اللي ولادتهم في فبراير الجاي...حياكم

السلام عليكم حوامل

انا والحمدلله طلعت تحاليل السكر والدم ممتاز
والبيبي وضعو كمان ممتاز

انا من بداية الحمل حتى الان زدت بالوزن حوالي 5 كيلو

:smile:

اه صحيح ؟
مين عندها تساقط شعر كثيف خلال فترة الحمل ؟
لانو انا كثير عم يتساقط شعري

هلا احلي حوامل
ريم الحمد لله انه كل شاء تمام بس اذا شعر يسقط كتير يبقي انتي محتاجه غذي اكتر واعتقد ان 5 كيلو من اول الحمل كتير قليله بس لس سؤال هل ده حملك الاول لان في ناس تقول الزياده في الحمل الاول ممكن تكون قليله بس لو حمل تاني او تالت لازم تاكلي اكتر لان جسمك بيكون ضعف من الحمل السابق
انا زدت لحد الان حوالي 9 او عشره كيلو ومش عارفه كده كويس ولا لا وده حملي الاول

السلام عليكم

اشكرك عروس حيرانة على ردك

نعم هذا حملي الاول
والدكتورة قالتلي انو وزن الجنين ووضعو متتاز والحمدلله وما اعطتني اي ملاحظة على وزني
بالنسبة الى تغذيتي ، اشعر اني اتغذى جيد جدا ، واللي يثبت ذلك فحص الدم ومستوى الهيموغلوبين في الدم

على كل حال الله اعلم

مرحبا حوامل فبراير يعطيكم الف صحه وعافيه..........وطبعا انا معاكم

اختي عروس كتكوته
كلنا لازم نحاول نمشي على الاقل مثل ماقلتي نص ساعة في اليوم وهذا مشكلتي انا بعد موعارفه اشلون ابتدي مع ان الجو فظيع هذي الايام غير جذي انك بتشمين هوا نقي........فدعيلي ان الله ايسر اموري وانا راح ادعيلك.........

اختي ريم
تساقط الشعر يكون احتمال ان فيكي فقر دم او ناقصك تغذيه وانا اتفق مع اختي عروس حيرانه مع انك تقولين ان نتائج التحليل والحمدلله طبيعية.......ماادري اسألي الدكتورة افضل لان عادة تساقط الشعر يبدأ بعد الولادة مثل مايحصلي بسبب الرضاعة و تراجع هرمون الحمل....

اختي عروس حيرانه
9 او 10 كيلو وانتي لسه في بداية الشهر السابع اعتقد انه كثير بس ماابغي اخوفك بس حاسبي لان الوزن في اخر شهرين يزيد بشكل ماتتصورين فقللي من الحلويات والدهون لان المعدل الطبيعي للزيادة بين 9-12 كيلو الا اذا كان في حالات خاصه طبعا.........

السموحه طولت عليكم

وبكرة انشاءالله راح اقترح عليكم حاجه فانتظروني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وينكم ياجماعة

هلا اخواتي شخباركم الله يعينا ويسهل علينا يارب

انا رحت للدكتوره وقالتلي ان كل شئ تمام ووضع البيبي زين الحمدلله
راسه مايل بس للحين مو نازل تحت اما بالنسبه للمشي انا والله احاول
اتحرك وامشي بس مشكلتي اني خايفه من الولاده المبكره لاني تعرضتلها
في في كل حملي
..

اختي ريم انا مثلك عندي تساقط اعتقد انه من فقر الدم :( الله يعين

حبيبتي عالم الهدوء ننتظرك :)

صباح الخيــــــــــــــــــر يا حلوات .... اشحالكم ....عساكم كلكم بخير وصحـــة
عروس كتكوته .....
امشي حبيبتي واتحركي بالمعقول لان كثر اليلسه ما اتخلي البيبي ينجلب ....ولا اتحاتين وايد انشالله عالمره اليايه يكون وضع البيبي اوكي .

صمت الدروووب ...
توكلي على ربج وانشالله تولدين في وقتج وما يصير عندج ولاده مبكــــــــــــــــــره.


عروس حيرانه ....
نسيت اباركلج على اللوك اليديد ...... مبروك حبيبتي واحس ان النفسيه تتغير بتغير اللوك ... انا امخليه كل التغير الي بعد الولاده :)



عالم الهـــــــــــــــــدوء .....
لا اتحرقصينا زياده ... ويله خبرينا عن الاقتراح .

