تجمع لبنـــــــات الكويـــــــت ((حياكم الله))

الكاسكو الحمدلله ان اعجبج قاعده احاتيج ههههه..

ترى منصجي...كل ما تقوليلي عن اسم مو حلو احس شوي يطيح من عيني :S

لا خلاص ان شاء الله ابنستقر على مناير..منووووره ( فرح سابقا ) اللي طيحتيه من عيني يوم قلتي مو حلو على وحده كبيره هههههه

عاد لم فكرت فيها صج..

بس الحين خلاص لا اطلعين لي عله بالاسم ..لأن مالي خلق ادور بعد و اقعد اقنع فيه.. حده صعب يقتنع.. فيوزات مخي ضربت

شلونج الكاسكو وام فروحه

بنات حقوني رجلي يبي يسمي على اسم امه شين بعد الاسم وانا ابي اسم هدير

شرايكممممممممممممم ااااااااااااه الرجاجيل كلهمممممم انذاال

ليدي عسل ليش مزعله نفسج جذي؟؟؟

لا حرام عليج مو كلهم.. في بنات بعدهم ما تزوجوا لا تكرهينهم بالزواج ههههه..

انزين قوليلنا شنو اسم امه و اذا حلو بنقنعج فيه صراحه و اذا مو حلو بنقولج على خطط تتبعينها معاه

اسم امه وعله

لا وتقولي اذا ماتبين اتسمين علي سمي على اختي

لا ما احب اجاملج في هالموضوع..

لأني صج عانيت منه و انا ادور اسم..

بس وعله مو حلو.. لو حلو جان اقنعتج فيه لكن مو حلو..

يمكن اختها حلو.. شنو اسمها؟؟

عاد الحين تيلج الكاسكو..تعطيج من خططها بتغير الاسماء..

تخليه يطيح من عينج فوق ما اهو طايح عشان ما ترضين .. :)

هياء

ام فرووحه ياقلبي لا تزعلين بس انا ابيلج الزين وفرح كلش مو شي يعني يومنها صغيره حلو بس تكبر مو شي عيوز وتجاعيد فرح هههههههههههههههههههههههههههه0


مناير حلو يلا غيري نكج ام مناير شرايج 0000

ليدي عسل 000 هلا حبيبتي انا زينه انتي شلونج ويه اذا الاسم مو شي وبيسمي على اسم امه مشكله 0لازم يسمي شنو تسوين عاد 0

خالتي سمت بنتها على اسم ام زوجها كلش موشي >>> تخيلي سمتها خلده شرايج ؟؟


خليج عاديه ولا تعصبين ماشي 0



وعله >>>>>>>>> شنو معناتها لالا حرام عليه بيعقد البنت من صغرها لا قوليله لا مو حلو 0

صراحه هياء غريب..

بس الخطه اللي سويتها.. اذا ريلج و خالتج مصرين على اسم معين..وافقي لكن حرفي بالاسم شوي مثل ما انا سويت..

يعني اهو الا يبي منيره.. حرفت بالاسم و خليته مناير.. احس على الاقل احلى..

وعله مافي شي قريب منه.. لكن هياء ممكن تسمين بنتج هيا.. هيووووونه ترى وايد حلو :)

على الاقل يرضي الطرفين..

اشرايج بالخطه؟؟ هههههه

وش رايج بااسم هـــــــدير او شمس ؟؟

اناا تدرين زي الي بحلم مو متقبله اسم هيا او وعله

هههههه الكاسكو ادري حبيبتي.. قلبج علي :)

اتغشمر معاج..:):)

بس صعب اغير النك و تعالي حطي ايميل يديد و ابتدي من الاول..

عادي خليه نفس ما اهو ماراح يضر ^_^


هدير اللي اهو صوت الماء صح؟؟ حلو :)

لكن شمس نص و نص

يله بنات أذن انا بروح أصلي و بعدها بنام..

لا تسهرون و اطوفكم الصلاة ..

باجر انكمل سوالفنا ان شاء الله..

تصبحون علي خير :)

يله بنات أذن انا بروح أصلي و بعدها بنام..

لا تسهرون و اطوفكم الصلاة ..

باجر انكمل سوالفنا ان شاء الله..

تصبحون علي خير :)

هدير صوت ابعير وصوت الخمر اذا نزل من اكاااس يعني الرغوه اذا طشت

اما البعيرررر معم بها امعنى بس عجبني الاسم

ووووو اسم روعه بعد ريـــــــــــــــف اموت بذا الاسم بس محد مطاوعني(سيد ارقاله)

ام فروحه

قلبي حياتي انتي تسلمينلي والله 0

وانا ام الخطط وين جان زين جان حليت مشاكلي والله 0

ليدي عسل 000

انا ماحب اسم هيا بالمره 000 لكن وعله مو حلو كلش واسم عتيج وهياء >>> غريب وموحلو 0


لاااااااااااا كلمي زوجج احسن قولي مابي اعقد بنتي دور غيره وانا مستعده اسميها باللي تبيه


ورديلنا خبر يا عمري 0

سوووري داشه عرض بس باقولكم اسامي بنات تعجبني حييل مثل :لين ,,, لمى ,,,, نور,,,,شهد ,,,ندى:gum: واسم ضي حيل يعجبني واحسه نادر وحلو وفي بعد كثير بس مو في بالي الحين لكن اسم وعله وهيا لا تكفيين ترى بعدين بتندميين لا تعقدت بنتكم:angry:

عاشقة شانيل


يا قلبي حياج الله بينا وياهلا ومرحبا فيج >>>>>>>>>>> منيره عاشور


حلوه الاسامي لين حلو ضي حلو بعد طيب شرايج باسم جوري

الكاسكو تسلمين والله حلو اسم جوري عاد تصدقين وحده من صديقاتي اهي وخواتها اساميهم روز وياسمين وجوري >>>>>>>>>>حديقه مو بيت لوووووووووووول اي صح الحين على طاري الورد جا في بالي اسم كادي :shy: عاد اسم محل هذا مو بنيه ههههههههههههههههههههه

عاشقه شانيل ههههههههههههههههههههههههههه اصلا يجنن اسم جوري


واسم كادي مادري شوي غليظ الحين الاسامي كلها مكررره مافي شي جديد 0


صح