اللي ولادتهم في فبراير الجاي...حياكم

ماعليه يا ليلي تضحكين عليا... تبين تقهريني مثل ريلي... اوني استويت درام
هاهاهاها

كلنا في الهوا سوا

هههههههههه والله ضحكت من خاطري يا أم شهد....عاد بتكون سنطوانة غاز أم دبه أختراع يديد :)

ليلى.. عاطيني 12/2 بس شكلي بربي قبل لأنه التقلصات كل ما ياها تزيد علي :( الله يعيني

هلا اخوات شخباركم

عالم الهدوء من عيوني بحطلك الاسوود عشان تقرين زززين :)
..
تقيه 100
ان شاء الله ربي يسهل عليك وتقومين بالسلامه يارب
..
مخرخشه سلامتك انتي وزوجك ماتشوفون شر
انا لي يومين معي احتقان في الحلق تاعبني حيييل رحت للمستشفى
واعطتني الدكتوره مسكن وفيتامين سي
...
زوجة رااشد انا بعد مثلك معي ضيقه واكتئااب بس احاول اغير جوو واطلع واشوف الناس
يعني مااحب اقعد في البيت تزيد علي .. وانتي بعد حاولي تطلعين وتغيرين جو
صدقتي الشهر التاسع طويل وممل يلا ربنا يسهل ويهون علينا ونولد ونرتاح
..
كيوت ماما
انا يجيني جفاف الحلق وصعوبة البلع بس اعتقد انه من الاحتقان اللي صابني مدري والله
انتي طمنينا عليك وان شاء الله تقومين بالسلامه

اشوفكم ع خير

السلام عليكم ...اشحالكن كلن باسمه ...

ام شهد ...
واعمري عنج ... عاد اسطوانة غاز .... يله هانت وما بجي شي واتردين فلانه الرشيقه خخخخخ

ليلي 2005
تعرفين انا ما ايلس اصلالالالا حتى ريلي ايقولى مستويه اتحبين الحواطه ....يعنى مب امقصره فعمري ... بس الحمدالله الضيجه راحت :)
صمت الدورب ....
فديتج والله شفتى نفس احساسي .... احس هالشهر طوووويل وبتم جذه انا وكرشتى فتره طويله ....

يوم الاحد عندي مراجعه فمستشفى دبي ....وانشالله اتجدم لي موعد الولاده واطمن ع وضع البيبي

يله من رخصتكم وخل انعرف اخباركم

سلام حمولات...اشحالكن...عندي سؤال...أنا صراحه ما مشيت وايد اللين الحين يعني الأيام الي أظهر فيها أخلص أغراضي أرد البيت هلكانه و ما أمشي زياده...بس أبا أعرف يعني تفرق لو مشيت ولا ما مشيت؟ لازم من أول الشهر نمشي ولا عادي قبل الموعد بسبوع
مثلا ساعه و نص...؟
صايبني كسل وملل و كل ما أبغي أسير أمشي يطلع لي مشوار شو أسوييييييي...

كيوت ماما
انا يوم سالت الدكتوره قالت اخر الثامن اول التاسع احسن فتره للمشي... واقل شي ساعه يوميا .....عشان يثبت البيبي في الحوض .. لان فيه بيبيات حتى لو من السابع راسها تحت بس سبحان الله عند الولاده تنجلب وتيلس


فامشي وخلي عنج الهيازه

هلا حبيباتي الحمولات
شو اخباركم اليوم

ماشي يديد عندي... ابي امشي بس مشكلتي نفس كيوت ماما كل يوم مشوار ولا زياره ولا سالفه

المهم الله يستر

انا عندي ملل وابي اخلص دوام .. تعبانه وابي ارتاح شوية
الدكتوره قالتلي ان البيبي راسه تحت بس ما تثبت في الحوض.. لازم امشي شويه زياده
الله يعين

اخليكم الحين
بايات

ام شهد اسمحيلي


مسحت الرسايل .......تقدرين تردين الحين








برد لكم عقب ما اقرى الردود الحلوه

يستوي أركض ولا بس مشي هههههههههههههههه أنا يا دحق ولا محق ... :)

كل وحده تقول متى التاريخ اللي ودها تربي فيه؟

أنا ودي أربي في 7/2/2007

أم شهد.... لا تزعلين.. ترانا كلنا غادين درامات :cool2: مب بس انتي :yes:

شوفو ها الرابط بخصوص الاكتئاب

http://go.3roos.com/liy42x27njK

ربي لا تذرني فرداُ و أنت خير الوارثين




مرحبا بكن وبكتاكيتكن(f)


أم شهد

ههههههه سلندر عاااد ...اناا بعد مستويه شرات البطه ما اقدر اشل عمري
امبوني اسبق العرب الحين هم يسبقوني وانا اتم اخر وحده (w)


زوجة راشد

:sad: هالاكتآب صايبني من حملت خصوصا اني متعوده عالطلعه ...عاد الحين من حد يطلع اطلع وياه والحمدلله خف عني..... ام ريلي من شافت ويه البيبي في التصوير قالت هذا ولدي ميلس خخخخ
يقولون البيبي يطلع شرات الشخص اللي دوووم عندج قلت مب بعيده دووووم ريلي يالس عندي واتم اشوفه يقول بلاج فيني شي غلط خخخخ قلت لا بس ابا البيبي يشبهك ...وانا بعد بموووووووت من الفرحه صح انا اخاف من الولاده بس من اشوف لبسه اتخبل



