أمهات يونيو 2007

السلام عليكم ورحمة الله وبركاته

شلونكم بنات شخباركم .. والله كل ساعه افتح صفحة الرد ابي اكتب شي بس ما ادري شاكتب يمكن المخ مجيم هالفترة .. والا ما يندرى شسالفة يعني ..

بالنسبة لي انا لحين ما رحت للتمارين بس حبيت اسالكم عنها قبل اذا يحتاي او لا لان حماتي مدربة حوامل في السلمانية ... وعادي لو طلبت منها تعلمني بس في البيت ما بتردني بس استحي عندي الغريب افضل في هالحالة ...

والله يعين الي عندهم دوامات انا لان ولادتي بتكون بداية الامتحانات بالجامعة وما ابي مجموعي ينزل عاجبني جذي فانسحبت هالكورس...



احساس جوري المشكلة ما اعرف افرق بين التقلصات ورفسات البيبي القوية ... ساعات احس لان راسه تحت في الم خفيف داخل الرحم تحت ... بس خايفة بوقت الجد عند الولادة ما افرق بين الاثنين ...الله يعيييين ..
وعشان تعرفين راس البيبي تحت بتحسين ركبته فوق ترفس .. يعني ريله دايما بالضلوع فوق .. واذا جستي بطنج بتحسين الجسم فوق وتحت اصغر يعني الرأس .. و الدكتورة تعرف بمجرد ما تخلي يدها ع البطن ..



فلولة قلبي والله النفسية طالع نازل ههههههه تقولين اسنسير ما شاء الله عليها بس حاليا الحمد لله اشوفها افضل من الشهر السابع بدت تستقر عندي .. بس المحاتاة بدت وابي الايام تمررررررررر كلمح البرق . . كل يوم احسب الايام جني هبلة ...
بس مو معقولة الطفل بينولد مثل حجم امه قبل والي تيب كذا طفل وكذا وزن وحجم ؟؟...
شكلي خلاص بابتدي امشي شجعتيني لحين ما بديت المشي ... والمشي وايد يسهل الولادة ..

وحطي لنا اغراضك حتى لو مو بصور بلستة واحنا نساعدك .. انا كملت خلاص اغراضي بس كل يوم اتذكر شي صغير مثل حلمات المراضع امس تذكرتهم رحت شريتهم من الصيدلية ... وكل يوم افكر شنو بعد ...



ابرار الجنة افا عليج اختي احنا خواتج لو احتجتي شي من البلدان العربية عندج كل اخت من دولة انتي تنقي واختاري وحدة من بلد وطلبي واحنا ما بنقصر معاج بنرسل لج الي تبينه ...



ريومي ان شاء الله ما شر بس مثل ما قلت لج المخ مجيم هاليومين ما ادري شفيني ...
انتي شلونج وشخبارج .. والله تذبحيني من الضحك ع مصطلحاتج اموت واعرف انتي من وين في البحرين ؟؟.. ههههههه الله يحفظج ويخلي لج الوسيم واخوه ...


عراقية مغتربة .. شلونج حبيبتي شخبارج ؟؟؟؟؟؟..

عروس الموج .. احنا نساااااااااااال عنج حبيبتي وينج انتي .. والله توحشينا موت .. و من زمان احسج ما سالفتي معانا ...


في أمان الله

اشوفكم انشالله يوم الاحد بإذن الله..

دمع الليل
والله انا موجووده...وزين سويتي يوم انسحبتي من الجامعه..

تعب الدوام والله ارف..

الله يسهل علينا كلشي يارب

السلام عليكم اشلونكم كروشات

دمع الليل اشلونك حبيبتي
الضاهر هذا اول بيبي الك اني اقوللكم اشلون تعرفون التقلصات على قد معلوماتي
التقلصات اتصير مثل الم الدوره الم في الضهر او يمتد للبطن او كل حامل تختلف عن الثانيه يعني في حوامل ايكون الم الطلق بالظهر اكثر من البطن او في حوامل ايكون الالم في البطن اكثر او الالم ما يكون في اعلى البطن لا بيكون في اسفل البطن او اسفل الضهر
بالنسبه الي في ولادتي الاولي كان الام في بطني اكثر او الم في ضهري بس شي قليل لا يذكر
التقلصات اذا اتروح او ترجع او يكون الالم اقوه من الي قبلها يعني هذا ولاده



او الله يسهل على جميع الحوامل ان شاء الله

السلام عليكم ورحمة الله وبركاته

عروسة .. ان شاء الله نشوفج على خير قلبي ....
ويحفظج ربي من كل شر ..


