تجمع لبنـــــــات الكويـــــــت ((حياكم الله))

عصفوره الجنه

هلا حبيبتي انا بخير انتي شلونج ان شالله طيبه نورتي حبيبتي >>> انفع اكون مذيعه ؟؟؟هههههه

اختي الميدان رحتله غالي 200 دينار 0؟؟ طيب طيبه كلينك انتي رحتيله وبجو شلون اسعارهم ؟؟


ودي اعالج لثتي وابيض اسناني بس بعرف بيضربوني بال 500 وفوق 0



والفستان ابيه لي يعني فستان سهره اذا تعرفون احد ياجر فستان فخم ابيه لي لعرس اختي انشالله 0

هلا شووووووووق..اي اذا مالج خلق تسوين استقبال بالمستشفى,,

أنا أايد كلام عصفورة الجنه..يعني سوي بوفيه سلطات و معجنات و حلو و سوالف غريبه..

و يفضل اكيد بعد الاربعين..


مع الاسف ما اعرف حريم يسوون غير وحده اسمها ام محمد بقرطبه معرووفه..

اما اقتراحي فاتنفقي مع مطعم مثل لينوتر او موفمبك او هالسوالف اللي هابين فيهم و اهم يعرفون شغلهم :)



هلا الكاسكو شخبارج..

هههه حدج تصلحين مذيعه,,

اي حبيبتي متأكده إاجرون..عاد انا كنت رايحتلهم من زمان..و كذا مره اروحلهم مع صديقاتي يكونون بأجرون بدلات عروس..فيسالون اللي يايه معاها ما تبين بدله يكونون خاشينهم بالكبت..

عاد انتيروحي و تفحصيهم عدل..في منهم خبه و في ناعمين..

بس لا تكتفين بمحل واحد لفيهم كلهم..

لاهور و ربعه..


و قوليلي شيصير معاج :)

مساء الخير بنات..... شلونكم جمعيا"
أحب اقولكم اخباري طبعا" رحت سويت فحص امس الصبح اصدمتني الدكتوره قالت لي الرحم مومبطل.. ويوم صارت الساعه 12 باليل نزل عي افراز بني بدون الم ولا مغص...ولا أدري شنو هذا ولا رحت المستشفى لاني مليت وماراح اروح الا لما يكون الطلق حامي علشان افتك...

أم فروحه حريم يسوونه ويبيعونه


انصحج اذا بتسوين خبه وعندج ميزانيه اشتغلي من اللحين لأنه بالاشهر الاخيره مالج نفس شي والله يقومج بالسلامه يارب ويرزق كل محرومه

هلا أم عسووووووووله والله قاعده احاتييج..قلت شكلها اولدت..

خلي بالج من أهم علامات الولادة اذا انفتح عليج الماي يصير مثل النل..

اهني لا تسكتيييييين على طول المستشفىىى


و ربي يقومج بالسلامة..

لا تنسين دعواتج لنا :)

هلا سمبتيكا..والله ودي اشتغل من الحين لأني حدي قاعده بفراغ..بس المشكله اني ممنوعه من السياقه و الحركة..شلون اروح اشتري سوالف الاستقبال..

حتى لم الحين ما ادري اذا بنوته ولا وليد عشان الالوان..

ان شاء الله بعد شهر تقريبا بعرف..و ابتدي الشغل :)

بصراحه خوش منتدى
انا ولدت بالهادي الفجر و اخذت غرفه ملكي دزيت مسجات لقرايبي ابشرهم بولادتي و كان استقبالي يوم واحد بس عشان ارتاح
و بعدها سويت استقبال كل اربعاء و خميس و كنت حاجزه وحده للخدمه عشان تضيف
اما الحلو و الموالح احجزها قبل بالتلفون بس بهاليومين و باقي الأيام مرتاحين حتى الوالد يا حياتي قال اي هذا الزين الواحد يرتاح في بيته مو كل شوي ناس داشه و طالعه و انتو محتاسين و ياهم

عاد تصدقوون محتاره مادري للحين اسوي الاستقبال بالمستشفى والا البيت عاد انا ولادتي راح تكون برمضان واخلص من الاربعين بعد العييد
اهلي ما عندهم سوالف الاستقبال اي احد يبي ايي حياه الله

فرحة عمري شلون مستشفى الهادي معاج؟؟

و شنو عطوج كمام ولا ابرة؟؟

وايد يمدحون كمام الهادي..

و شكرا على مشاركتج استفدت منها..

دووووووم شاركي معانا :)






شوق اتوقع اذا بتولدين بغرفه ملكي او امبراطوري وسيه بالمستشفى احسن لانج قاطه قاطه..اما اذا بغرفه عاديه سويه بعدين عشان تصرفين على الحفله من هالشي اتحددين..

و اتوقع البنات اللي ولدوا من قبل يقدرون يفيدونج اكثر مني لاني بجر نفسج :)

انا نفسج كنت حدي محتارة..بس جنه اهني البنات شجعوني اسوي بالمستشفى لان في افكار حلوه و تفتكيين..

