تجمع لبنـــــــات الكويـــــــت ((حياكم الله))

بنااااات شلوونكم؟؟ عساكم بخير ان شاء الله و شخبار الحمال معاكم؟ عسى ربي يتمم لكم على خير :)

ام فرووووحه شلونج؟؟ باركيلي اخيرا صار لي خلق اشارك معاكم والله بخاطري من اول ما كتبتي الموضوع اشارك بس والله متعييييييييزه حدي (( وحده حدها كسلانه تحب تقرأ بدون ما تكتب )):gum:

المهم انا الله يسلمكم دائما اروح لدار الشفا... الصراحه ارتاح للمستشفى هذه .. و الحمدلله 3 من اهلى اولدو هناك و يمدحون الخدمه حييييل .. و مادري ليش ماني حابه اروح و لا حتى اجرب مستشفى ثاني!

اوكي بالنسبه للوحاام .. ماتوحمت على شئ معين .. بس ماقمت احب الحليب و لا البيتزا :qaq:

و اللوعه اسم الله عليكم شوي خفت عندي الحمدالله و لما احس باللوعه والله اتعب حييييل و اقوم ابجي :sad: :confused: مثل اليهال
:shy:

ام فروووحه ضحكتيني على سالفه برد بو موز تصدقين انا شريته من جمعيه حولي بس مادري اهو اللي تقصدينه و الا لا؟ اهو مكتوب عليه Banana loly ( حده مال اول )) :bigsmile:



اختي فـــــــلانه

انصحج تروحين حق الدكتوره امل عبدالعزيز يمدحونها الصراحه :ok:

يااالله بنات قرقت وايد شكلي اخليكم الحين

ام نوره

ليدي عسل..ماشاء الله صج الدعاء له مفعوول عجيب سبحان الله.. و أكيد فرحه ما توصف بعد ثمان سنوات انتظار.. الله يثبته لج ان شاء الله و يثبته لي و لكل الحوامل يا رب :)


هلا والله لووووووووولوه شخبارج؟؟ فقدناج ترى :sad:

لا تقطعيين عنا لأن ما نستغني عن خبرتج و أفكارج المبدعه :shy:

و بانتظار رقم ام كريم على الخاص.. و مشكوره يا الغاليه مقدما..

انا مره قالولي عن وحده اسمها ام عمر 3 جلسات ب 45.. بس شوي ايدها ثقيله.. لكن احلىىىىىىى شي لم تسويلج كاسات الهوا تحسين براحه مو طبيعية..


قلب وليدي .. ألف ألف مبرووووووووووووووووك حبيبتي على الحمل :clap:

الله يثبته لج ان شاء الله.. و الله يعينج على النساة :)
هههه راح ترد لج الذاكره..

و بعدين يعني يالله كنتي تنطرين تحملين عشان اتسولفين ويانا؟؟!! منو قالج ان احنا اهني بس تجمع حوامل؟؟

لا بالعكس في بعضنا مو متزوجات و سوالفهم عسل..

اهني بالتجمع اللي يخطر في بالج سولفي عنه لا تخلين بخاطرج شي :shy:



نوضه شخبارج..و وين كنتي مختفيه؟؟


بنات لا تقطعون وايد.. خل نرد نسولف نفس قبل..

يله أخليكم الحين و رادتلكم بعد شوي :gum:

السلام عليكم

هلا ام فروحه انتي شلونج 00 شسوي قبل كنت انام بدري 000 بس الحين سهاري 0


مبروك ليدي عالحمال حبيبتي

هلا و غلا والله بام نووووووووره :flower: :flower:

ترى هذا استقبال بالورد مو عادي عشان ما تقولين متكيسله..يعني قبل بس تقرين هاااااا طحنا عليييييييج :angry:


الحين خلاص ماراح انهدج..لا قراءة بدون مشاركه بعد اليوم :no:


بالنسبه لدار الشفا صج حلو.. و طبعا احلى شي الامبراطوري.. بس جنه شوي غالي.. انا مو متأكده من الأسعار.. بس اللي سمعته ان الليله بالامبراطوري فوق الستميه صح؟؟ يمكن 640

ههههه حتى سمعت قصه عن وحده خذت قرض من البنك عشان تولد بالامبراطوري اللي بدار الشفا.. :eek2: هههههههههه والله تعجبت من السالفه..

وحده من صديقاتي خذت هالغرفه و كانت ولادتها قيصريه قعدت 4 ايام بالغرفه.. طلع عليها 3 الاف و شوي !!

بس قلت ان شاء الله باخذ جوله على كذا مستشفى و بعدها بقرر ان شاء الله بعد ما اشوف الغرف..



اشوه ام نوره وحامج خفيف.. انا بعد ما احب الحليب بس اتقصبه عشان الكالسيوم اللي فيه..

اما لم تيني اللوعه ههههههه حدث ولا حرج.. صج جني ياهل هم جذي ابجي نفسج..هههههههه

خلصت دموعي اول 3 شهور :confused: شريتلي دموع بدالهم هههههه


اما عالبرد والله لم الحين خاطري فيه.. تلقيني امشي بالشارع بس ادور راعي البرد اللي مكتوب على عربانته بترا.. بس مو امحصلته كله كي دي دي..

