هلا هلا بخواتي ... اللي قاعدين من الصبح على النت... شطار والله .. مب انه توني قاعدة من الرقاد الحين الساعة 4 العصر ههههههههههه
انا توني متخرجة السنة من الجامعة.. بس ما اشتغلت لأني مباشرة حملت وهات يا واااااع ويا ويييييييع... اروح اشتغل الوع جبدهم.. والحين خاطري اروح لأني متمللة حدي من قعدة البيت بس زوجي مو راضي اروح ..يقول ثقيلة شنو حادج على المشي والبهدلة.. :( الله كريم..
اختي بنت البحرين..
اول شيء الله يسلمج من ذوقج الغالية..
بس ما قلتيلي من وين سويتي التوزيعات والستاند وتزيين غرفة الولادة؟ :(
شوفي كريم الطفح فيه منه انواع والوان واشكال.. وبصراحة اعرف اني مجهزة الدواء قبل الفلعة هههههه بس هذا كريم معالجة لأني اعرف ان البنات يصيدهم طفح بشكل متكرر، وناوية بعد اشتري كريم وقاية للاستعمال اليومي.. او حتى فازلين.. مادري .. ان شاء الله ما يصيب بنتج اي طفح.. لا تشترينه .. يمكن بعدين ينصحونج امج او اللي حوالينج بشيء او كريم ثاني غير سودو.. فلا تاخذينه وتتوهقين بعدين فيه..مع ان الدكاترة ما ينصحون الا فيه.. والامهات من زمااان ما يستخدمونه الا هو... بس فيه بعد وصفات واشياء ثانية للطفح ...
المشد انا ما جربته بولادتي الاولية.. :( وصار بطني الله لا يراويك... يترورج ويفشل... فكنت البس كله بواطلين ضيقة عشان يشدون لي بطني.. هالمرة قلت لازم اشتريه لعل وعسى يرد بطني متماسك ..
بالنسبة للبرانيص
اللي على اليمين صحيح خفيف...بس على اليسار ثقيل وايد ودافي..
لكن عرفت شنو تقصدين وشفت انا منهم بعد في مذركير.. بس ما خذيت لأن عندي ثنين مال حسون واحد اصفر والثاني اخضر فقلت كفاية ماله داعي اشتري وافلت اللي عندي .. بس انصحج تاخذين منهم.. راحت على هالبيبي بيغوص وسط هالثياب والخلاقين.. هههههههه
والقماطات اعتقد اني عرفت قصدج.. بس ما خذيت منهم لأني افضل هذولا قطن 100% وما يسببون حساسية للطفل... متعقدة انا من الحساسية اللي صادت ولدي.. :( بعدين النوعية اللي تقولين عنها وايد رقيقة... ما احسها تناسب الشتا..
وطقم الهدية هههههههههه طلع ذوقج مثل ذوق زوجي... خلينا نتفق بعدين ونطقمهم اذا اتفقنا نشوف بعض ان شا ءالله .. :)
[line]
نووووووووور
الله يعافيج اختي...
هذي اول مرة استخدمه.. ما استخدمته في ولادتي الاولية... بس كلهم يمدحونه... وانا بعد بطني كانت حالته حالة بعد ولادتي الاولية.. فقلت اتدارك الامور..
[line]
وانتي يا قطر قيرل كله طايحة فيني تجعيم وبس هههههههههههه معليه مقبولة منج..
المشد مخصوص حق ما بعد الولادة.. واكيد بتحس فيه يابس لأن منطقة البطن بتكون رخوة وهذي مهمة المشد انه ما يخليها اليما تتماسك..
وبيبيج اللي ماعرفتي جنسه للحين .. يتدلع عليج.. هههههه اهم شيء صحته وسلامته واذا قعدوا يتطنزون عليه قوليلهم تبونه عيل عفريت وشيطان يقلب علي الدنيا عقب ما اولده من الصياح؟
[line]
ام فروحه ما شاء الله عليج مداومة اخر ليل وتداومين نهار بعد؟
عليها بالعافية الامورة .. وان شاء ما تروح عليج الثياب.. اصلا اليهال يبيلهم ثياب وااااااااايد خصوصا لما تبدين تأكلينهم فاتوقع راح تستخدمي كل اللي اشتريته وفوقهم دبل مثلهم بعد ..
[line]
ليتك معي مبرررررررررررروك الف مبروك ع الولد .. وربي يبلغج فيه وتشوفينه بعيونج.. عاد الحين لازم نغير لونج في اللست ههههه..
[line]
شقوره على نونوج بالعافية... وكل ناس ورايها وانا ذكرت رأيي فوق لنت البحرين.. لولا اختلاف الاذواق لبارت السلع :)
محلات سوق واقف بمر عليهم ان شاء الله باخذ من عندهم المفرش ( البساط - المرقد .. مادري شتسموونه ) وباخذ الشنطة بعد طقم..
اللوشنات اخذت الحجم الصغير منهم.. عشان لو ما ناسبوا بنتي اروح اغير النوعية.. وعادي صلاحيتهم الى 2008 و 2009 بس البامبرز خليته للشهر التاسع هههه
والمشد فعلا مخصوص لفترة النفاس مو مشد عادي.. :)
ان شا ءالله يطلع ضغطج زين وترتاحين من الروحة والردة من المستشفيات..
[line]
بنت البحرين لحظة بدز لج الروابط... رابط اغراض بيبي ديور.. ورابط ارفاق الصور .. :)
