أمهات يونيو 2007

السلام عليكم ورحمة الله وبركاته

فلة والاقزام ترى حتى انا صاير بطني نازل ويضحك خخخخ مو توي الا من زمان بعد بالنسبه حق النفاس انا افضل البجامات مادري احس باخذ راحتي فيهم اكثر
ومثل ماقلتي البيبي صار يتحرك اكثر من قبل وانا اذا نمت على جنبي اليمين ترفسني عدل مادري يمكن فغصتها والشهر الثامن تراه حلو لانه خلاص تحسين انه الولاده قربت

دموعه انا بعد قلت جذيه بس خيو الخوف مو من زوجي الي بفتحهم الخوف مني انا اخلصهم
وانا اقول بروره مو اماراتيه مادري ليش بس احساسي جذيه

عراقية مغتربه هلا والله فيج نورتي الرابطه ياقلبي

سلام يا امورات شلونكم؟؟

بسمة البحرين

لا حبيبتي ما فيه فضول و لا شي انا اصلي عراقية ولادة الكويت و عشت 9 سنين بسوريا و صارلي 6 سنين بالدنمارك يعني تقدرين تقولين كوكتيل :qaq:


فلة و الاقزام

حبيبتي لا تسالين عن الثقل احس نفسي فيل و اللهمع انه بطني مو كبيرة و طبعا احساس حلو لمن تحسين انك قربتي من اللحظة الحاسمة خخخخ



عيون ريمي

هلا حبيبتي ما ادري انا عن نفسي قلت ارتاح من هذا الهم و اخذ الاغراض من المستشفى يعني ما اشوف سئ لهذه الدرجة و ما تدرين يمكن اغير رايي و اسويلي جنطة على اخر ايامي بس اهم شي اني ضامنة اذا ما اخذت مو مشكلة


عراقية مغتربة

هلا فيك حبيبتي و ان شاء الله نقوم كلنا بالسلامة و يكون شهر 6 خير علينا بس قوليلنا شنو عندك ولد و لا بنوتة؟؟

دمع الليل

هلا عمري شلونك انتي دايما تقولينا عبارات تشجيع عن منو يولد اول و منو يدش بشهره اول خخخخخخ و انا من صجي اتشجع بعد خخخخخخخخخخخ

هلا والله خواتي



شخباركم



دمع انا مادري اش اشتري واجهز ممكن تقولون لي لأني من جد مو عارفه



عراقيه هلا وغلا فيك معانا



وعندي سؤال هل البيبي في هالفتره لازم يكون راسه بالأسفل ولا عادي اذا كانت وضعيته تختلف عن وضعيته وقت الولاده؟


وبشرونا عن اخباركم جميعاً

هلا بروره وهلا بأهل العراق ياقلبي عيل تغربلتون من مكان لمكان الله يساعدكم وانشالله تصير العراق بلد امن وامان وتردون تعيشون فيها بسلام اي صج ترى يدتي ام ابوي عراقيه :shy:

احساس جوري بالنسبه حق وضعية البيبي انا يوم كنت في السابع كان الراس تحت بس الدكتوره قالت اهم شي في التاسع يكون راسه تحت يعني مو شرط من الحين واليوم كان عندي موعد ونفس الشي الراس تحت

تسلمييي بسمه وما قصرتي



هلا ابرار تصدقين توقعت انك من الكويت او السعوديه ماتوقعت انك من العراق <<< حيا الله اهل العراق

اهلا وسهلا بامهات الوحده العربيه ما شاء الله علينا جنسيات مختلفه
بالنسبه للسؤال عن البيجامات والا القمصان انا بفضل البيجامه وغير كده الكل بينصح بيهم على اساس ان متعرضيش بطنك والرحم للهواا بعد الولاده فيستحسن تلبسوا بيجامات وطبعا موصوكوش على الكورسيه بعد الولاده عشان منطقه البطن فالاحسن يتلبس علطول بس طبعا نصيحه متلبسهوش على البطن دايركت لازم يكون تحته حاجه قطن

