخير

دمتم سالمين
اختكم شريفة

أختي شريفه ماتشوفين الشر يااااارب


وزين انش اختي اجازه عشان ترتاحي أكثرررر









وأما عن الدفايات خخخخ اقولش خلصوا السنه من الخليج هههههه

وأولها البحرين ماصدقنا هفت علينا نسمات البرد الكل يتراكض عالدفايات



شنسوي متعودين عالحر طول السنه وتجينا نسمه برررد

UMABDULRAHMAN:
مرحبا بالشيخة ام المهند....
مبروك عليك باكر الشهر الرابع...
ايش فينا على البيض اليوم...
انا اكلت سندويش بيض مع جبن .. كان يمي يمي لذيذ
بصراحة البيض الوحيد اللي ما يجيب لوعان
خاصة اذا كان مسوينه برع يطلع الذ من البيت..

يسعد أحلى صباح لأحلى حوامل ووياعم أم عبدالرحمن

إيه والله اليوم سعدية الله يبارك فيك ، حلو الأيام تعدي بسرعة بالذات الشهور الأولى للعقبات اللي فيها والله يعديه على خير بعد ..

البيض شكله بنخلصه من السوق هههههههههههه .. قلت للشغال اليوم تسويلي سندويتشة بيض ويا طماطم طازج مع خيار قلت عشان الفايدة ..

وتبغين الصراحة مثل ما قلتي الأكل اللي يسوا بره البيت يطلع أحلى من طباخ البيت نفسه !!!! إنزين ليش؟؟؟ والله إنها غريبة عن جد

طمنينا عليك كيفك الحين مع وجع الأسنان عسى طبتي

أحلى شهد:


أم عبد الرحمن وأم المهند شفيكم ويه البيض ترا حالتي من حالكم اليوم فطوري بيض


وصايره أحب البيض خخخخخخ


وألحين جا دوري أسألكم عن أحوالكم

هلا بشهودة عساك طيبة نحن بخير ولله الحمد

أما عن سالفة البيض فكلنا في الهوا سوا يالله ع الأقل شي مفيد ومغذي أحسن من حاجة نتوحم عليها وهي بالأساس ما تعطينا فايدة ..

هاه ما طمنتينا عن الحمل وياج

SHREEFA:
حياكم الله بنات شلونكم
اي والله برد مووووت ولحد الحين خلاص مافي دفايات يا احلى شهد اذا عندكم بالبحرين دفايه طرشيلي
:)
ام المهند الله يتمم عليج ان شاء الله
بخصوص الضغط لا تكلين بيض البيض فيه زلال ويرفع الضغط عندج
وقللي من الملح والتعب والكركديه وايد زين وينزل الضغط بس تأكدي اول يصلح للحامل والا لا وماكو الا العافيه ان شاء الله
والبيض صايره احبه والله واحس انه لذيذ يقولين شتبين فيه يقعد على الجبد اقولهم لذيذ ومايأثر معاي بشي يعني عادي

انا امس كانت مراجعتي عند الدكتوره انا الحين في الاسبوع الرابع عشر يعني نص الرابع والله يتمم على خير بس قالت لي المشيمة نازله وقالت يبيلها راحه
ومن امس رافعه ريولي وباخذ مرضية يومين مع الويك اند وان شاء الله الله يتمم علي وعليكم بالخير

دمتم سالمين
اختكم شريفة

يسعد صباحك غاليتنا شريفة

ويتمم عليج بعد يا عمري تسلمين ع الدعوة

والله كنت حاسة إنت البيض له علاقة وفعلا الزلال مشكللللة !!!! كييف يعني خلاااص ما فيه أكل بيض ؟؟؟؟ مستحييييييييل بصراحة أحبه مووت وصعب إن أطبخه بدون البياض :sad: شو نسوي كله يهون عشان الصحة ..

والله إنك جبتيها يا شوشو مشكورة وما قصرتي ع الإفادة

هاي شهودة حسدتني هههههههههههه ما عليه أستاهل ..

بالنسبة للمشيمة النازلة الله يعطيك الصحة والعافية لا تحاتين هاي مشكلة بسيطة قد جربتها أنا في حملي الأول وكنت أياميها في الشهر الخامس وفعلا رفع الريول وعدم رفع أشياء ثقيلة وحرصي على نفسي جاب نتيجة الحمد لله .. الله يشفيك إن شاء الله .

