اللي ولادتهم في فبراير الجاي...حياكم

[grade="00008B FF6347 008000 4B0082"]كل عام وانتم بخير [/grade]


مرحبا حوامل فبراير

شخباركم وحشتوني وايد وايد....................محد سأل عنى اشوف؟؟؟؟؟؟ عموما ماتشوفون شر كلكم والله يعطيكم العافية................

اختى ضي القمر1 ماتشوفين شر وجدامك العافية والله يرفع عن التوأمين انشاءالله في هالايام المباركة ونورون لك البيت باذن الله.............

بالنسبه عن شنطة المستشفي انا عادتا اجهزها في نهاية السابع تحسبا لاي طارئ بس هذي المرة ماادري شفيني مكسله شوي......... اغراضي واغراض البيبي خلصتهم كلهم بس باقي اني اغسل ملابس البيبي علشان اجهز شنطة المستشفي..............

اما عن روحت المستشفي انا في ولادتي الاولية كانو حمواتي الثنتين معاي لان كان وقتها جدتي متوفيه ومحد فاضي لي حتى اقولهم اني اطلق بس صراحه في المرة الثانية كنت انا وزوجي بس كان الموضوع جدا مريح لما تكونين في غرفة الولادة لحالك وبعد ماولدت خبرهم زوجي بالتلفون وماكانو مصدقين وهذي المرة راح اسوي نفس الشي...

ونسيت اقول لكم اني بعد تقريبا انتهيت من تجهيزات الاستقبال وراح اغير شوي من ديكورات البيت بعد العيد يعني باقيلي اشياء قليله بس واكون جاهزة ........... والله يسهل على الجميع

بالنسبه عن البيبي الترفس ملوع كبدي حتى اني ما اقدر اجلس بالمرة واحس كأن مسامير تضرب في الحوض وبعد العيد راح اسوي تصوير علشان اتطمن على وضع البيبي ويكون جاهز للولادة يعني الراس يكون تحت لان الدكتورة قالت ان راح يكون مستقر بعد الاسبوع الـ 34 انشاء الله .............

مسامحه اني هذرت عليكم وايد

هلا حوامل فبراير كل سنه وانتم طيبين
انشاء الله ربنا يعافي توأمك ضي القمر وتفرحي بيهم وضميهم قريبا

هلا حوامل كيف حالكم مع البرد والثقل والكسل والله قصب عني اقوم لبيتي واعيالي عالم الهدوءحلو الوحده تسويها مفاجئه أنا مثلك في الاول ما حد يدري ويوم ولدت أتصل زوجي على أمي وأمه وخبرهم والثاني اتفقنا كذا لاكن الله ما أراد لان زوجي صار عنده دوره عمل في منطقه بعيده ثلاث أيام وجاني الطلق في بيت أهلي والكل درى قبل ما اولد
وحتي الممرضات طفشو من الاتصلات ويوم ولدت وخلاص الا يرن التلفون وعلى طول الممرضه وضعت السماعه في أذني لا يطلع زوجي والله على طول قمت ابكي بدون شعور مع اني مابكيت طول الولاده بس أصرخ والمسكين قام يسكت فيني وقال بجيك الحين وخفت عليه من الطريق وسكت وقام يسال عن البنوته وش شكلها وهذه المره أن شاء الله بس أنا وزوجي اذا الله أراد ماتكون مثل الثانيه حلو الواحد يذكر مواقفه ويطور في الولده الي بعدها وانا مثل بعد العيد بذهب لدكتوره وبشوف وضع البيبي لاني احس نازل مره ويضرب تحت وتعبانه مره منه وسلامتكم

هلا حوامل فبراير وينكم كل هذا البرد والعيد مكسلكم وين النشاط مو باقي شئ تحملو والله ما الومكم حاسه فيكم والتعب وكل شئ

