تجمع لبنـــــــات الكويـــــــت ((حياكم الله))

مشكوره ملاك

ام فروحه ملاك صاجه ركبيه على اسم زوجج شوفي حلو والا لا

وبعدين في اسم حلو

الزين ايه الاسم الزين انا شفت مره حلقه مع اوبرا وينفرا وفيه مقابله مع شيخه كويتيه اشحلاتها اسمها الزين الصباح
وصرااحه اسم على مسمى حلوه ورفعت راس الكويتين فوووق

الكاسكو و ملاك ههههههه ا

نا ما اقصد نكاتكم اقصد اسمائكم الصجية..مها و اسمج ملاك بس جنج ما كتبتيه..

عاد تخيلي اسميها كاسكو ههههه

اي فاهمه عليكم ان الاسم راكب مع اسم الابو.. ما تشوفوني مرات اطوف بعض الاسماء لان تكون مو راكبه..


الزين حلو والله لبى قلبي..و اعرف وحده بعد اسمها زينه..

بس ما ادري ما تجذبني وايد الاسامي اللي فيها ال ..مثل العنود و الجازي و الغالية..

مع اني احس انها مميزه.. بس ثقيله يعني اعرف وحده اسمها عنود ما عرفنا ان اسمها العنود الا بعد سنه يمكن هههههه كله اناديها عنود..


لولوه توني الاحظ ردج..مشكوره يا الغاليه على المعلومات الحلوه عن المبرور.. اي و سامعه في هذا بركات..ان شاء الله بروحلهم و اشوف اشعندهم ..

اما حلقة العوضي حسافه فاتتني شوقتيني عليها..

لا و اليوم كانت اعاده بس مع الاسف ما شفتها :(:(

عاد احس مواضيعه حدها قويه تشوق..

خصوصا مره لم حط هذا المغني التايب حسين الاحمد..يحليله لحيه و دشداشه قصيره و يقط قطات بكلامه ملوت شباب هالايام..

شكلي كووول و من هالحجي..:)

وايد اعجبتني الحلقه حتى كنت بدق ادعيله ان الله يثبته بس حسافه ماكنت اعرف الرقم..

مع اني ماكنت اعرفه من قبل..لكن حطيت اسمه بقوقل و طلعتلي صورته صججججججج فرق..

الله يثبته ان شاء الله..


اليوم عيزت و انا ادور بالنت موديلات قمصان نوم حق الاستقبال بالمستشفى..قلت بروح افصل باجر.. بس ما لقيت شي :(

عاد مو شاطره انا بالوصف..يعني حتى لو في بالي شي و اوصفه للخياط ادري ماراح يضبطه..لازم يشوفون بعيونهم الصوره..

اللي عندها مني مناك موقع او صور.. خل تحطلي الرابط..و ادري امتعبتكم معاي..

بس والله انكم تدخلون القلب..و ترى اي طلبات تبون لا تترددون.. ادري كل وحده فينا تقدر تسوي شي ماراح تبخل علينا..:shy:

والله اذكر رفيجتي مسويه حق استقبالها خام شانتون مركبه عليه دا نتيلات روعه وفوق نفس الخامه جاكيت طويل نفس نظام الدراريع ملوت الاستقبال ومتفنتكه بالدانتيلات والكرستال

كان لونه بنفسجي فاااتح روعه صرااحه

ام فروووحه اهاااااااااااااااااااااااا تصدقين انا ملقوفه حدي خخخخخخخخخخخخخخخ

يا حياتي حلت ايامج يا روووووووووحي وصح مو الاسامي اللي فيها ال العنود عاد تصدقين ماحب اسم عنود بالمره ابدا كلش 0

قوه بنات شلونكم

هذا موضوع الكفر مع الصوره واللي حابه تستفسر اكثر ترسلي على الخاص
http://www.3roos.com/forums/showthread.php?p=2431842#post2431842

تحياتي لكم جميعا ..

لبى قلب وليدي احس الموديل اللي قلتي عنه حده حلو..

بس انا قلت شنو بسوي بس بطلع الموديل و اروح حق المحل اللي شريت منه قمصان الاستقبال .. أعطيهم الموديل و الخام منهم..

ما اتوقع يكون عندهم شانتون..بس صج احس حده الشانتون رزه.. شكلي بسوي اكثر من واحد..