هلا يا حمولات يا حلوات

والله انكم وحشتوني... اتولهت عليكم

اول شي بخصوص الفساتين محد بيحصل شي جاهز غير الجلاليب من عند اليشمك، بس لو تبون فساتين احسن تاخذين قطعه حلوه وتفصلينها ولو لاحظتو الموضه الحين كلها موديلات خصرها عالي يعني الموديلات موجودة بس اظن الهمه هي اللي في اجازه هاليومين... لين نربي انشالله

انا سرت بيبي شوب عشان مسوين تنزيلات بس القهر اني رحت قبل التنزيلات بيومين واخذت اشياء وايد، وعناد رحت مره ثانيه في التنزيلات

اخباري ما تسر يا حبيباتي.. انا كنت متأخره عليكم عشان كنت تعبانه موت، من الاسبوع اللي طاف وانا احس بالم في الحوض وبثقل كأن شي بيطيح مني،، وكنت مطنشه ومن اربع ايام الالم زاد وكنت مب رايمه امشي ابدا، احس في حد يشد الحوض من الجنبين كأنه بينكسر والثقل زااااد بطريقه فظيعه، رحت للدكتوره وسوتلي سونار وقالتلي ان الراس تحت وضاغط على عنق الرحم وان في توسعات في الحوض وانه بدري على هالأشياء، وقالتلي انتي شو تسوين، قلتلها ماشي شغل البيت (ماعندي بشكاره) في الدوام كله يالسه وغير بنتي شهوده كل شوي تبيني اشيلها واسبحها وابدلهم ولعب وياها فديتها،، قالتلي انتي ترهقين نفسج زياده قلنا الحركه حلوه بس مو معناها نذبح اعمارنا وغير انه في طريقه معينه للحركه، ولو ما انتبهت ممكن اربي بدري

المهم اني بعدني احسب بألم مادري شو اسوي والحين عندي احساس اللي نحسه قبل الدوره يوم يكون في ثقل والم في الظهر،،، انا خايفه موت ادعولي الله يخليكم،
انا افكر في شي .. في واحده ماكانت تعرف اني حامل وكلمتني من فترة وقلتلها بس مادري مابي احط في خاطري شي

ادعولي ولو تعرفون شي خبروني الله يخليكم
سلامتكم

سلامتج يا أم شهد...الله يحفظلج البيبي و يثبته ان شاء الله بس انتي بعد حاسبي على عمرج و ارتاحي و خلي الدكتوره تعطيج اجازه اسبوع تريحين فيها في البيت...وخلى شغل البيت يولي الحين يبيلج اي حد يساعدج.
الله يعينج و يعطيج القوه والعافيه :)

أما عني أنا ... فراسي داير عليه من كثر المحلات اللي سرتها و شفت أغراض حق غرفة البيبي و حقي..وأحس انه في وايد أشيا حلوه بس بعدني ماعرفت أختار شي...وايد متردده هل الفتره..مادري لو هو الحمل يسوي جذي....يخليج مشتته هههههه!

ودي أحصل قمصان نوم فخمه و حلوه جاهزه بدون ما أيلس أدور خياييط..جان زين لو شي محل ايبلنا كل شي من الألف الى الياء بدل هل دواره كلها في الزحمه!

انزييييين بسألكم...سؤال محرج عن الافرازات...هل فتره تزيد ولا عادي كل ما قربنا للموعد؟ و هل تحسون انها تكون لزجه ولا مايله للسائل أكثر؟ يعني تحسون بالخرس شويه؟

آخر سؤال: وين بتربون ان شاء الله...لأنه يمكن حد فينا يربي نفس الوقت في نفس المستشفى هههه كشخه :)

أشوفكم على خير يا حلوات.....:)

انا الحين بالسابع وباموت من تعب الاسنان
واتمنى اولد اليوم قبل باكر
وكنت وايييد متحمسمه اشترى حق البيبي بس من تعبت من اسناني كلش مايت
استغفر الله الله يكتب لنا الاجر بس ياالحريم
بس اوت قهر ونفسي الرجاجيل يحملون مثلنا اااااااااااخ يالقهر
معليش خرجت عن الموضوع
لكن موعد ولادتي في 18-فبراير-2007

