تجمع لبنـــــــات الكويـــــــت ((حياكم الله))

هلا والله لولوه.. :)

اي زين سويتي..

انا بعد اليومين اللي فاتوا كنت الف السوق بشوفلي هدوم حوامل بس ما اعجبوني و قلت بخيط ان شاء الله و ماني امكثره.. يعني بسوي جذي سوالف حق مناسبات..

تعرفين خياط او خياطه شغل عدل و يضبطلج القطعه؟؟

لأن أكثر من وحده اهني محتاره و ودها بخياط زين..

و بانتظار رقم الرداده و مشكوره مقدما يا الغالية :)

حبيبتي سدن الله يرزقج ان شالله ويشفي ريلج قولي اميييييييييييييييييييييين 0


بس ماسمعتي بالصليلي اللي بالجهراء يمدحونه يقولون مافي وحده تروحله والا خلاها تحمل باذن الله طبعا 0


وحده تبي 6 توام خلاها تجيب توام ومن خوفها عليهم من العيون تطلع واحد وتخش واحد تخيلوا بناااااااااااااااااااااااااااات 0 سبحان الله

وعمت رفيجتي صارلها ثمان سنين ماجابت عيال والحين عندها بنت ماشالله من الصليلي هذا 0


يعالج العقم وكل شي ماشللله 0


حبيبتي ملاك شخبارج وشنو مسويه بشرنيا عنج 0


ام فروووحه
اى والله صاجه اربع قنوات وكلهم ملوت الكويت الاولى والثانيه والثالثه والرابعه ههههههههههه


ولاااااااااااا عندنا كشخه تصدقين قبل مانعرف شي اسمه ستالايت وعايشين بسلام والله 0

وبامان الحين دماااااااااااااااار وخراب وديجيتال واااااااااااااااااااااااي 0


الله يستر على بناتنا 0

يعطيكم العافيه خواااتي

لولوه الله يبارك فيج
والله يكملها بالفرحه ادعوا لي ترى مهموووومه اليوم
الله يسامح اللي خرب فرحتي بحملي

بنات ليش الطيب داايم حظه ردي

لبى قلب وليدي:
يعطيكم العافيه خواااتي

لولوه الله يبارك فيج
والله يكملها بالفرحه ادعوا لي ترى مهموووومه اليوم
الله يسامح اللي خرب فرحتي بحملي

بنات ليش الطيب داايم حظه ردي

حبيبتي والله لا تزعلين ان شالله ربي بيفرج همج قولي ان شالله 0


بنات ليش الطيب داايم حظه ردي[/QUOTE] ؟؟؟؟؟؟؟؟

وااااااااااااي صاجه الطيب ماله حظ باي شي بس لونج خبيثه سوري يعني او منافقه بتلقين حظج يكسر الصخر عدل والا لا ؟؟؟


انا وحده مالي حظ ابدااااااااااااااااا على قولة امي من عمرج مقروده :sad: :sad: :sad:


والله بنات صج مو غشمره :sad: :sad: :sad: :confused: :confused:


والحمدالله على كل حاااااااااااااااااااال

يعطيكم العافيه خواتي ...

الله يهون ويسهل على كل حامل ويرزق اللي ماحملت


حبيت اقول حق كل حامل في(( بنوته )) وتحب الفناتك والشغلات الغريبه انه عندي كفر شغل

راقي مع مستلزماته للبيع للي تحب تستفسر تراسلني على الخاص (( للجادات فقط ))

تحياتي للجميع ..

