اللي ولادتهم في فبراير الجاي...حياكم

[CELL="filter:;"][ALIGN=center]مرحبا حوامل فبراير

شخباركم والله تضحكون صراحه بقصصكم ، بالنسبه لحجم البيبي اذا في الجهاز طالع اكبر ترى عادي لان بعض الاحيان يكون التبويض قبل الفترة المتوقعه فيكون التلقيح وعلى هالاساس يكون الحساب شوي مختلف بس عادي.

انا هذي الايام احاتي ويمكن ماعندي سالفه بس حبيت اسألكم وضع البيبي في بطنكم كيف صاير حاليا بعد ماسويتو تصوير ، لان انا سويت هذاك الاسبوع وكان راسه فوق ورجلينه تحت الدكتورة تقول ان في هذي الفترة وضعه مو مستقر على مكان واحد يعني قاعد يتمشي بيعتدل انشاء الله.....وانتو كيف وضعه طمنوني.؟؟؟

سلامي للجميع[/CELL]

مرحبا ... صباحكم لبنه عسل وقشطـــــــــــــــــــــــــــة ---------> متأثرة بالريوق


عالم الهدوء .....
لا اتحاتين بالمره ...لانى البيبي في هالفتره عادي يتحرك في جميع الاتجاهات ..مب مرات اتحسين به في الخاصره ..ومره فوق .. ومرة تحت السر ....عادي .. اتصدقين انا يوم كان موعدي ما سالت شقايل وضعه ... نسيت ... ربشتنى الدكتورة بحجمه ونسيت اسالها اىشي .....

اتعرفون متولهه على اشوووو ....... متولهه على رقاد اول ثلاث شهور ... خاطري ارقد ارقاااااااااااااااااد انش منه شبعانه .... مب اللى حاصل الحين ...احس ولا كانى كنت راقدة والم فخواصري .......ومغص من الصبح....الله ايعين


خبرونـــــــــــــــــــــا عنكم ....

هلا يا حمولات
اشحالكن اليوم

بخصوص وضع البيبي، اظن كلنا نفس الشي لانه دكتورتي قالتلي نفس الكلام، بس انشالله ينزل الراس على الشهر السابع
ويالله على الرقاد.... خاطري انا بعد انااااااااام .. في الليل احس اني ما انام، تعرفون لازم يوم تتجلبين من جنب لجنب تنشين وتعدلين وضعج
انا صرت انتبه اني انش كل ساعه ...
بس انا امس كنت افكر اني خلاص بنسى النوم لمده سنه.. ترى الحين ما انام عدل ويوم بربي انشالله البيبي مابيخليني انام، تعرفون ينش كل ساعتين يبي يرضع او تغيير بامبرز... اوف اتذكرت اول ما ولدت بنتي شهد كنت ما اشوف النوم ابدا، كانت الحلوه تنش كل ساعه وما ترقد عدل غير في النهار، وطبعا انا كنت استغل رقادها في النهار عشان اطبخ ولا انظف ( ما عندها بشكاره).. وكانو يقولولي لاتخلينها ترقد وايد بالنهار عشان تنام عدل في الليل بس صراحه كنت اقول حرام يعني انا الكبيره واحتاج للنوم وهي صغيره فديتها لما تبي تنام ما اخليها.. وبعدين كنت قريت مقاله طبيه تقول ان الاطفال ما تنمو خلايا المخ اللا لما يكونو نايمين فلازم ينامون عشان يكونو اذكياء..

المهم وايد رمست انا اليوم...
طمنونا عليكم دايما

[CELL="filter:;"][ALIGN=center]مرحبا حوامل فبراير

مشكورة اختي زوجة راشد واختي umshahad على التوضيح طمنتوني مع اني مربيه مرتين بس الظاهر اني نسيت وضع البيبي في هذا الشهر

خواتي اذا تتجرأون وتبينون كم كيلو زتوا خلال اشهر الحمل ببتدي انا بقول بكل جرأة 5 كيلو ونص بس لازم الحين مازيد اكثر من 4 كيلو الى نهاية الشهر التاسع يعني معقول زيادة من 9 الى 12 كيلو خلال فترة الحمل بس مو ازيد يعني حاسبو يااخوات، عادي كونو صريحات مع بعض كنوع من المنافسة ان احنا مانزيد او مانتعدى الوزن المطلوب ، ماادري انتو مثلي كل ممنوع مرغوب يعني بعد ماقلتلي الدكتورة ان وزنك زاد بس في شهر رمضان 2 كيلو وابتعدي عن الحلويات صارتلي رغبه بأكل الحلويات اكثر.

سلامي للجميع[/CELL]

[glint][CELL="filter:;"][ALIGN=center]وينكم ياجماعة نايمين[/CELL][/glint]

صباحكم عســـــــــــــــــــــــــــــــــل .. اشحالكم يا حلوات

عادي عادي اشفيها ......انا عن نفسي زدت 6كيلو .او 6 وشوي الين الحين ...وانشالله متفاءله خيــــــــــــــــــر ان كله بيروح بعد الولاده

واللى اعرفه ان المشيمه ووزن البيبي والماى اللى حوالينه ايي فحدود 5 كيلو ... يعنى الوحده من اتربي تنزل ال5 كيلو على طول ...والباجي يعتمد على شطارتها وارادتها .....

