تجمع لبنـــــــات الكويـــــــت ((حياكم الله))

بعد عمري بنات ما قصرتوا على التفاعل الحلو و الأسماء االأحلى :clap:

و كل وحده ردت لها مني أحلى :flower:

خلوني اقولكم شنو عجبني من اقتراحاتكم..لأن وايد فيهم حلوين فاحترت زياده هههههه

من لولوه و فلانه ....ريتاج بس ما ادري شنو معناه..



من روان و ملاك.... ريان.. يعني الباب اللي يدخل منه الصائمون


من ام سلمان ......شوق


فوز الكويت.. سلسبيل احس حلو بس جنه طويل شوي..


الكاسكو..اخاف اسمي هيفا و تطلعلي باجر تترقص ههههه


و بقولكم اسامي طلعتها من الانترنت بعد و قولولي رايكم فيها:

كنت ادرس وحده ياهل و بييييضه و عيونها ملونه..زرق ماشاء الله.. :smile:

و كنت ناسية اسمها..لأنه كان غريب شوي و مو دارج..:think:

عاد و انا قاعده ادور بالانترنت جان يطلعلي فجأه و ركز بمخي..:cool2:

الاسم أهو .......


((((((( دره )))))))))))




ابي الصراحه حلو.. ؟؟ بدون مجاملات ههه

بالصراحه أحلى.. :shy:



و باجي الأسماء اللي لقيتها اهي:

شمايل

ياسمين

نور

ملاك


بانتظار ردودكم يا احلى بناااااات (f)

ايهو اللي عجبكم أكثر شي من بينهم و اي اسامي ترشحوووووووووون ؟؟


و شكرا لكم مقدما :)

السلام عليكم

شلووونكم بنات؟

ام فروحه كتبت لج لسته بالاسامي امس بس النت كان حده مو شئ !! كل شوي يفصل على !

المهم شوفي الاسامي :

ريتاج

ميس

دانيا

شوق

الريم

مسك

بيسان

و الصراحه اسم دره ما دري شقول لج؟ احس عاجبني و مو اعجبني شلون مادري !! :)

هلا والله بام نوره..شلونج؟؟ :)

و انا اقوووووووول وين مختفيه ؟؟

والله قبل شوي قاعده افكر فيج..عمرج طويل :)


مشكوره على الأسماء الحلوه..

ريتاج و شوق و مسك وايد حلوين..

عاد حده كان عاجبني مسك..بس وحده من العايله سبقتني و سمت بنتها فيه هههه..

و قلت خلاص بدورلها اسم ثاني مميز :)


اممممممم دره عاجبج و مو عاجبج.. عادي ام نوره طقيها بالويه ههههه

بالعكس اذا تصارحوني عشان ما اظلم بنتي.. باجر تقولي مالقيتيلي الا هالاسم ههه:):)

ناطره ترشيحاتكم

لولوه و ام سلمان نسيت اقولكم..

ماشاء الله اساميكم وايد حلوه..دلال و دانه :)

بس موجودين عندنا بالعايله..

يعني قلت انا بطلع بفنتق ما ابي اسم مكرر ^_^


ملاك تبين اسميها على اسمي ها؟؟ هههههههه

عاد تدرين الحمدلله و الشكر ريلي كان يبي هالشي ههههه قاعده اقوله ماكو شغل انا و بنتي نفس الاسم شنو خلصت الاسامي!!


عاد الحين قاعده اقوله خلاص ما ابي منك اقتراحات.. بنات الكويت بيطلعولي اسامي..

كل الاسامي اللي يقولي اياها اتضحك..الله يستر ما ايي في باله اسم و يصر عليه..

ههه مع ان تو الناس على الولاده بس تلقوني اقولكم طلعولي اسم بسرعه عشان ما اعطيه مجال يفكر..

مرحبا
وكيف الحال اشلونكم بنات ديرتي
شخباركم مع الحمل
بالنسبة لي عندي أحلى الاسامي وأجملها
اسم بنتي عسى الله يحفظها لي ويخليها لي يارب
"""""""""" رغـــــــــــــــــــــد """"""""""""""""

وأدلعها آنا وأبوها اسم """"""" تــــــــــوتــــــــــــــــه """"""""""""""

المفروض أدلعها رغوده بس نحب دلع توته
والاسماء اللي أحبها بعد

رهف ــ ريم ــ فرح ــ أريام ــ

ودمتم

هلا ام رغد شلوونج؟؟ :)

عاد اتصدقين انا امسميه بنات اختي وحده رغد و وحده رهف..