حبيبتي Cute Mama بخصوص الافرازات، انا في شي مؤمنه فيه وعن تجربه شخصيه مع ان في موضوع هنا في المنتدى ينصح بعدم استعماله، هالشي هو التنظيف باستعمال الاصبع بعد الحمام والجماع. والله اني احيانا لما اكون بره في مول مثلا او في اي مكان وانظف بس بالماي بعد الحمام الاحظ نزول هالافرازات بس لما انظف بالاصبع عدل حتى لو بدون صابون مايستوي اي شي الحمدلله، انا ادري ان في وايد بنات وحريم مايحبون هالطريقة بس والله انها ماتخلي اي افرازات ابدا بس اهم شي انه ايدج تكون مغسوله بالماي والصابون عدل وتكون الاظافر مقصوصه لان احيانا الاظافر هي اللي ممكن تسبب افرازات لما الواحده تنظف بايدها. وهاي نصيحتي اللي قالتلي عليها واحده دكتوره صديقة الوالده.

وثاني شي انا بربي في الكورنيش انشالله وموعدي باظبط 17/2
بس مادري لو بربي قبل مع هالتعب اللي احسه

انتي وين بتربين؟

سلامات ياام شهد ما اتشوفين شرررررررر....... هاتيلج حد يساعدج واتحملي على عمرج
كيوت ماما .. انا مثلج خاطري الوووف كل اللى فالمحلات وكل حدايقولي ان هالشي عادي في اول بيبي وراسي يدور من كثر الاغراض الحلوه .
بالنسبة للافرازات ... احسها اتكون عاديه وخصوصا كل ما اتقرب الولاده .... بالنسبة لي احس بالخرس جنى مب متنشفه كرمتى عقب سيرة الحمام ... بس سمعت انه هالشي عادي .
وبالنسبه لمكان الولاده انا بربي انشالله في مستشفى دبـــــــــــــــــــي


بس عندي ســـــــــــــــــــــــــــــوال ... ادري حشره استحملونــــــــــــــــــــــــي .....
انا ادخل شهري التاسع في 16/1 ..... واللي اعرفه ان الوحده يمكن تاخذ يوم واحد من الشهر ال9... يعنى انا عادي اربي فشهر واحــــــــــــــــــــــــــــد ..... والا حساباتى غلط ..؟؟؟؟؟

ام شهد...صدقج أحس انه طريقتج تنفع أنا ساعات يوم اتغسل بماي و ملح بعد احس انه الافرازات تقل..

و أنا ان شاء الله بربي في مستشفى NMC - speciality hospital

زوجة راشد: لول عيل احنا قوم بو أول بيبي جذي هههههههه أقولهم أبا كل شي حلو و يفتح النفس و أبا أشارالي ثياب حق بعد الربى لأني أدري ابعمري ما بطلع عقب بجابل بيبي حبيبي :)
و أنا بعد أفكر مثلج..مادري متى بربي في ياناير ولا فبراير لأني بدخل التاسع ان شاء الله في
12/1

مرحبا حوامل يناير وفبراير شكلكم بتلخبطونا بس ترا الشهر التاسع بيبدأ انشاءالله في يناير بس لازم تكملين على الاقل 38 -40 اسبوع يعني بتكونون ولادة في فبراير بأذن الله اما اذا كان أقل من 36 اسبوع يعني قبل الموعد والله يسهل علينا أجمعين..........


اختي ام شهد

ماتشوفين شر وديري بالك على روحك ترا الاجهاد والتعب وشيلة الاشياء الثقيلة مب زينه خصوصا في أخر ثلاث شهور فانتبهي..............


cute mama

بالنسبه عن الافرازات ترا في انواع فانتبهي لان في بعضها تكون بكتيرية وتأثر حتى على البيبي وتكون ولادة مبكرة انا ماأبغي اخوفك بس راجعي الدكتورة وخليها تأخذ مسحه من الرحم علشان تتأكد عموما الافرازات تزيد مع الحكه في نهاية الحمل بس يبغيلك تنتبهين ......... انا شخصيا استعمل صابون ديتول او أي معقم ثاني مثل بروتكس بعد الجماع وكل دخلت الحمام بس لايصير عندكم وسواس بس خلي نفسك على طول ناشفة وغيري السروال مرتين في اليوم.............


بالنسبه عن اقتراحي.....................

انا مع بداية الشهر السابع تليقفت على عمري واخذت مقاسات الخصر ومحيط البطن طبعا انصدمت.........................:sad: .........................

