اللي ولادتهم في فبراير الجاي...حياكم

اهلا بكل اللي نضموا لينا
دلع و فراوله والف مبروك علي البيبي واكيد نحب نعرف قصة ولادتك وكل شئ عنها وعن البيبي وهل هو اول بيبي

علي فكره محد رد علس سؤالي بخصوص اسم الكريم اللي تستخدموه للحلمات ومساج الثدي وهل الدكتور اللي وصفه لكم ولا الصيدلي وهل ينفع بدل منه الزيوت او الجلسرين ولا لا

مرحبا اخواتي

عروس حيرانه

زيت الزيتون ابتدي فيه من الآن في تدليك الحلمات اما بخصوص الكريم اللي يعالج تشققات الحلمات اثناء الرضاعة اسمه ( بيبانتين ) بس تأكدي انك تنظفين المنطقة كويس قبل الرضاعة......... هذي عن تجربتي وماادري عن الاخريات...............


وين الباجيات مالهم حس؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مرحبا.... اشحالكن

عروس كتكوته .. مشكورة فديتج عالرد ...والحمدالله الطيحه عدت عخبر ... وشو تتريين اسميج هيزه .ماشي وقت وانتى بعدج ما خلصتى الاغراض ....دهدي يله انقغضي ماشي وقت مووووول

عروس حيرانه ... اشحالج حبيبتي وطانكيوووو ع التمارين الرياضيه اللى حطيتها عالعام ... انا وحده استفدت منها ... وبخصوص سؤالج انا استخدم زيت اللوز وزيت الزيتون ....

دلع ماله سنع
هلا فيج في رابطتنا الحلوه

فرواله
حمدالله عسلامتج وسلامه البيبي ..... واكيد نبا نسمعقصه ولادتج :)


انا بديت اتملل ..كل يوم اقول اليوم ... والالام اتيينى فليل واتروح الصبح ...اربيعتى ماشالله عليها ربت امس يوم السبت 20/1 فالاسبوع ال37
وشي حلو انسوى رابطه عقب ما انربي ....عالاقل نستفيد من تجارب بعض
عندي حاله اكتاب... شكله اكتئاب ما قبل الولاده

شكرا عالم الهدوء وزوجة راشد علي الرد بخصوص الزيت يعني ما استخدم الجلسرين
وبالنسبه لموضوع التمارين بحاول ادور علي الصور علي شان تكون اوضح وانشاء الله بحطهم

ترا الاكتئاب مبلش فيني من فترة خصوصا لما اتذكر اشبصير فيني في الولادة ........... اما اللي ماجربت الولادة فعادي اتروح على وجهها يعني ماتدري شراح يصير فيها بس عادي لاتخافون كلها ساعات وتنقضي ( قصدي تحسين فيها كأنها دهر ماينقضي ) اتغشمر ترا لاتصدقوني.........

والله وناسة ربيعتك ربت في الــ 37 يلا ترا الولادة ممكن تكون تتفاجئين فيها من الاسبوع الــ 37 وانتي ماشيه عاد انتي وحظك............عسى الله يطمنه على بعض ونفتك...........

امس اقول لريلي احس ان اللي فيني ما بينتهي واحس اني بتم دهر على هالحال يعني ما برجع مثل اول خفيفة وراكض مع بناتي ........... واقول لأختي ما في مفر وين ماروح الدبه فيني فيني ماكو مكان اروحه انخش فيه هههههههههههههه...........

وسلامتكم

مساء الورد عليكم جميعا

الله يقومكم بالسلامه
حبيت اساعدكم واسهل عليكم تجهيزات النفاس
وش رايك تقعدين بالبيت وانا اجهز لك كل طلباتك
من صواني تقديم
وكاسات عصير
وتوزيعات مواليد


بحاول انزل لكم عينه من شغلي
وياليت القى تشجيع منكم
:salam:

::فراوله:::
السلام عليكم..
انا موعد ولادتي في 27 فبرااااير

بس ولدت قبل عشرين يوم يعني في 2يناااااير

يعني قبل شهرين من موعدي..

وجبت ولد صغيرووووون بس يجنن سميته (عبد الله) وهذا اول بيبي لي..