الكاسكو ههههه عادي عادي اللقافه تمشي بدم الكويتين كلهم ههههه


نونه خوش موديل ماشاء الله غريب..

عندج اكثر من واحد ولا بس هذا؟

لبى قلب وليدي
حبيبتي الحمدلله على السلامة و الله يعوضج خير حبيبتي بس لا تتضايقين هذا شي مكتوب و الحمدلله على كل حال

ام فروووحة انا الصراحة عجبني اسم درة حلو :shy:

وبالنسبة حق قمصان النوم انا لأن ولادتي اول شهر 8 فما اقدر اشتري الستان حرررررر
شريت قطن بس حلوين و نعوميييييييييين حيييل من محل اسمه اغاريد بمجمع الأيوب

انتي اي شهر ولادتج

سلام ..
لبى قلب وليدي
حبيبتي الحمدلله على السلامة و الله يعوضج خير حبيبتي ..

أم فرووحة : طافتج الحلقة نص عمرج .. والله حسافة انج ماشفتيها .. صج حسافة ..
وتره اسم دره وع يلووع الجبد مو حلوو .. يمكن بنتج تطلع جيكرة واسمها دره تطلع حدها مولالايق :)
وباالنسبة حق تجهيز الولاده توو الناااااس ... بعدج بالرابع .. وانا توني داشة الرابع .. !! وايد مستعيلة عا النفاس !!

هلا بنااات شلونكم ...؟؟؟ و شخبار النونو معاكم ؟؟؟

ام فرووحه من الاسامي الي ذكرتيها عجبني ياسمين وااايد حلووو

سمعتلج جم اسم و قلت احطلج اياهم

أروى _ منى _ عبير _ هاله _ حنين _ شيما _ جنان _ ريناد _ ورود .

حسافه لولوه صج احس طافتني.. ما يعيدونها هالاسبوع؟؟ :sad:




لولو عاجبها اسم دره......... و لولوه تقول يلوع الجبد :think:



هلا ام سلمان شخبارج؟ :)

مشكورة على الاسامي الحلوه..

ماشاء الله صج صاروا وايد من كثرهم صرت بحيره...


إنزين عندي سؤال اجباري لكم بدون خيارات ههههه يا ليت اتجاوبوني علييييه...كلكمممممممم


لو اسمج الصجي مو ............. شنو كان ودج يكون؟؟؟؟؟؟؟؟؟


يعني انا لو بيدي اغير اسمي جان سميت روحي ريم..


يله ناطرتكم (f) :flower: :flower:

هلا والله انا اسمي الصج حلو

بس يعجبني اسم اسماء

بنات اشكر كل اللي تحمدوا لي على السلامه ودعوا لي واقوولهم
الله يسلمكم ويجزااكم الف خير


ام فروحه اي والله قميص رفيجتي كان حده رزه يا ليت اعرف اصوره لج جان صورته لج علشان تطبقيه
اهيا كانت مفصلته بمشغل شغل الحريم الظاهر ب25

هلا لبى قلب وليدي..

شكلنا بس انا وياج اللي نسهر الفير هالحزه و مرات الكاسكو اطب علينا..مع انها قبل كانت تسهر..

صبري شوي الحين تيي ههههه

اي والله ياليت تقدرين اتصورينه..

الحين المشغل اسمه ( شغل حريم ) ولا شسمه؟؟

لا مو اسمه شغل الحريم بس اقوول انه شغل حريم هذي مشاغل البيوت

عا العموم باقولكم رحت اليوم الدكتوره قالت لازم باجر اكرر فحص هرمون الحمل
اذا مانزلت النسبه راح تسوي لي تنظيفات
والله خفت وخذيت ادويه من امي ان شاء الله علشان ما احتاج تنظيفات وباخر الفحص اخليه عقب باجر علشان يمديها النسبه تقل

إن شاء الله ما عليج الا العافيه حبيبتي..

و كثري من التمر..و شربي عصير اناس اسمع انه ينظف..

لان اللي توها حامل مو زين لها يطيح اللي ابطنها فانتي كثري منه عشان ينظف اذا في شي باقي..

و تدرين لم صارلي نفسج..سبحان الله ولا ادري شنمو المفروض كنت اسوي..يعني ماكنت اكل اكل معين او اشرب شي معين..و حتى تأخرت على ما رحت حق الطبيبه..