لكن دام لقيتيه بحولي.. يله شكلي بروح ادوره اهناك شكلهم خاشينه حق الزلمات :gum:




هلا ليدي عسل.. انا اليوم سهرانه لي صلاة الفير ان شاء الله :shy: :smile:

هلا الكاسكو.. شنو كنتي صيفي؟؟

تعالي صج اشصار على نفنوف السهره رحتي المكان اللي قتلج عليه؟؟ :)

تسلمييييييييييييين على الورد كلج ذوووووق يا ام فرووووحه :)

لا خلاص ان شاء الله بتشوفين مشاركاتي دوووم معاكم ..

تصدقين عاد و لا انا متأكده من الأسعار بس في وحده قالت لي ا لامبراطوري تقريبا على 900 !!!!
مادري صج و الا تقص على ؟!؟!؟!
شكلى ان شاء الله اذا رحت الشهر الجاي اسألهم احسن لي !! و الله يعيني انا و زوجي عاد قاعدين نحاول نجمع بس ماكو فايده .. عاد الحين قررت ااجر فستان زفافي احسن لي يامعوده و لا اخذ قرض و اتعب عمري S:

تعالي طمنتيني احسب بس انا اللي ابجي!! طلعتي دلوعه نفسي :D تصدقين عاد اكسر خاطر نفسي لما اتعب هيهيهيهيهي
بس يالله كله عشان خاطر النووونوو يهون فديته ياربي اليوم قاعده اسولف معاه -معاها والله خفت ريلي يقول عني خبله بس عادي كيفي صح :D

ام نوووره يمدحووووون دار الشفا كذا بنت مدحته لي وعلى قولت ام فروووحه انفرامستشفيات ونساااااال بنفسنااااااا


الكاسكووووو والي سهرااان اخباركوووووووووم

هلاااااااااااا حبيبتي لا انا بطاليه اي صيفي والا شتوي 0


لا مارحت بس فصلت عند الحنين والرقى ب 354 دينار بس صج طلعت رووووووووووووووووووووووووووووووووووووووووووووووووووووووووووووووووووووووعه والله العظيم الكل سالني عنها وتراشي وحلقات باسمي تخيلي >>> يعني اقلد هيفا خخخخ

ليدي هلا حبيبتي معاكم عالخط ؟؟


بغيت اسالكم تعرفون خياط يسوي فساتين حلوه وقصات بس شوي ارخص ؟؟

ام نوره اعتقد هذي وايد تبالغ.. مستحيييييييييل 900 على الليله!! او يمكن قصدها مع الولادة..


هههههههه اي والله عاد انا الدمعه زاهبه :confused: هههههه شسوي اول مره احس ابهالاحساس.. كانت لوعه عجييبه الحمدلله عدت المرحلة على خيييير..

عاد انا كان خاطري بتوم.. لم عرفت ان التوم تضربين اللوعه اللي تحسين فيها ب 4 قلت الحمدلله انه مو توم.. انا جذي و مو قادره اتحمل !!

اتصدقين الحال من بعضه.. احنا هالسنه بس فكرنا انيمع عشان هالعقار اللي شاب نار و شرار ولا اذا ما يمعنا طول عمرنا بنقعد باجار..

يالييييييييت والله أقدر أأجر نفنوف العرس ولا أبيعه عشان مصاريف الولاده ههههه

بس شلون؟؟ يعني انحط اعلانات بالوسيط ولا اندق على اللي يأجرون و نعرض عليهم؟؟ شنو احسن برايكم؟


ليدي عسل اتصدقين قاعده افكر بدال لا انفرفر معقوله ما عندهم سايتات بالنت.. بحاول ادور عليهم بقوقل و بقولكم اذا لقيتهم..


هههههه الكاسكو ترى نسيت جنج توج متوظفه مو؟؟

و مبرووووك عليج النفنوف الرووووووووووعه :) شوقتيني اشوفه...:shy: جنج ما تدرين صوريه و حطيه لنا هههه



بالنسبه للخياييط كنت اعرف المزيونه اللي كان بالجابريه بس سكروا ما ادري وين راحوا!!

بس هذا اللي كنت اعرفه اللي يضبطلج الشغل..

ولا الباجي كله حظي موزين معاهم!

اي والله يا ليت اللي تعرف مشغل ولا خياط تفيدنا و تكون اسعاره معقوله..

بنات لقيتلكم موقعهم :)


http://go.3roos.com/TaoaLi4i7K2


بس مو حاطين الأسعار !!!

حاطين صور بس احسها مو واضحه.. ما ادري شوفوها و قولولي رايكم

http://go.3roos.com/TTDoptmhxuE

و هذا مستشفى السلام..

ما عجبني وايد موقعهم.. يمكن لأني قاعده افتر فيه و انا دايخه هههههه

شوفوه و قولولي اذا فيه اسعار غرف

و هذا أحلى موقع عجبني من ناحية التصميم و الصور الواضحه..