تبون اقولكم قصة ولادتي؟؟؟؟

حمد الله على سلامتك وسلامة عبودي
يتربى بعزك

مساء الخير

شخباركم ياكروشات عساكن بخير

واشكركل من رحبت فيني

هلا حوامل

عالم الهدوء مشكوره حبيبتي وهي نفس الحبوب اللي انا استخدمها وفعلا
ماشية معي تمام بس لي فتره موقفتها من شهر تقريبا
..
layla2005
انا وصفت لي الدكتوره مثلهااا من الشهر السابع امس اخذتها وجاني الم في كلاي
تعبني مررره مدري منها اووجع عادي
..
دلع ماله سنع حيااك معنا
فرواله هلافيك الحمدلله ع سلامتك وسلامة البيبي ننتظر قصة ولادتك
..
كيوت ماما
مشكووره ع الدعاء جزاك الله كل خير و تسلمين ع فكره الرابطه حلوووووه منها تشجيع
وحماس للتغير بعد الولاده وبنستفيد من بعض
..
نا بكره بدخل الشهر التاسع ان شاء الله
عالم الهدووء ههههههههه ضحكتيني والله الظاهر كلنا حاسين بالملل والاكتئاب
الله يعين ويسهل علينا يارب

مشكورين على ترحيبكم..
وعقبال ماتشوفون اطفالكم بين احظانكم..

**عالم الهدوء**
السبب ان فيني التهابات :sad:
انا كنت اتعالج منها بس قبل ما اكمل العلاج ولدت..
وبصراحة ماكنت ادري انها تسوي ولادة مبكرة..

**دلع ماله سنع**
ولدت في بدايه الثامن..

**عروس حيرانة**
اي هذا اول بيبي الله يحفظة لي..

يلا بكتب القصة وبرجع لكم......

حبيباتي اشتقتلكم وااااااااايد
شو اخباركم
انا مليت من التعب والالم
مانمت طول الليل من الالم... مب عارفه انام على جنبي اليمين ولا اليسار

وابي اصبغ شعري.. مليت.. من اول ما حملت ما صبغت شعري.. افكر اصبغه قبل ما اربي وبعد ما اكمل الاربعين بسوي فيه خصل

امس واحده تقوللي انها سمعت ان في الشهر التاسع يكتمل الجهاز التنفسي.. زقالتلي لا تتمنيين انج تربين قبل موعدج عشان كل الاطفال اللي انولدو قبل موعدهم عندهم مشاكل تنفسيه او حساسيه او او .. خوفتني صراحه
تميت ادعي يا رب اربي على موعدي بالظبط

مقهوره لاني نسيت اشوف حلقة الولاده اللي يت على MBC

بخبركم.. سويت شي وطلع حلو.. كان عندي الصينيه اللي ينحط عليها الفطور على السرير للي يبون دلع وما كنت استخدمها.. فكرت في فكره وهي اني شريت قماش ودانتيل وشرايط وورود وغلفت الطاوله بطريقه حلوه وقلت بحط عليها التوزيعات.. شو رايكم؟؟

بخصوص تدليك الصدر.. انا اكسل واحده في هالمواضيع.. انا حتى ما حطيت كريم على بطني عشان التشققات.. يعني يوم ايه وعشرين لا..

وجهزت بعد حقنه شرجيه وانتو بكرامه عشان استعملها لما ييني الطلق انظف فيها بطني عشان في حملي الاول قالولي المستشفى بتسويلج جي وما اهتمو ولا سألوني.. فهالمره انشالله انا مجهزه عمري..

على فكره انا صار لي فتره كل يوم اشرب عصير برتقال مع جزر فريش وبطني منتظمه جدا والحمدلله مافي امساك حتى اني بشتري جهاز عصر الجرز عشان اسويلي كل يوم بعد الولاده عشان الامساك ..

هاي اخباري... ايه انا اسوي رياضة القرفصاء وايد خصوصا يوم اغسل الحمامات والمطبخ هاهاهاها

ههههههههههههههههههههههههههه
ضحكتيني ام شهد ...

ايه انا اسوي رياضة القرفصاء وايد خصوصا يوم اغسل الحمامات والمطبخ هاهاهاها

حلوه فكرة الصينيه عندكم اشياءحلوه تعملوها في الولاده احنا بس نوزع توزيعات المولود يوم السبوع

سلااااااااااااام عليكم كروشات ...اشحالكم يا حلوات ...عساكم بخير :)

فراولة
حمدالله على سلامتج و سلامت البيبي اليديد.... يتربى في عزكم ان شاء الله :)

عالم الهدوء
ليش هالاكتآب يا ماماتي...صح نحنا بتكون تجربتنا الأولى و ماندري كيف بتمشي الأمور..بس انتي لازم تكونين أقوى من جذي...وبإذن الله الولاده بتكون سهله عليج و ما بتتعبين وايد...انتي بس إقنعي نفسج انج أقوى و بتستحملين...:)

أم شهد
ههههههههههههه ضحكتيني...أنا بعد أسوي القرفصاء كل ما بغيت ايب شي من على الأرض ولا يوم أرتب الكبت ... وبعدين فكرة الصينيه وايد حلوه :) شو رايج تراوينا شكل التوزيعات مالج :)

