أمهات يونيو 2007

هلا يا حلواات اشحالكم..

احساس جوري انا وانتي يا بعض لا تخافين انا بعد 18-4 بدخل الثامن انشالله..

بس ببتدي امشي في اول التاسع..

انا خليت اختي اتروح مذركير وفعلا خذتلي اشياء حلووه فوانيل داخليه وبجامات وهالسوالف واايد استانست عليهم..

ورحت امس الخياط افصل جلاليب فيهن دانتيل للمستشفى تقريبا سويت 5..

وبشتري فراااش حلوو للمستشفى بعد..

وحاطه في بالي حق التوزيعات انشالله شفت شي مثل الزجاج دائري مكتوب عليهن اسم الله الدرزن اب 12 درهم وبحط كاكاو و بسوي بطايق بطبع عليهن كلام.

وللبعد المستشفى انشالله بروح بيت اهلي وخواتي ما بيقصرون من ابا شي بيسيرون يشترون..

وبيبي شوب مره عدال بيتنا.

السلام عليكم ورحمة الله وبركاته

سلااااااااااااام سليم .. وارق من النسيم لكل بنات الرابطة ....

شلونكم شخباركم من اكبر وحدة لاصغر وحدة .... وحشتوني وايد وايد وايد ...

اولا انا اول وحدة في الرابطة بتولد .. 1/6 وجنس المولود .. baby boy ...


ريومة حبيبة قلبي هههههههه متاكدة قبل لا اجوفه من وسامته فديت قلبه ربي يخليه لج .. تصدقين على الفراشات الي خذيتهم قبل وديت لمرت خالي هدية منهم ... لاني شريت فراشين وشنطتين مع طقمهم من أم منذر .. ما شاء الله صج صج شغلها رووووووووعة ...

شريت منها الطقم الازرق الي فيه دبدوب يطل من الشنطة و على حافة الفراش ..
وشريت الفيروزي الي عليه بنية وولد ...

وخذيت من عندها بيجامات الولادة .. 2 لاني شارية من قبل ... وخذيت قماطات بعد ناعمين ..
مشكورة يوم عطيتيني المكان حتى زوجي كان معاي وعجبوه اغراض البنات الي تسويهم قال لي يلله عقب ما تيبين الولد يبي بنية عشان نيي لها بعد .هههههههه ..

والتمارين انا ما كنت ادري بس كنت اطالع برنامج في ام بي سي ون و في تمارين يعطونهم وجذي الا اقول حق حماتي حسافة لو احنا يدربونا على طرق الولادة قبل الا تقول لي اكاه حماتج مدربة في السلمانية تقصد اختها الكبيرة يعني .. وبعدين عرفت ان في تمارين ... وانج لازم انتي تطلبينهم ما يخبرون احد عنهم ..


يعلمونج طرق التنفس و وضعية الولادة وما ادري شنو و تمارين تساعد ع الولادة .... انا ما رحت لحين بس افكر جد اروح لاني ما ادري وين الله قاطني ...



باقي البنات شخباركم شمسوين ؟؟..

عن التوزيعات بنات انا سويت لي عربتين كباررر ومزينين وديتهم محل تزيين وزينوهم بفراشات و ورد .. والتوزيعات اشتغلت على شي انا وشي يابوهم لي مثل ما قلت لكم من برع ... والي من برع شرت لهم حماتي ستاندات فلين مكتوب عليهم بيبي بوي وعليهم دببة ..

خذيت شغل بالتريكو مسوينه على شكل اقمصة و شباحات و جواتي و مريلات .. وخذيت تحف على شكل عربات وتحف بالخشب على شكل كرسي ازرق مع بني مكتوب عليه baby boy ...

وبديت اشتغل عليهم حاليا انا واختي ... الله يحفظها لي ...



في أمان الله

السلام عليكم ورحمة الله وبركاته

اي ريومة حبيبتي نسيت اقول لج سألتها عن الي معلق وقبل لا اسالها انا اعرف شنو لاني ماخذه تقريبا مثله من المحرق
هوه بلانكت حبيبتي بس ما سألتها عنه بجم ... اذا تبين احلى منه روحي احلى الاطفال وقولي لهم تبين بلانكت عليه مثل الفأر لعبة .. بيطلعه لج في علبة كبيرة ... وحلوووووو وناعم ملمسه .. وب 9 دينار بس .. او اذا تبين اصغر من المحرق شريته ب 3 دينار مثل الي معلق ...


