أمهات يونيو 2007

هلا بنات شخباركم



معليش اسفه عالقطيعهبس تعرفون نقل البيت والله اني حاااااااااااااايسه حوووووووسه




بس هانت كلها اليوم واروح لبيتي




والله صج وحشتوني كلكم




شخباركم مع الكروش



انا هالأيام مافي جديد ان شاء الله الأحد اقول لكم اذا بنت او ولد



انا حاسه انه ولد بس اللي يج من الله حياه الله واهم شي الصحه




وعالأسامي انا اذا جبت ولد ان شاالله محتارة وش اسميه زوجي يبي راشد او طلال وانا ابي فيصل


بس مو مهم عادي عندي كله واحد بس اذا بنوته نا قايله انا لمى او جوري << عالنك نيم حقي



تصدقون ما سألت الدكتورة متى موعد ولادتي << من الخوف في كل موعد << توني بكري
ولا ادري شالسالفه




المهم ابرار ودم مشكورين عالسؤال

وشخباركم انتوا وريمي وفله وتوتي والباقيييين كيف حالكم وحشتوني ؟؟




ياللا نشوفكم

هلا بالكروشات

شلونكم يا امورات؟؟

بسمة البحرين من زمان ما سمعنا اخبارها شالسالفة؟؟

هلا بنات شو الاخبار والاحوال والعيال انا كنت مختفيه عشان ابني الله يخليه صابه ابو كعب او نكاف وكنت متلعوزه فيه والحمدلله اللحين تحسن ويروح المدرسه بس اللي ذابحني كانه غيران مع انه كبير ماشاء الله عمره 7 سنوات وبعد معاناه وعلاج اللي ما نفع منه شيحملت طبيعي واللحين احس انه غيران ويتلصق فيني ويريد ينام معي هههههههههههه الله يعين على بعدين
عموما شو اخباركم تمام

هلا حبيبتي ما حصله اسم

الحمد لله على سلامتك ولدك و ما يشوف شر

زين اذا ابنك الغيران احنا ازواجنا بدوا يغارون ههههههههههههه

صج مبروك حق دمع الليل دخولها الشهر الثامن :clap:

مرحبااااااااااااا
الحمدالله على السلاااااااااااااااااامة ابنك ماحصلت اسم
وان شااااااااء الله نشوفك دوم هنا
وعساك على القووووووووووووة

وينكم بناااااااااااااااات مختفياااااااااااات


ومبروك لدمع الليل تجاوزها الشهر السابع عقبال مانبارك لها دخولها التاسع

بنات ماباقي شيء ياااااااااااي وناااااااااسه



اي والله صدقتي ابرار حنا توهقنا بازواجنا

الغيرة ضربة عندهم

يفكرون ماعاد نهتم فيهم مايدرون ان بعد مانولد بنحبهم اكثر وبنتعلق فيهم اكثر
وراح يكون في رابط قوووي بينا وبينهم
بس حركات الرجال هاليومين هههههههههههه

مت تدخلين الشهر الثاااااااااااامن ابرار

انا راح ادخل التاريخ 11
انا اليوم رحت المستشفى وكان نفسي يحددون لي جنس المولود
بس قالوا مو واضح مرة بس احتمال ولد

بس ماقلت لاحد مابي احد يحط في راسه فكرة وبعدين تطلع بنت

انا نفسي ببنوته بس ان شاء الله يكون ولد لان احس زوجي وده بولد مرررررررررررررررررة
والحمدالله قالوا لي النونو حاله كووويسه

بس الدم عندي نازل شووية

وعندي التهابات وزهقت من هالالتهابات

عطوني 3 تحاميل زياده على اللي خذتهم
وبذلك اكمل 15 تحميلة من حملت
ما اعتقد في حامل مثلي


اشووفكم بعدين

وان شااء الله كلكم بصحة جيدة

السلام عليكم ورحمة الله وبركاته

ههههههههه خواتي مشكورات على المبارك ... يا عساكم تباركون لي بولادتي ... تعب تعب تعب بس الله يهووووووووووووووووووون علينا ...

احين بس عرفت ليش الجنة تحت اقدام الامهات ...

اختي ما محصلة اسم الحمد لله على سلامة ولدج يعله ما يجوف شر ابد بحياته ... وعادي خل يتدلع هالفترة قبل لا البيبي يحتل مكانه .... وعلى قولة ابراري دلع الياهل ارحم من دلع بزارينا الكبار ههههههههههه ...