و الحمدلله ماصار شي لان كان توه الحمل في بدايته نفسج فلا تحاتين..

و حتى لو قالتلج الدكتوره لازم تنظيفات..ترى بسيطه ان شاء الله كلها ربع الى ثلث ساعه و بس..


ان شاء الله اكون افدتج :)


ما قلتيلي منو دكتورتج؟؟

ام فرووووووووووووووووووحه


كاني طبيت >>>>>>>>>>>> سباحه مو منتدى هههههههههههههههههههههههههههههههههههههه


هاااااااااااااااااه تحشون فيني والله انا اسهر بس ساعات مالي خلق اطلع امل ههههههههههههههه

بس حلوه منج ام فرووووحه 0


شوفي شيلي من بالج اسم فرح / مرام / دره كلش مو شي بالمره 0


اختاري اسم لبنتج فكري فيها وهي صغيره وهي كبيره يعني لازم يناسبها فهمتي ؟


لبى قلب وليدى

الله يوفقج ويعوضج خير ان شالله 0


بنات عندي رقم وحده تجيكم للبيت تسوي دراريع ومعاها جنطه تبيع يعني انا شريت منها دراعه

45 دينار يجنن لبس هندي ازرق بعنابي شي مو اى شي خخخخخخخخخخخخخخخخخخخخخخخخخخ


جااااااااااااااااااااو

هلا ام فروحه
دكتورتي فوزيه القطان

مرحبا ياحلى تجمع لاحلى كويتيات ابي مساعدتكم وياليت تردون علي بسرعة اختي بالشهر الثامن وليلحين مومجهزة شري حق الاستقبال بيكون بالبيت طبعا للعلم وابي صور لاحلى اطقم ولادة مع تقديم غريب وكل شىء تعروفنة في هالموضوع مع الشكر مقدما يا حبايب

على فكرة بالنسبة للدكتورة فوزية القطان حيل يمدحونها

لولوه اتصدقين توني انتبه على كلامج..

هههههههه حرام عليج ليش اتفاولين على بنتي :(

لا ان شاء الله ابتطلع على امها و اهي صغيره..كله كانوا يقرصون فيني خدووود هههههههه

و اسم دره معناته ان غاليه.. لو قايلتلج جميله جان اوكي بس دره من الغلا..

الكاسكو ههههه طحتي علينا

بالنسبة للاسامي صار فيني احبااااط..

بس تدرين شنو بسوي..

احسن شي احصرهم بين 3 و اشوف الاختيار على ايهو اكثر..

و هم بعد تو الناس على الولاده اذا طلعلي اسم فنتق خلال الاشهر اليايه ماراح اقول لا..

لأن ما بقى موضوع مادورت فيه بالنت فاحس خلاص كل الاسامي مرت علي..

صج اسم البنت مشكله شحليلهم الاولاد اي اسم راكب عليهم..

بقولكم الاسامي الثلاث


فرح : و معناه وايد حلو..+ على قولتهم كل انسان ياخذ من اسمه نصيييييب :) و دلعه: فرووحه ..فرواله ههههه

ريم: معناه الظبي الابيض .. اتوقع يعني الغزال..و دلعه وايد ريومه ..ريما..رمانه هههه >>> يوعانه

اخر اسم دره : و اهو اسم صحابيه اخت ام حبيبة زوجة الرسول عليه الصلاة و السلام..

و معناه معروف الدره او اللؤلؤ .. بس شنو دلعه ما ادري.. دردر درر دراق هههه مو اقولكم يوعانه..بعدي ما تغديت ;)




لبى قلب وليدي اي ماشاء الله خوش دكتوره و يمدحونها..اهم شي الدكتوره تصير حليوه صراحه و بالها طويل..



احبك يا كويت.. حياج الله معانا حبيبتي :)

بالنسبه للطقم شفتي طقم نونه اللي حاطته بالصفحه اللي قبل هذي؟؟

اذا ماشفتيه روحي و طقي على الرابط و وريه اختج و شوفي شنو رايها..

اما باجي التجهيزات مثل شنو قصدج قمصان النوم و هالسوالف ولا الاكل ولا شنو؟؟

و شنو طلع في بنت اختج اذا بنت قوليلي اسمها خل نبوق الاسم هههههه