سلام عليكم و عيدكم مبارك يا حمولات...
أنا والله حالتي حاله هاليومين...أول يوم عيد رحت المستشفى الصبح بسبب المغص اللي فيني و كنت خايفه ايكون نوع من الطلق و أنا مادري لأنه مثل ألم الدوره بس طلع انه برد في بطني و هذا اللي متعبني..و حتى حركة البيبي فديته صايره تعور شوي مادري ليش...عاد أنا يوم قمت الصبح و يسألني زوجي لو شي يعورني قلت هيه و أخاف أربي قبل موعدي و يلست أصيح لأني ما غسلت ثياب البيبي بعدني هههههههههه والله يوم أذكر شكلي أضحك....واليوم من الصبح و أنا منزله شنطة المستشفى و شنطة البيبي ...مافيني أتوهق عقب أبا أخلص كل شي من الحين....شكلي تعقدت لأنه طول الوقت و أنا تعبانه كنت أفكر في تجهيزات البيبي و أغراضي اللي كل قطعه في مكان هههههه...
جان أقول تووووووووووووووووبه مافيه على المحاتاه :)

صدقوني أحسن شي نبتدي كلنا نرتب من الحين ولا نتريا الشهر التاسع..وانخلي الشهر التاسع حق عمارنا نسوي رياضة القرفصاء و نمشي و نشرب أعشاب و خروع و طبعا ما ننسى الدعاء كل لحظه
((((((((اللهم هون علينا الطلق و أحسن الخلق)))))))))

وسامحوني طولت عليكم :)

هلا والله حوامل فبراير كيفكن:shy:

كل عام وأنتوا بخير وعيدكم مبارك إن شاء الله :shy: ..

مـــــــــــتـــــــــــــــى بـــــنـــــــــــــــولــــــــــد:sad: ؟؟؟!!!


استمليــــــــــــــــــــــــــــــت..:confused:

هلا أختي الله يعطيك العافيه وتقومين بالسلامه وان شاء الله تخلصي الثامن

همسه حنون:
هلا أختي الله يعطيك العافيه وتقومين بالسلامه وان شاء الله تخلصي الثامن

إن شــــــــــــــــــــاء الله .. الله يسمـــــــــــع منــــــــك .. وجميــــــــــــع إن شـــــــــــــاء الله ..



بس بسألكم بنات شنو جهزتون للولادة قصدي التوزيعات ؟؟..

ياريت تشاركونا بأفكاركم :sad: !!

السلام عليكم


عيدكن مبارك يا أمهات رابطتي

وكل سنه وانتن بخير بمناسبه السنه اليديده وان شاء الله اتكون سنه خير علينا


...

الاحد اللي طاف سرت العياده الخاصه وصوروا البيبي وكل شي كان اوكيه الحمدلله بس كان الراس فوق ...عقب حركوه وااايد يعور والله ومن عقبها احس بألم في بطني وشوي شوي حسيت بآلام الدوره :( عقب راجعت يوم الاربعا عشان يشوفون طلع الراس تحت الحمدلله والحين احاول اتمشى بين فتره وفتره بس ظهري وااايد يعورني ما اقدر ايلس وايد ولا اقدر انسدح على يمبي وايد تعب وااايد ما اعرف شوه اسوي والألم يكون اعلى الظهر :( خبرني شوه اسوي




وبالنسبه للولاده
ما ابغي حد يكون عندي استحي بس بخلي ريلي يكون عندي ...

وبالنسبه للتجهيزات
وااايد اشياء ما خذتها كنا مقررين عقب العيد بس الله يسامح اللي كان السبب ريلي ترك شغله لانه لقى مكان ثاني فسووا هولد على المعاش والله قهر الناس تستانس في العيد وتطلع وتغير جو ونحن يالسين في البيت والحين ما اعرف متى بسير اتشرى لو على اول التاسع صدق باكلها صح


طمنني عليكن

الله يعينج يا عروس كتكوته....أنا مثلج آلام الدوره اتسير و ترجع...يسمونه عدنا منان...يقولج هذا تدريب حق الشي الكبير بدل ما يتيمع الألم مره وحده...يعني هذا في صالحنا ان شاء الله...

و أنا الحين مزكومه...شكلي هالفتره مناعتي ضعيفه...أتعادا حتى من اليهال ههههههه بس صراحه جونا صاير وايد برررررررررررررررد....وعضامي و بطني يعوروني مع اني أحاول أدفى عدل..

