اللي ولادتهم في فبراير الجاي...حياكم

جزاك الله الف خير وانا من المواضبين على قراءة سورة مريم والادعية الخاصة بتسهيل الولادة

من وصفتلها دكتورتها الحبه اللي فيها 3 أنواع من فيتامين B غير الأخت العروس الحيرانه؟؟

أولا سنه هجريه مباركه عليكم وانتم في اسعد حال واتم صحه وعلى التجمع الجديد انا معاكم وعلى راس البيبي اناالدكتوره قالت لى خلاص راس البيبي نزل في الحوض وعندي سؤال تكفون تردون احس من كم يوم بان بطني صاير مثل الحجر ويعور مره ويظل ثواني ويرجع ولابعد في اليل يزيد مره والنهار قليل هل وحده فيكم صار معاها كذا انا لما سالت الدكتوره قالت هذا طلق بس اذا زاد عليكى تعالي وانت حوامل هل جات لكم هذا الاعراض رددددددددددددددددددددددددددددو

مرحبا حوااااااااامل شخباركم والله من زمان ما دخلت من التعب والمرض ما قدرت أدخل لكن بالفعل وحشوتني والله سوالفكم حلوووه وتخفف التوتر إلا فيني هذه الفتره من التعب والثقل .



الله يسهل علينا وعلى الجميع لحظة الولادة ولحظات الطلق قولوا يا رب ان شاء الله يارب

:

همسة حنون أختي هذي لتقلصات المسماة بتقلصات براكستون هكس وتجي قبيل الولادة واحنا نسميها الطلق الكاذب - بعدين تصدق وقت الصجية :)

الله يسهل علينا وعليكم ياااارب

تشكرين اختي Cute Mama على النصيحة بتدليك الصدر وبالفعل ترى يسبب تدليك الصدر تقلصات في الرحم اختي عالم الهدوء وتراها من الوصفات المنصوح بها لتسهيل الولادة وتسريع التقلصات ..

جماعة سأبوح لكم بمخاوفي ......

آخر موعد لي قالت الدكتورة إن فحص االألتراساوند بين أن وزن الجنين فوق 3 كجم ....؟؟؟؟ شسوي ؟ واشبيصير عليي أكيد بتصعب علي الولادة صح ؟ خايفة حدي وانتظر الموعد القادم يوم الإثنين بفارغ الصبر لأن الدكتورة قدمت موعد الولادة بحسب وزن الجنين إلى 1 فبرابر بدل 17 فبراير .. لكن خوفي هو اشقد راح يكبر البيبي وبالتالي بتتعسر ولادته طبيعياً؟؟؟؟

ummaram

حبيبتي أم مرام
...لاتحاتين ان شاء الله خير..انتي حاولي هالفتره تعدلين أكلج يعني سلطات على سندويجات خفيفه و امشي وايد و لا تنامين وايد يقولون انه كثرة النوم يكبر البيبي...بس اذا البيبي 3 كيلو فهو طبيعي ...يعني لو اتبعتي حميه معينه هالفتره اللين شهر فبراير بيكون حجمه مناسب...أنا أعرف كمن وحده جابو بيبي أوزانهم 3.200 و 3.500 وكانت ولاداتهم طبيعيه و عاديه ... so cheer up and dont get scared :)

**********************************

همسة حنونه
أنا مثلج بطني يبس علي فتره و عقب يروح ..هذا طبيعي لأنه الحين ماشي مكان حق البيبي و في نفس الوقت تجيني آلام الدوره و ظهري يعورني و رجولي فليل يوم أنام...لاتخافين..انتي طبيعيه 100% :)

**************************

حيا الله ذا كوين...:)
سلامتج من التعب...كلنا في الهوا سوا ههههههههه جان يتي اهني تسوين ريلاكسيشن ويانا هههه ترا سوالفنا تعطيني تشجيع و طمنا على بعض :)

**********

زين فرحة وايد انكم تبون تستمرون في رابطه جديده بعد الولاده ان شاء الله...ومنو يدري يمكن في يوم من الأيام نجتمع كلنا في مكان واحد ويا عيالنا ههههههههه :)

واجب جديد..هالمره حركه رياضيه
حركة القرفصاء
يعني توقفون فاتحين ريلكم شوي و تنزلون اللين تحت بحيث يكون شكلكم كأنه
جالسين على كرسي صغير أو تشبيه ثاني جالسين على حمام عربي ههههههههههه :)

وسلامتكم
:)

اشحالكم يا حلوات ...حد يبا جواهر جالكسي ..... مستويه بس اصورط فهالكاكاووووو

كيوت ماما ... مستويه مطوعه هلكتينى من الضحك ... ودكتورة حضرتج :)

ام مرام ....
احس 3 عادي .... لال تتخوفين .. اللى يسمع ايقول يايبه 6 ...... بس لانى اللى اعرفه ان 3 عادي ....الله ايسهل عالجميع يارب ...

