أمهات يونيو 2007

مبروووك بنات على دخولكم الثامن



عروس عيل انتي معاي انا في 18 هالشهر بدخل الثامن وشكلنا مطولين اخر من بنولد



ابرار والله هذي حالتي حتى مرات اقعد اصيح من القهر لني كلش كلش ما أنام بالليل


والله يعيننا ويسهل علينا يارب


ياللا بشرونا عنكم بنات وينكم؟؟؟؟؟

بروره والله انا نفسج طول الليل في الحمام تكرمين يارايحه ياراجعه حتى زوجي يتطنز علي يقولي شرايج احطلج كرسي يم الحمام عشان ما تتعبين من الروحه والرده

ههههههههه اي و الله يا بسومة

يالله هانت ما بقى شي

كلها شهرين و نخلص

شلون باقي الكروشات؟؟

اخباركم ايه يا احلى حوامل ؟؟؟
بالنسبه للحمام حدث والا حرج طول الليل فى الحمام والحاله بتزداد سوء كل ما ميعاد الولاده تقرب معلش اتحملوا الله يكون فى عون المثانه البيبى عاملها مخده ونايم ومريح

هههههههههههههههههههه ضحكتيني و الله توتي و شيكو

الله يكون فى عون المثانه البيبى عاملها مخده ونايم ومريح

اي و الله

اي والله صدقتي ياتوتي مسوين المثانه مخده بس عاد الي في بطني مو نايمه بس شغاله ترفس من الصبح الى الليل

بنات احس بطني صاير على صوب ويفشل بعد :sad:

السلام عليكم ورحمة الله وبركاته

شلونكم خواتي شخباركم .. من زماااااااااااااااان ما شاركت معاكم الله يحفظكم ...

من دخلت الثامن صرت خيوببببببببببة والنت عندنا بطيء ما يساعد ينرفزني بس احين صار اوكي وبارجع اسال عنكم .. لاني صج صج صج افتقدتكم

جهزتوا شنطكم للمستشفى والا لحين ؟.. انا شريت اغراضي كلها مالت المستشفى بس لحين ما رتبتها لان بعض اغراضها طلبيات لحين ما اجهزت ...

والحمام بوووووووو الله يعين امس كانت عندنا عزومة و كل ساعة خاله الضيوف وراكضة الحمام جني مينونة هههههههههه ...

الشهر الثامن ما شاء الله صج الوحدة تحس بثقل .. بس ثقل الحبيب مثل اكل الزبيب

في أمان الله

هلا والله




الله يعييننا بس



اقول دمع وش جهزتي للمستشفى


ترى انا ما شريت لسه ولا شي ولا ادري وش اشتري



اسأل امي تقول تو الناس ولا عارفه شسوي احس اني ما جهزت لا لي ولا للبيبي ولااااااااااااا شي




علموني وش احتاج؟؟

سلام يا حلوات

باركولي اليوم رحت جبت اخر دفعة من تجهيزات ولدي حبيبي و خلصت و الحمد لله

عقبالكم يا رب لان التجهيز صج هم

و عن حقيبة المستشفى انا ما جهزت و لا اجهز لان هني بالمستشفيات كل شي عندهم و يعطونه مجاني

يعني بس بيوم الولادة اخذلي عطر و معطر وووالخ من غراض الحمام بس

السلام عليكم ورحمة الله وبركاته

لا والله اختي احساس جوري مو تو الناس ع التجهيز .. الا حزتها هذي ..
ما تدرين يا وخيتي ترى الشهر الثامن الوحدة صعب تتحرك تروح وتيي .. وفي ناس من اول يوم بشهرهم التاسع يولدون .. وما تدرين اي حزة بتولدين سبحان الله .. فالمفروض كل شي يكون بارز عندج من احين ...
وشنو الي مب عارفة تجهزينه قولي لنا واحنا خواتج نساعدج ... :shy:


ابرار الجنة ..
الف مبرووووووووووووووووووووووك حبيبتي ... ان شاء الله تجهزين له بعرسه يا رب .. :shy:

ما شاء الله مريحينكم يعني.. يا ريت احنا بعد يريحونا من العباله ..

في أمان الله

الله يبارك فيك حبيبتي دموعة

اي و الله هني عندهم شغلات صج حلوة و تريح

يالله يعوضونا عن العنصرية

مبرووووووووك بروره والفال لي انشالله اكمل باقي التجهيزات

شكرا لك بسومة و الفال لك

يالله جهزي خطيبة ولدي بسرعة

هههههههه

انشالله بروره بجهزلها بأسرع وقت انا بس باقي ادوات التنظيف والاستحمام قلت باخذهم على نهاية الثامن انشالله

اي صج بروره بسألج ماقلتي لنا من وين انتي <<<< فضولية :bigsmile:

كيفج حبيبتي حتى اذا ماقلتي عادي طنشي

مرحباااااااااااااااااا
كيف حالكم
انا لساتني مادخلت الثااااااامن بس احس روحي مرة ثقيله وبالكاد اقوووم وبالكاد اقعد
واحس بطني كبر بزيادة

