اللي ولادتهم في فبراير الجاي...حياكم

السلام عليكم

انا في اول اسبوع في الشهر السادس

وصارلي تقريبا 3 ايام ما بعرف انام زي العالم والناس
يطلع علي الصبح وانا اتقلب

كلما حاولت انام على جنبي اليمين او الشمال ـ تصير عندي اوجاع بطن رهيبة واحس حالي راح اموت
وعلى ظهري غير مريحة النومة اطلاقا

صار مزاجي عصبي جدا ، لانو تقريبا لا استطيع النوم

هل هذا طبيعي وشو العمل :sad:

هلا خواتي..
اخباركم؟؟؟
هالاسبوع انشالله اخلص الخامس وكل شي اوكي الحمدلله..
اختي ريم الله يعينك مع النوم..
بس احس ان العصبيه شي عادي في الحمل لاني حاسه نفسي صايره عصبيه بزياده وحساسه..
بس لازم تسألين الدكتور عن الاوجاع..

مرحباا

اشحالكن يا خواتي



انا اليوم سرت اتحوط في العين وعقب مرينا على بيبي شوب :)


تخبلنا أنا وريلي ما خلى شي ما خذه للبيبي:)...استانسنا بصراحه بس بعدنا ما خلصنا


اممممممممم

بخبركن عن اخر المستجدات في اخر رمضان احس بالبيبي يضغط على معدتي وان شي واقف في حلجي ...بس لاحظت هالشي اذا كلت اشياء فيهاا دهوون ومن يومين احس ان حركه البيبي زادت شوي فديته يا ربي



وين باقي البنات ؟؟؟ من زمان مالهن شوووف

عسى المانع خير

مرحبا حوامل شخباركم وعيدكم مبارك ((((((((كل عام وأنتم بخير)))))

أنا ألحين في الأسبوع 23 والله يتمم لنا على خير كل الحوامل يارب يعني في بداية الشهر السادس لكن أشعر بتعب وثقل في في جسمي الله يكون في عونا جميعا

السلام عليكم ورحمه الله وبركاته .....عيدكم مبارك وايامكم سعيده
اشحالكن يا حلوات.....بلاكن مختفيات ... اتحرا عمري انا بس المختفيه ....فديتج عروس كتكوته مشكورة عالسوال ... وباركيلي يت بشكارتى والحمدالله اطلعت زينه :)
اشوو هباتكم في العيد .....
عاد انا اسمينى استانست فالعيد كل من يشوفنى يقولي ما ايبين عليج فال6 شكلج بعدج فال3 .....حسيت عمري بعدنى محتفظه بشي من الرشاقه ... والله يالرشاقه عاد :)

وماادري اتحسون مثلي والا ... احس الشي بدا يقرب ... مع ان بعدنى فالسادس بس ابا الوقت يركض.......بس انا حاليا ما ارتاح فرقادي احس بنبض على خاصرتى و بألم اذا اتم على وضيعه وحده وقت طويل .....وخصوصا الخواصر ..


وايد هـــــــــــــــــــذربت .... يله خبرونى عنكن

مسا الخير

اشحالكن يا أمهات فبراير؟؟


زوجة راشد


مبروووووووووووووووك ما بغت تهضل هالخدامه....عيل أكيد كنتي لاهيه في تعليمها اسميهن غربال ...


ههههههه أنتي استانستي انا ريلي مشتكلي لأمايه اون بنتج تتعب عمرها وكلها يالسه عالكمبيوتر :(

صدقج ..انا متروعه احس انا ما بقى شي :( مع اني ابغي اشوف البيبي بسرعه

وبالنسبه للبيبي انا بعد متعبني احس به في كل مكان مره فوق السر ومره تحت ومره على طرف جنه يتحرك وما اقدر انام كل ساعه اتجلب ومرات احس بضغط صوب المعده لدرجه اني احس بشي واصل لحلجي والله تعبت حتى ما سرت اتحنى للعيد حنوني في البيت حنا بسيط وانا مفتضحه اول عيد لي ويا ريلي ومب متحنيه عدل :)


وين الباجيات

مرحبا يا حوامل ... اشحالكم جميعا وبلاكن كسولالالالالالات ....