المهم...لا تنسون الدعاء كل يوم قبل النوم...امسحوا على بطونكم و ادعوا انه الله يهيون علينا الطلق ياااااااااااااااااااارب و نربي بسلامه ان شاء الله :)

السلام عليكم يا حلواااااااااااااااااااااات :) عيدكم مبارك وعساكم من العايدين الفايزين يا رب
وحشتووووووووووووووونى بصراحة ...
ضي القمر1
الله يهون عليج حبيبتي وعلى عيالج يارب والله كسرتى خاطري ... يارب ايقومون بالسلامه واتفرحين فيهم... انتي ادعيلهم واتصدقي .. وانشالله نسمع منج الاخبار الحلوه .....


بلاكن اشوف الكل يتشكي .....والله ما الومكن .....والبرد امسوي فعايله فينا ...انا الزجمه اتروح يومين وترجع والله وذاااااااا.....


الله ايهون علينا كلنا وايسر ولادتنا ونفرح بشوفة البيبي معافى مكتمل الخلقة والخلق ...........امين يارب العالمين

هلا حبيباتي الحوامل

اشحالكن

اختي ضي القمر1 الله يهون عليج انشالله ويسعدج بعيالج عندج.... الله يعينج

يالله على البرد.. مب طبيعي هالسنه... اتشريت اغراض ثقيله حق البيبي يا حليله ...
انا الحمدلله احس بالم خفيف في ظهري بس اللي معذبني الام عظام الحوض.. موووووووووت
انش الصبح ماقدر امشي غير لازم ايلس 3 دقايق وبعدين اقوم وبعد اسحب ريلي سحب عشان امشي.. حتى وانا في الدوام استحيت من شكلي وانا امشي.. الالم فظيع كأن في اثنين يسحبون ريلي لبره عكس بعض

الله يكون في عونا!!!!

انا جهزت كل شي بس ماحطيتهم في الشنطة
وايد كسوله

المهم سلامتكم واخليكم
ادري صدعتكم

هلا حوامل انشاء الله تكونوا عيدتم كويس
اقولكم اخر اخباري
من يومين زانا عندي سخونه مش عارفه ايه سببها ما عندي برد بس احتمال اكون داخله علي دور برد ربنا يستر
كمان بدخل التوليت تقريبا كل ساعه وده تعبني في النوم كتير وجلي بتالمني جدا ما ان ماغفي وجع للظهر ولا البطن ولا شئ بس رجلي وافخاذي مش عرفه ايه السبب يلا مستنيه تطمنوني عن حالتي وتقول ايه ممكن تكون هذه الاعراض انا انشاء بروح المتابعه بعد العيد بس عاوزه اطمن منككم لحد الميعاد

سلامتك يا عروس حيرانه

الحراره يمكن مثل ما قلتي بيصيبج برد... انتبهي على نفسك ولا تعرضي نفسج للبرد
اما الحمام كل ساعه هذا عادي.. بسبب ضغط البيبي على المثانه.. انا مثلج بالظبط بس مشكلتي اني لما اكون بره البيت كل شوية ابي اسير الحمام وريلي يضحك عليا.. غير اني الحين اخاف من الحمامات بره عشان اخاف من الامراض خصوصا في الحمل ممكن بسرعه يصيبنا التهاب

والالم.. انا الام الحوض معذبتني.. بس انتي يمكن عظام ريلج من البرد.. البسي بنطلونات تحت الثياب عشان تدفين.. وبتلاحظين الفرق انشالله

واطمني من الدكتوره احسن
وسلامتج

شكرا يام احلي شهد علي الرد وانشاء بروح للدكتور وقولك

هلا حوامل شحالكن :clap:
عيدكم مبارك إن شاء الله ..
>>>> بتبدأ الشكاوي الحين ..
والله شقول من آلام الحوض مررررة تذبح ما أقدر أتحرك ونفس الحالة اللي تصيبك يا أم شهد ما أقدر أقوم الصبح إلا بالموووووووت :sad:

أكسر خاطر روحي:sad: ..
والغريبة إن للحين ماجاني ألم في البطن بس آلاااام الظهر كفاااااااااااية والله العظيم ساعات ما أقدر اتحرك لا يمين ولا يسار وخصوصاً في النوم ما أدري شلون أنام :angry: ..
وأما العيد مازرت أحد هالمرة بالمرة بس بيت أبوي وبس:sad: هذي حالة ؟؟!!!!!
بس بسألكم تظنون بيستمر البرد للولادة لأن أحس إن بروح وبخسر الثياب:qaq: اللي شريتهم لأن ماخليت شي ماشريته وكلهم ثياب بررررد ...