عراقية ... تسلمييييييييين غناتي على الشرح المفصل للتقلصات .. مثل ما قلتي انا بجر مثل معظم الخوات وما نعرف وين الله قاطنا ... ههههههه بس احين اذا حسيت بالي قلتيه يعني معناه ولادة ...


في أمان الله

هلا يا امورات شلونكم؟؟

دموعة بعد عمري و الله تسلمين كلمتك كافي و ادري فيك ما تقصرين

مررررررررررررررررررررحباااااااااااااااااااااا


كيفك عرووووووووووس الموووووووووووووج ان شاء الله دووووووووم بخير
وبصحة وعااااااااااااافية
وربي لا يحرمنا من طلتك الحلوووووووووووووة


ومتى اخر موعد لك في المستشفى

وشنووو قالوا لك

وكل شيء تمام ؟؟


كيفك عيوني ريمي

ان شااااااااااااء الله يطلع النووووووووونو وتسبحينه

وتأكلينه وان شااااااااء الله تشوفينه عريس لو عرووووووووووووووس

وماتحسووووووون ان البيبيااااااااااات يضربون ضرررررررررررب بالضلووووووووووع
والله دوم ضلووووووووووعي تعورررررررررررررررني مرة

واذا صاااااااار راسه تحت يصير عظام الحوض يألمني وظهري يزيد المه

ولما يصير الراس فوووق اريح شوووي

كيفك دمع الليل
ان شاءءءءءءءء الله بخير
والله احسن ماسويتي انك اخذتي وقف
لان الولادة ماشاااااااء الله موعدها مع موعد الاختباااااااااارات

واحس اصلاااااااا مالك خلق للمذاكرة والمحاته ولا لدوام والروحه والجية

ولا ويجيك احباااااااط كل مالبستي قمصان الكلية تشوفينها تفشل

وكل ما مريتي جنب مراية تعكس واقعه تلووع كبدك من روحك ودك تنحاشين
والله كرهة كل المرايات
وانا اول كله اروح استعرض روحي قدام المرايات
والحين ماطيقهم

عرااااااااااااقية مغتربة حياك الله
اشتقنا لك
عسى ربي يسهل لك ان شااااااء الله
واعراض التقلصات اللي قلتيها شبه اللي احس بهااااااااا
وكل ما احس بهااااااااااا اقول ليكون بولد الحين واخاااف
بس شوووي وتروح ...

عراقية دخلتي كم لك من دخلتي الشهر الثااااااامن ؟؟

وشنو الاعراااااض اللي تحسين بهااااااااا ؟؟

واذا عندك نصااايح للي راح يولدون اول مرة ياليت تفيديناااااااا ؟؟


دمع الليل مو تحسين بالتقلصاااااااااات
وتروحين على طووووووول المستشفى وتقووولين ولاده لاتفشليناااااااااا
بيقولون هذه كلش ماتعرف الله وين قاااااااااطها هههههههههههههههههه

هذه التقلصاااااااااااااات استعداد للرحم
يعني يهيئ نفسه لعملية الولادة

ويقوولون لك انها تخف مع المشي او اذا غيرتي وضع الجسم

وانها تكون اسفل البطن او اعلى البطن
وهذه التقلصات تزيد كل ما قرب موعد الولادة ...
وهذه معلوماتي والله اعلم
ابرررررررررررررررررار الجنة يااااااااحبي لك
وين الناااااااااااااااااس