يلله بنات هييييييييييييه عفية عليكم من بتدخل الثامن عقبي انطركم هههههه ... ((-- مسوية فيها تشجيع ..

في أمان الله

السلام عليكم ورحمة الله وبركاته

شلونكم بنات شخباركم وحشتونييييييييي كلكم

شكرا حق كل البنات الي سئلو عني وحتى الي ما سئلو << ماتبي تزعل احد

انا ماختفيت كنت اقرا الردود عالسريع بس مادري شفيها خاصية الرد عندي ماتكتب عربي خخخخ

المهم انا اخر تطوراتي الحين دشيت الثامن من اسبوع وانا الحين في الاسبوع الثاني من الثامن بما انه تقدم موعد ولادتي عقبالكم بس عاد ها مو تطردوني من رابطه يونيو
من دخلت الثامن وانا النوم مجافيني بالليل وتجيني آلام مو طبيعيه امي تقول انها ريح استقبال حتى خفت اني اولد وباقي اغراضي ماكملتها وزوجي مو راضي الحين يقولي لين دشيتي التاسع نكمل
انا زوجي مو يغار من البيبي انا الي شكلي بغار صار يحبها اكثر مني وكل يوم يقولي متى تولدين يعد الايام والليالي هههههههههههه

بنات بسئلكم انا سويت سونار مرتين في نفس الاسبوع وخفت يأثر على البيبي اول مره سويته لانه كان عندي موعد عند الدكتوره وطمنتني على كل شي بس استغربت انها واهيا تتفحص قالت لي اهم شي نقيسه في البيبي عظمة الفخد عاد ليش مادري وانا خبله ماسئلتها ليش عاد الي تعرف ليش تجاوب وثاني مره سويته كان عقب يومين من الاولي لاني كنت طايحه مغمى علي وتعورت شوي فسويت سونار عشان اطمن على البيبي وطمنتني الدكتوره انه مافيه شي

فله والاقزام انا بعد نفسج دمي كله نازل مادري شسوي عشان يرتفع حتى الحديد قمت اشربه لانه الدكتوره خرعتني قالت اذا ماشربتيه بنركب عليج دم معني قبل لا احمل كانت نسبة دمي عادي ليش نزلت جذيه مادري وبسبة نزول الدم كله يغمى علي حتى زوجي غربلته معاي يقولي خلاص اخر مره بعد تحملين وانا من التعب اقول اي اخر مره خخخخخخخخخ خصوصا اني بعد ماستانست من تزوجت على طول حملت الناس في شهر عسل وانا في شهر بصل من النساة

ها بنات شنو نزل عندكم الراس تحت لو للحين انا من السابع كان الراس نازل تحت واحس انه بطني شوي بعد نزل

ادري هذرت واايد وبعوركم راسكم من هذرتي بس استحملوني
ويالله باركولي بما اني دشيت الثامن من زمان محد ذكرني
دمع الليل مبرووك دخولج الثامن يالله باركيلي انا دخلته قبلج خخخخخخخخخخخ طماعه

دمع الليل مبروك يا قمر دخولك الثامن وعقبال ما نباركلك على الولاده ونبارك بوصول فهودى ان شاء الله

بسمة البحرين وحشتينى اوى اوى ومبروك دخولك الثامن وسلامتك الف سلامة لازم تتغذى شويه وتاكلى اكلات فيها حديد زى السبانخ والتفاح والكبده والفلفل الاخضر والباذنجان والموز
بالنسبه لسؤالك متقلقيش فى الشهور الاخيره بيعملوا سونار تفصيلى للبيبى بيقيسوا عضمه الفخد وحجم الدماغ والكلى والقل والرئتين من الاخر فحص على كل حاجه عشان يتطمنوا ان البيبى سليم ومفيهوش مشكله وبعد شهر هيعملوا تخطيط قلب للبيبى عشان يتطمنوا عليه فدا روتين عادى

احساس جورى
فله والاقزام
ابرار الجنه
اخباركم ايه يا قمرات على الله تكونوا باحسن حال وعافيه