و انسوي مثل فرحة عمري و بعض البنات انخلي الزوارة في البيت كل اربعا و خميس عشان ما اتخبين عمرج كل الايام

كاسكو عندج الخياطين الي في النقره بس هذول الي اعرفهم يخيطونه لج واجرونه

والصراحه عن طيبه لا والله ما ادري جم بس دقي وسأليهم
وتعالي ليش ما تروحين سوريا يمدحونها في علاج الاسنان وايران

عاد فشله احدد اليوم اقولهم تعالوا بس الخميس او الجمعه
شكلي بطلع من الاربعين وبعدين اسوي حفله

عاد تدرون بنات ضايق خلقي حييييييل كل بنت تيي تقول لي حماتي اشترت لي وخالتي اشترت لي واهم يبون يسوون لي
وانا اسكت واقول لهم انا تو الناس علي مع اني الحين بدخل السابع لازم اكون مجهزه
كل شي علي محد يساعدني

أالسلام عليكم
أولا حبيت أفيدكم
إلي تبي تسأل عن الكفرات تروح محل موجود بالفنار يخص أي شي يتعلق بالنفاس.
وبعد تقدرون تروحون مجمع الرحاب محل أسمه أيام الربيع عنده كفرات روعة.
وتقدرين بعد تفصلين الكفرات عند محلات حولي يعطيج الكتلوج وتييبين الخام واهو يفصله ومن الخام يسويلج تكرمون زباله وسلال وتقدرين تفصلين من الخام قميص لج وكيس حق البيبي.

شوووق انا نفسج والله هههههه مو عبالج انتي بروحج اللي جذي..

انا بعد راح اعتمد على نفسي و ما اتوقع احد بيسويلي لا امي ولا خالتي ..

كل من لاهي بنفسه..

و بعدين ما اتوقع بتكون السالفه صعبه بالعكس خليها متعه..

و لم تحسين ان محد بيسويلج شغلج هالشي بيخليج تعتمدين على نفسج و تصيرين أقوى..

و قولي يا ربي لا تعوزني لأحد ..





رقيه و فاطمه قاعده اطالع مشاركتج ولا القاها اهي المشاركه الأولى بالمنتدى كله..و دخلتي عشان تفيدينا :) صراحه ما قصرتي امبين عليج خبره ماشاء الله..


والله سهلتي علينا لأن بروحنا تلقين كل وحده حايسه..

بس ياليت تفيدينا اكثر وين هذيلي اللي تقولين عنهم بحولي ويسون كفرات؟؟؟؟

أم فروحة تبين الصج أنا خبرة بهالسوالف لأن عندي وايد ناس مجهزتهم حق الزواج والنفاس والمحلات ألي بحولي انشاء الله أعطيج اسم المحل وعنوانه بالتفصيل لأني أدله دلاله بس وعلى حلو التقديم تقدرين تشترين كاكاو بنفسج وتزينينه من بياع الورد يطلع عليج وايد أرخص أنا شفت محل باتشي الكاكاو الواحد 60دينار وقلدته وطلع علي 28دينار وشريت الكاكاو منهم والتزيين كان علي . وإذا تين فناتق أكثر في مواقع تشترين منه بضاعته كله أمريكيه وكله ماركات وأرخص وايد من الكويت

رقيه وفاطمه وين هل محل ويبيع نفس بياع الورد انا خذيت منه وسويتلي بس تعب
الشوق ما عليج من احد انتي سوي شغلج بنفسج احسن لج
واذا تنطرين حماتج بتولدين وما سوتلج شي اذا مثل حماتي يوم عرسي الشقه ما سوت فيها ولا عود حتي التنظيف امي الي نظفتها يوم تودي اغراضي والمواعين انا عقب الزواج شريتها
هههههههههه اتكلي علي نفسج ولا تعتمدين علي احد
وتجهيز ما يبيله اي شي ملابس البيبي عندج مجمع سنام في حولي فيه كل شي
والكفرات ما الكفرات اذا تبين اطقم عندج تحت بس انا ما عجبوني في وحده بالشاميه تسوي

اتصدقين رقية و فاطمه وايد قالولي عن هذا بياع الورد بس لم الحين ما رحتله بس أكيد بروحله ان شاء الله اول ما اعرف شنو جنس البيبي عشان يمديني اجهز..

الحمممممممممممدلله عندنا وحده خبرة ههههههههه..

صج البنات ما قصروا بس دام انج امجهزه ناس وايد حق عروس و نفاس يعني أكييد بتفيدينا ان شاء الله و يزاج الله خير مقدما :)

اووف صج فرق اللي سويتيه من 60 لي 28 !!

يعني تنصحيني اروح اشوف محلات الكاكاو و اقلدهم؟؟

و بانتظار ادلينا محلات حولي اللي قلتي عنهم..





انا أايد كلامج عصفورة الجنة ان الوحده تعتمد على نفسها أحسن ..


الله يعينا..

أولا مشكورة على الكلام الحلو
ثانيا بياع الورد صج حلو بس يبيله وحدة ذوقها حلو طبعا وتعرف تنسق مثلكم طبعاحتى مو بس تستفيدين منه حق المواليد بعد حق أشياء ثانيه مثل القرقيعان بس لازم تروحين امبجر عشان الأشياء الحلوة تطير بسرعة.
ثالثا:أما محل الكفرات اهو محل تنجيد بس إذا طلبتي منه كفرات يسويلج المحل بالشارع إلي فيه مطعم الوالي بحولي إلى بنهايته مجمع العثمان اسم المحل المطر وبعد في محلات بمجمع وارة.
وإذا تبين قمصان استقبال حلوة روحي محل اسمه ايفوري بمجمع السندس يطلع منه أشياء حلوة بعض المرات .
وان شاء الله اعطيكم بعدين معلومات عن فترة النفاس بعد ما تولدون بالسلامة إن شاء الله

شونكم بنات ... ماعليكم امر ابي عبارات للمواليد ابي اكتبها على الكاكاو؟؟؟ الي عندها كلام حلو لاتبخل علينا