احساس جوري الله يسلمج حبيبتي

توتي هلا شخبااارج واحشتنا وايد شلونج وشلون النونو

بسومة شكرا لك حبيبتي و طلعتوا مناسبينا يعني ههههههههههههههههه

احساس جوري تسلمين يا عمري حيا الله فيك

توتي و شيكو ازيك يا اختي<< على اساس تحكي مصري
على قولتك صرنا جامعة الدول العربية خخخ يالله اهم شي انه مسلمين

اهلا وسهلا بالغاليات بسمه البحرين وابرار الجنه
الحمد لله انا تمام وليلى بنتى شغاله لعب وتنطيط فى بطنى الظاهر هتطلع شقيه لاخواتها
والله يا ابرار احسن نعمه من ربنا هى نعمه الاسلام ربنا يحسن ختامنا جميعا ويهدى ولادنا لما فيه الخير

السلام عليكم..

شلونكم كروشات يونيو..ممكن تقبلوني وياكم

انا حامل بالشهر السابع وموعد ولادتي25/6 ان شاء الله

خلصت تجهيزات البيبي الحمد لله.. باقي كم شغلة من العطار عشان النفاس

وللحين ما عرفت جنس البيبي كل مرة مسكر رجوله شكلة يستحي فديته :shy:

وان شاء الله اتواصل وياكم

(f)

اهلا و سهلا اختي &black cat&

طبعا نرحب فيك ولو متاخرة وايد ما بقى لنا شي يا معودة

ظلي تابعي معانا اوكي

شخباركم حبايبنا
شلونكم يالثقال أمهات دبيب مدلدلة
حياكم الله كلكم من الخليج العربي شرقاً وحتى المحيط الأطلسي غرباً
مال لول

توتي وشيكو تأكدتي من جنس البيبي والا لا

بلاك كات حياش الله أني كانت عندي هالمشكلة والحمد الله افتكيت منها
واليوم رحت أم منذر وعلى فكرة نزلت كوديلات حلوة جديدة وضربوا في راسي ثنين وأخدت واحد بس الثاني ما تشجع زوجي جقه بس ضارب في راسي ويمكن اشتغل عليه اقنعه ناخذه
لأنه كلش كيوت

عيون ريمى يا غاليه للاسف لسه متأكدتش اخر مره الدكتور قالى باين عليها بنت بس مش اكيد بعد اسبوعين تعالى نحاول نشوف يمكن يعرف بس انا حاسه انها بنت كنت شايفه حلم وفسرهولى ابو عبدالله وقالى هتحملى وهتجيبى بنت وفعلا حملت فعلى الله يكون توقعى صح

السلام عليكم ورحمة الله وبركاته

بروره ... انا اشجعكم يا وخيتي وما تدرين ترى اهون على نفسي بهالتشجيع ههههههههه يعني يا زعم متفوقة عليكم لحد الحين وطايفتكم اخاف اولد عقبكم ههههههههه ... الله يسهل يا وخيتي

وانا طول المدة كان عبالي اماراتية ما ادري ليش بعدين طلعتي عراقية والنعم فيج لو شنو كانت جنسيتج الله يحفظج..



احساس جوري يا قلبي انتي .. وايد اشياء لازم تاخذينها .. بس غريبة ما جهزتي ولا شي ؟؟.. انا كنت كاتبة لستة طويلة بالاشياء الي نشتريها باخليها لج بالرد الي عقب جيكيها ...
واي شي حبيبتي تحتاجينه قولي احنا خواتج يا الغالية وان شاء الله نقدر نفيدج ...


