تجمع لبنـــــــات الكويـــــــت ((حياكم الله))

سلام شلوونكم ....

فاطمة ورقية : إي انا بالجمارك .. امس داومت ولوعة جبد حاطيني مع رفيجاتي بمكتب لا شغل ولاشي من الساعة 8 الى ال 12 بس قاعدين سوالف وبلعع بالكاكاو والبطاط ..

أم فروحة : شخبارج يا اوخويتي ؟؟
طلعت صج اشاعة وحده اعرفها من طرفهم دقوا على مرتة جان اتقوول هذي الاشاعة طالعة من العصر يوم الانتخابات .

انا صغيروونة 22 سنة :)
انا عندي ولد ( فواز ) وبنت اسمها (بدور ) ماشااللله عليهم اميننيييني :)
انشااللله يارب كل وحده فيكم الله يرزقها كوووكش يهال :)

ماشاء الله الله يخليهم لج يا ام فواز :)

ترى حلو الدوام من 8 لم 12 ..بس المشكلة لم تقعدون و ماكو شغل احس حده ملللللللللل الله يعينكم..


انا جذي بدوامي مرات و اهي نادره اذا صار مافي شغل..حب و جاي و بطاط و كاكاو..اول سنه مشيت معاهم..بس بعدها قلت لااااااااا و الف لااااااااااا ماراح آكل هالسوالف و الحمدلله اهم ياكلون و انا ماسكه نفسي..لأن لو بهدها بنبط ...

بنات سامحوني على القطاعه توني راده من العمره

خخخخخخ (أنا وزوجي منحاشين عن الانتخابات )

لأ أضحك أصلا مانصوت احنا مساكييييييييين مو مقيديين :(

الله ياحلو مكه بسسسسسسسس زحممممممممممممممممه يادنيا زحمه



المهم شلونكم شخباركم ؟؟والله وحشتوني ؟؟

ووحشتني سوالفكم ؟


اممممممممم

بنات بخاطري احجز شاليه بس ماكو حجوزات منيه لي شهر 9 لا الخيران ولا الوطنيه

بدور اذا منتجع شيك

ابي البحر بتسبح ؟

اقول حق ريلي خلنا نحط حمام سباحه يقول تسبحي تحت عند اهلي اهما حاطين حووووووض شكبره والله ضيقة خلق استحي اتسبح تحت شسالفه ؟؟

اممممممممممممممم من قرادة حظي توني انقبلت للتوظيف ومباشرة عمل عالاسبوع الياي تقريبا بعز الحر زهقت شنو هذا ؟

تخيلوا درجة الحراره هذاك اليوم 52 منو يصدق لو احط بيضه على راسي جان نشويت بعد
بس الحمدلله على كل حال رحنا العمره وجددنا التوبه على قولتهم


اخباركم شنو انتوا؟

أدري اتحلطم وااااااااااااااااااااايد


كأني عيوز حننانه

بنات ضايق خلقي على بنوتي منشوله هالنتفه هههههههه

تعاطس ودموعها تصب

الله يشفيها تكسر الخاطر والله

رحت الدكتوره اليوم عطتني موعد الأحد الجاي إذا ما ولدت راح يحطون لي طلق صناعي لأن وزني قام يزيد بالأسبوع كيلوين ومايبون البيبي يكبر حيل وتصير عمليه..
وضايق خلقي من قالتي الدكتوره لأني بكر ودي أولد بدون طلق صناعي...

عسوله أنا كنت نفسج

اقري قصتي وراح تعرفين ان الله ماينسى عبده حتى في اخر لحظه وخلي ايمانج قوي
وأكثري من الدعاء

هنا

عسوله أنا كنت نفسج

اقري قصتي وراح تعرفين ان الله ماينسى عبده حتى في اخر لحظه وخلي ايمانج قوي
وأكثري من الدعاء

هنا

أم فرووحة : تسلمين حبيبتي وانشاالله الله يرزقج مثلي وأكثر :)
والله كل يوم ماكو شغل بس جذي قاعدين ... وانتي ماقلتي وين اتداوميين ؟؟؟؟؟

sambateeka: تقبل الله طاعتكم ...
الحين ماكو حجز حق الشاليهات ... انا حاجزة من شهر 2 ويوم الاربعا بنروح الخيران :)
وبعد صج .. عطي بنتج بابونج ترى واايد زيين وشربيها بعد حلبة .. وسلامات .