عروس كتككوته ....
بخصوص الحرقه اللى اتحسين بها ... اذا بتعشين اتشعي من وقت ولا تاكلين دهون فليل وكثري من الروب .. انا كنت شراتج بس اتادبت ... قمت اتعشى من الساعة 7 واكثر من الروب والخيار .....


وبسالكم وين عروس حيرانه ... غاطه مالها شوف ... عسى المانع خير يارب

هيه صدق مالها شوف الاخت عروس حيرانه

امممممم زوجة راشد المشكله لو تعشيت من وقت ايوع :( يالله يالله اتعشى 10 ونص وقبل لا ارقد اشرب عصير فراوله او اكل فاكهه السفرجل سمعت انها وايد اوكيه

وبالنسبه للروب يم يم شهيتيني بالشياط اللي تسويه امايه لذيذ بس اخاف الروب يسويلي امساك وانا بروحي متأذيه


:(

:salam: هلابيكم يالحوامل انا جديدة على المنتدي واتمني اني اكون ضيفه خفيفه عليكم

اخر دورة لي 10-5 يعني ولادتي انشاء الله في 9-2-2007هذا البيبي الثالث انشاء الله
انا الحين في الاسبوع ال25 والله يعيني وياكم:sad:
سلامي للجميع

هلا حوامل
شكرا زوجة راشد
عروس كتكوته علي السؤال
وهلا بيكي عالم الهدوء معنا انا الحمد لله بخير بس برضه شويه تعبانه في النوم وكمان دقاق قلبي زياده خالصواتعب من اقل مجهود وعملت تحليل هيموجلوبين طل كويس وكمان عملت سونار من كام يوم والحمد لله اللي تمنته تحقق وانشاء الله اجيب بنت

هلا فيكم ياحوامل فبراير[CELL="filter:;"][ALIGN=center]
وشكرا ياعروس حيرانه على الترحيب
بغيت اضيف لك معلومه عن التعب لازم اول شي الدكتور يعملك فحص لمخزون الحديد في الدم وعلى ضوءه يحددلك الجرعة المناسبه من الحديد. لان عندي نفس المشكله مع ان مستوى دمي حاليا 11 بس جرعة الحديد بمعدل حبيتين يوميا [/CELL]على فترتين. كان الله في عوننا جميعا.

شكرا عالم الهدوء علي النصيحه وانا لسه معرضتش نتيجة تحليل الدم علي الدكتور ه وهي 12.5 بس اخد حبة حديد واحد باليوم وحبة كالسيوم ممكن احتاج ازيد الجرعه

عروس حيرانه:
شكرا عالم الهدوء علي النصيحه وانا لسه معرضتش نتيجة تحليل الدم علي الدكتور ه وهي 12.5 بس اخد حبة حديد واحد باليوم وحبة كالسيوم ممكن احتاج ازيد الجرعه

هلا يا حمولات

الله يعينكم على التعب اللي ابتدى مع الشهر السادس

انا سافرت اسبوع العيد والاسبوع اللي عقبه رحت مصر، الجو حلو هناك بس هاي اول مره اسافر وانا حامل وتعب تعب موت في الطياره، اليلسه مو مريحه وغير تعب تغيير الضغط وغير المطبات الهوائية اذتني موت

بس كنت حاسه اني ابي اغير جو
تصدقون ماشي احسن من الراحه في البيت، رديت قبل امس متخبله على بيتي وسريري
ما بسافر مره ثانيه في الحمل، وايد تعبت

المهم طمنوني علي تجهيزاتكم
انا بعدني ماسويت شي ابدا هاهاها
وبعد ابي اسير للدكتورة اطمن على نفسي بعد السفر

يللا اخليكم

هلالالا هلالالا عروس حيرانه ..... وسلامات ما اتشوفين شر انشالله

ام شهد ... اتخبرج انتى شكلج يوم باجر موعدج بتبدين اتجهزين ....... جهزى اشوى اشوى عسب لا تنضكين
عنى انا سويت لى كمن جلابيه بدانتيلات وارواب معاهم غاويات وينفعن للمستشفى .... وكمن جلابيه بعقم من جدام حق البيت عقب ... وشريت كمن غرض للبيبي ... فنايل وقماطات وافرولات كامله شتويه لان بيكون الجو بارد .....بس بعد فيه اشيا وايد ناقصه