توتي وشيكو حبيبتي .. شلونج يا الغالية ازيك وازي العيال .. واللهي كل ما افتكرك وانتي بتئولي عنهم قرود افضل اضحك ... ههههههههه ربنا يحميهم ليكي من كل شر و يحفظ لنا البنوتة الأمر ليلو ...



black cat يا هلا فيج حبيبتي عزيززززززززززززة وغالية .. ان شاء الله يا الغالية بنت لان اولادنا نبي لهم عروسات عاد ما يصير ما في الا بنيتين بس لحد احين والباقي اولاد هههههههه و عيون ريمي مب راضية تقول لنا شنو ...
بس شنو الاشياء الي بتشترينها للنفاس انا لحين ما حضرت نفسي لهالمرحلة ؟؟...


صج بنات فاتنا نحضر للنفاس ؟؟؟؟؟؟؟؟؟؟؟... جهزتوا شنو حق هالمدة وشنو نحتاج لها

في أمان الله

ابرار الجنة
هلا حبيبتي
ادري متأخرة بس كنت متابعتكم قبل وما صارلي فرصة اشارك الا الحين
لان زوجي مسافر ومتملله ..وان شاء الله باقية وياكم للولادة بإذن الله


عيون ريمي
هلا حبيبتي
اي والله مشكلة جنس البيبي خصوصاُ بالتجهيزات بس انا اشتريت الالوان المحايدة
وعندي سونار يوم الثلاثاء ادعولي يبين شنو جنس البيبي


توتي وشيكو
شلونج حبيبتي


دمع الليل
الله يسلمج ويحفظج حبيبتي
ان شاء الله اذا بنوتة ترى محجوزة لولدج من الحين بس ادعيلي يبين جنس البيبي
وعن غراض النفاس ..انا قلت بشتري رشاد وحلبة ومرة..
وما ادري بعد شنو نحتاج ان شاء الله البنات يفيدونا

مرحباااااااااااااااا حوامل
يا حلااااااااتكم كذا
والله لما اشوووووووووووفكم احس براحة نفسيا
احس في بنات يشاركوني المعاناة وفاهميني على طوووووووووول

_________
احساس جووووري
انا كمان البيبي كان راسه فوووق وعادي اهم شيء في التاسع
وفي اطفال لحظة الولادة يغيرون وضعيتهم
الله يسهل علينا ان شاء الله
وان شاء الله كلنا نولد طبيعي
--------------------
بلاك كت
يا هلاااا فيك
ومنورررررررررررررررة الرابط
ياعسى ربي يغر عينك بالذرية الصالحة

حبيت اسألك
وشو هذا الرشاد وش يفيد ...

---------------------------------------
انا اللي جهزته لنفاااااااااااااس

بعض الجلابيااااااااااااات اللي تصلح للاستقبال والرضاااعة , واخذت الوانهم زاهيه وقطنيه ..

بعض الملااابس الداخليه لايام النفااااااااااااس

خذت لي كم بيجامة

اخذت لي كميه من الصابونات اللي تفتح البشر ابي السواد يطير على شان على ما اخلص الاربعين يكون لوني رجع مثل قبل ..

وحاليا قاعد افكر اشتري المشد اللي يكون معه شورت
يعني مشد للبطن وشرت معه بس محتاااااااااارة
انتو وش رايكم بنات يصلح اخذه هذا
ولا راح يضايقني لان اكو جراحه وفوضه واخاف مو زين



وبس ومو عااااااااااارفة اخذ شنوو بعد

اللي عندها خبررررررررررة ياليت تفيدنا

فلة والاقزام
هلا بيج حبيبتي ..
الرشاد او حب الرشاد يمدحوه بالمنتديات يقولون انه ينظف الرحم وينشرب مع الحليب
وشكلة يشبه السمسم ..ان شاء الله من اشتريه انزل صورته
والي عندها معلومات عنه تفيدنا
وعن ملابس النفاس اخذت كم جلابية من السوق القديم ومن الانصار مول
اخذت من مذركير هذي الي يحطونها للصدر عشان الحليب ما يسرب نسيت اسمها خخخخخ
100 قطعة بـ40 درهم اوفر من بيجون
وعلى فكره بنات الامارات مذركير مسوي تخفيضات ..