أم عسولة : الله يعينج ميخالف صبري واولدي طلق صناعي لان قاعده اتزيدين 2 كيلو تره وايد ويمكن موزين على البيبي .. آنا جربت الطلق الصناعي صج انه صلخني (معبوج) وقمت اهلووس من الصراخ ليدرجة قلت لهم عطوني ابرة الظهر بس الحمدلله ما أخذتهه لان باللحظة الاخيرة طلع البيبي .. وعليج بالدعاء واقري قرآن .. وشربي مرامية أو زيت خروع خلطية مع سفن او عصير وامشي وايد عشان تولدين ومايحطونلج طلق صناعي
والله يسهل عليج يارب ولادتج ..

:smile: هلااااااااا سمبتيكااااااا حمدلله على السلامة و عمرة مقبوله ان شاء الله.....


و أنا أقووووووووول وينج طول هالمدة..لكن زين سويتوا والله..:clap:

اهناك اتحسين روحج بعااااااالم ثاني..

لو توقفين بالسطح و اطالعين تحت شلون الناس يدورون تلقينه احساااااس رهيييييب..

انا و ريلي بالحج جذي وقفنا فوق بالسطح و انطل تحت على الناس بعد ما خلصنا الطواف..أوووووف شعووور حده عجيب..

الله يرزق حج اللي ما حجت و يرزقنا عمره يا رب..


رجعتيلي الذكريااااااات..


سلامة بنتج ان شاء الله ما تشوف شر..خذيتيها معاج ولا وين خليتيها؟؟

ما ادري قاعده افكر عادي الام يطاوعها قلبها تخلي عيالها و اتسافر ولا صعبه؟؟ لاني قاعده احاتي اقول باجر البيبي بقيدني ماراح اقدر اسافر على راحتي :qaq:


و ثانيا مبروووك على الوضيفة..هههه من طول الغيبات ياب الغنايم خوش اخبار..وين انقبلتي؟؟ :shy:







أم عسوله يالله هاااااااانت الحمدلله و صج ما تدرين يمكن بآخر اللحظات ايلج طلق طبيعي بس فعلا كثري من الدعاء.......

بس هل اهو موعدج ولا طفتييه!!؟؟

لأن يقولون البجر كله اطووف موعدها و انا مثلج بجر..


بس الحمدلله هانت..أنا قاعده انطرررر هاليوم نطره..الله ان شاء الله ايي على خير :smile:

كثري من المشي لا تنسين..

أم عسووولة .........
أضمن طريقة عشان تعجلين بولادتج....
استخدمي كف مريم تلقبنه بالعطار
خليه يغلي وينقع يوم كامل وشربيه وراح تولدين باذن الله اليوم الثاني
مجربة ومضمونة

[grade="008080 FFA500 32CD32 4169E1 FF1493"]أم فرووووووووحة سامحيني على التأخير....
لأن خالتي طاحت علي بالبيت ودشت المستشفى وحدي احتست وياها

أم فروحة شنو الأعراض إلي تحسين فيها يعني قصدي( دوخة -تعب.........)
لأن عندي وصفة حق كل حالة
وبعدين دامج دشيتي الرابع فلازم بعد كل سباحة تستخدمين زيت بيبي جونسون حق كل الجسم وتدهيين بأي كريم مرطب البطن والأرداف والزند والصدر والخلفية.
لأن من بداية هذا الشهر يبدى البيبي يكبر شوي ويبين حجمة فلازم تسوين جذي عشان تتجنبين
الخطوط الي تشوه الجسم وحق العلامات في كريم اسمه أفالون(سترج مارك)وايد زين
وإذا كنتي بترضعين قوليلي عشان أعلمج طريقة تنفعج بعدين (بعد الولادة)
وبعدين نسيت أقولج تدرين ليش المستشفيات ناس تمدح المستشفى وناس تذمها لأن الولادة أولا تيسير من رب العالمين ولازم الوحدة تدعي من أول يوم حمل الله يسر لها ولادتها وبعدين على حسب الدكتورة .
أنتي منو دكتورتج؟؟؟
وأخيرا اسفة على الإطاله والله يسهل عليكم الحمل والولادة إن شاء الله..[/grade]

أشكركم بنات عى تفاعلكم معاي

بواسطة أم فروحه:

هلااااااااا سمبتيكااااااا حمدلله على السلامة و عمرة مقبوله ان شاء الله.....


و أنا أقووووووووول وينج طول هالمدة..لكن زين سويتوا والله..

اهناك اتحسين روحج بعااااااالم ثاني..

لو توقفين بالسطح و اطالعين تحت شلون الناس يدورون تلقينه احساااااس رهيييييب..

