اللي ولادتهم في فبراير الجاي...حياكم

نعمممممممممممممممممم اختي عروس حيرانه لازم يسون لك شق لان اذا ماسوو لك شق راح يصير تمزق بالجلد فالشق افضل في هذي الحاله واهم شي انك تاخذين مسهلات للبطن علشان مايصير لك امساك وتتأذين بعدها.............. والالم راح يزول واساسا وقت مايعملونلك شق ما راح تحسين بالالم لان لازم تكون المنطقة مخدرة تخدير موضعي وهذا لابد منه ............. عموما الالم راح يزول بعد فترة بس اهم شي لازم تطهرين المنطقه وتنشفينها ............ وعسي خير انشاءالله

شكرا عالم الهدوء
وربنا يستر بقي كله يهون علشان عيون البيبي بس اشوف امامي سليم معافاه

مرحبا حوامل شخباركم :shy:

والله صراحة وحشتني سوالفكم بس هالايام ماعندي وقت كلش أدخل ع النت :qaq:

أما أمس قلت خلاص بولد ورحت لأمي وقعدت من عصر إلى الليل بس كانت التقلصات مب منتظمة:sad: وقلت بنام عندها إلا متصل فيني عمي (بو زوجي) يقول ريلي في الطواريء مريييييض واعليّ:confused: وقلت لا خلاص برد البيت مايصير أخليه بروحه ورجعت وراحت عني التقلصات وكأنه العيد :angry: قهر قلت خلاص بفتك :( لكنما الامر لله وحده ..

ياللا الله يسهل علينا جميع إن شاء الله ..

خلاص يا حوامل انا اتحدد ميعاد ولادتي القيصرية هتكون يوم 3/2 بإذن الله
أدعولي بقى
ربنا يسهل لكل الحوامل وهادعيلكوا كلكم وانا بأولد

الله يسهل عليكي و على الجميع يا رب!

انشاء الله تقومي بالسلامه يارب وتبشرينا يا تقيه

مخرخشه
سلامة زوجك انشاء يكون بخير دلوقتي

سلامو عليييكو..ازيوكوووو عمليييين أييييييييييييه :)
اللي يشوفني الحين ما يقول هي نفسها اللي رجعت طول الليل و تعبانه و ظهري حاستنبه بينقص عليه حتى ما كنت أروم أمشي عدل والله :( بس سبحان الله..كيف انه ربنا يهونها علينا..يعني لو ما كنا حوامل كنا بنكون أضعف في التحمل بس في الحمل في قوه إلاهيه تصبرنا و تقوينا ...هذا اللي أنا أحسبه...:)

الله يسر علينا أمورنا و يهون علينا الطلق و يحسن الخلق بإذن الله (f)

انزييين بكره ان شاء الله بجيب توزيعاتي وان شاء الله تعجبكم لأاني صدق تعبت و أنا أدور شي جديد و هديه يستفيدون منها الناس بدل التحف اللي ماليه البيت.

تفيه 100
الله يكون في عونك و يسهل عليكي و نفرح بالبيبي معاكي :)

عندي سؤال...في حد منكم يوم ينام يحس انه حلجه (فمه) ينشف كثير لدرجة انه صعب البلع..أنا صايرلي جذي من فتره الحين مادري هل له علاقه بشي في الحمل....ورجلي اليسار وارمه أكثر من اليمين..بس مافيها ألم ولا شي بس يمكن شوية ثقل.

اللللللمهم...........أحبكم وايد و أشوفكم على خير :)

صباح الخير يا حوامل يا حلوييييين

شو الاخبار مع الآم التاسع

اختي تقية الله يسهلها عليج ويقومج بالسلامه وطمنينا عليج

حبيبتي عروس حيرانه الشق يسوونه عشان خروج البيبي يكون سهل مثل ما قالت عالم الهدوء.. بس تصدقين انا صديقتي ربت وما احتاجو يسون لها شق ولا شي.. يعني كل واحده على حسب التمدد وحجم البيبي

كيوت ماما ننطر نشوف التوزيعات انشالله

انا خلصت ديكور الميلس خلاااااااااص.. الحمدلله افتكيت وارتحت
بس باقي اخلص التوزيعات وبسسسسسسسسس
الحمدلله

طمنونا عليكم
وين زوجه راشد ربت ولا بعد؟؟

مخرخشه حبيبتي سلامتك من التعب وسلامة ريلج..

وين بعد عروس كتكوته؟؟

يا جماعه لا تختفون جي..

صباح الخير


انا موجوده يا أم شهد ريلي موعني من وقت :(

امممم طرشت لج رساله ما ادري وصلتج والاا

امممممم عقب 4 ايام بدخل التاسع

وحركه البيبي قويه واحسه ضاغط عالحوض .....من الملل خاطري اسير اتحوط ابغي اسير اشوف

شوه اليديد في كارفوور..........

محد فكر ياخذ كاميرا عشان يصور البيبي من اول ما ينولد لين يكبر وايميع الصور في البوم خاص فيييه ؟؟

السلام عليكم ... اشحالكم
الله يسمع منج ياام شهد واربي اليوم قبل باجر ..... ... قابظنى اكتئاب فظيع .........ليش ..مااعرف ....وجذه فينى صيحه من اشوووو بعد مااعرف ....مالى نفس اداوم .... ويوم الاحد مراجعتى فمستشفى دبي وجان رمت بخليهم يعطونى اجازه مرضيه ..........
امس سرت الدارقون مارت ومن كثر ما مشيت قلت خلاص بفرش في المركز وبربي اهنا ... بس عقب الالم راح .....
احس التاسع دهـــــــــــــــــــــــــــــــــــر واطول من الشهوركلها...