الحمدلله في وحده عجبها اسم فرررررررح هههههه

انتي اول وحده تقولين لي حلو..

بس الكل يقولي العكس

و مشكوره على باجي الاسماء كلهم حلوين و خفاف :)

السلام عليكم

ميخالف بنات سامحوني باضاايقكم شوي انا قبل يومين قلبي قارصني ومتضاايقه
سبحان الله ثاني يوم صار لي نزيف وطاح الحمل

ادعوا لي ربي يعوض على ويخليلي ولدي ويعوضني باقرب وقت

هلا ام فروحه

ههههههههههههههههههههههههههههههههه000 حلوه باجر تترقص هيفا 00000000

اصلا اسمها بروحه اغراااااااااااااااااااااااااااااء صح ؟؟؟


شمايل كلش مو شي هالاسم ومال وحده عيووووووووووووز

ياسمين حلو بس مال وحده سوريه او مصريه مايصلح لوحده كويتيه

نور حلو زين

ملاك يجننننننننننننننننننننننن

رتاج اسم باب مكه او التاج اللي على مكه شرفها الله

طيب وشرايج بالاسامي هاذي وابي رايج 0000 وشيلي اسم فرح من بالج انا كرهته من بنت بنت عمي فرح مو شي 0

انفاااااااااااال

أبرار

رهف

وصايف

أوصاف

سحر

هدى

ميساء

أريام

أنسام

أريج

اسراء

دعاء

ضحى

جواهر

جنان

أمنه

مها >>>>>>>>>>>>>>>> اسمي

مرام

ناديه

امل

لبى قلب وليدى


ماتشوفين شر ان شالله والله يعوضج ان شالله خيييييييييييييييييييييييره 0

هلا لبى قلب وليدي..

كنت ملاحظه انج مهمومه قبل جم يوم..و سبحان الله قتلج بردي اللي قبل..

اذا البيبي فيه شي لاسمح الله ماراح يكمل..

الله يعوض عليج حبيبتي..و الحمدلله ان عندج ولدج يلهيج..

انا قبل حملي هذا هم طيحت.ماكنت ادري اني حامل.. يعني حتى ما حسيت بفرحة الحمل...و الحمدلله على كل حال..ربج بكلشي له حكمه..

والله يعوض علينا يا رب بالذرية الصالحه..

كثري من الاستغفار ..اهم شي..


رحتي المستشفى سويتي تنظيفات ولا قالولج ماله داعي؟؟

انا قالتلي الدكتوره ماله داعي لأن كان صغير..

ربي يعوض علينا و على كل وحده تفقد شي غالي عليها يا رب

هلا الكاسكو شخبارج؟؟

هههه خلاص بحاول اشيله من بالي... -_-

ماشاء الله حلو اسمج الكاسكو :)

و الأسامي اللي كتبتيها وااااااااايد حلوه :):)

اللي موجودين عندنا بالعايله شلتهم و الباجي كتبتهم بالقائمه عندي .. هههه بعد امسويه قائمه حقها عشتو..


عجبني مرام..و لم قلت حق الابو يقول لا اتذكرني بالمغنيه..

و باجي الاسماء بناقشه فيها..

ما قلتيلي رايج ب دره؟؟

ما ادري وين باجي البنات؟؟

بنات شخباركم وين رحتوا اليووم؟؟

طبعا صار كل يوم زحمه مو بس بالويك اند..

انا اليوم قاعده فالبيت عشان اشوف الرابح و الاكبر و سيرة الحب.. هههه

المشكله اثنينهم نفس الوقت..

بس الرابح الاكبر يجذبني اكثر و اخلي سيرة الحب باجر اشوفه بالاعاده..

عاد حدي ما توقعت العراقي يفوز..

انا من يوم عرفت اسم بنته فرح بعد..طاح الاسم من عيني ههههههه

شفتوا الكويتي شلون صار جسمه؟؟ سبحان مغير الاحوال ضعف 38 كيلو على ما اظن..

اسمه احمد المهنا

اما المصري حاتم قلت انا اكيد هذا اللي بيفوز لان خسر 76 كيلو ما ادري جم بالسبعينات خسر وزن..