يله اعترافات اللى وراي :)

أنا في البدايه ضعفت يمكن 4 كيلو أيام الوحام ماكنت آكل عدل و ما أشتهي شي بالمره ... والحينه رديت هالأربعه كيلو و يمكن بعد زدت كيلو فوقهم...بس الحمدالله اني ما تنفخت وايد من البدايه ولا جان لين آخر الحمل بتقولون درام يمشي ههههههههههه
عاد الله يخليكم لو تشوفون شكلي بتقولون نمله صارطه نخييه ههههههههههههههههههه ماشارجه لاه <---- هاي لازم عاد تنقال آخر شي هههههههههه
الله يسهل علينا جميع :)

مرحبا اختي cute mama

يعنى تقريبا نقدر نقول انك زدتي كيلو ونص يعني انتي في الــ safe side بس حاولي تعوضين نقص تغذيتك اللي كان وقت الوحام....... الكالسيوم ضروري لعظام طفلك بارك الله فيك.

يلا اللي بعدوه !!!!!:z_clap:

هلا اخوااااتي شخبااركم ؟؟

انا الحين في الاسبوع الثالث من الشهر الساس
وحااسه بتعب وثقل من الحين وحتى الغثيان رجع لي مدري وش القصه وبعد ضغطي
مرتفع شوي الله يعين بس :sad:

بالنسبه للجنين فاكيد وضعيته تتغير من فتره للثانيه والشهور الاخيره يبدأ في نزول الرأس
وحركته زادت عن اول بكثيير
اما زيادة الوزن فانا للحين زدت 6 كيلو :ss: وانا مثلك اختي زوجة راشد متفائله اني انزل بعد الولاده ان شااء الله :shy:

مشكورة اختي صمت الدروب على الايضاح..................

صباح الخير

أنا وزني قبل الحمل 44 وألحين 50 الحمدالله أحس انها زيادة عاديه ومو اثره علي .

انا كان وزني قبل الحمل 49 لاني كنت اسوي ريجيم قبل العرس والحين 53 :( ما اكل وايد

[CELL="filter:;"][ALIGN=center]مرحبا حوامل فبراير

شخباركم انشاءالله بخير....................يعني الحمدلله كلنا تقريبا زيادة طبيعيه:flower:

بس انا هذي الايام احس بان يدي شوي تنفخت يعني ماتتسكر بسهوله بس اليوم احسن شوي شكلي بروح للدكتورة علشان تفحص لي الضغط وتوابعة افضل طبعا من اني اكون جالسة واقول فيني وفيني ولاانتو شرايكم يا اخوات....................:think:

كثروا من شرب الماء علشان الالتهابات تزيد في الشهور النهائية من الحمل.

معلش طولت عليكم سلامي للجميع[/CELL]

شلونكم حوامل شخباركم ؟===================انا اول مرة ادخل معاكم وانا موعد ولدتى


24/2/2007 انشاء الله والحين انا فى اخير السادس ماللحين فينى حساسية فى جسمى كلة وطالع حبوب والحكة ذابحتنى ؟

اللى صار معها نفسى تقول شنو سوت ومتى جاء فيها ؟ ومتى راح منها؟ وشنهو الادويه اللى استعملتها؟




اللة يجزاها ألف خير اللى ترد على ؟ والرجاء بسرعة ان الحكة ذابحتنى؟؟؟؟؟؟؟؟؟؟؟؟؟؟؟؟

شلونكم حوامل شخباركم ؟===================انا اول مرة ادخل معاكم وانا موعد ولدتى


24/2/2007 انشاء الله والحين انا فى اخير السادس ماللحين فينى حساسية فى جسمى كلة وطالع حبوب والحكة ذابحتنى ؟

اللى صار معها نفسى تقول شنو سوت ومتى جاء فيها ؟ ومتى راح منها؟ وشنهو الادويه اللى استعملتها؟




اللة يجزاها ألف خير اللى ترد على ؟ والرجاء بسرعة ان الحكة ذابحتنى؟؟؟؟؟؟؟؟؟؟؟؟؟؟؟؟









:sad: :sad: :sad:

[CELL="filter:;"][ALIGN=center]في موضوع يااخوات يخصنا اجمعين كتب بواسطة الاخت mai salah بخصوص كل ما تريدين معرفتة عن عملية شق الفرج او العجان ؟!!

تحصلونه في منتدي الصحي قسم الحمل والولادة اقرؤة وراح تستفيدون كثير[/CELL] .........

هلا يا حمولات
شو اخبار الحمل والشهر السادس وياكم؟؟ انشالله بخير

انا احس بثقل وايد صارلي يومين مادري بربي في السابع ولا شو لاني في حملي الاول ماتعبت اللا في نهاية السابع...

الله يعين

ماشالله عليكم مازدتو وايد

انا اتعلمت درس من حملي الاول اني ما اخرب وايد في الاكل لاني كنت اعاني عشان انزل وزني وما نزل من حملي الاول
يعني انا حملت على الزياده اللي زدتها في الاول. عشان جي احاول اني اخلي اكلي معظمه سلطات وفواكه وشوربات وما اتعشى الا روب مثلا او ساندويش صغير عشان جي الحين مازدت وايد ..

الله يعينا

سلام يا عسولات..شو أخبار الكروشات هههههه :)
أنا ان شاء الله ببدأ اليوم أشوف أغراض للبيبي...أبغي أفتك من الحين ... بس صراحه مليت من أشكال سراير بيبي شوب نص الأهل شارين من اهناك...شو أماكن ثانيه عندهم سراير حلوه و حوض لسبوح و كبت صغير كتكوت حلو؟

سمعت عن محل أنا و أمي و محل الينا...وبعد شي tuctuc اللي في برجمان...
في حد يعرف محلان ثانيه فيها أشا فخمه و ماتعول..لأنه هذا أول بيبي و أبا شي ممكن أستفيد منه حق بعدين .

و اذا حد فيكم يعرف محلات يبيعون فيها صنادق صغيره من مخمل أو ستان للهدايا تخبرني بلييز :)