شلونكم بنات شخباركم ؟؟؟
اليوم رحت الخياط ( مجمع المبرور) وكلهم خوووش خيااطيين وزيينيين بس يبيلهم وحده عندها ألسان عشان اتكاسرهم بالسعر .. لان اللي ماتعرف راح يخيط لها غالي عاالفاضي ..
وديت قطعة خام لونها عنابي بخيطة حق عرس قالي ب 25 دينار والثاني قميص حق الطلعة وقالي ب 10 دنانير يخيطة .. بس يوم رديت البيت وقلت حق رفيجتي السعر قالتلي مالت عليج قص عليج شنو 25 دينار ، تقولي اهي امخيطة نفنوف كامل وامركبة عليه كرستال كله طلع مع المكاسر وبعد ما نشفت ريجة ب 10 دنانير !!!! عاد انا قلت باجر باخذها معاي مره ثانية الخياط عشان اتكاسره :)

عاد بعدين رحت مع رفيجتي سوق المباركية :) من زمااان بخاطرنا نروح بس جذي بنروح نستكشف شنو فيه ما فيه عاد شريتلي بجامة حقي وحق بنتي على ميكي وادلاقات العائلي ... اتحسوون ناس فاضية بس يعني مليينة من الفنار والمرينا وشرق ... قلنا نغيير اشوي بس كانت رحلة ممتعة ..


وانتو وين رحتوا ووين ييتووا ؟؟؟؟؟؟؟؟

هلا بنات شخباركم إن شاء الله بخيييييييير؟؟ :)

الكاسكو اي والله صاجه هههه ذكرتيني بأيام قبل :shy:

لبى قلب وليدي عسى ماشر ليش مهمومه؟؟

ليكون عشان الاشعه؟؟

ترى أنا الشهر اللي حملت فيه كنت حاسه اني بحمل ان شاء الله..و كان بخاطري حيييييل اصبغ شعري و عمري ما صبغته من قبل بالمررررره..

فكان بخاطري اصبغه قلت شينطرني بعد 9 شهور يالله اصبغه..خل اصبغه من الحين قبل لا يكتمل الحمل..

و الحمدلله رب العالمين قالتلي الدكتوره ان الجنين بخير..و يارب فعلا يكون بخير .. فلا تحاتين..

لأن الصبغه هم بعد فيها مواد موزينه..لكن الجنين بعده ما اكتمل توه بأول ايامه..و انتي رحتي تسوين اشعه و انتي ما تدرين انج حامل فلاتحاتين و تنغمين.. و الأفضل طبعا استشارة الطبيبه..

و لاسمح الله البيبي فيه شي ترى ماراح يكتمل و يطيح..لكن ان شاء الله مافيه الا العافيه..

أتمنى اكون افدتج بشي..



نونه حياج الله معانا..كفرج هذا تأجير ولا بس بيع؟؟ و سواء جذي او جذي ياليت تقوليلنا بجم عشان الكل يستفيد :)



لولوه شلونج ان شاء الله بخير؟

اتصدقين انا قبل كنت اعرف اكاسر شوي.. الحين صارلي جم سنة بالمره فقدت الموهبه هههههههه

اي والله احس هذيلي حدهم يستغلوون الواحد..بس شلون خياطهم مرتب؟؟

اتصدقين ولا مره رحتله هذا المبرور ودي اروحله سمعت عندهم كلف و هالسوالف.. و اليوم اول مره ادري انه فيه خياطين!! شنو بعد عندهم؟؟


حلوه طلعاتج احس سويتي انجازات فيها :shy:


انا الله يسلمج قبل يومين رحت ادورلي قمصان حق فترة النفاس..و فعلا طحتلي على خوش محلات بالسندس و في نفسهم بالجنوبي.. بس متخصصين قمصان ستان و قطن..و اعجبوني و شريتلي مجموعه قلت هذي حق فترة الاربعين ان شاء الله.. بس الحين يبقالي حق استقبال المستشفى قلت بخيط عشان ما يكون مكرر ..

عاد يبيلي ادور موديل حلو و افتر بسوق الاقمشه.. احتمال ان شاء الله هاليومين اروح..
بس لازم اطيحلي على خياط يظبط هالسوالف..

و رحت امس حق بياع الورد قلت بشوف التوزيعات ملوت البيبي بس لقيته مسكر..يمكن لأني رايحه متأخر شوي..

و وين رحت بعد!

اي رحت bhs كان امسوي تنزيلات ما ادري لم الحين ولا لا.. و شريت منه جم شغله و ختمتها في بودي شوب هم بعد عندهم تنزيلات..هذيلي بمجمع بلازا بعد ما خلصت من السندس مريت عليهم..

