اللي ولادتهم في فبراير الجاي...حياكم

الجماعة نايمييييييييييييييييين

شكرا أختي عروسه كتكوته على التوضيح


عالم الهدوء يمكن مو نايمين بس البرد إلا ذابحنا

صاري لي يومين مو قادرة من ألالام ظهري فظيعة شسوي يصير أستخدم كريم للتدليك لتتخفيف الألم أو لا

مرحبا اختي the Queen 82 اي نعم تقدرين تستعملين الكريم للتخفيف من الالم..... والله يعينك

هلا يا حوامل
شو الاخبار

ابي اسألكم سؤال
في احد منكم يحس ان ضربات قلبها سريعه واحيانا لدرجة انها مب قادره تتنفس
طبعا بعد الشر عن الجميع

بس ودي حد يجاوبني على السؤال

مرحبا حوامل فبراير

ترا التجمع صايررررررررررررررر كلش ممل ماادري وين الجماعة ترا اشتقنالكم كثير نبي نسمع اخباركم اشفيكم عسى ماشر زهقتو منا ومن سوالفنا؟؟؟؟؟؟؟؟؟؟؟؟

اختي ام شهد

بعض الاحيان نعم احس بضربات قلبي قويه وهذا شي عادي من اقل مجهود احس كأني راكضة حتى لما اكون نايمه وبنقلب على اي جهه احس ان نفسي بينقطع وبعد هذا شي عادي مريت فيه في حملاتي السابقة...........


اليوم رحت مراجعه للدكتورة الوضع تمام وزيادة الوزن تقريبا نص كيلو كل اسبوعين يعني انا راضيه عن نفسي حاليا من وزني وبالنسبه عن وضع البيبي الدكتورة تقول ان الراس تحت والرجل فوق اهي ماسوت لي سونار بس سألتني عن حركت البيبي قلتلها ان الحركة والترفس كله عند ضلوعي فوق قالت لي معناته ان الرجل اهي اللي قاعدة ترفسك........فرحت طبعا معناته ان البيبي انشاء الله ايكون مستعد ان يكون في الوضع الصحيح.........

ابتديت امشي تقريبا نص ساعة يوميا يعني احاول اني اواصل والله يعيني معاكم بأذن الله..........

الى الملتقي

Om_Shahad:
هلا يا حوامل
شو الاخبار

ابي اسألكم سؤال
في احد منكم يحس ان ضربات قلبها سريعه واحيانا لدرجة انها مب قادره تتنفس
طبعا بعد الشر عن الجميع

بس ودي حد يجاوبني على السؤال

هلا أم شهد...أنا مثلج...أحيانا دقات قلبي تزيد و أحس بضيق في صدري خاصة إذا بذلت مجهود في شي...وهذا يمكن لأنه دمي نازل شوي...

الله يعينا...

أنا تولهت عليكم كلكم بس هالأيام مشغوله مع الترتيبات...ان شاء الله بسولف وياكم جريب..:)

مساا الخير


انا موجوده واتابعكم بس مالي خاطر ارد :(

لاني احس بأن نفسيتي تعبانه ...كله احس بكسل وخمول خصوصا فليل هههههه غاديه شرات الديايه

وبالنسبه للبيبي من امس وايد يتحرك يمكن لاني مب مريحه عمري هاليومين ...

وخايفه من الولاده مع اني ما ابغي افكر في هاللحظه :(

مرحبا

ترا النفسيه رايحه فيها والتعب واصل ( المكسمم ) وغير التفكير بالولادة والطلق والتربية وسهر الليالي والتعب اللي راح الاقية بعد الولادة مع اني مش اول بيبي هذا , بس احاول ان اللهي روحي باي شي علشان اشيل التفكير هذا من بالي ............ الله يعين الجميع

هيه والله شو بلانا كلنا نفسياتنا جذي من دخلنا الثامن...أنا الصراحه هالشهر بادي عندي ويع لمنان..اللي هو مثل ألم العاده..يقولون انه اسمه الطلق الكاذب بس صراحه خايفه أحس يمكن بربي في أول التاسع إذا هذا الألم بادي من الحين....حد فيكم يعاني من هالشي ؟ علما هذا أول بيبي لي.

السلام عليكم ورحمة الله وبركاته ................

اشحالكم عساكم كلكم بخير .... انا اسمحولي كانت عدنا ظروف وفاة واحس نفسيتي زفته واحس فرحتى بالبيبي بتكون ناقصه .. الحمدالله على كل حال

انا ان شاء الله
ولادتي المتوقعه في : 14/2/2007

الله يتمم علينا

مرحبا حوامل فبراير

اختى cute mama

الامنان هذي عادية تحسين ان البيبي راح يطلع اللحين بس هذي اشياء عادية ترا تحصل تقريبا من نصف الشهر الثامن أنا للحين ماحسيت فيها بس حمالاتي السابقة نعم كانت تجيني باستمرار .............. حاولي تعملين التمارين الخاصة بالحامل والمشي اهم شي علشان راس البيبي يكون في الوضع الصحيح بالحوض ........... والله يكون في عونك

اختي زوجة راشد

عظم الله اجركم واخلف الله عليكم وعسى الله يرحمه ومن اهل الجنه انشاء الله...........