اسمعوا كلكم ... انا قريت معلومه .. واتمنى اللى اتعرف الصح من الخطا اتفيدنا ....الله ايسلمكم قريت ان شرب محفزات الولاده من خروع وجرفه وزعتر قبل الولاده بفتره ايرخي الرحم ... فيلتف الحبل السري عاليبيبي ............ صح هالكلام والا لاه .؟؟؟

الله يعطيكم العافية جميع.............. بس ما جاوبتو سؤالي..

هلا خواتي الحوامل مشكوره أختي ام مرام على الرد وعلى وزن البيبي انا من أسبوعين قالت لى الدكتوره وزنه 3 كيلو وقالت زين وما خفت ولا شيءوولادتي في 15 فبراير وبكره عندي تصوير شامل عند الكتوره الي بتولدني ومو خايفه من الوزن عادي ههههههههه لان ببنتي قالت لي الكتوره 3 كيلو وعلى ماتولدي بيصير 3 ونصف ولاكن طولت وطاف عل الموعد اسبوعين وجبتها 3 - 800 غرام قريب للاربعه وعادي ولاده طبيعيه لاكن تعبت جدا فيها ويوم شفتها نسيت كل شيء وك
ل الممرضات تقول لي بيبي كبير واقول لك عادي لاتحاتي وانا بكره بقول لك كم صار وزنه

مشكوره أختي كيوت ماما صحيح الدكتوره لما سرت عندها الاسبوع الماضي قالت لى أن راس البيبي في الحوض وقالت لي شكلك مو مطوله بتولدي بسرعه يمكن بتأخذي من التاسع عشر أيام أو اسبوعين وبتولدي والله يسمع منها لاني خلاص طفشت من الحمل والحمل وكل يوم تزيد من الام والتعب والطلق كل ليله يزورني لاكن في الصبح يذهب فهل هذا دليل ولادتى قريبه

مرحبا حوامل فبراير

صمت الدروب

استعملت حبوب كالسيوم والحمدلله ماشيه لحد الآن تمام صارلي 3 ايام استعمله ومافي الم في الكلية اذابغيتي اسمها علشان زوجة اخوك انا حاضرة.................

همسه حنون

ترا وزن البيبي عادي وطبيعي انا ربيت واوزان بناتي بين 3,100 و3,400 اهو شوي تعب في طلعة الراس بس الله يسهل سبحان الله وقتها فلاتحاتين ولاتخافين...........

حبيبتي كيوت

القرفصاء حق اللي عندهم مشكله في الركب مثل حالتي بلوة هههههههههه بعيد الشر عنكم...........

مع السلامة حبايبي

مرحبا ((كل عام وانتم بخير))
عالم هدوء ممكن تعطيني اسم حبوب الكالسيوم

مســـــــا الخير


اشحالكن عساكن بخير


همسه حنون

عزيزتي حتى انا قالت لي الدكتوره ان راسي البيبي تحت ويوم امشي وايد احس براسه نازل وبالنسبه للي تحسين به احيانا احس ان بطني مثل الحصاه كأن البيبي يشد على نفسه يتم فتره قصيره ويرد عادي بس فليل ما اعرف والله ما انتبه بس يوم انش من النوم واطيح على ظهري احس ان بطني متيبس ...... والصراحه انا مثلج مليييييييييييت خلاص احس اني بموت من التعب


layla2005
ان شاء الله تلقين الجواااب ردن عليها يا كسولات خصوصا اللي كانت لها ولاده سابقة


the Queen 82

اميييييييييييييييييين الله يسمع منج ..الله يسهل علينا ولادتنا

ummaram

الله يعينج بصراحه بس انا ما اعرف اذا انتي عندج سكري الحمل لان وزن البيبي يزيد وبعض الاجنه يشربون الماي ويكبرون بسرعه بس بعد الولاده يزول هالشي الله يسهل عليج



Cute Mama
صدقج والله شي حلووو لو فتحنا رابطه يديده لعقب الولاده :sad: لاني بتوله على سوالفكن ...وبالنسبه للقرفصاء وايد زينه الحركه حتى قريت موضوع ان لو تمت الولاده وانتي واقفه تسهل عليج وااااايد ..انا سمعت انا في مستشفى دبي يولدون والحامل يالسه وفي الوصل وهيه منسدحه(w) (n) وفي الامريكي في الماي الصراحه انا ابا وانا واقفه بس ما اعرف اذا يرضون وا لا......


زوجة راشد
اشحالج من عقب الطيحه ...؟؟
اممم والله اول مره اسمع هالمعلومه بس اسمع يقولون لازم تشرب الحامل حلول ...اللي ما احبه :sad: عشان ينظف البطن بس انا جربت الصبر والمر احس ان بطني ينظف وقريت ان مب زين الحامل تشرب هالاشيا قبل الولاده لانها اتسويها وقت الولاده كرمج الله بدون لا تحس وهالشي اكيد يسبب احراااااااااااج ...بس اليوم قالت لي وحده عن بنك الحبل السري انهم وقت الولاده يسحبون السائل اللي في الحبل السري ويحفظونه لج لو بغيتي بشرط تدفعين 2000 درهم اذا كانت العينه سليمه احتمال تحتاجينها في المستقبل بعيد الشر واحتمال حد من الاهل يحتاجها وتقدرين تتبرعين بها لصالح اللي فيهم ثلاسيما وسرطان الله يبعده عن الجميع الصراحه انا محتاره بس قلبي يقول لي تبرعي وحصلي اجر ......