بس شكلي بتخبل لانى كل كمن يوم اظهرن اتمقل فيهم واردهم :)

سلام عليكم يا حمولات...يبالنا صوره جماعيه كلنا بكروشنا هههههههه بتكون صوره عجيبه :)
أنا موعدي ان شاء الله في 12 فبراير 2007 وآخر دوره كانت في 8 مايو 2006
بس كنت أبغي أسأل لو في حد يعاني من ألم في القفص الصدري جهة اليسار خاصة يوم تنامين على جهة اليسار...مادري هل هو البيبي يالس اهناك ولا هو بسبب المعده والصاهر ..لأنه المعده ترتفع فوق والمرئ بعد أيي صوب اليسار...وشو خطورة النوم على الظهر؟ لأنه ساعات أتعب من ينبي و أضطر اني أنام على ظهري شوي...أفيدوني بليييييييز :)
و يزاكم الله خير

[CELL="filter:;"][ALIGN=center]هلا وسهله فيكم يا حوامل فبراير وينكم غطيتو فترة انا لحد الان ماشريت شي لالي ولا للبيبي مع ان قالولي جنس الجنين بس للحين متشككه بنتظر شوي للشهر السابع وانشاءالله يكون خير.
وبالنسبه لك يا cute mama مافي مشكله عن النومه على الظهر واذا كنتي على جنبك حاولي انك تحطين مخده خفيفه تحت بطنك علشان ترتاحين
وسلامي للجميع[/CELL]

صباح الخير ..

شخباركم ..؟

صباح الانوار ... مع انها متاخره :)


ابصم بالعشرين انكم كسولالالالالالالالالات وفيكم هيازه غير طبيعيه .....اتغطن كلكن فجاه وتظهرهن فجاه
وين ام شهد ووين عروس كتكوته ووين وايدات انظمن للمجموعه وما شفناهن عقب .....

سلام عليككم حوامل شخباركم كلكم انشالله بخير

عطيت عنكم مدة ورجعت اشوف ما شالله الكل حاضر ومتابع .. قلت اشارككم النشاط والفاعلية

عن أحوالي أنا المتوقع ولادتي 21 /2/2007م واليوم مكملة (25 أسبوع ) يعني داشة ع الشهر السابع الله يسهل علينا وعليكم ياااااارب

متشوقة حدي لضم الجنين وتقبيله وترتبيته .. وهذا هو طفلي الثالث لأختين وحدة 7 والثانية 3 ولحين ما سويت التراساوند فما أدري جنس الجنين وعليه ما بدأت التشري والتسوق للحين ... هل أنا متأخرة ؟؟؟؟

عموما أنا خدامتي وصلت بتاريخ 5/11 يعني توها صار ليها يومين والحمدلله (باين) إنها زينة وهادئة ومرتبة وتسوي شغل

والحمدلله أحس بأن تعب اللي شتفه طول المدة اللي فاتت وأنا مهلوووووووووكة راح عني والقلق على ترتيبات الأطفال وأمور البيت ومتابع كل شي خف بدرجة كبيييييييرة وصرت كأني أميرة أو خل تقول نصف أميرة

ع الأقل يمديني أطلع لو ناموا الجهال وأير جو وأسوي مشاويري .... الليلة معزمة اروح اتسوق BHSمسوين تخفيضات
وناوية أروح - الجهال توهم نايمين الحمدلله

خبروني عنكم وعن صحتكم .. شكله الكل يعاني مثلي من الأرق والإجهاد بسبب تعب التقلب أثناء النوم.. لكن ليلة اللي أسترخي بماء ساخن وأستحم بمزاج تكون نومتي من أحسن ما يكون

إلا شخباركم مع الاحلام اللي ما تخلص أثناء النوم ؟ وايد تصيدني احلام كأني قاعدة بسينما مو في نووومة ؟

يللا طمنونا عليكم وسامحوني على الهذرة ..:)