ياقلبي توتي وشيكو انتي واحشتني اكثر واكثر تسلمين والله يبارك فييج
بالنسبه حق الفحص صحيح نفس ماقلتي قاست حجم الدماغ والكلى والقلب وكل شي بس اهيا ركزت على عظمة الفخد والحمدالله طمنتني على كل شي وبالنسبه حق تخطيط القلب سويته بعد طلع لي 146 نبضه في الدقيقه وقالت لي انه معدل النبضات كلش طبيعي ومشكلة الدم والله اكل بس مادري ليش ما يزيد دمي

بنات انا بطني كلش صغير مرة وحده قالت لي انتي في اي شهر كنت توني داشه الثامن قلت لها توني داشه الثامن الا تقولي لا شكلج في الخامس اكيد البيبي حجمه صغير يعني معقوله البيبي صغنون وايد بس في السونار معطني الحجم طبيعي

كيفكم حوووووووووامل
ان شاء الله كلكم بصحة جيدة

بسمة الله يعينك على الدم نفس المشكلة اللي عندي وقالوا ان مع الولادة راح ينزل اكثر وممكن احتاج تركيب دم
وزادت لي الدكتورة جرعة الحديد

وقالت لي اركز على اكل التفاح والرمان والكيوووي



حوامل انا النووووووووونو لسه راسه فوووق
ياادلبي يهبل ربي يحفظة من كل سؤ
بس قالت لي الدكتورة عادي ممكن غير وضعه في اي وقت
والحين صرت احس فيه اذا غير وضعه اذا صار راسه تحت احس بثقل في اسفل البطن
واحس مشيتي تصير صعبة
ويصير يضرب في ضلووعي ههههههههههههه



ابي اسأل سؤال

متى نبدأ نمشي على شان الولادة ؟؟

مع اني اليوم
م شفت ولد صديقتي وازعاجه قلت الحمل اهوووون ههههههههههه

بسمه لاتخافين حتى انا بطني صغيرررررررررررر مرة

حتى معظم اهلنا مايدرون اني حامل مع اني كل المناسبات حضرتها
بس البس ملابس عادية وتحت العباااااااية

والبنات في الكلية ما لاحظوا الا لما دخلت الشهر السابع

وحجمة في السونار طبيعي جدا
بس يمكن لان مافينا كرش قبل الحمل
ولان ما زدنا كثير اثنا الحمل


مع اني في الاسبواع اللي فات زدت 700 غرام
وهالاسبوع منعت نفسي من الشوكولا

اشووفكم بعدين حوامل

شلونكم حبيباتي الحزامل وشخباركم وشخبار الصحة
إن شاء الله عال
التعب والحمد لله واصل حده العظام جنها مفككة
والمشي ما أقدر أمشي
وأنا باقي لي يومين بس وأدخل الثامن
وما أدري شلون بعد بداوم المدة الباقية من الولادة لما أفكر في مسألة الدوام تجيني الصيحو واجد وحاسة روحي بموت من التعب

بسمة حبيبتي
أنا في حملي الأول بعد جدي
ومو ضروري حجم البطن يدل على حجم البيبي
ساعات يكون البطن كبير بس كله ماي وفي النهاية تولد الوحدة بيبي نتفة

مرحبا حوامل وشكرا للسؤال عني
اختي بسمه عادي يكون شكل البطن صغير انا هذا الحمل التاني لي بس بطني ما زال صغيراااااا
والكل يقولي اكلي مع ان وزن البيبي طبيعي وانا باقيلي 11 يوم وبدش الثامن شكلي اخر وحده بولد ههههههههههههه بشارك وبرد على نفسي هههههههههه

سلام يا حبايب شلونكم؟؟؟

فلة و الاقزام

هلا عمري شلونك؟ اي و الله مثل ما قلتي احنا ورى ما نولد بنحب ازواجنا و نتعلق فيهم اكثر بس هم الغيرة عاميتهم و ما قادرين يشوفون هههههههههههههههههههههههههههههههههه
و انا ان شاء الله ادخل الثامن عقب باجر.:clap:


دمع الليل

هههههههه و الله ضحكتيني قاعدة تشجعينه ندش الشهر الثامن انا لاحقتك قريبا نطريني هههه(})