عروس كتكوته قولي حق ريلج لا يوعيج لانه عقب ما تربين مابترقدين عدل... وصلني ايميلج حبيبتي بس ماعرف ارد عشان صندوق رسايلج full وتسلمين حبيبتي مابي اتعبج... بطرشهم انشالله

زوجة راشد يا عمري شو مضايقج؟؟ لا تستسلمين لها الاكتئاب.. معروف ان في اكتئاب قبل الولاده وبعد الولاده.. حاولي تغيري مودج... سوي شي يديد... بطوف عليج ونروح نتريق في اي كوفي شوب

انشالله كلنا بنربي بسلامه ونستانس بالازعاج و الواء واء واء وتبديل البامبرز ..

انشالله كلنا بنربي بسلامه ونستانس بالازعاج و الواء واء واء وتبديل البامبرز ..

:dd: :dd: :dd:

على فكره يا زوجة راشد.. أعرف وايد يشكون من ها الاكتئاب اللي يجي في الشهر التاسع...يمكن من الهرمونات... عادي...عليج بالقرآن

ليلي 2005
والله اقرا قران والادعيه فدبر كل صلاه ...... بس ليش هالاكتئاب ماادري .... الله ايسامحها من هرمونات

ام شهد ....
خلاص مري عليه ... انا ما افوت اى طلعه ...اى حد ظاهر بظهر وياه ....لاني صايره كسوله وماروم اسوق ..يالله يالله اسوق واسير دوامي


الحمدالله الله يسرها عليه ...كلمت مديري والحمدالله اتفهم وضعي ... وقالي خذي اجازة مرضيه وخبرته انى باخذ اجازه شهرين من رصيدي ... قالي الله ايسهل عليج واتوكلي عالله .......الحمدالله هالشي طمنني لانى كنت خايفه انى مااقدر اخذ اجازة 4 شهور .........................



انا وايد متولهه اشوف البيبي ...وافكر ياربي بيظهر يشبه منو انا والا ريلي .....عقب اقول المهم الصحه والعافيه ...هذا اهم شي ......

يارب نسالك هون الطلق وحسن الخلق ......يارب ترزقنا الولاده الطبيعيه السهله ....

اشحالكم بنات...أنا التقلصات ذابحتني والبارحه عند الدكتوره شافت انه الراس حمدالله نازل وايد و قالت أي وقت ممكن أربي...لأنه بادي عندي ألم غريب يوم أمشي ساعات...و وااااااااااايد تقلصات تصيرلي وقت النوم حتى أضطر أسير الحمام عزكم الله كم مره...شكلي حتى ما بشرب لا حلول ولا خروع...حشى أنا يالله يالله مستحمله هالمنان بعد فوقه مغص الخروع ولا الحلول لا ماااروووووم..

أبغي أنااااام...شكلي بحط راسي و برقد الحين لأنه طول الليل وأنا أتويع ...حتى شكلي ما يتشاهد هههههه

سامحوني اليوم وايد اشتكيت ماشي تفكير ايجابي اليوم أبغي حد يدلعني بس :)

حمولات حبيباتي قولوا هالدعاء كل يوم
" ربي لا تذرني فرداً و أنت خير الوارثين "
وكثروا من الاستغفار لأنه الاستغفار يسهل كل شي

أشوفكم على خير :)

الله يعينا

بخبركم سالفه تضحك
قبل امس طلعت امشي انا وريلي... وطبعا انا مثل السلحفاه بطيييييييئه وهو يقوللي يللا امشي امشي
وبعدين وقفت وقلت خلاص ماروم... قاللي اوك انسدحي على الارض وانا بردج السياره مثل ما يحركون انبوبة الغاز بريلي... وضحك من الخاطر يقوللي اتخيل شكلج والناس اطالعنا هاهاها طبعا انا انقهرت منه يطنز عليا.. بس ماقدرت امسك عمري عن الضحك.. اتخيل نفسي شبه اسطوانة الغاز ولابسه عباه... هاهاهاها

يلا هاي نكتة عشان زوجة راشد تطلع من مود الاكتئاب..

كيوت ماما الله يعينج على التقلصات... وماتقصرين على الدعاء والتذكير بالاذكار.. يزاج الله خير

هلا حوامل عملين ايه لنشاء الله بخير
انا الحمد لله بخير بس لازم كل يوم تيجي الالام الدوره وبعدين تخفوالحمد لله حاسه برضه اني رجلي اليمين وارمه شويه بس مش كتير يعني جوزي مش ملاحظ ده
بالنسبه للتجهيزات انا ناويه انزل تانييمكن حاجه تعجبني اجيبها مع اني قلت خلاص مش هشتري تاني لان الكل قلي البيبي يكبر بس عاوزه اجيب كام سالوبيت كمان

:dd: أم شهد موتتيني من الضحك...

زوجة راشد الغاليه يلسة البيت بتزيد الاكتئاب.. إلزقي في أي حد بيطلع و سيري مكانات يديده غيري جو...

كيوت ماما متى عاطينج موعد الولادة الأساسي؟

ربي لا تذرني فرداُ و أنت خير الوارثين

اللهم اغفرلي و اغفر لمن ذكرني باستغفارك و اغفر للمسلمين و المسلمات و المؤمنين و المؤمنات الأحياء منهم و الأموات يا أرحم الراحمين