اللي ولادتهم في فبراير الجاي...حياكم

مســـا الخير

اشحالكن واشحال كتاكيتكن :shy:




اختي ربت في اول التاسع...فسألت الدكتوره قالت مب شرط ...الله يعلم متى بيي عالدنيا
حاليا اتمشى بين يوم وترك احيانا اتمشى في الفريج واحيانا عالبحر ومرات في الجمعيه


طمنني عليكن

مرحبا حوامل فبراير

انا اليوم رحت عند الدكتورة وعملت تصوير عادي علشان المقاسات والحمدلله كلشي تمام............ بس عملت تصوير ثلاثي بس الصورة ماتطلع واضحه يعني مهزوزة ماادري انتو صار لكم كذا بعد للاخوات اللي عملت تصوير ثلاثي الابعاد؟؟؟؟؟؟

اختي صمت الدروب

هذا الاقتراح كان بس من باب الضحك والتسليه وكلنا ننزل والحمدلله بعد الولادة يعني الواحد مابظل طول عمرة حامل...........

وسلامتكم

هلا حوامل شخبااركم ؟؟

عروس كتكوته كلامها صح انا ولادتي الاولى كانت في اول التاسع والثانيه
كانت بعد اخر اسبوع في شهري يعني مب شرط

انا اليووم معي الالالم فضيعه في ظهرررري مو قادره انام ولا اتحرك حطيت من مرهم افالون
والالم مستمرر الله يعين بس
..

عالم الهدوء شدعوه ياقلبي ادري طبعا وانا كنت امزح وشئ اكيد الكل بينزل بعد الولاده بس
انا قصدي اذا كانت اصلا الوحده زايد وزنها قبل الحمل فاكيد بتزيد اكثرر ومرااح يكون وزنها مثل قبل لكن مع الريااضه والرضاعه الطبيعيه بتنحف وبترجع
وبصراحه حبيبتي انتي مسوويه جوو للموضوع يعطيك العافيه :clap:

صباح الورد و القشطة يااختي صمت الدروب ( بس علشان تكونين راضيه عنا )

انا بعد فيني آلام في عضلات بطني تكون مشدودة لما اكون نايمه على ظهري بالليل...... بس يالله هانت.

شخباركم حوامل فبراير وينكم في الويك اند غطيتو؟؟؟؟؟؟؟؟؟؟؟؟

يالا خلونا نسمع اخباركم ومغامراتكم اشتقنالها.......

مساء الخير عرايس
شخباركم أن شاء الله الجميع بخير وصحة مع أنا زعلانه ما أشوف أحد يذكرني ويسأل عني إذا غبت عن الموضوع ((( وحده تدلل نفسها شسوي ))):shy:
حبيت أطل عليكم واسلم بس

هلا وغلا فيك اختي the Queen 82 وينك موبس انتي اللي تغطين ترا الجماعة كلهم الضاهر الحمل مأثر عليهم..........الله يكون في عونا اجمعين.................

شكلنا كلنا داخلين الثامن و بدبنا نثجل حتى على الطباعه ههههه كسلانيييييين...
أنا والله ماعندي شي جديد..بس اني لين الحين ماشتريت شي.. لول..و ان شاء الله ببدأ هالإسبوع..
بس أحس وايييييييييييد أشيا على راسي و مب عارفه من وين أبتدي...
عندي أغراض البيبي وتجهيزات المستشفى و أثاث الغرفه اليديده و لبس العيد و ملجة اختي ان شاء الله بعد العيد....
بصييييييييييييييح...متى بخلص كل هذا!

الله يعينك اختي cute mama انا لما يكون عندي افكار كثير في راسي اكتبها بتلفوني جهة الملاحظات وشوي شوي الافكار بتترتب عندك وتقدرين ترجعين لها اي وقت اذا كان في شي ناقص ماسويتيه.......... احس اساسا المخ موقاعد اجمع هذي الايام...............

سلامي للجميع

حبيباتي الحمولات
وينكم ؟؟؟

شو اخبار الحمل خلاص قربت انشالله بس المشكله اخر ثلاث اشهر تعب وعدم راحه في النوم
انا مب عارفه انام على جنبي اليمين ولا اليسار, الم في الجهتين
والم في اليلسه

شو اخبار التجهيزات...
الجو برد وبيكون برد زياده في شهر واحد واثنين اشترو ملابس ثقيله لكم وللبيبي عشان انتو الاثنين تدفون. ولا تستهينين في ملابسج ترا المربيه لازم تهتم بالتدفئه عشان الم العظام ...