وبعدني ما اشتريت مفرش السرير ..

وبس :gum:

فلة الرشاد هو حب أحمر صغار لما ينطبخ ينتفخ ويصير أملس
احنا نسوي ويا الجلابة او الرشوفة واخوانا السنة يحطونه في الحسو وهو واجد زين للتنظيف وترى حلو بعد
الللاي احب الرشوفة بس خسارة بنولد في الصيف ما بنقدر نكثر منها
ولادتي الأولية في الشتاء طحت فيها طيح

دمع الليل ما رحتين حق ام منذر

السلام عليكم
والله يا بنات ترحيبكم او كلامكم يفرح القلب او ايخلي الواحد يحس هو قاعد بين اهله

بالنسبه الجنس البيبي همه قالولي ولد بس اني ما اعرف ليش احس البيبي بنوته او اني الحمد لله ما تفرق عندي بس كل شي بهذا الحمل يختلف عن حملي الاول يعني شكل بطني والوحام او الثقل او كل شي لهذا السبب ما مشتريه شي للبيبي لحد الان بس ان شاء الله راح ابدي اشتري بالاسبوع الجاي .

السلام عليكم ورحمة الله وبركاته

صباح الخيرررررررررر يا حلوات ... شلونكم شخباركم شمسوية ؟؟... شخبار صغارنا الامورين .. الله يحفظهم ويخليهم من كل شر ..

black cat ... تسلميييييييييييييييييييييين يا قلبي ... وعلى جذي انا حاجزة كل بنات الرابطة ههههه ... من حقه الوسيم ندلعه شنسوي ..

واحنا نفسكم ترى نجهز الحلبة والرشاد حق الرشوفة مثل ما قالت اختي عيون ريمي ... بس مو انا الي اجهز هالسالفة امي الله يحفظها هيه الي تدري وتعرف تسويهم ..

وال brest pads .. الوحدة بداية الايام وايد تتبهدل مثل ما سمعت خصوصا وقت النوم تحتاج تلبسهم لان يصير في تسريب للحليب ويلعوز المكان ... انا لحين ما شريتهم بس زين ذكرتيني فيهم لاني كنت كاتبتهم باللستة هههههه .. سقط سهوا


فلولة يا قلبي وانا ما ادري ليش سبحان الله من اول ما دخلتي الرابطة وانتي داخلة قلبيييييييي فديت قلبج... استانس لما اشوفج موجودة بينا ...
وانا جهزت مثلج البيجامات وجذي بس الصابون ما فكرت فيه ما اغمجت لي المناطق وايد واحس بتروح السمرة بعد الولادة ... لاني باسوي حمام مغربي اول ما اخلص نفاس ... وقبلها باداوم ع الفازلين ...

والكورسيه يعتمد يعني صعبة الوحدة اذا "" بعيييييييييييييييييييييد الشر عنج وعن السامعات يارب"" اذا كانت مسوية عملية تستخدمه ... لكن اذا طبيعي ممكن تستخدمينه بس احس الي حق البطن يكفي .. لان مثل ما قلتي بيكون في خياط تحت وصعب بعد تلبسين شي يضايقج يبي لج شي يريحج ...


ريومة .. لا يا قلبي امس ما مدانننننننننني ابدااااا اخوي الصغير عنده امتحان وخلاني اتم معاه ادرسه ... بس اليوم قلت لازم بارووووووووووووووووح ... شوقتيني يوم قلتي منزلة اشياء يديدة ..


عراقية مغتربة افا عليجججججججج حبيبتي احنا دايما حاضرات لج ..
بس ليش ما تروحين تجيكين مرة ثانية عشان تتاكدين من شكوكج ... ما يصير ما شريتي شي ما بقى على الولادة شي ..


الله يحفظكم بنات

في أمان الله