وحشتيني اووووووووووووي
والله اشتقت لك

ارتحت لك مادري ليه

الله يسهل عليك وش اخباااااااااارك ابرار

متى الموعد الجاااااااااااااي عندك ؟؟


بناااااااااااااات انا رجعت لي اعراض الوحااااااااام مرة اخرى

كله نعساااااااااااانة

وكله فيني لوعة كبد

واحس روحي بستفرررررررررررررررررغ بس امسك روحي

وصدااااااااااااااع

ولا اشتهي اكل
من صحيت ماكلت غير تفااحة
والروائح اللي اشمهاااااااااااااااا
كل اللي يمرون جنبي اشم روايحهم زبالة صار لها دهرررررررر
صرت ماحب احد يقرب مني
كلهم اخليهم بعاد عني
اليوم عندنا عزيمه في بيت عمي ولا راح اروح اخاف اروح واسلم على الناااااااس وتلوع كبدي زياااااااادة ولا اعفس وجهي قدام وحده

ياااااااارب ان شاااء الله تروح هالحااااااالة

حبيبتي فلولة و الله حتى انا وايددددددددددد حبيتك

و انا مرتبة مواعيدي كل اسبوعين مرة عند الدكتورة و مرة عند القابلة و الله كريم

و انتي شلون نظام مواعيدك؟؟

بسمة البحرين وينك حبيبتي؟؟؟

شلونك و شلون خطيبة ولدي؟؟؟

صار لك يومين ما سمعنا شي عنك؟؟؟

ابرار حبيبتي انا بخير

شلونج وشلون ولدنا

انا بس عندي الحين امتحانات فنشغلت شوي

مشكوره قلبي انتي الوحيده الي سئلت عني اما الباقي محد سئل ولا كأني معاكم بالرابطه

برجع بخبركم شصار معاي مع موعد السونار

السلام عليكم اشلونكم كروشات

دمع الليل الله يسهلك ولادتك انتي او جميع الحوامل ان شاء الله

فله والاقزام اشلونك حبيبتي او اشلونه البيبي
اني هسه بالاسبوع 33 او احس بثقل شديد او دائما احس المثانه مليانه او كل اشويه ادخل الحمام او بحملي الاول ما صرت ثقيله مثل هاي المره او بحملي الاول ما زدت غير 9 كيلوات كل حملي بس هذا الحمل زاد وزني 11 كيلو او اني بعدني بالثامن او شايله هم اشلون اكدر انزل وزني ...


او اني ما اعرف تمارين الولاده الي قلتوا عليها ولا عملتها في حملي الاول
او اني كل الي سويته بحملي الاول كنت امشي كثير بالتاسع يعني مو اقل من ساعه باليوم او اسبح بماء دافئ بس يكون مائل للحار او اخلي ضغط الماء على اسفل ضهري والله يا بنات اخذوها مني او عن تجربه كثير يسهل الولاده او طبعا التسهيل من رب العالمين بس في اشياء اتساعد



بنات ليش ما نسوي جدول حتى نعرف منو الي ولادتها قبل الثانيه يعني اسم الكروشه او موعد الولاده او جنس البيبي حتى نعرف منو فينا الي تتاخر عن موعد الولاده او منو الي تولد قبل موعدها بس يا كروشه تتبرع او تعمل الجدول ؟

كيفكم
ان شاء الله بخيررررررررررررررررررررررر

كيفك ابرار
انا موووووووووووواعيدي مجننتني لاني ماحب المواعيد والحين زاااااااااايدة

بس بكرة عندي موووعد واعتقد اني بروحه
وان شاااااااء الله خير ياااااااااارب

لاني مهمله في نفسي هاليومين
ما اخذ حديد والفايتمين بالمرة عامله عليه اكس

والكالسيم اذا حسيت بالم في رجلي اخذته



بسمة البحررررررررررررررررين الله يعينك
ولا تقطعيناااااااااااااا بالمرة
وكيف الحمل معك


هلا والله بعراقية مغتررررررررررررربة

عراقية انا زاااااااااااااااااايدة حتى الان 9 كيلووو والله يعيني على هالشهرررررررر ماودي ازيد
ويقال ان الشهر التاسع ماكوووو زياااااااااااادة اذا كانت حالة الام طبيعية