واللي خلصت من تجهيزات الهدايا ممكن تحطولنا صور انشوف المبدعات شو سون حق التوزيعات...أنا بحط ان شاء الله يوم الأربعاء بعد ما أيبهم من المحمصه لأنه خليتهم هم يلفولي اياهن..أنا مافيه أيلس طول اليوم ألف هدايا كسوووووووووولا :)

أنا اليوم كان رقادي مووووووووووووول مب شي...لا عارفه أنجلب ولا أيلس ولا أرقد عدل..صدق تعبت..يعني تي أيام رقادي مافيه أحلى منه و أيام سنفونيات على حركات كراتيه على السرير هههههههههههه يا أكون فوق اللحاف ولا تحته و خمسين ألف مخده حوالي حتى ريلي ماشوفه ساعات هههههه

المهم أنا بسير بيت ماماتي الحين وان شاء الله أشوفكم على خير (f)

عروس حيرانه انا مسويه الطاوله بهالطريقه عشان احط عليها التوزيعات مثل التوزيعات اللي انتو تسونها في السبوع... انا وايد احب السبوع المصري.. شغلي اغنية حماده هلال في سبوع ابنك انشالله


كيوت ماما انا للحين ماعرفت احمل صور للمنتدى... بخصوص التوزيعات بخلصها انشالله خلال يومين.. بسير محل يبيع هالالعاب الصغار وبشتري حلاوه وشرايط وبيلس الفهم ..

انشاء الله بشغلها في السبوع بس ربنا يقومنا بالسلامه الاول وبعدين نفكر في السبوع والحاجاتالتانيه زي العقيقه اصلي بيني وبينكم داخله في دور اكتئاب وعندي احساس غريب مخوفني وكمان حاسه اني لا بولد بدري يا متاخر عن معادي مش عارفه ليه

مرحبا بصديقات مشوار الالف ميل لاتفهموني غلط قصدي مشوار التسعة اشهر خخخخخخخخ

عاســـ الخيل ـــــــــــــفة

مرحبا فيك وبافكارك .......... ناطرينك لاتتأخرين علينا

حبيبتى صمت الدروب

اشبلا قلمك حبرة مخلص اهو لون عجيب بس مايبان واضح ,,,,,,,, الله يرضى عليك غيري اللون فديتك

فراوله

انا سمعت ان الالتهابات تأثر ع البيبي بس صراحه ماتوقعت انها تجيب طلق وولادة مبكرة ........ يالله الحمدلله عدت على خير ............

بعد عمري كيوت

كلامك ريحني كثير وفعلا انا من امس وانا ابرد خاطري بكم كلمه تواسيني وتركت المسائل كلها وتوكلت على الله ..............
عاد لاتتأخرين علينا عرضي لنا تجهيزاتك علشان ناخذ افكار ترا الوقت يمر عجلووووووووو يابنات خلصو شغلكم بسرعه............

انا هذي الايام عندي شغل على قدم وساق من تجهيزات وديكورات للبيت .......... والحمدلله بناتي خلصو مدارس وجابو الشهادات ناجحين وبتفوق الحمدلله ،،،،،،، بكرة مسافرة عند اهلي لمدة عشرة ايام مابطول علشان اولد بالمملكه وبكمل بعض التجهيزات من دار بو سلمان...........

بس بخبركم ماراح انقطع عنكم بكون على اتصال بحبايبي حوامل فبراير

سامحوني هذرت عليكم واجد

صحيح... الوحده لازم تكون شاربه خروع قبل الولاده ولا متى؟؟

والله يااختي ناس تقول انه مفيد لانه ينظف البطن ومع المغص ينزل البيبي بسهوله وناس تقول انه مايفيدك بشي اهو يجيب مغص كثير والوحدة موناقصه وقت الطلق الم الطلق ومغص بعد بالبطن ......... انا شخصيا جربته لما جاني الطلق بالبيت ضفت ملعقة زيت خروع في عصير مانجو بس صراحه ماقدرت اكمله لان كان فيني الم وكنت احس بلوعه بس اختي تقول ان لازم ربع الزجاجه في حليب لازم تشربينه اول ماتحسين بالم الطلق وفادها كثير..........

انشاءالله اكون افدتك يااختي ليلي........

كيفكم حوامل
بالنسبه للخروع وما اعتقد اني باستخدمه لانه اللي اعرفه يعمل اسهال فتخيلوا الوضع وانتي بتولدي حاجه تكسف خالص

عندي سؤال محيرني ومخوفي موووووووووووووووت هو لازم يعملوا للبكريه شق للعجان اصلي كتير خايفه من الموضوع ده وعاوزه اعرف اذا كان مؤلم اثناء الولاده وبعدها ولا لأ وهل هو ضروري
يلا قلوللي اللي تعرفوه وانا هتقبله انشاء الله واكون مستعده