بس صراحه حدي تعبت..امشي خطوتين و ادور كرسي عشان اقعد ههههههه
مو متعوده 3 شهور بس قاعده بالبيت ما اتحرك.. فجأه طلعت السوق اتمشى فحسيت ظهري تكسر..
يله الحمدلله على كل حال..للضروره احكام :shy:

يله قولولنا وين رحتوا ووين يتوا :)

انا عمري 21 سنة و حامل و بعد جم يوم راح ادش السادس و رحت سنتر بوينت قبل جم يوم و اخذت جم شي حق النونو بس بقيت اسأل وين موجود بيبي شوب ؟؟؟؟
قولوا لي شنو أشتري نبهوني ترى ما اعرف شي ؟

هلا ملاك..حياج الله :)

الله يسهل عليج حملج و ولادتج ان شاء الله و علينا جميعا يا رب..

اتصدقين هذا بيبي شوب اشكثر اسمعهم يتكلمون عنه بنات البحرين و الامارات..!!

لكن ما أظن انه موجود بالكويت..

او يمكن موجود لكن عمري ما شفته..

ياليت اللي اتعرف عنه شي اتقولنا..

بس شكله عندهم و اللي فهمته من كلامهم جنه من طقة مذركير..

اذا جذي ما اتوقع انه موجود بالكويت.. لأن لو موجود مو معقوله ما سمعنا عنه اهني ولا شفنا دعايته باي مكان..

بنات أنا محتارة بشغله و ودي انكم اتساعدوني فيها..

كنت ناوية اسمي بنتي فرح..

لكن كل ما احد يسالني شنو بتسمينها و اقوله فرح يقولي مو حلو :( ضيقوا خلقي..

مع ان معناه و دلعه عاجبني..

ياليت تقترحون علي أسامي.. حاسه اني بسميها من اقتراح وحده فيكم.. :)

لأن انا و ابوها قاعدين اندور و اي اسم بيعجبنا خلاص ابنتمسك فيه.. :)

تذكروا اسامي بنات بالعايله مني مناك..اساميكم ^_^

اسم غريب خفيف حلو..

ناطرتكم.. لا تكشتووووووووون بسؤالي :)

هلا ام فرووووووووووووووووووووووحه 000صراحه لاتزعلين اسم فرح كلش مو شي مو حلو

انا اقوووووووووووووول شحابها فيه >>>>>>>> الناس اذواق شكو انتي صج ملقوفه خخخخخخ


ولدعمي جتله بنت سماها جوري رووووووووووووووووعه هالاسم شرايج فيه ؟؟؟


انا اموووووووووووووووووت باسم هديل ان شالله بذن الله ان جتني بنت بسميها هديل اان شالله


ادعيلي اني اتزوج هههههههههههههههههههههههههههههههههه

هلا الكاسكو :)

ههههههههههههه تعجبني صراحتج والله..

يعني طلع فرح مو حلو :( حسافه.. عيل اصدقوا اهلي.. يقولولي مو حلو اشعاجبج فيه!!

بس ما ادري ليش قلت خفيف و معناه حلو...

اتصدقين عاد بيني و بينكم يقولولي بعد .. ان اسم وايد يسمونه العراقين ههههه عاد ما ادري صج ولا لا.. بس فعلا لاحظت..و كان على بالي جوري بعد.. بس هم نفس الطريقه جوري مشتهرين فيه العراقيين بعد..

@@

حلو هديل الكاسكو.. :) ان شاء الله ربي يرزقج بالريل الصالح و تيبين احلى هديييييل..

انزين بعد اختاروا معاي أسماء حلوه..

يله منو فيكم بتسمي بنتي؟؟ ;)

ناطرتكم..