بسمة البحرين

هلا حبيبتي وحشتيني و الله انتي و خطيبة ولدي :shy: و مبروك دخولك الشهر الثامن و الله ما عندي خبر لان انا عادة اتابع من شريط الحمل و عقبال ما تقومي بالسلامة و بالنسبة للبطن فالظاهر احنا كلنا نفس الشي انا من بداية الحمل زايدة 12 كيلو بس ما ادري و ينهم:qaq: يعني اللي يشوفني يقول ضعفانة و ما يصدقون اني بدش الثامن غريبة عيل ال12 كيلو وينهم:think:

توتي و شيكو

تسلمين يا عمري على السؤال انا بخير و اسال عنك و عن صحتك و عن النونو


عيون ريمي

الله يعينك و الله انا من حملت و انا قاعدة بالبيت و احس جسمي مكسر بس لازم تريحين نفسك اهم شي صحتك و صحة النونو

ما محصلة اسم

هههههههههه لا عادي بنباركلك لا تخافين و ما تدرين يمكن انتي اخر وحدة بس اول وحدة تولدين الله يقومنا كلنا بالسلامة

عروس الموج و احساس جوري شلونكم؟؟؟؟؟؟؟

إي والله تصدقين أبرار الجنة
ألحين ما ني قادرة راسي مصدع حدة وولدي من كثر القعدة متضايق ويرفس
ورجايلي ذابحيني من الألم
وكلما أتخيل أنه بعد بقعد ل3 يدور راسي أكثر وطول الشهرين الجايين بكون بنفس الحالة
يعني هذا الوضع أحسه يطول فترة حملي عليي أكثر وأكثر
وترى أني موعدي عقبش بيوم
وما تدرين يمكن نولد في نفس اليوم

حبيبتى بسمة البحرين انا يا غاليه فى ابنى الاول كان اللى يشوفنى يقولى انسه رغم انى كنت فى اخر السابع احمدى ربك مع العلم ان وزن البيبى كان تمام وفى ابنى التانى برضه كانت بطنى صغيره وعلى الرغم انى حاليا حاسه ان بطنى منتفخه بس والله فى ناس بتقولى ان ماليش بطن فمفيش داعى للقلق والبيبى بيكون وزنه حلو سواء البطن كبيره او صغيره

هلا بنوتات << تدلعكم شوي


شخبااااااااااااركم وحشتوووووني مرررررررررررررة



معليش طولت عليكم بس قلت لكم اني ابنقل والحمدلله وصلت لبيتي بالسلامه



وانا بعد 16 يوم بدخل الثامن << مطوله الله يعدي هالايام على خير



بنات بغيت اسألكم عن التمارين قبل الولاده انا امس رحت للدكتورة وقالت لي سجلي
معانا في برنامج الرياضه للحوامل وهو بيكون اليوم وقالت لي انه بيساعدني في الولاده
فبروح اليوم وان شاء الله يكون زين



ولا يوم الربعاء الدكتورة خذت لي موعد اني اسوي جوله على غرف الولاده << في مستشفى بالسعودية يسوون كذا ؟؟


ولا والله اني ميته خوف اقول لها ترى انا من غير شي خايفه وتبين توريني غرفة الولاده

قالت لي لا تخافين الغرف عندنا مو كانها غرف ولاده كنب وراحه واي شي تبينه يجيك وزوجك راح يكون معك
واذا تبينه يقص الحبل السري للبيبي بيقصه << عاد هو ما صدق

وبروح بشوفها يوم الأربعاء والله يستر


انتوا شخباركم بشروني عنكم ترى وحشتوني كـــــــــــــــــــــلــــــــــــــــــــــــكــــــــــــــــــــــــــم

التكرز لدمع الليل يخوووف ...... احس خلاص دخلنا فالجد بس يا بنات عن اللعبه ههههههه


اشحـــــــــــــالكم يا احلى كروشااات..

انا انقطعت طبعا من يوم الخميس...وخذت إجازه باالاحد والاثنين مرضيه من العيادة...

واليوم داومت وعندي موعد فالعياده بعد ماااافي شغل اتصدقون الدوام استوا مصخره واصلن انا كاااره الدوام والي فيه..

منووو منكم مازلت اترجع؟
انا اتصدقون اذا كثرة من الماء الصبح على طوول ايلس ارجع..بس هلكت الصراحه.

بنات زاد خوفي على دمع الليل
مو عادتها تغيب وآخر مرة غابت كانت مريضة إت شاء الله هالمرة بصحة وبعافية