اممممممم الصراحه في الفتره الاخيره احس بكسل خصوصا من المغرب ابغي ارقد (w) وجسمي كله يعورني حتى ما اقدر ايلس وقت الاكل وامس حسيت بثقل في راسي ولا اقدر اشل عمري من التعب
اللي قدرت اسويه اني غسلت كمن كندوره وقماط للبيبي وحطيت له اوفارول ويا غطا للراس طقم خخخخ ومتردده احط له بامبرز والا اخليهم يبدلون له من عندهم اما باقي الاشيا بعدني ما شريتها:sad: وبالنسبه لأغراض اللي بحتاجهن تقريبا حافظه اللي بحطه اهم شي زربووول ههههههه وشال وبحط جراجه للموبايل وبشل ويايه الفوط الصحيه اللي ارتاح لهن لان بعض الانواع تسبب حساسيه ومساعه فكرت اشل ديتول صغير ويايه ويالسه ادور مسجات تبليغ بالولاده :clap: وادعيه لتسهيل الولادة ..الصراحه انا انسانه خايفه من التجربه مع انها حلوه مثل ما شفت في Mbc 1 من اشوي بس بعدني خايفه بس اللي يخفف هالخوف ان ريلي مستانس لان الوقت قرب خصوصا ان ما عندنا يهال في البيت يعني البيبي مالي اول حفيد لعائلة ريلي ....بس اللي احاتيه كيف بوفق بين ريلي
والبيبي خصوصا انه من النوع اللي يدلع ما يحب يسوي شي الا يوم انا عنده مثلا اليوم رديت المغرب من عند اهلي وتفاجأت انه ما تغدى الا يوم حطيت له الاكل ووايد اشيا ...يقولون ان الريال يحس بالغيره من ولده حتى لو كان يحبه .......انتن شوه رايكن
واااامممممم واشوه بعد اممممممم بس هذا اللي اذكره حاليا

والسموحه هذربت وااايد

مرحباااااااااااااااا بنات

شخباركن ؟؟ انشالله تمام

انا ضموني لهالشله ولادتي انشالله 16-2

السلام عليكم..
انا موعد ولادتي في 27 فبرااااير

بس ولدت قبل عشرين يوم يعني في 2يناااااير

يعني قبل شهرين من موعدي..

وجبت ولد صغيرووووون بس يجنن سميته (عبد الله) وهذا اول بيبي لي..

تبون اقولكم قصة ولادتي؟؟؟؟

مرحبا حوامل فبراير

كوين 82

اسم حبوب الكالسيوم OSTEOCARE - calcium ; magnesium ; zinc ;vitamin D

عروس كتكوته

الله يعينك على التعب ودلع زوجك بس حلو ان يكون المولود اول حفيد لكم في ا لعائله الله يقومك بالسلامه والتحلون فيه باذن الله ..........

مرحبا اختى فراولة الحمدلله على السلامة

اي نبغي نعرف قصة ولادتك والسبب اللي خلاك ولدتي قبل موعدك بفترة اذا ماعندك مانع وطمنينه على عبودي الصغيروووووووووون الله يخليه لك انشاءالله........

::فراوله:::
السلام عليكم..
انا موعد ولادتي في 27 فبرااااير

بس ولدت قبل عشرين يوم يعني في 2يناااااير

يعني قبل شهرين من موعدي..

وجبت ولد صغيرووووون بس يجنن سميته (عبد الله) وهذا اول بيبي لي..

تبون اقولكم قصة ولادتي؟؟؟؟

هلا فراوله الحمدلله عالسلامه اكيد نبي نسمع قصتج

بس وشلون ولدتي قبل موعد ولادتج يعني ولدتي في الثامن ولا ؟؟؟؟؟؟؟؟

اولا الحمدلله على سلامتك ويتربى في عزك وممكن نعرف قصه ولادتك يافروله واليوم ذهبت الى الدكتوره الي بولد عندها وسوت لي سونار قالت ان البيبي ممتاز ووزنه 2-800 غرام وانا ذهبت قبل اسبوعين وقالت 300 كيلو شوف الفرق اسبوعين ونقص وزنه وهذا دليل ان الوزن مو اكيد واخرت ولادتي الى 18 فبراير بدل 15 فبراير انصدمت يوم سمعتها تقول لاني متفاله يوم اذهب عندها ويتقدم الموعد

فراوله

الحمدلله عالسلامه والف مبرووووووووووووك
واكيد نبغي نعرف القصه