ام المهند واحلى شهد يسعد صباحكم
وصباحكم بريحة البيض المقلي والمسلوق "خخخخ"
والله يا الغالية ام المهند اسناني بعدهم يوجعني بس احاول ابعد نفسي عن الحلويات
واني ما افكر فيهم لان باليل يزداد الالم واليوم عندي جلسة علاج ثانية..والسن اللي فوق بعد صار يالمني وخايفة يزيد الشهور الجاية ويسهرني...وخايفة من العلاج يأثر على الجنين..بس شكلي بقول للدكتور انه يعالج السن الاول والثاني والله يسهل...ادعولي.
وباركولي صرت اشرب حليب واضيف عليه كاكاو.. واقول حال جنيني " تغذى حبيبي عوض اللي فاتك"
وبعد طرشت زوجي يجيب لي زبادي قليل الدسم عشان اعوض..


ويش سالفة المشيمة النازلة هاذي اللي دايرة ع البنات حتى وحدة من صديقاتي مشيمتها نازلة
الله يشفيك اختي الغالية شريفة وبالفعل ما في الا الراحة ورفع الريول ولا تركضين وراء ولدك وايد..الله يخليه لكم.

ومشكورات الحلوات

اهلين اخواتي
ام المهند احم احم اليوم ريوقي بيض وطاط احم احم لذيييييييييذ

وشهوده حسدتج :) لالالا اشدعوااا
شوفي اكلي بس مو كل يوم على الاقل مرتين بالاسبوع بروحنا مانكل اي شي الا الشي اللي نحبه
تغذي يالغاليه ومشكوره على النصيحه


ام عبدالرحمن الله يعينج الضرس مايتسلط الا حزة الحمل
ماتشوفين شر يالغاليه ان شاء الله اجر وعافيه
بس اذا في مجال تعالجينهم عالجيهم
وبخصوص الحليب كثري منه علشان ماتحسين بوجع الاسنان
والغاليه الحليب لج انتي مو للبيبي لان خلص اخذ الكالسيوم من دمج انتي فانتي الحين شربي وتغذي حق نفسج
وماتشوفين شر ان شا ءالله

دمتم سالمين
اختكم شريفة

يسعد نهاااااااركم حواملناااااا



هلا بأم المهند وأم عبد الرحمن وشريفه كيف أحوالكم



سالفه البيض يبيلها قصه ترا مو بس أني اللي احب البيض أشوف ولدي


البارحه عاااف العشا السنع وقالي يبي بيضه مسلوقه وقمت سويت له




واليوم أقول لزوجي جيب وياك بيض اللي عندنا خلص شكلي بقوم اتصل عليه اقوله بس خلاص



مانبي بيض خخخخ واذا فيه بدون الزلال جييييب معاك هههههه حلوه بيض بدون زلال



أم عبد الرحمن والله قلبي معاج ترا وجع الاسنان هذي قصتي المأساويه


من صغري واني اتعالج فيهم أسناني كلهم دماااااار بالرغم اني معتنيه فيهم



بس الضاهر وراثه لأنه السن يخرب بسرعه ويسوس للعصب وهذي



حال عايلتي كلهم أمي وأبوي وكل خواتي وأخوي وأهلي



مشكله الاسنان تبدأ معانا من الصغر



ومن ناحيه الالم كنت اتمنى يخلعوا كل سنوني ولا الوجع




والله لو اتشوفي الهوس اللي صايدني عشان ولدي مايصير مثلي



معتينه بأسنانه بشكل دااااائم وأجبره على شرب الحليب بالرغم هو مايحبه

السلام عليكم .. كيفكم يا حواملنا الحلوين والله وحشتوني وحشتني سوالفكم الحلوة
اما عن نفسي صايدني وسواس هالايام تدرون ليش؟؟؟؟؟؟؟؟؟
لان بطني للحين ما كبرت ولا تغيرت خصوصا ان زوجي مسكين متخرع كل يوم يقعد يطالع ويبقق عيونة :shy: فيني حتى قايل الى اختة ان يحاتيني علي لان مافيني بطن تصدقون عاد
وانة انتظر موعدي مع الدكتورة تاريخ 4/2 ما حصلت موعد قبل قاعدة على نار
يالله نشوفكم على خير يا عرايس

مرحبا كربلا



شلونش ويه الحمل والتعب


سمي بسم الله ولا اتوسوسين ولا اتخافين


وش لش بالكروووووش من وقت خخخخخخخ



خلج رايقه ومن تطلع الكرشه راح تدوري لش على لباس الحمل


وانتي عارفه قلت المحلات اللي تبيع ملابس حمل حلوه والتفصيل ما أأيده


ماخبرتينا ياحلوه عن حملش وشخبارش وكيف الصحه وشاللي اتحسين بيه ووووالخ