لكن اللي ربح هذا العراقي 50 الف ريال..

عاد انا قاعده اكلمكم بالتفصيل ما ادري متابعين البرنامج ولا لا.. بس اتوقع اغلبكم متابعه..


يله قولولي شنو سويتوا اليوم و وين رحتوا؟ :shy:

الله يجزاكم خير

ما سويت تنظيفات لانه صغير
بس الحمد لله على كل حال
عندي ولدي بالدنيا كلها والله يعوضني ويرزقكم

اصلا انا لما اشوف الناس احس ان ربي رااحمني غيري محروم عسى الله يرزقهم وانا عندي الغااالي
حتى بعد عمري يلمني ويبوس فيني ويقوول ماما ليش تبجين
والله حتى زوجي ما قصر يقول خيره ولاتضاايقين عمرج
بس بصراحه اتضاايقت كثير واحس بغصه بقلبي لان زوجي كان فرحااان بصورة كبيره ولما طاح البيبي وعرف شفت الدمعه بعينه هذا اللي ضايقني

لبى قلب وليدي..

الحمدلله على كل حال و قدر الله و ماشاء فعل..

قالولج من شنو طاح؟؟ هل من الاشعه ولا من الحركه ولا شالسالفه؟؟

على فكره اذا من الاشعه لازم تقولين الحمدلله الف مره لان كان ممكن ما يطيح و يكون مشوه..

و انا نفسج بعد ما سويت تنظيفات لان كان صغير..

و اذا ماعندج مشاكل بالحمل.. ترى بتحملين بسرعه ان شاء الله و بتبشرينا بحملج قرييييييييييب قولي آمين :)

الله يسمع منج مشكوره ام فرووحه والله يجزاج خير ويعطييج على قد نيتج والله كلامج خفف عني
ما قالوا ليش طاح بس قالي الاشعه ما تضره لانها مركزه على السن ما لها شغل بس سبحان الله جذيه

عا العموم الله يفرحج ببنوتج واذا حلوه قول لي ترى ادور لولدي بنوته حلوه ولدي عمره ثلاث سنين ومن الحين باخطب له
بس اقولج ترى دره مو حلو

بس اشرايج ريناد
او مرام
او لجين

الحمدلله ان كلامي خفف عليج..بس فعلا ترى انا حساه انج بتبشرينا قريب بالحمل لأني فهمت من كلامج ان ماعندج مشاكل او تأخر بالحمل..

بس تحري ايام التبويض و كثري من الاستغفار..و حاسه بعد شهر بتقولين ابشركم بنات انا حامل :)


هههه الحمدلله أول وحده تخطبين بنتي..اشوه عبالي بطيح بجبدي ههههههه

اي حلو الفرق بينهم بالعمر يصلحون حق بعض ان شاء الله.. عيل احنا بنسال عن ولدكم بالدوانيه و الدوام و انردلكم خبر ان شاء الله هههههه

عاد ان شاء الله تطلع حلوه ادعي وياي عشان عيالهم يطلعون حلوين هههه


يعني طلع دره مو حلو :(

خلاص غضينا النظر..بعد ما يصير يتزوج وحده مو عاجبه اسمها..سأليه قوليله شنو تبي اسم مرتك و قوليلي ههههه



بنات ترى العرض مفتوح حق اللي بيخطب..لأن بعد ما سألنا عن ولد لبى قلب وليدي..

ما تشوفين شر لبي قلب وليدي
والله يعوضج ان شاء الله
ولا يضيق خلقج ارضي بقضاء الله قولي الحمدلله
والله يخليلج وليدج يا رب

أم فرووحة اعجبتي باسمي ملاك ها بس مو هذا اسمي الصج بس احب هالاسم بعد
شوفي انتي اختاري من هالاسماء الي يناسب اسم زوجج يعني لا يصير اسمها مو راكب مع اسم ابوها عشان الاسم ككل يصير حلو عرفتي ؟؟؟؟؟؟؟؟؟

ام فرووووحه ههههههههههههههههههههههههه 0000 كاسكو عاجبج خلاص وصلتي خير

سمي بنتج كاسكو عاد تخيلي كاسكو فلان ههههههههههههههههههه ماترقع 0000

دره مو حلو بالمررررررررررررررررررررره تثقيل اختاري اسم حلو وخفيف 0