والله حلوووووووة فكرتك
انا تاريخ ولادتي 11 - 6 ولسه جنس المولود ماعرفهوووش

وكل وحده تدخل تكتب موعد ولادتها وجنس المولاود ونجمعهم

بناااااااااااااات متى نجهز توزيعااااااااااااات المواليد من الحين ولا ننتظر بعد

انا اليوم
طلعت وشفت اكسسوارات حلووووووووووة موووت لتوزيعاااااااااات
وقررت اني ما اخذها جاهزة قررت اني انا اعملهااااااااااااا
يعني اعمل وحده واخلي خواتي يكملووووووووووون مثل ما اسووووووووي

ودي ان الحلوووويات تكون من بااااااااتشي بس خااااااااااايفه تخرررررب الحلووويات تذووب ويعتفس شكلهاااااااااا

سيوووووووووو

مساء الفل

ايه اخباركم يا حوامل ؟؟؟
وسلامى لكل الحلوين دمع الليل وبسمه البحرين وعروس الموج وابرار الجنه وفله والاقزام وبرحب بعراقيه مغتربه اخت عزيزة بينا وانا موعد ولادتى ان شاء الله 13يونيو واحتمال انها بنت مش اكيد وربنا يسهل علينا جميعا

مرررررررررررررررررحبااااااااااااا
وين باااااااااقي البنااااااااااااات

علامهم غايباااااااااااااات عسى المانع خير


كيفك توتى ان شاااااااااء الله بخيرررررررررر

يعني انتي موعدك بعدي بيووومين

انا توووني راجعه من المستشفى وعملووووا لي تخطيط لقلب النووونو وسمعت نبضة ياااااااربي
النبض سرررررررريع
بس قالوا لي طبيعي

وقالوا لي لزوووووووم اهتم باكلي

وقالووووووووووووا لي وقفي الكالسيم

من بعد قالوا لها توقف الكالسيم

هلا بنات شخباركم




وحشتوني مرة مرة





فلوله انا لسه مارحت للموعد اللي بتقول لي اوقف فيه الادويه




شسوي زحمممممممممممممممه عالدكتورة ولا في موعد الا بعد اسبوعين << الله يعيني مطوله



وانا اراجع عند مستشفى السعد مرررررررررررررررررة زين عندنا بالخبر




وماشريت لسه ولااااااا شي للنفاس <<لي انا



بس للبيبي شريت شوية مهادات وبجامات وفوط ولبس ماكثرت لأني لسه مو متأكده اذا بنت او ولد << بس قالوا لي احتمال انه ولد



وترى الرياضه ان شاء الله تفيد بس المشي بعد مهم وببدا امشي اذا دخلت الثامن << شكلي اخر من بيولد



انا بدخل الثامن في 18-4 والله زهقت وانا انتظر



واذا مشيت في السوق احس اني عملاااااااااااااااااااقه الكرشه قدامي تخرررررع << مع انها مو كبيره بس مو متعوده لووووووول




بنات روحوا مذركير عندهم 50%


واشياء البيبي واللبس مرررررررررررررررررررة يجنن خذولكم وبجامات مرررررررررررررررررة حلوه




تصدقون قاعده ادور لي على تنورة جينز لقيت وحده في مذركير مرررررررررة حلوه



ب 200 بس تدرون بكم مسوينها بعد الخصم 30 ريال اي والله انا ما صدقت قلت اتاكد اسأل الرجال



بس طلع صح ب 30 لوووووووووووول استخفيت وخذيييتها





انتوا بنوتات بشرونا عنكمممممم وييييييييييييييينكم

بسمة البحرين

بسومة حبيبتي طبعا افقدك اكيد و الله ينجحك بالامتحانات ان شاء الله و ننطر موعد السونار عشان تبلغينه شنو صار معاك


عراقية مغتربة

اي و الله خوش فكرة انتوا كلكم كتبوا موعد الولادة و جنس النونو وانا مستعدة اجمعهم اخر شي
الاسم