انا و ريلي بالحج جذي وقفنا فوق بالسطح و انطل تحت على الناس بعد ما خلصنا الطواف..أوووووف شعووور حده عجيب..

الله يرزق حج اللي ما حجت و يرزقنا عمره يا رب..


رجعتيلي الذكريااااااات..


سلامة بنتج ان شاء الله ما تشوف شر..خذيتيها معاج ولا وين خليتيها؟؟

ما ادري قاعده افكر عادي الام يطاوعها قلبها تخلي عيالها و اتسافر ولا صعبه؟؟ لاني قاعده احاتي اقول باجر البيبي بقيدني ماراح اقدر اسافر على راحتي


و ثانيا مبروووك على الوضيفة..هههه من طول الغيبات ياب الغنايم خوش اخبار..وين انقبلتي؟؟

الله يسلمج ماقصرتي يالغاليه والشر ماييج

وصدقتي صج عالم ثاني

بنتي مااخذتها معاي لأنها ليلتين وبصراحه ماطاوعني قلبي بس الصج سويت منااااااااااااااحه


:cry: :cry: :cry:

اي والله البيبي بقيدج استانسي من اللحين خخخخخ

الله يبارك فيج انقبلت بوزارة الطاقه :gum:

بواسطة لولوووه:

sambateeka: تقبل الله طاعتكم ...
الحين ماكو حجز حق الشاليهات ... انا حاجزة من شهر 2 ويوم الاربعا بنروح الخيران
وبعد صج .. عطي بنتج بابونج ترى واايد زيين وشربيها بعد حلبة .. وسلامات .

منا ومنج ماقصرتي


صدقتي ماكو حجز

الله يسلمج تخيلي شكل رهوفه وتعاطس خخخ تضحك ومنشوله بعد ياروحي

سهرتنا وماتنام كاسره خاطري ؟

بجرب البابونج ميرسي

هلا والله لولوه..مشكوره يا الغالية عالدعاء الحلو..
كنت بوزراة التربية لكن ده كان زمان :)

هلا والله رقيه و فاطمه..سلامتها خالتج ما تشوفون شر ان شاء الله ..

عسى اطلعت من المستشفى و تحسنت حالتها بشرينا؟

لا الحمدلله راحت اعراض الدوخه..بس لم اشم ريحة طبخ او اذا طلعت بره شميت ريحة زقاير أحس اني برجع..هالشيين اللي وايد يضايقوني..

بس التعب مستمر يعني ما اقدر امشي وايد ظهري يعورني..و اتمنى اني اروح اسوي مساج بس سالت الدكتورة قالت لا خطر ما يصير..احس عظامي كل عظمه بصوب :qaq:

اتصدقين فعلا حسيت بطني كبر شوي بس ما فكرت بزيت بيبي جونسن..اي والله خووووووش فكرة مشكورة عالنصيحة :shy:


اي والله ودي فعلا ان الحليب ما ينشف من صدري..اعرف وحده من صديقاتي ماشاء الله ترضع عيالها مدة سنه و نص سنتين..اتمنى يصيرلي جذي لو سنه..بس ما ادري شنو الطرق..

سالتها قالت على حسب طبيعة جسم الوحدة..

وايد ناس اعرفهم شهر و ينشف الحليب..

اذا عندج طريقه يا ليت تقوليلي عنها والله و مشكوووره مقدما :)


انا دكتورتي يا طويلة العمر ناهده العلي..



هلا سمبتيكااا...(f)


تهقين جذي البيبي بقيد؟!

المشكله شلون استانس و بطني جدامي..ماكو الا سينما بس وين الاوادم يروحون؟؟؟

اذا مشيت وايد ظهري يعورني و صعب اسافر لان خطر عالحمل..

هههههه انا من الحين متقيده عيل شلون باجر لم ايي ان شاء الله..يله ميخالف كلشي يهون..بس ايي سليم ..و اولد بالسلامة لأني خوافه..

انا اكثر منج خوافه بس الله معاج وانشالله ماكو خوف بلحظتها بس تبين تولدين وتفتكين

الاشهر الاخيره تعب اكثر من الثقل وتعب نفسي استانسي اللحين وكشخي خخخخ
بعدين بطنج مايخليج تكشخين وكل شي ضاق علييييييييييج وحطي مكياج وكل شي يطري ببالج سويه بعدين بتكرهين عمرج وودج تذبحين نفسج <<<هذي اللي تحطم الواحد


