تجمع لبنـــــــات الكويـــــــت ((حياكم الله))

هلا الكاسكو..

ههههههه حسافه شفت ردج على صلاة الفير..الحين توه مأذن..

ها فيج سهرة أرجعلج بعد الصلاة ولا خلصت البطارية؟؟



شوقتيني على قصر السلطان وين صاير هذا يم شنو؟؟




هلا عصفورة الجنة شخبارج؟؟

انا اللي اعرفه العربيد يم الحمرا مول هذا مال العبي..هذا قصدج ولا في غيره؟؟

ام فروووحه

اى فيني شده يلا وييييييييييييييييينج ؟؟ شكلج منتي راده نمتي صح هههههههههههههههههههه

وقصر السلطان هذا اسالج امس واردلج خبر بس صج فله خخخخخخخخخخخ

الكاسكو : هلا حبيبتي انا بخير الحمدللله .

عصفورة الجنة : مشكوره ياعمري .

بغيت أسألكم صج هااا بتروحون باجر اترشحون حق الانتخابات ؟؟؟ أنا متردده ودي اروح بس مالي خلق .... انا من الدائرة العاشره .. أشكالهم المرشحيين اللي عندنا مايشجعون اني انتخب واحد منهم كلهم رشاوي ... احتمال يمكن ارشح نبيلة العنجري !

بنات لو سمحتوا بدي اعرف رأيكم
بلدكتورة ماجدة اليتامي
ومين منكم سمعت عن موضوع تحديد جنس المولود قبل الحما عن طريق الاكل والغسول
وموعد التبويض
يعني يلي بدها ولد او يلي بدها بنت
وسمعت عن الدكتورة ماجدة وحابة اسئلكم
مين جربت طريقة لحتا تجيب البيبي يلي بدها ياه
انا بانتظاركم
يا ريت تردوا علي
ضروري

هلا ام فرووحه
العربيد الي يم الحمرا مول مو مال العبي لا في محلات سهره فو ق

اختي وفرت علي لانها راح تولد قبلي فاشترت ملابس الاستقبال للمستشفى قالت لي امي لا تشترين شي حتى الكفر شرته بعد

ههههه لولوه زين سويتي فتحتي موضوع الانتخابات ..

انا بعد من الدائرة العاشرة..

اي والله الله يسامحهم بايعين الديره لا ذمه ولا ضمير ابهالرشاوي و شراء الأصوات..



بنات انتوا اي دائرة؟؟؟؟؟؟؟؟؟؟؟

منو ابتنتخب باجر؟؟ و منو تأيدون؟


هلا الكاسكو ههههههه اي شفتج مارديتي بسرعه جان انام..

ناطرة اتردين لي خبر على هذا قصر السلطان..


اليوم بسهر ان شاء الله لي الصلاة..

يله ناطرتج نسهر مع بعض اوكي؟؟



عصفورة الجنه..اتصدقين ما انتبهت حق المحلات اللي فوق..ان شاء الله بعد جم يوم بروحلهم بسوي عباية حق الحمل و بدقق اكثر :)

مشكورة يا عمري..


يله بنات اليوم ابنسهر نتكلم عن الانتخابات هههههه

هههههه طافكم بنات
اليوم رحت مع امي واختي مقر نبيلة العنجري
واول ما دخلنا جان تطفي الكهربا :) ههههههه .. ويهنه قبسة !!
عاد بعدين سلمت علينا نبيلة وطرشت وحده من اللي يخدمونها يابوا لنا الشاي والحلو وخبز الصاج ...
سمعت من زوجي انها تشتري الاصوات على الف دينار ..
وبس وهذي اخر الاخبار ...
عاد انا الحين ترددت مدام تشتري الاصوات ماني امصوتة لها . ولا حق احد بخش صوتي حق نفسي :)

ههههههههه لولوة ضحكتيني..

والله كلشي جايز..الصوت طلع عندها بألف!!!!! والله حرام حتى اللي يقبلون يبيعون صوتهم شلون يقدرون ينامون الليل!! باجر هالرشوة بتصير نار ببطونهم..

الله لا يبارك بكل من يبيع ديرتنا..

بالنسبه لي انا احتمال ما اقدر اطلع عشان اصوت مع هالزحمه..ريلي مانعني اروح اي مكان مزحوم يخاف يحوشون بطني ولا شي..لأن صارت بالحمل اللي فات و طاح البيبي..الله كريم..

بس اتوقع لو بعطي صوتي..بعطيه الدكتور عدنان الوشطي..ولو ان احتمال ما يفوز..بس احسه تربوي و عنده افكار حلوة..و أحس انه دين شوي..

لو اني بالروضه..جان صوت حق الصانع احسه قلبه على الكويت..

و منو بعد امممم الحريم صراحه ولا وحده احسها تستحق..يعني مافيهم وحده جذي تحسين فيها دين..

احس الدينيين يخافون من ربهم أكثر من المتحررين الليبراليين يبون مصالحهم قبل مصلحة اهل البلد و البلد..


تعالوا عادي نتكلم بالسياسه مو ههههههههههه >>>>اشعقبه


اهم قالوا لا تتكلمون عن خلطات و هذي مو سياسه هذي ديمقراطيه..يله عطوني آرائكم..