اذا ماعندكم مانع كل وحدة تأخذ مقاساتها وخبروني وباكون اول وحدة تقر بالحقيقة.....:shy:

وسلامتكم

مشكورات حبيباتي زوجة راشد وعالم الهدوء الله لا يحرمني منكم

بالنسبه لمقاساتي...ممممم ما اخذتهم لاني اصلا كنت متينه قبل الحمل .. ماشي مقارنه هاهاهاهاها بس الموضوع اني احاول ما اخرب عشان ما امتن زياده.. بس ابي وزن البيبي فمن اول الحمل كله خضار وسلطه وفواكه اما العيش والمعكرونه وايد قليله.. بس مب قادره اقاوم الكشري المصري... كل كام يوم اسوي واخذ لي صحن عود..

اما بالنسبه للولاده... انا سمعت ان ممكن الحامل ما تكمل كل التاسع وممكن تدخل في العاشر مثلي انا في حملي الاول هاهاهاها

المهم اخليكم الحين لاني ابي اتريق.. الساعه 8:45 ما اقدر انطر اكثر

احبكم

هلا والله باتحاد امهات فبراير.....;)

انا بالسابع مثلكم طبعا اخر دورة لي 7/5 بشهر العسل وولادتي

متوقع لها 14-2 اعاني معاناة غير طبيعية مع الصداع و مرات بعز البرد انا اكون ميته من الحر

وطلعولي 3 ضروس العقل بحملي عذااااااااااااااااب.........

بس الحمدلله على كل حال الله يكتب لنا الاجر جميع.....

تحياتي....:)

مرحبا حوامل فبراير

ومرحبا فيك اختي قطر كوين لانضمامك معانا والله يسهل عليك .....:salam: ...... بالنسبه للصداع اللي تحسينه من ضروس العقل واساسا في الحمل تحسين بصداع دائم يعني حتى المسكنات ماتفيدك يعني ماتأخذينها افضل بس تروح مع الشهر السادس ....... بما انك في الشهر السابع يعني معناته ان من الم اسنانك ..............وماتشوفين شر انشاء الله...........

سمعو السالفة يابنات..............
وحدة من ربيعاتي كانت مسويه تصوير سونار عادي وقالولها بنت هذا كان بالشهر الرابع ولما سوت التصوير الثلاثي قالولها ولد كيف الله واعلم..............

فهل في وحدة منكم صار لها نفس الموقف................. لاني انشاءالله راح اسوي التصوير الثلاثي بعد اسبوع وخايفة ان الكلام يتغير.....:sad: ....... لكن ارد واقول كله بكتبت الله .

بالنسبه عن المقاسات راح اقر بالحقيقة: :confused:
الخصر: 35 سم
محيط البطن: 41 سم
وبعد شهر راح اخذ المقاسات مرة ثانية.

اشكركم على الاستماع ويعطيكم الف عافية..............

هلا حبايبي

سلاماااات ام شهد ماتشوفين شر ان شاء الله ومثل ماقالوا البنات عليك بالراااحه
التامه لاني صار لي مثلك في حملي قبل وجاتني ولاده مبكره واخذت اجاازه من الكليه
وبعدين استمريت ع الدواء وارتحت والحمدلله ولدت في شهري التاسع طبيعي انتي بس
لاتعبين عمرك وحصني نفسك بالاذكار وارتاحي وان شاء الله خير
..
هلا عالم الهدوء هذا اقتراحك خخخخ انا بعد مااخذت مقاساتي بس اكيد يفرق
وكثيير بعد يلا ع العمووم انا الحمدلله انزل كثيير بعد ولادتي يعني ماافكر الحين
في وزني ومو شايله همه :)

..
بالنسبه للتصوير اختي صار لها نفس الشئ قالولها بنت اكثر من مره
وبعدين طلع حملها في ولد يلا كله بيد الله وربي يكتبلك الخير ان شاء الله

هلا حبيبتي صمت الدروب... والله انا احاول اريح نفسي والله يستر.. احس اني بربي بدري..الله يعينا

وبالنسبه للتصوير وايد اسمع حريم قالولهم شي وطلع وياهم شي غير.. يا حليلها اللي تشتري كل شي وردي وبعدين تربي وتييب ولد؟؟

الله يعينا

سوالفكم حلوه ............برد لكم خلااف