لأ أضحك بس استانسي بالطلعه لأنه لو ريلج يطلع نفس ريلي كان صار حبس انفرادي

اقصد زوجي مايرضى اطلع وبنتي عند الخدامه مسسسسسسسسسسسستحيييييييييل حتى لو مشوار بوساعه وانا خدامتي باخصتها عدل ومختبرتها فيعني متأكده ماراح تسوي في بنتي شي لازم اخليها يا عند امي او عند خالتي ؟؟

وانا بصراحه ماابي اقيدهم في بنتي واهما على اخر عمرهم يبون يرتاحون مو يربون ؟؟

أم فرووحة : الحلبة وااايد مفيده وتدر الحليب وماتخليه ينشف ... ولما تولدين تكرمين صيري مثل (البقره) :) اكلي وااايد خضره حطي حيلج فيها وشربي الحسووعشان ينظف بطنج وقبوط والعصيدة ... خوو انا صرت خبرة وام قديمة :)
انا من كثر التعب مارضعت اعيالي غير شهرين .. تبين الصراحة تعبت واايد وابي اطلع وانا ما احب اتقيد بروح اشووف نفسي اغير جوو واغير النفسية وبضعف فماقدرت اكمل الرضاعة ولان بعد كان عندي دوام وادرس ...

وترى البيبي ما قيدني .. اول ياهل كنت امبلي شويه اخاف علية بس اختي يودتني جان تقولي امشي خل نطلع شوفي الدنيا شوفي الناس حاكرة عمرج وصاكة عليج الباب خل يولي قطيه عند امي والخدامة وماعليه شر ...
وبعدين عاد قمت اخلية وجنة العيد ..

وليش يقيدج وانتي بعدج ماولدتي ؟؟؟ سؤال : يعني بتقيدين شنو تبدلينه ولا بترضعينه ولا بيبجي بيفضحج بالسوق واهو بعده ما طلع على الدنيا ؟؟ :)

اللله يعينج ..

اتصدقين سمبتيكا و انا مثلج..

ريلي من الحين يحذررر مستحيييييييييييييل الخدامه اتجيس الياهل تخيلي !!!!!!!!!! :no:

ما يبيها تجيس الياهل..عيل شلون اقدر اخليييييه و اطلع :angry:

على قولة صديقاتي..كل ريايلنا جذي نفس الشي و بعدين لم يشوفون الصجية خلاص بيخضعون للأمر الواقع.. عسىىىىى ان شاء الله..

و الشغله الثانية..احس انا بعد مثلج ما ودي اخلي اليهال عند امي او خالتي..لأن اخواني مرات ايبون عيالهم صغار و يحطونها عندها تقعد تشربهم مميه ولا تبدلهم وتلقينه اهو مع مرته طالعين..فاحسها تتضايق..و مرات تشكيلي..

فهالحركه شكلي ماراح اسويها..اذا ماراح اسويها حق امي اكيد ماراح أسويها حق خالتي..

هههههههه فشكلي صج بتقيد عددددددل..بس امفكره اذا حسيت بملل و بطلع باخذ البيبي معاي واذا كبر شوي و يتملل من القعده بالعربانه الخدامه تركض وراه..هههه..

هذا حال الأوادم بالسوق كله جذي..ولا احكر عمري..

لولوه مشكورة على النصايح..ولو ان تشبيهاتج الله بالخيييييييير ههههههه

عاد صج لولوه حدددي مو متعوده على قعدة البيت..

لكن من بداية حملي اللي قيدني يا طويلة العمر و انا حامل ان مره طلعت و كنت قاعده اسوق تقريبا دربي كان نص ساعة..ما وعييييت الا قطع دم قامت تنزل علي..

على طول رحت الدكتوره و هالحجي كان لي شهر و نص او اقل..قالت الدكتورة من متى صار فيج جذي..قتلها كنت طالعه و اسوق..و بعدها صار اللي صار..قالت ممنوووووووووع عليج الطلعه كله قعدي و رفعي ريولج و كنت آخذ ابر اتثبته..

الحمدلله الله ستر و ما طاح..و منعتني من اني اصعد او انزل بالدري..و الحركه عموما..

فتخيلي ماقمت اطلع ولا ارووح نفس قبل كله قاااعده و رافعه ريليو ناطره تقولي متى ممكن اصير طبيعيه لأن اللي صار فيني يسمونه اجهاض منذر :sad:

و الله يعدي هالاشهر على خير..و يثبته يا رب..و اولد بالسلامه و ارتااااااح..

اللهم أأأأأأأأأأأأمييييييييييين تولدين بالسلامه والبيبي بعد يقوم بالسلامه

اللهم أأأأأأأأأأأأمييييييييييين تولدين بالسلامه والبيبي بعد يقوم بالسلامه