بعدين نرجع حق الاستقبال و سوالفه

صباااح الخير اشتقت لكم شلونكم وشخباركم؟؟؟؟
وشلون ربع بنتي عسوووله؟؟

السلام عليكم .. شلونكم بنات ديرتي

معاكم أم عبدالله عالخط ههههههههه

يا حلو سوالفكم بس والله تدشون القلب .. باجر بروح أصوت ومثل ما قلتوا لا بارك الله بكل من شرا ومن باع

ديرتنا ديرة الطيبين وان شا الله ما ينجح إلا من له ذمة وضمير

ولي عودة مع سوالفكم الحلوة

اهلين سكون...
أنا بصراحه ما فيني شده اروح أصوت ني جد تعبانه .... بس إنشالله يفزون الاعضاء الي عندهم ذمه لأن الكويت ماتستاهل من يبيعها...

هلا ام عسوله..احنا الحمدلله انتي شخبارج..و شلون الخروع معاج شكله ما نفع ها؟؟

الله يعينج اي مو وقته تروحين تصوتين و تييج ولاده اهناك..ارتاحي احسلج و انا بعد اخاف اروح و اتعب لاحقين ان شاء الله بنصوت بعدين للي يستاهل..


اهلا أم عبدالله حياج الله معانا بالتجمع :)

انتي اي دائره ..و خلينا نتعرف عليج أكثر ..

الكاسكو وينج اليوم؟؟

وين البنات اللي بيسهروون؟؟

شكلكم نايمين عشان من الساعة ثمان باللجان الانتخابيه ها؟ ههههههه


يله بياذن الفير اذا ماكو احد بيسهر عشان اروح..


بانتظاركم .

هلا أم فرووووحه
والله كان يوم اسود يوم شربت الخروع .....ووووووع ماتوقعت طعمه جذي مع اني حاطته مع عصير مانجا ... ويا ليته نفع بعد.... ولا فادني بش ولا التمر ولا الدارسين ياللله خليها على الله ...
متى ماجات جات ..

السلام عليكم


شلونكم بنات 000 ام فرووحه حبيبتي اسفه امس رحت عرس ورديت متاخر ونمت بس يلا في سهر احلى منها ان شالله حبيبتي 0

لولوه

ههههههههههههههههههههههههههههههههه ضحكتيني بس يلا عادي مو مشكله 000

انا مادري من اى دائره والله ماعرف احنا مبارك الكبير بس وين مادري ؟؟؟


الانتخابات ماخذه كل وقت الحريم والريايل الله يعينهم ؟

صباحكم عسسسسسسسسسسسل



هلا ام عسولة.. ههههه اي بعد معروف طعمه الخرووو وع ....وع وع

اي والله خليها على الله ماراح ايي الا بيومه :) كثري من المشي عشان يسهل عليج الولادة ان شاء الله..

تعالي بسالج..شلون على حجز الغرفه يعني اول ما تولدين غرفتج جاهزة مع انج ما تدرين اي يوم ولا شلون بالضبط؟؟


قاعده احاتي هالموضوع..


اللي عندها خبرة ترد علي بنات..




هلا الكاسكو..اىىى الفال لج ان شاء الله :)

اممممم مبارك الكبير اتوقع ضمن القرين بس ما ادري اي دائرة..

جنه مافي حريم مرشحين عمرهم بالقرين..

صح؟؟


انا من الصبح اليوم قاعده..

مجابله التلفزيون..

مو عشان الانتخابات..قاعده من الصبح لا..


عشان الخدامه الله يسامحه فايحه ثوم من صباح الله خير..افففففففففف بطت جبدي و عصبت عليها مع اني ما احب اعصب..

اقولها احنا طباخ مو قاعدين نطبخ بالشقه بروحها شبرين و صغيرة و دقيقه تفوح الريحه فيها هالمره تفوحين ثوم..

اختنقت ما قدرت انام..و اللوعه ردت علي..

و قعدت بخرت بكل مكان..

و قلت اطل عليكم..



يله اللي قاعده ترد :)

صبااااااااااااااااااااااااااااااااحج سكر يا سكر


هلا فيج يا الطيبه0000 زين مابغيتي تدخلين انا من الصبح شابكه 000 شلونج وشلون الحمال وياج 0



ههههههههههههههههه ضحكتيني ثووووووووووم واييييييييييييييييييييييييي مقرف 0


البخور والعطر يوحه ماعليج 0


شرايج نسولف عن البخور والعطور 0


شرايج ببخو الدواوين صج رخيص بس وربي رهيييييييييييييييييييييييييييييييييييييييب جربي وبتدعيلي والله 0

وبخور من اجمل بخور معطر يجنن انا اموت عليه 0

ومن القرشي بخور الملكي يااااااااااااااااااااااااااااااااااي رهيب رهيب رهيب >> عبدالمجيد عبدالله مو

كاسكو خخخخخخخخخخخخخخخخخخخخخخخخخخخخخخ

واممممممممممممممممممممممممممممم بكمل بس القى رد منج

اللي حامل الله يتممله ع خير..

وللي لين الحين ماحمل ,,الله يرزقه الذريه الصالحه..

واللي ع وشك ولاده..الله يسهل عليه..

جزاج الله خير حبيبتي العهد 0000 طيب واللي ماتزوجوا مالهم دعوه ؟؟؟؟ خخخخخخ