أمهات يونيو 2007

الحمدالله..يعني انشالله لين الولاده يكون وزنه 2 وشي او الثلاث.. بإذن الله ويكون بصحه وعافية.

سلاااااااام عليكم

عروس الموج تصدقين والله عالبال شخبارج وشخبار النونو
بالنسبه حق الوزن مادري صراحه بس انا عندي موعد يوم الجمعه سونار وبسأل الدكتوره عنه
زين فتحتي عيوني والله انا خبله وغتمه كله ساكته بس زوجي الي يسأل موكلته محامي عني
وانتي لا تحاتين لانه انا سمعت انه الجنين يكبر حجمه بشكل سريع في التاسع

السلام عليكم ورحمة الله وبركاته

هههههههههههههه اختي توتي وشيكو تسلمييييييييين حبيبتي ... بس شاسوي دام ولدي وسيم الكل يبيه هههههه .. ولا تحاتين اكييييييييييييييد اكييييييييييييييييييييد اكيييييييييييييييييد ان شاء الله لولا بتطلع قمر وحلوة مثل امها واخوانها ... عسى الله اييبها بالسلامة يا رب ..


عيون ريمي احين قبل لا افتح المنتدى حصلتها اتصلت فيها ولقيتها قلت لها الساعة جم اقدر اييج قالت لي ع الساعة 4 ان شاء الله حياج ... وباروح وباسالها عن الزرافة ...
انتي متصلة لها بتروحين لها يعني ؟؟..

يا قلبي علييييييييييييج عروس الموج والله اكثر وحدة كاسرة قلبي بهالرابطة انتي احسج تعبانة و قرفانة من الدنيا بس ولا يهمج بتجوفين بيطلع بيبيج شحلوه حتى لو يبتيه ضعيف بعدين يتختخ وي الحليب والاكل ...


انا شخصيا اخر الترا ساوند كان وزنه 1.89 ودايما الدكاترة يقولون لي ما شاء الله مع انج ضعيفة بس وزنه تمام لاني مهتمة بتغذيتي انتي ابعد اهتمي في اكلج اكثر وبتجوفين البيبي شلون بيصير ان شاء الله

كثري من الفواكه والحليببببببببببببببببب شربيه صبح عصر ليل مثل حالتي .. حليب كارتون اغليه وبعدين خلي معاه شاي ..
ما في مثل الحليب يخلي البيبي صحي و قوي ما شاء الله

في أمان الله

الحمد لله
واللي فرحني بعد انه الدكتورة قالت لي إن الحبل السري بعيدعن الرقبة والوجه يعني غن شاء الله ما بتصير مشاكل مع الولادة بس الله يهديه ويا هالحركة بيخرب كل شي

وإنشاء الله مروان بعد بيكبر ولا تنسين انتي بعدش ما دشيتي الثامن بعد واهتمي بأكلش مثلما قالت دمع الليل وأكلي اشياء تقوي وفيها كالوريس لأن الحامل محتاجة كالوريس ونشويات واجد وكثري من الحليب عشان تقوى عظامه أني بعد اشرب حليب وعمي عنده غنمة والدة اشرب حليب غنم نرى واجد مقوي بشكل وكثري من التمر من ألحين لي الولادة

دمع الليل
أقصد ليش قبل لا اروح داك اليوم يوم اشتري منها
أني قلت ليكم اني رحت له

أني 3 أطلع من الشغل وشغلنا قريب من بيتهم ما أدري اروح وانخش كان اشوفش
اقص عليش يالله نطلع وسيدة طيران على البيت لأن زوجي اربع ونص يمشي الدوام المسائي

بس على فكرة ما ادري ليش دائماً اتخيل غنش من الرفاع جدي إحساس بس

السلام عليكم ورحمة الله وبركاته

اهاا انا عبالي بتروحين اليوم بعد قلت يمكن اشوفج

بس لا حبيبتي مو من الرفاع :shy: ... احنا ساكنين في البديع ...:shy: :shy: بس ترى مو عربية بحرانية مثلج حبيبتي ... هههههههه الله يحفظج ...

في أمان الله
:shy:

باقي البنات وينكم اليوم مالكم حس

هلا والله بنات شخبااااركم



وحشتووووني ماشاءالله صايرين نشيطات



غبت عنكم يوم وفتحتوا 4 صفحات



بشرونا عنكم انا حاسه اني ثقييييييله موووت مع ان بطني صغير واللي يشوفني يقول توني بالخامس او السادس مو قريب الثامن



بنات في احد منكم يسوي تمارين ما قبل الولاده قالت لي الدكتورة انها مفيده مرررررررررة متسهل الولادة بإذن الله



ورحت سويتها مرتين << هي في الاسبوع مره




وان شاء الله استفيد منها



عروس ابرار دمع ريمي بسمه عراقيه بلاك والكل شخباااااااااااركم طمنونا عنكم ؟؟

توتي وفله انتوا بعد شخباركم؟

سلام يا امورات شلونكم؟؟

انا وزن البيبي 1800 يعني تقريبا مثل نونواتكم

و انا زهقانة و قرفانة احس نفسي ثقيلة و كله تعبانة وطبعا ماكو نوم مثل العالم

بعد شنو اخباركم؟؟

مرررررررررررررررررررررحباااااااااااااا

بناااااااااااات غريبة انتوااااااااااااا كلكم
ماتنامووووووووووون كوووووووووويس
وانا ماشاء الله الى الان اناااااااااام 12 ساعة احياااااااااااانا
وانام واصحى رايقة

يمكن وضع الطفل كووويس على شان كذا مايضايقني مرة

يعني لسه ماكو مشاكل معي في هذه الفترة بالنوم
مع اني احيااااااااان احس بضغط على ضلوعي واحسها تألمني مرة ....