ياللا الله كريم وإن شاء الله نقوم بالسلامة ..

طمنينا عليكي يا عروس حيرانه

عروستنا مخرخشه يا حليلنا والله من هالالام اللي في الحوض... على قولتج نكسر الخاطر :)

ولا تقولين ان البرد مابيستمر لاني بنقهر على ثياب البرد اللي شريتهم لنفسي (تعرفين المربيه لازم تهتم تدفي نفسها) وثياب البيبي الشتويه


وينكم باقي الحوامل.. شكلكم في الفراش متدفيين من البرد خاصة هنا في الامارات اول مره يصيبنا برد جذي... درجات حراره غريبه علينا.. يوم اطلع الصبح للدوام تكون درجة الحراره 15. شي غريب
مابي اسير الدوام خلاص تعبت.. بس غصب عندي شغل فظيييييييييييييييع

يللا اخليكم

ابي اسألكم سؤال
انا بعد ما ولدت بنتي شهد اصابني امساك والدكتوره قالتلي عادي .. الولاده تسبب امساك.. المشكله اني كنت متخيطة بسبب الشق اللي استوالي في الولاده وطبعا المساك مع الخياطه كان يألمني في الحمام موووووووووت..
انا كنت ابي نفكر مع بعض شو الحل للامساك اللي بعد الولاده لو في احد عنده اي تجربه او سمع اي شي يساعد لتخفيف هالحاله..
انا ماخليت شي ما سويته.. كنت اكل عنب وبطيخ بطريقة فظييييعه عشان تكون بطني لينه والاخراج وانتو بكرامه سهل.. بس ما نفع.. حتى كنت اشرب حلبه او ينسون وما نفع..

في احد عنده اي فكره؟؟

السلام عليكن


اشحالكم........

انا تعبت الصراحه ظهري واااااااايد يعورني ما اعرف شوه اسوي


أم شهد

الله يعينا من هالامساك
اللي سمعته ان اليح اوكيه حتى البرتقال
واذا شربتي كوب ماي دافي مع عسل وااايد زين ...حتى الخوخ اللي ملمسه خشن شوي يفيد
ويبيعون بعد برقوق في اكياس صغيره شكله شرات التمر بس حجمه اكبر اشوي ولونه اسود بس واايد مفيد لو كلتي حبتين في اليوم ....حتى الدكتور وصفه لأمايه


ان شاء الله فدتج اشوي

السلام عليكم يا حلوووووووووات .........

اشحالكن ؟؟؟عساكم كلكم بخير وسهاله .........عروس حيرانه طمنينا عليج حبيبتي

و لا اتسوون جذه .... انا كل ثياب الببيبي شتوى ... صح شاريه اشيا صيفيه لما كنت مسافره فالصيف بس اكثر اللبس شتوى .... بيطيح فجبدي عقب ....

وام شهد ... اشحالج يالبردانه...صدقج برد عجيب امس اقرى ان درجة الحرارة بتوصل 6 ؟؟؟؟ اول مره اتصير فالامارات ....ونفس الخوف اللى عندج عندي من الامساك ... لانى اشكثر سمعت من بنات اهلنا عن الامساك عقب الولاده ......
تدرين الحبه الحمرا وايد اتساعد ان الوحده ما يستويلها امساك ... والفاكهه وانج اتكثرين من السوائل ....
انا بعد اللى متخوفه منه تشققات الصدر والم الرضاعه ماادري ليش احسه ايعور ....


وبالنسبة لالآلآم الحوض والبطن والظهر عند كل حد ... تراكم تتزهبون للحدث الاكبر خخخ...

وايد هذربت ... يله من رخصتكم ... وخل نسمع اخباركم