في أمان الله

هلا بنات شخباركم وشخبار الكرووووش معاكم




عروس الله يعيننا شكلنا اخر من بنولد





دمع انا اروح لتمارين الولاده



هي تمارين عاديه كانك تسويين رياضه عاديه وتساعد على ان الجسم يصير مرن شوي ويسهل الولاده



وفي تمارين خاصه بعضلات الحوض وحتى المهبل حتى تتجنب الوحده وقت الولاده الشق اللي يسوونه




وان شاءالله يساعد على الولاده




والله انا مو عارفه من وين اخذ اللي ينومون فيه البيبي اذا جاو ضيوف ودي بشي يكون كشخه بس مادري وش المحلات اللي عندنا بالخبر اللي تعرف تقول لي تكفون


وعن التوزيع انا سويت صينيتين كششششششششخه مررررررررررررة كله عليهم وروووود وبحط فيهم الشوكولاته


ولا راح اسوي توزيع واشياء لأن هنا اعرفهم الناس ياخذون ويرمون والصراحه شي يقهر تتعبين وفي الأخير يرومون وياكلون الشوكليت اللي فيه بسسسس قهررررررررررررررر



فقلت خليه اذا سويت للبيبي النون بعدين بسوي له كل شي << ربي يعطينا طولة العمر



ودخلوني بالجدول معاكم انا موعدي 18-6 والبيبي لسه مو عارفه وشو وشكلي اخر من بيولد بالرابطه




وتقومون بالسلاااامه كرووووشاااااااااااااااااات

السلام عليكم ورحمة الله وبركاته

شلونكم وشخباركم كلكم

حلوه فكرة الجدول وانا موعد ولادتي راح تكون بالسونار 25/5 وعلى حساب الدوره 2/6 عاد انا مادري اختاري واحد وخليه جنس البيبي بنوته انشالله


اي صج نسيت اقولكم عن موعدي طبعا رحته وياريتني مارحت طلعت نتايج التحليل مره ثانيه ان نسبه السكر عندي عاليه عاد انا ماكل حلاوه وايد بس اكيد كله من النشويات الي اكلها وحولوني اسوي سونار عشان يشوفون حجم الجنين وكانت الدكتوره تقيس كلشي انصدمت انا اول مره اسوي سونار ويقيسون كلشي في الجنين بس الحمدالله طمنتني انه كلشي اوكي وقالت لي انه النمو الذهني مال البيبي وايد زين عاد انا استانست بس ماعرف شلون عرفت
واي سئلتها عن وزن النونو قالت لي 2300 غرام وبس

باقي علي اغراض ماشريتها لي وامس عمتي تقولي جهزي شنطة المستشفى من الحين ها بنات في احد جهزها

هاي حبيباتي انا اول مره اشارك بالقسم انا زيكم حامل وانشاء الله في 26\4 ادخل بالشهر الثامن
طبعا مو اول مره احمل ويارب تجيني بنوته زي القمر :shy: عاد انا اموت بالبنوتات ومن هاذا الاسبوع راح ابتدي اجهز للبيبي ويارب يقومنا كلنا بالسلامه
وتكون ولادتنا طبيعيه

تحياتي لكم جميعا:gum:

سحوووووره هلا فيج معانا نورتي الرابطه
الله يرزقج انشالله بنوته مثل القمر وانشالله الله يسهل عليج وعلينا ونولد كلنا طبيعي

الغاليه احساس جورى فى محل فى الراشد مول اسمه بريماما عنده حاجات شيك وحلوة تقدرى تروحى تتفرجى عليه وعلى الله تتوفقى فى حاجه

بسمه البحرين الحمد لله ان البيبى زى الفل وماشاء الله وزن البيبى ممتاز ربنا يقومك لينا بالف سلامة انتى والقمر الصغيره
بالنسبه لشنطة المستشفى عين العقل تجهزيها من دلوقتى عشان لما يجى الطلق بتبقى الدماغ تايهه وفى لخبطه مش معقوله كمان هتجهزى الشنطه جهزيها وخليها فى سيارة جوزك او جمب الباب انا بعمل كده وبتفق مع جوزى اننا هنتعامل مع الموقف بهدوء خصوصا ان الولاده بتطول ومفيش داعى للاستعجال