Cute Mama
عزيزتي المهم مشي حتى تتحركين في البيت وتشتغلين وانتي يوم اتسيرين السوق عشان تخلصين اغراضج اكيد اطولين بس ما يمنع انج تخصصين كمن يوم في الاسبوع وتمشين مسافه طويله









انا امس سرت القريه العالميه وايد مشيت :confused: ((ما اتشريت كثر ما مشيت ))تقريبا 3 ساعات
قلت توووووبه اسبوووع ما بمشي حتى يوم نشيت حسيت قلبي يدق بقوووووو وما اروم اتنفس
عاد امس قالت لي امايه بسوي لج حلول قلت ما ابغي انا بروحي احس بمغص والصبر وايد فادني مع اني ما اكل منه وااايد واحس ان البيبي ضاغط عالحوض وان شاء الله بسير اشيك اذا نازل ...انا في خاطري اربي 2/2/2007 او 7/2/2007 وريلي يقول جدام عيني اشوف ان البيبي بيي 3/2/2007 خخخخخخ وفليل بتوعيني وبتقولين يله ودني بس ان شاء الله اخلص الاغراض الاسبوع اليااي




يله بنشوف امنوه بتربي قبل امممممم نسيت اقول لكن المشي على رملة البحر تسهل وتسرع الولاده حتى رملة البر نفس الشي انا للحين ماشيه مرتين عليها بس ما اوصيكن شلن وياكن رياييلكن
:ok:

ليلى حبيبتي انا ابدا ما ازعل.. انتن خواتي الحبوبات وخاطري اشوفكن كلكن

عروس كتكوته انا بعد خاطري اربي 7/2/2007

الله يسهل علينا

هااااااااااااي أنا حاجزه هاليوم ههههههههههه ليش تقلدوني هههههه شكلي بشرب زيت الخروع و بسير أمشي على الرمل تاريخ 6/2 عسى الله يسهلها علي وربي في 7 :)

عروس كتكوته
أحلى الشي المشي في القريه...يمر الوقت ولا تحسين به ...أنا ودي أسير أبا اتشرى من هالخراوشين والاكسسوارات بس جي ماشي شغله ههههه

أم شهد...
نسينا نباركلج على الميلس اليديد...متى العزيمه ان شاء الله :) بني عندج كلنا ويا كتاكيتنا و بنسوي دورة لرضاعه الطبيعيه هههههههههههههه

اتعرفون...ودي صدق نتيمع يوم من الأيام :)
أول عزيمه عندي أنا ...بس انتو قرروا و أنا جاهزه .... يعني نقول يوم البيبيات بيكملون 6 شهور بيكون أوكي ....أنا وايد أحلم ...بس كل شي جايز هالأيام :)

ياسلااااااااااام ...الحمدالله و الشكر...توه اتصلت بالدكتوره و قالتلي انه دمي ارتفع والتحاليل كلها أوكي الحمدالله...جان استانس :)

ماعرفت أبشر امنو بعد ريلي و ماماتي..جان توون على بالي قلت محد غير حبايبي الكروشات اللي بيفرحولي :)

اللهم لك الحمد والشكر كما ينبغي لجلال وجهك و عظيم سلطانك
(f)

مبرووووووووووك الغلا وعقبالنا خخخخخخ


بس سيري القريه هالايام لان اخر يوم 9/2

مبروك كيوت ما ما
شو بلاكن على 7-2؟؟؟ اشمعنا 7؟؟

مرحبا حبيباتي الحوامل

وحشتوني وايد غطيت عنكم كم يوم لاني كنت تعبانه من مشوار السفر انا الحين في بيت اهلي وكلهم يسلمون عليكم ،،،،،،،،، صراحه انا وصلت حدي تعبانه موت الله يسهل علي وعليكم انشاءالله ..........

خلونا نسمع اخبار طيبه منكم عن قريب

خواتي الحوامل

يمكن أصير آآآخر وحدة تولد منكم

ما أمس يا بناااات لأن زوجي دائما مشغووول وأخاف أطلع بروحي غير اني طووول النهار الجهال في حلقي وما يصلح إلا الليل لما يناموون عاد وينه الزوووج كللله مشغووول و طالع ما يف

السلام عليكم خواتي
الله يفرج علينا بخير وبصحة لي ولجميع الحوامل
آخر دورة كانت 2\5\2006
موعد الولادة ان شاء الله7\2\2007
دعواتكم

سامحوووني المشاركة السابقة انقطع علي النت التعبااان

اتصدقووون ما أمشي بالمرررة لأن زوجي مو فاضي لي ......

لكني اليوم مشيت ساعتين العصر واني اتسوق في ماركس أند سبنسر - تخفيضات

والحين في البيت الليل مشيت حوالي ساعة وشي

وأحس براحة ضميييرررر الله يقدرني واياكم على الاستمرار في الهمة والمشي ليهون علينا الطلق وتسهل الولادة

تحياتي للجميع

ummaram