يللا باي

هلا حوامل عاملين اايه ؟؟

cute mama حبيبتي مثل ماقالت عالم الهدوء رتبي افكارك واكتبيها عشان
ماتنسي شئ والله يكون في عونك ان شاء الله
..

انا بعد ماجهزت شئ للحين بس ببدأ ان شااء الله الاسبوع الجاي اول شئ في بيتي
بغير الاثاث بعدين اغراضي و اغراض البيبي
..

اختي ام شهد انااااااا مثلك والله مو مرتاااحه في نومي ابد اصحى
وانا اتألم ومو قادره امشي ولا اتحرك غير الحموضه والحرقان بالمرئ
مالي نفس اكل او اشرب اي شئ واحس بغثيان ع طول

صمت الدروب..حبيبتي جربي دواء يبيعونه في الصيدليات اسمه جافسكون Gaviscon
للحموضه و الحرقان وايد بترتاحين..ولا تخافين هذا مايضر بالحامل أنا الدكتوره وصفتلي اياه حتى كثير من اللي أعرفهم و جربوه وقت الحمل فادهم.

جربي و ان شاء الله ينفعك:)

انا اليوم اقول اني صج تعبانه
الآم في عظلم الحوض وضغط زياده كأن البيبي يبي يطلع ...

مادري شكلي في مره بخبركم اني خلاص ربيت... المشكله اني ما اعرف كيف بيبتدي الطلق لانه ولادتي الاولى كانت بطلق صناعي في المستشفى
المشكله اني كنت ابي اغير في فرش الميلس لاني خلاص كرهت اللون.. انشالله ما بتأخر اكثر من جي وبروح بعد باجر

المهم انتو شو اخباركم طمنوني عليكم ؟؟؟

مرحبا عرايس

إلا سوت تصوير ثلاثي الأبعاد تكلمني عنه ، لاني ناويه اسوي بس متخوفه مادري ليش يعني هو يوضح لنا شكل البيبي وإذا كان صحة اوكي أولا لا او شنو يوضح لنا بالضبط

مسا الخير

عزيزتي كوين 82

انا سويت تصوير 2D كنت ابغي التصوير الثلاثي الابعاد 3D بس قالت لي الدكتوره انه بنفس وضيفه الثري دي ...ووضيفته ان يطلع لج ملامح البيبي حتى اعضائه الداخليه والحمدلله البيبي مالي اوكيه ... بس لو لقيتي 4D لا تترددين وسويه لانه اوضح بواااااااايد



http://go.3roos.com/d2Dju4Ci7MK

في هالموقع عزيزتي بتلقين تصوير رباعي الابعاد لأجنه حيوانيه بتلاحظين كيف الصور واضحه

:)








برد لكم عقب ...بسوي لكم دله حليب بالزعتر ههههههه وبيي

مرحبا حوامل فبراير

انا كنت تعبانه كان فيني انفلونزا ورحت للدكتورة وكتبتلي بعض الادوية اللي تكون مناسبه للحامل وماتضر باذن الله الجنين توكلت على الله واخذتها والله يستر............

بالنسبه عن قلة النوم الله يعينا كلنا آلام في كل جهه ماتعرفين على اي جهه ترتاحين؟؟؟

يالله هانت الله يسهل علينا اجمعين...................

وين يسوون ال 4D هو 3D في ابوظبي؟؟

وين يسوون ال 4D أو 3D في ابوظبي؟؟

هلا اخواتي شخباركم ؟؟

انا كنت تعبانه حيل اليومين اللي راحت جاتني نزله برديه
حاااده ورحت الطوارئ عطوني ابره ومضاد حيوي والحين الحمدلله
تحسنت عن اول كثير وصرت اكل عادي لان لي فتره ع الاكل المسلوق وبس
..

بالنسبه للاشعه سويتها بحملي الاول وطلعت واضحه لكن حملي هذاا ماسويتها والله

السلام عليكم ..

شخباركم ياحوامل ..؟

[img" target="_blank" rel="nofollow">http://tickers.baby-gaga.com/p/dev039bb___.png[/img]"]