سحورة اهلا بيكى فى الرابطه وربنا يقومك بالف سلامة

توتي وشيكو تسلمين حبيبتي والله يعطيج الصحه والعافيه

وانشالله بجهز الشنطه في اقرب وقت

ما محصله اسم

هلا فيك حبيبتي زين طلتي علينا :clap:

&black cat&

هلا حبيبتي انتبهي لروحك و ديري بالك على السكري و يالله هانت ما بقى شي و تخلصين من عذاب الحمية و السكر :sad:

عيون ريمي

هلا حبيبتي الحمد لله على السلامة زين رحتي للسعودية و غيرتي جو :clap:

عروس الموج

هلا حبيبتي شلونك ان شاء الوقت يمر بسرعة و ما تحسين بروحك الا ولدتي بالسلامة:shy:

دمع الليل

شلونك يا عمري زين مبروك تقريبا خلصتي كل اغراضك حتى التوزيعات:ok:

احساس جوري

مبروك على التوزيعات اللي خلصتي من همها انا ان شاء الله بس اولد اوصي عليها لان هني ما عندنا ضغط على هالسوالف مثل عندكم(r)

بسمة البحرين

حبيبتي الله يعينك بس يالله بعد ما ظل شي كلها كم اسبوع و تخلصين من هم السكري:angry:

توتي و شيكو

هلا يا عمري منورة النهار ده :shy:

سحووورة

هلا فيك بالرابطة اختي:salam:

و هذا الجدول راح احط من اول وحدة تولد لين اخر وحدة :shy:

الاسم

موعد الولادة

جنس الجنين

بسمة البحرين

25/5

بنت

دمع الليل

1/6

ولد

ابرار الجنة

5/6

ولد

عيون ريمي

6/6

؟؟؟

فلة و الاقزام

11/6

؟؟؟

توتي و شيكو

13/6

بنت

احساس جوري

18/6

؟؟؟

&black cat&

25/6

؟؟؟

مرررررررررررررررررررحبااااااااااااااا

كيفكم وش اخباااااااااااااااركم

بناااااااااااااااااااااااااااااااااات خوفتوووني من السكرررررررر
لاني حتى الان ما اخذت التحليل

مع ان كل موعد اروح لدكتورة تقووول لي دا ضروري لزوم تخرقي من هنا وتاخذيه
واطلع من عندهاااااااااااا ولا اخذه ولا شيء


على العموم انا احاول اعمل نظاااااااام السكر بس مو ملتزمه بالنظااااااااام مرة

بس ابتعد عن الحلويات والمربى والدهنياااااااااات والشكولا
وامشي يومياااا


وعلى التمااااااااااااارين

عطوني كتيب فيه التماااااااااارين بالضبط وفيها تماااااااااارين استرخااااااااااااء
بس الكسل ولا سوويت شيء


وعلى تجهيززززززززززات شنطة المستشفى

حتى الان اشيل واحط ولا ادري
بس لسه ماجهزت التجهيز النهااااائي

عندي احساااااااااس ان بدري عليهاااااااااا

طيب وش تنصحوووووووووني اخذ للبيبي في المستشفى

شنو اجهز له
مابي شيء ثقيل ويضايقه


بناااااااااااااااااااات تدرووون انا مالي خلق احد يجي بعد ما اولد
مابي احد يجي

والله ودي اولد وسافر على طووووووووووووووووووووول
احس مالي خلق النااااااااااس

انا حتى الان مايدي اني حامل الا اقرب المقربين
اخواني وخواتي وزوجي وامه وابوه وبعض بنات العم

والباااااااااااااااقي مايعرفون لاعماتي ولاخالاتي ولا خوات زوجي ولا زوجات اخوانه
لاني شبه مختفيه من حملت

و الله زين يا فلفولة انا الدنمارك و العراق و الكويت و السويد و سوريا كلهم يدرون ههههههههههههههههههههه