السلام عليكم بنات
شخباركم
ام فروحة انا بقترح عليج جم اسم
حور
زهراء
رتاج
دلال هذا اسمي بقوم حظه شوي:shy:
حتى اسم ضحى حلو ترى

و الله يكتب اللي فيه الخير:shy:

أم فروحه شلونج صج ترى اسم فرح قديم اذا تبين اسم غريب سميها (رسيس )معناته دقات القلب انا كنت بسمي بنتي رسيس بس ريلي مو عاجبه سميتها (روان)
وعندج( ريان )حلو و ( لورا)

شلووونكم بنااات ازيكم عاملين ايه وحشتووونى اوى
<< توها مطالعه فلم مصرى متاثره
شخباركم بنات صج بنات ماقلتولى من اللى تداوم بالصيف مثلى (المعذبون بلارض) بس ابشركم اخذت اجازه واحتمال اروح عمره اد يوصينى بشى غير ماى زمزم هههههههههههه والدعاء
بس اخاف ادعيلكم تنقلب حياتكم هههههههههههههههه
ام فروحه بقولج جم اسم عاجبينى سلمى ليما لورا غلا ريتاج ريناد ديمه

وبدورلج اسامى حلوه واقولج بس اخاف بلاخر يطلع السونار غلط ويطلع ولد خلينا نحط اسماء احتياط عيال هههههههه كره قدم هههههههههه

لى رجعه لكم

ام فرووحه احيج يا الغاليه ...

الصراحه حالج من حالي قلت بسمي ولدي انشالله سلمان بس اهلي قاعدين يحنون على راسي يقولون الاسامي واااايد .... قاعدين يضيقون خلقي الصراحه ..

بالنسبه حق اسم فرح يكون حلو عليها لما تكون صغيره بس لما تكبر يصير مو حلو احس انه اسم بس حق نونو ..

راح اقترح عليج جم اسم و انشالله تلاقين الي يعجبج .....

1) منال
2) بسمه
3) ريماس
4) شوق
5) دانا <<<<< مثل ما قالت lolu اسمي بقوم حظه ههههه

هلا بطوطات شخباركم

أم فروحة شرايج بهالاسماء

( ميسم / تسنيم / سلسبيل / جنى / حور / منار )

اهليييييييييييييييييين بنات 000 احيكم اي جذي خلوكم سريعين مو ميتين هههههههههههههه

فلانه تروحين وتردين بالسلامه ان شالله والله يسمح دربج 0

ام فروحه 0000 صح اسم فرح لمن تكون صغيره حلو بس لمن تكبر مو حلو عودا وفرح مايليق صراحه لا تزعلين ابدااااااا 0

وصح كلام الاخت ام سلمان 000

وشرايج ب 000


ماريا
حور
نوار
زهره
ازهار
زهور
شجون
هيفا

ههههههههههههههههههههههههههههههههههههههههه

لي عوده

أم فروحة شخبارج وشخبار النونو
أنا بعد أقولج لا تسمينها فرح بصراحة مو حلو ............
انا كنت حاطة ببالي اذا طلعت بنوتة بسميها آلاء بصراحة حلو صح ...........
و عندج رتاج
حور
زهراء
ريان
ريم
أو أقولج سميها على اسمج أكيد حلوووووووووووووو هاهاهاهاهاهاهاها
الله يهون عليج و يخليلج البيبي يا رب

شلونكم بنات شخباركم ؟
أم فرووحة : الخياييط اللي بالمبروور كلهم زينيين ويخيطوون عدل ويضبطون الموديل اللي تبينة
في محل مال الكلف ( بركات ) عنده كل سوالف الكلف والخياط ووايد حلوو .

بنات شفتوا حلقة نبيل العوضي مالت أمس امبيه عجييبة وتخرررررررررررع
انا تصرقعت يوم شفت التصوير مال الفيضانات وتخيلت ان صج جذي راح يصير بالدنيا ..
أمبيه القصة مالت اشلوون تقوم القيامة والعلامات الصغرى والكبرى جنة فلم بباي ولما ينزل
سيدنا عيسى من السما وتصير حرب وينتصرون المسلمين ومايمدي تكتمل فرحتهم يطلع لهم الدجال والله يقول حق سيدنا عيسى روح انحاش مع المسلمين ( حلوه هذي انحاش ) :) بس امبيه شي عجيب .. أحداثة فلم رعب ..

الله يرحمنا برحمتة ..