بحطه لكم عشان خاطر عيونكم و اهو حق مستشفى هادي :




http://go.3roos.com/llPcIfpwt0N



يله انا رايحه اصلي و أنام أذن الفير.. تصبحون علي خير..



بناااااااات ادعولي باجر عندي موعد سونار.. راح اعرف جنس البيبي.. بس مو هامني شنو جنسه اللي احاتيه صحته.. فيني قلق مو طبيعي .. إن شاء الله يكون بصحه و عافيه..

دعوااااااااتكم :****

ام فروحه ياربي يوفقج ويكون صحة البيبي بخيييييييييييييييييير يارب يا رحيم
وطمنينا عليج يا قلبي 0

الله يبارك فيكم

بنات انا كنت الدوره عندي بتاريخ 9\6
يعني جم صار لي حامل ومتى موعد ولادتي
والحين ارووح اراجع والا انطر شويه
النسااه للحين ما بدت واياي بس ادعوالي تكون خفيفه

هلااااا وغلااا نووتااات مادرى انسااات مارى جدااات على كيفكم هههه
ام فروحه انا قصتى قصه بس مابى ازعجكم بقولها مختصر يعنى لازم اقول قصتى ماعرف اسكت ههههههه انا من تزوجت من ثانى اسوبع صارت معاى دوره مادرى نزيف بمده اربع شهور الله لايوريج ورحت يم مستشفى الشركه اتعالج خوووش عروس شهر عسل بالمستشفى هههه المهم هم زينين بس يغثون بالمواعيد عاد رحت يم دكتور معصومه مخيصيد وقفت النزف بان الله وبعدين عاد بدت تفحصنى وقالت فيج مبايضج ضيفه وبيت اخذ العلاج ورحله العلاج بس ودى اغيرها مادرى ليش
وانا صالى متزوجه تقريبا بوصل السنه
ام نوره امل عبد العزز وينها فيه ووهى شاطره ولالا وشرايج بسميره العوضى اذا مو غلطانه بلاسم

يؤيؤ هذرت عليكم من اولها وانا قايله بصير مؤدبه اكتب بس سطرين

مرحبا
انا حابة اشارك معاكم في موضوع المستشفيات لأن ولادتي ما باقي عليها شي 12-8
انا رحت المواساة و رحت مستشفى السلام الدولي و الصراحة مستشفى السلام روعة

اهم شي اهم شي فيه عمارة مسافط حق السيارات و اسعارهم وايد وايد حلوة اللي تبي الاسعار تقول لي
انا شكلي بولد عندهم
بالنسبة حق الوحام ما راح يخطر ببالكم الاخت بشنو متنسيه





برد بو صاروخ مال بترا :gum:

افتريت كل مكان ما حصلته لحد ما لقيته بجمعية الشعب و اخذت الموجود كله

هههههههههه لولو برد بو صاروخ مره وحده.. شخباري .. كلنا قدم انا وياج هههههه قايم سوقه بترا..

دامج رحتي مستشفى السلام يا ليت تعطينا الاسعار من كلامج شكله احلى من المواساة صح؟؟



بنـــــــــــــــــــات أبشركم..

قبل شوي راده من الدكتوره و عرفت جنس البيبي..

اطلعت بنوته يعني فرررروحه.. شكله النك نيم بيتحقق قريب ان شاء الله هههههه

عاد سبحان الله ما ادري ليش احساسي و احساس ابوها ان ولد..

و كل اللي ايي من الله حياه الله اهم شي انها الحمدلله بصحه و عافيه..


عاد الحين المشكله ان هدوم البنات اتشووووووووق.. خايفه ما اقدر امسك نفسي و اشتري الاكو و الماكو..

هههههه ريلي حسيت كان وده بولد..لم دره ان بنت قال لا بالله خميتي السوق ههههه


ان شاء الله اقدر اضبط نفسي لأن الميزانيه حدها ما تساعد..


يله بنات قولولي منو بتسهر اليوم..عشان اذا ماراح تسهرون بروح انام لان نايمه تقريبا 4 ساعات بس من كثر ماكنت احاتي موعد الدكتوره !!

هلا ام فروووحه
الله يرزقج بمنيتج واهم شيء تقومين انت والبيبي بالسلامه

بس وناسه البنوتات
انا عندي ولد واتمنى حملي هذا تكون بنت

الله يسلمج يا رب..

تدرين عاد..انا اتمنى حملي الياي بعد بنت.. لأن اشوف الخوات لم يكونون قراب بالسن يم بعد يعني بينهم سنه ولا سنتين يكونون على قلب وااحد و يكونون حيييييل صديقات..

لأن انا فاقده هالشي بيني و بين اختي الوحيده تقريبا اكثر من 8 سنوات اهي اكبر فاحس فاقده الاخت ..

فماودي هالشي لبنتي :)

بنات ما تلاحظون ام عسووله فاقدينها؟؟

شكلها اولدت والله أعلم..

اذا ولدي يا ام عسوله الف الحمدلله على سلامتج و ناطرين قصة ولادتج بالتفصيل :)