هههههههههههههههههههههههههههههههههههههههه

انا سررررررررري للغااااااااااية حملي

شكلي بخبيه عنهم الطفل مابوريهم اياه الا في عرسه هههههههههههههههههههه


ابرار جهزتي التوزيعااااااااااااااااااات للمولود ولا بعدك ماجهزتيها

انا ابي من التوزيعاااااااااااات قبل الولاده هههههههههههههههههههه

ابرار تفكرين تحطين من الاعشاااااااااب اللي يقولون عنها البنات
لتضيق المهبل وتعقيم الجراحه ومادري ووش
ولا بتخلين كل شيءعلى وضعه

و الله يا فلفولة انا ما جهزت التوزيعات لان هني ما عندنا ضغط على المحلات مثلكم يعني ب 3 ايام الطلبية تكون جاهزة و انا هذه التوزيعات راح اقدمها لمن اطلع الاربعين ان شاء الله اسوي قعدة كبيرة للناس اللي تبي تباركلي و اوزع التوزيعات احنا هني شذي متعودين بالدنمارك

و بالنسبة للاعشاب فانا امي الله يخليها لي محضرتلي قشر رمان مجفف و مطحون و اشياء وايد على اساس تشد و تضيق المنطقة و الله كريم

اسئليهااااااااااااااااااا عن هذه الاعشاااااااااب ابرار خليناااااااااا نستفيد

انا سمعت كثير عن قشر الرماااااااااااان بس مادري كيف يستخدمونه

وفيه وحده من صديقاتي قالت لي انها راح تجيب اسم كريم يضيق المنطقة ويرجعها كأنها قبل

بس قلت بسأل الدكتوورة قبل لا استخدمه ..


بدررررررررررررري على توزيعااااااااااتك ابرار

اذا بتوزعينها بالاربعين

حناااا نسوي جمعه كبيرة يوم الاربعين وذبايح وحاااله

بس مايكون بها توزيعات مثل تبع الولادة

بناااااااااات زوجي يبي يسووي حفلة يوم سابع المولود

وش اسووي بذا الحفلة

عطوني افكااااااار لها

أنضم معاكم في الرابطة خواتي

توي داشة الثامن من يومين و موعدي 14/6


و هذي اول حمل لي و الله يتمم على خييير
..


بس خواتي انا هالايام احس بألم تحت بطني و شوي على اليمين .. و لما اكل بعد بطني يألمني .. و ظهري بعد مب عارفة من شنو .. المشكلة ان الالم من كم يوم شوي يختفي وعقب يرد مادري هالشئ طبيعي ولا لا ؟!

هلااااااااااااااا والله بطفله حيااااااااااااااااااك الله
منورة الرابط بوجودك

انت موعد ولادتك بعدي
انا في 11- 6


انا بعد احس بالم في ظهرررررررررررررري

وفي بطني

ولما رحت المستشفى قبل ما اقول لدكتورة هي سئلتني
قالت لي تحسين بالم يشبه الم الدووورة

وقلت لها ايوه قالت لي طبيعي جدا ولا في اي مشكلة
بس الرحم يتهيئ لعملية الولادة
بس اهم شيء تكون الالم اللي في البطن اكثر من اللي في الظهر
يعني الم الظهر يكوون من الثقل مو يكون الم ولادة
والالم اللي تحسين به في البطن لزوم يكووون يروح ويجي مو يقعد مدة طووويله
واذا غيرتي وضعك لزوم يروح

وتمنى انك تسئلي الدكتووورة
لان لزوم تكون الدكتورة على علم بكل حالتك قبل مرحلة المخاض على شان تعطيك الاحتياطات اللزمه

والله يتمم لنا على خير
ويرزقنا باطفال حسنين الخلق والاخلاق تامين الخلقة لايشكون من اي مرض او اي عاهة

يا هلا اختي فلة .. منورة بوجووودج .. تسلميين و الله

اي و الله الالم نفس الم الدورة و ما يقبى على طول يروح و يرد .. اما الم الظهر فهو اعتقد من الثقل لأن احس هالايام ما اقدر اسوي شئ على طووول ينط لي عرج في ظهري ..

ان شاء الله اشوف اذا الالم ماراح راح اخبر دكتورتي عندي موعد الاسبوع الياي .. و الله يسههل يااارب