واحسه نازل لتحت صاير شكله يموت ضحك
واذا جيت امشي رجل في اقصى اليمين ورجل في اقصى اليسار صايره بطة عن جد

وصدق وش نجهز لنا من ملابس وخرابيط لايام النفاااس
لاني احس اذا الحين كذا بعدين كيف
وكل ماتقدمت المدة يمكن راح نكون اثقل
وعلى شان يكون في وقت لان اذا رحت السوق دقيقة دقيقتين اتعب واطلع
فابي اخذ اغراضي على الراحة

وش افضل اخذ جلابيااااااااااااااات لايام النفاااس او اخذ بجامات
لاني مليت من الجلابيااااااااات ابي اغير بس اخاف تكون علي صعبه ...


ماتحسوووون بوناسه لوصولكم الشهر الثامن

انا احس نفسي مررررررررررة مبسوطة مع اني راح اكمل الشهر السابع يوم الاربعااااء
بس احس كوني في الشهر الثامن
يعني وصلت للفانلي
مبسوطة مرة
صدق ماتلحضون ان البيبي يتحرك بزيادة ولا

وتشاو

أخواتي شلونكم يالحبيبات
دمع الليل تصدقين بس اشارك للي يسوى واللي ما يسوى بس ويش اسوي أني لأنه اشتركت متأخرة في المنتى توني شهر واحد من جدي معدل مشاركتي عالي بس العدد ما وصل خاطري يطلع التيكر قبل لا أولد
وها بشريني رحتين لأم منذر لو لا سوت حاجات جديدة لولا

قولي لي بسرعة


وترى ياأخوات عن روحة الحمام من أول شهر حمل للحين هدي حالتي طول الليل وحتى الحرار في فخودي ساعات يجيني من كثر استخدام الماي لا شهور أولى لا وسطى وزوجي الول من أقوم يقعد ويسالني شفيش بس من زمان تعود أروح وأجي وهو ناين لأن صار لهالشغلة سبعة شهور

أبرار
احنا حتى لو يعطون ما حد يحب يستخدم ثياب المستشفى من حالتهم
وأهم وصية على الزوج موتتأخخر في تدخيل الغراض المستشفى ما نبغي نظل دقيقة بثياب المستشفى

السلام عليكم



اني عضوه جديده او حبيت اشارك معاكم اني حامل بالاسبوع 32 او موعد الولاده 2\6

هلا والله زادوا اللي بيولدون 2/6
حياش الله أختي عراقية مغتربة

السلام عليكم ورحمة الله وبركاته

بسومة اي حبيبتي نصيحتي لج الكريمات و هالسوالف لا تاخذينهم احين .. لان ابو الشباب من كثر ما يحب الروايح الحلوة راح فتح الي يبيه وخذاهم له يستخدمهم هههههههههههههههه .... يعني باروح اشتري مرة ثانية حق وليدي ...

برورة حتى انا ابي اعرف انتي من وين اصلج بس اعتقد من الامارات .... صح ؟؟..


ريومة ... ان شاء الله تقدرين توصلين للعدد المطلوب ويطلع لج التيكر قبل والحمد لله دامج عرفتي شنو جنس الجنين .. والله شوقتينااااااااااا صج نعرف في رابطتنا الزرقة والا مع توتي و بسومة اللون الوردي ؟؟...

ولحين ما رحت لام منذر بس اليوم اكيد اكيد باروح امس رحت اداور في المحرق محلاتهم ما فيهم شي كانهم احلى الاطفال نفس القماش الي يستخدمونه ونفس كل شي ... بس خذيت الفراش الي ايي مربعات ناعممممممممم يبيعونه في احلى الاطفال ب 9 دينار خذيته من المحرق ب 3 دينار ونفس الحجم ... عشان تغطية الياهل عن المكيف ... ويصلح لين كبر بعد بايام البرد ...
ادعي لي اليوم ما اضيع على وصفكم لبيت ام منذر ... ودزي لي رقمها مرة وحدة اذا تقدرين ع الخاص اليوم عشان اتصل فيها ما اضيع ...


عراقية مغتربة .. هلا فيججججججججج عيني ... حياج الله بالرابطة ولو ان ما بقى لنا شي ونولد بس والله حياااااااااااااج بأي وقت اخت عزيزة وغالية علينا ... نفيد ونستفيد منج ان شاء الله ..

ها عيني خبرينا شنو جنس المولود قالوا لج .. انتي ولادتج عقبي بيوم يعني وي عيون ريمي بنفس اليوم 2/6 ... ونتسابق نجوف من يولد قبل هههههه

في أمان الله

دمع الليل أني الحين طلعتي من الدوام بروح بيت أم منذر لأن شغلي في السنابس وزوجي بعد دوام العصر وما أبغي أنطر للخميس الجاي اتصلت فيها قلت ليها ما عله أجيش الظهر 3.15
قالت لي حياش الله
يعني بروح قبلش وبنشوف سوت اشياء جديدة او لا