اختي ام وجد 55

مرحبا فيكي في تجمع حوامل فبراير ، وانا بعد تاريخ ولادتي في 14 فبراير......... الله يسهل علينا اجمعين

هلا حوامل وحشتوني كتيرررررررررررررررررررررررررررررررررر

بس شويه انشغلت عنك لان اهلي عندي يزوروني
والحمد لله انا بخير

حبيبتي زوجة راشد

البقاء لله
ام شهد
انا كانت عندي هذه الحاله في رمضان بس الحمدلله قلت اليومين دول

عالم الهدوء
مشكوره حبيبتي طمنتيني...و أنا اليوم كان عندي موعد والحمدالله البيبي وزنه زين و شفت شكله في التصوير ال 4D وفرحت وايد..صح مب وايد واضح بس مجرد اني شفته و هو نايم استانست عليه..الله يحفظه و يحفظ بيبياتكم كلكم :)

زوجة راشد
والله كنتي على بالي أقول ليش مختفيه....عظم الله أجركم..منو متوفي عندكم؟ و ليش تقولين الفرحه ناقصه..وحليله البيبي ماله ذنب...الله ايبه بسلامه و ترد الفرحه عندكم...كل شي مكتوب.. قدر الله و ماشاء فعل...قوي عمرج حبيبتي عشان البيبي...و الله يصبركم.

أوكيه الحين أبغي أعرف أوزان بيبياتكم ... يعني تقريبا كم لازم يكونون في الشهر الثامن؟

مرحبا حوامل فبراير

اختى cute mama

انا لما سويت تصوير في الاسبوع الـ 29 كان البيبي وزنه 1074 بس احس ان بطني حجمه صغير وقالت لي الدكتورة ان المويه اللي حوالين البيبي اهو مش ناقص بس يكفي البيبي لان في بطون الموية كثير وحجم البطن كله مويه علشان كذه البطون كبيرة.......... انا اقول الحمدلله ان حجم بطني معقول مع ان في حمالاتي السابقة كان اكبر نسبيا ......... يالا مو مهم حجم البطن اهم شي وزن البيبي ومقاساته كله حسب الشهر صح................

اهلا بيك اختي عروس حيرانه

وينك افتقدناك ووحشتنا سواليفك.............

مرحبــــــــــــــــــــــا حـــــــــــــــــــوامــــــــــــــــل



أضيـــــــــــــــف نفســــــــــي لشلـــــــــة حـــــــــوامـــــــل فبـــــرايـــــر


مــــوعـــــــد ولادتي المتوقع 14\2\2007 إن شـــــــــاء الله :shy:

اهلا بيكي معنا مخرخشه
وكمان اهلا بيكي ام وجد
ماشاء الله كتير موعده 14 _2
علشان نجرب فيكم انا انشاء الله 21

هلا ... اشحالكم كلكم ....عساكم ابخير وسلامه
كيوت ماما ...
تسلمين حبيبتي على سوالج ....المتوفي بنت اخوي الصغيره ... الله يرحمها ويرحمنا برحمته والحمدالله على كل حال ....

انا اخر زياره لي وزن البيبي كان اوكي الحمدالله كيلو و700 جرام .... وبعد جدمت لى موعد الولاده صار 4/2 ..... مب اقولكم شكلي بربي في شهر واحد .....بس واجعتنى لان وزنى ما زاد من الزياره اللى قبلها الا 500 جرام ....انا اقول يمكن عسب الظروف اللى مريت فيها .. وقالت لى ان البيبي نازل فالحوض يعنى راسه تحت .... بس ماشالله وايد ايرفسنى في ضلوعي ...


بس انا بخاطري سؤال ............ مستوية وايد احب الكاكاووووووووو وخصوصا نوتيلا ...مع انى فبدايه حملي اكره الاشيا الحلوه ..... حد صاير له مثلي .؟؟؟

وايد رمست ... يله خبرونا عنكم

عالم الهدوء
أنا بعد بطني صغير و الحمدالله ماستويت بالون ههههههههههه أنا عاطيني موعد ولادتي ان شاء الله في 12/2 بس أنا حاسه بربي في بداية 2 إذا الله راد...الحين أنا في الاسبوع ال 33 و وزن البيبي 2.2 ...كيف ممكن أعرف لو وزنه طبيعي ولا ناقص ولا زايد؟

حد فيكم كانت آخر دوره لها في 8/5 ؟ وكم عاطينها موعد الولاده؟

زوجة راشد
شو تبينبه المتن هههه خلنا جي أحسن رشيقات بس جربه جدامنا هههه ولا على قولتي نمله صارطه نخيه ههههههههه :)
أنا صراحه مثلج مادري ليش هالفتره نفسيتي منفتحه عالأكل و أحب الدقوس في العيش و أشرب بيبسي و آكل شبس و حلاوه هههههه بس أحاول بكميات صغيره مافينا على سكر الحمل..

جهزتوا أغراض البيبي؟ شو أحسن ماركه للمراضع والجهاز اللي يشفط الحليب؟

كيــــــــــــــــــــــفكم حوامل فبراير انشاء الله بخير
حبيت اسالكم عن الاغراض والتجهيزات اللي شريتوها خاصة الملابس لان الكل يقول البيبي في الشتاء يلبس كتير يعني حد فيكم عنده فكره يلبسه ايه بالظبط كام فنانله وكام بنطلون وهل نستخدم الحملالات وله الفانلات كلها تكون كم