موعد الولادة

جنس الجنين

فلة و الاقزام

11/6

؟؟؟؟؟؟

توتي و شيكو

13/6

بنت ان شاء الله

ابرار الجنة

5/6

ولد


يالله ننتظر باقي الكروشات


توتي و شيكو

تسلمين يا عمري على السؤال انا بخير و انتظر مجئ النونو


فلة و الاقزام

هلا عمري شلونك؟ انا ما قالولي شي عن الكالسيوم بالعكس قالولي استمر على كل الفيتامينات ليوم الولادة :qaq:

احساس جوري

شلونك عمري يالله غمضي و فتحي ما تحسين الا الايام مشت و صار موعد الولادة الله يسهل على الكل اجمعين

ووين باقي الكروشات؟؟؟؟:gum:

مرحبا بنننات وحشتونيي باي

هلو كروشات شلونكم
وحشتوني والله
انا كان عندي موعد الثلاثاء الي راح وكالعادة البيبي مسكر رجليه :angry:

قلت خلاص ما اريد اعرف خليها مفاجأة احسن<<<وحده تقنع نفسها :sad:

المهم الدكتورة قالت لي السكر عندج مرتفع وعطوني حمية والله كريم

عراقية مغتربة
انا موعد ولادتي 25/6 ان شاء الله

سلامي لكل الكروشات

بلاك كات حبيبتي ياريت تقولين لي شلون الحمية اللي عطوكي اياها.. انا بعد السكر مرتفع وحولوني على اخصائية تغذية بس الصراحة انا ما رحت .. مو عشان شي عشان النفسية الزفت والثقل اللي حاسة بيه...انا الحين لي 5 ايام تقريبا...موقفة السكر تماما مادا العصاير اشرب ي اليوم كاسين....والبا الشوكولا والحلويات ابتعدت تماما عنها...

شخباركم حبايبنا كلكم زينين أني ما أبغي اذكر اسماء عشان ما أنسى احد ويزعل لأني صراحة لما اي وحدة منكم تسأل عن الجماعى وتحط لستة اسماء وما اشوف اسمي بينهم يحز في نفسي

فلولة
انا تصدقين مع إني ما تنسيت واجد في البداية لكن ألحين زايدة رغبتي للنوم مع أنه ما يحصل لي أنام من الدوام وتالي حمود والحركة والواجبات وكله ماني مشتهية اكل والروايح مو من الناس تلوع جبدي من ريحة روحي وبس ياداشة ياطالعة في هالحمام اتسبح

دموع
أني الحمد لله بخير وعافية ،وأنتي شخبارش ، مو قلت ليش احنا جيران أنا من قرية المقشع على شارع البديع وزوجي من قرية مقابة بعد على شارع البديع يعني متجذرين في شارع البديع بس أنتي قلتي ساكنة في البديع لكن من وين اصلش
وعن حمود غن شاء الله لين ولدتي قبلي ورحت ليش أو لين ولدت قبلش وجيتين ليي تشوفين الزسيم وانتين احكمي بنفسش
إدا ما قلتين ياريت أني اصغر منه كان آخده ما أكون عيون ريمي
وويش سالفة التمارين اللي مركزة عليها أني كلش مو مفكرة لن لا عندي وقت ولا فيي شدة وثانياص ما سمعت أنه في السلمانية عندهم تمرينات للحوامل حتى أهلي اللي يحولونهم على السلمانية ما يعطونهم تمارين حمل

شكراً عراقية على فكرة الجدول وبرورة أنا موعدي 6/6 والجنس مخلتنه مفاجأة

وإذا عن التقلصات أني في حملي الأول وألحين تجيني كله أعلى الظهر تذبحنب ذباح في العمود الفقري وبالذات أقعد في الليل من النوم على هالتقلصات والله أحس إني بولد منها بس لأني موبكر فأعرف

وطمنونا عليكم كلكم حوامل هالرابطة بدون حصر كلكم خوات وعزيزات
وعلى فكرة أني يوم الخميس رحت السعودية وكملت أغلب اغراضي من جدي نفسيتي ارتاحت

الغاليه عيون ريمى حقك عليا يا عسل عموما احلى سلام لعيون ريمى سلام مخصوص