بنااااااااااااااااااات للحين فيكم امساك ولااااااااااا

انا اعاني من الامساك معاناة مزمنه ...


انا اخر مرة من اسبوعين
كان وزن البيبي كيلو ونص
ياربي يحفظة ان شاااااااااااااء الله

هلا فلفولة

انا اقوم من الفراش الساعة 12 او 1 بس ما اكون شبعانة نوم يعني كله اتقلب او بالحمام اكرمكم الله

و بالنسبة لبطني فانا مرة امساك و مرة اسهال تكرمون و اليوم كنت عند الدكتورة و قلتلها سوتلي تحليل و باجر اتصل اخذ النتيجة

و الله كريم

أني والله النوم عندي زفت
حتى الوجه صفران من قلة النوم
والإمساك توي قبل يزمين حتى الدم طالع مني من كثر الإمساك

وي دمع الليل كلش ما توقعتش من البديع
وما توقعتش بحرانية لأن كلامش كلام عرب أو حتى لو بحارنة محرقيين بس يمكن من قعدتش في البديع
عجل قريبين منا شفتين طلعنا جيران
وبسمة بسش عاد لا يهجمون علينا المشرفات يقولون قاعدين نأجج الطائفية في المنتدى ترى هالأيام موضة الطائفية ما فينا شدة
كلنا حبايب إن كنتون عرب والا بحارنة كلنا تلمنا هالأرض الجميلة ودينا الإسلام

هلا خواتي


انا ويييين والنوم وييين


بس ودي انام ساعتين ورا بعض ولا اقدر معااااااناااااااااه



مادري شسوي الله يعين


وبالنسبه للمساك الحمدلله مافي مشاكل الى الحين


وياللا نشوفكم

عيون ريمي شفيج يبا هجمتي علي بعدين انا ماتكلمت في الطائفيه وماقلت شي عنها اساسا ولا جبت سيره تمس احد واذا انتي اعتبرتيني طائفيه مو مشكله حبيبتي مشكوره على ردج

بسمة حبيبتي شفيش انتين أني كل القصة كانت مزحة
كاريكاتيرات الجرايد هالأيام كله عن الطائفية فحبيت انكت شوي ما درييت بتاخدينها جد
كل هذا من الحمل
بل بل ما تتحاجون
عجل مرة ثانية ما بنكت أخاف تفهموني غلط

ها سلام شفيهم الحبايب زعلانين

الله لا يجيب الزعل ان شاء الله بس هو سوء تفاهم

و الله انتوا كلكم حبايبي و ما فيكم اي عنصرية

الله يخلينا لبعض بعد احنا خوات و اولادنا اخوان صح؟

بس الحمل و ما يسوي

كيفكم حوووووووووووووووووووووووامل

والله الحمل يلعب في النفسية لعب


مو يخلي كل وحده متنرفزة

صارت نفسياتنا مثل البورصة مرة فوق ومرة تحت ...

بس هدوووووووووووووووو نفسكم
مو زين
عليكم وعلى البيبيات
بعدين يطلعووووووووووووووون صياحين وماينامون بسرررررررررررررعة



بنااااات :-

اللي تبي تتخلص من الامساك عليها بالكيووووي انا لما اكل كيوووي يخف مررررررة وارتاااااح جدا ..., بس اهم شيء يوميا لو حبة وحده

كأني اسوي اعلان للكيوي هههههههههههههه




ماتحسووووووووووون بتقلصات اسفل البطن ؟؟؟


وماينزززززززززززف انفكم دممممممممممممممم ؟؟ انا دوم معي دم في انفي





بناااااااااااااااااااااات باركووووووووووووووا لي دخلت اليوم الشهر الثااااااامن

هلا يا احلا كروشااات

صدق بنات الي عندها امساك عليها بالكيوي..او المشمش كثروو منه..والكيوي ما يسوي حموضه عادي. وشربوا ماء واااااااايد قد ما تقدرون كثروا من السوائل.

فلة والأقزام

مبروك دخووولج الثامن يا اختي..عقبالي ياارب

حبايبي ابرار وفلة
ابداً محنا زعلانين
بس بسوم ما أدري شفيها الظاهر كآبة الحمل خلتها تفهم النكتة غلط بس معذورة ولام الله من لامها فقلت لازم نحاسب لما نكت لأن الحساسية ضاربة توب هالأيام عقب الولادة إن شاء الله بنفتح باب النكت

فلولة
التقلصات ذابحتني من زمان وريح الضلوع بعد
ونزيف النف أني من بداية الحمل للحين شغال وياي وعلى الثقيل

السلام عليكم اشلونكم كروشات

بنات بسئلكم متى الوحده تدخل الثامن في 32 لو في 33 لان اني هسه في 32 او كم يوم يعني دخلت الثامن لو لسه

او متى البيبي يدخل الحوض لان اني امس كان عندي موعد او قالتلي القابله راس البيبي بالاسفل بس ما داخل الحوض