رابطة امهات ديسمبر... حيااااااااااااااااكن هوووون !!

ام فرووحه القماط هو الخلق القطني المربع اللي نلف فيه الطفل ونكتفه زين ما زين عن لا يطير ههههههه

كأنه يسمونه بعد مهاد اذا ماني غلطانة

شقورة انا أأيد فكرتج 1000% :)

لازم تستمر الرابطه..

لان أيام النفاس أحس ماكو شغغغغل..فنقعد نسلي بعض و نقول يومياتنا اول بأول..

و نخلي عيالنا بعد يسولفون ان شاء الله.:shy:


عاد تتوقعون شنو سوالفهم مع بعض؟؟؟؟؟؟

أنت الحفاظ مالك أي ماركة؟؟

لووووووول هذي سوالف الرضع..:dd:

ام فروحه شنو هالمدرسة اللي تخليج تداومين العصر؟ وناسة والله جان زين عندنا بالبحرين جذي !

بصور شوي من الثياب وبرد احطهم

اي جمانه عرفته :)

بس ليش تشترين منه وايد؟؟

انا لم الحين ماشريت الا الخارجي..خذيت 3 أظن او 2

يعني لي اي شهر بيحاتجه البيبي؟؟

اي جمانه عرفته :)

بس ليش تشترين منه وايد؟؟

انا لم الحين ماشريت الا الخارجي..خذيت 3 أظن او 2

يعني لي اي شهر بيحتاجة البيبي؟؟

هلا جمانة :)

اي انا كان دوامي صبح و كنت أدرس أطفال..لكن بعد تجربتي معاهم المره اللي فاتت قررت اغير دوامي عشان يثبت الحمل..ربي يثبته ان شاء الله

لأن احس مع دفاشتهم هاليهال استغفرالله ممكن يسقطون لج البيبي..

و انا كنت مسقطه من قبل..

و دوامي الحين مثل نادي للمرحلة المتوسطه..و يبتدي مع المدارس..اتوقع عندكم جذي بالبحرين مو متأكده..



يله بانتظاااااااااار الصووووووووور شوقتينا :)

تقريبا 3 شهور وفي الرابع خلاص ...

اخذت وايد لأن بالشتا وعادة خامتهم تكون قطن خالص فصعب تنشف بسرعة... والبيبي وايد تصيده سوالف تخليه يتوصخ بسرعة... مثلا حسين ولدي.. اول ما ولدته صاده اسهال قوي... لدرجة كنت اغير له البامبرز 6 مرات في الليلة الوحدة.. ومرة وصلت الى 9 مرات بس الحمدلله ما احتاج لترقيد..

وبعدين لما كبر شوي يعني صار بعمر الشهرين بعد الاربعين.. صادته سالفة الزواع والترجيع.. وبعد هذي سالفة طبيعية تصيد كل طفل.. وتروح عنه بعد فترة...

فتخيلي كمية القماطات اللي راح تتوصخ .. وهي طبعا اول شيء من الخارج وممكن حتى انتي توصخينها بيدج وانتي مو منتبهة.. حاولت ما اغير القماط الا مرة في اليوم.. بس شيء محرج انج تقدمين البيبي لأحد والقماط متوصخ بزوع او اي شيء ثاني حتى لو كميته قليلة .. من جذي خذيت هالعدد...


بعد شوي بحط الصور .. :)

تبوني بعد اعلق ع الصور ولا ما يحتاي؟! بعلق على بعضهم


هذي زوجي اصر انه ناخذها رغم انه طقم هدية .. بس يقول عجبته ملونة ومكركشة هههههه


هذا شيء نسينا نتكلم عنه في الرابطة وهو من ضمن ادوات النفاس.. حزام لشد البطن.. الله يستر !


الطقم الأخضر.. نسيت القماط ماله .. وما انسانيه الا حسونوووه :(


الملابس الداخلية.. ما كثرت منهم لأن عندي ذخيرة مال حسون كلها ابيض وبيج :) ومعاهم الفوط الصغار مال الويه



طقم وردي بجامة وملابس داخلية وقبعتين..


برانيص ( بلانكت ) ويني ذي بوه عجبوني خذيت نوعيتين .. :)


القماطات .. ناقصين اثنين طبعاً.. :) والابيض اللي على جنب كنت ناوية اشيله من سلة المشتريات مادري شلون نسيته وما شفته الا في البيت... !


بدلات ورديين حق اقدم الطفل فيهم.. عجبتني الوسطية عدل.. لونها حلوووو


الطقم الأصفر..


بعض التناتيش...




طبعاً ما خلصت مسيرة الشراء.. بس ان شاء الله كل ما اشتري شوي بحط لكم الصور.. :)

ماشاء الله روووووووووووعة جمانه:clap:

ان شاء الله تتهنى فيهم العرووووسة و تصورين لنا ايها و اهي لابستهم قولي آمين :shy:

انا بنتي شافت الصور قامت تتحرك ههههههههه

يمكن عبالها حقها..عاد فهمتها قتلها هذولي حق رفيجتج بالبحرين..قعدي عاجله :bigsmile:

خلاص جمانه كلي حطي صور عشان تتحرك :shy: عاد والله كنت احاتي شوي اليوم لان مالها حس قلت يمكن انا السبب لاني ما تغديت و تعشيت خفيف..!


الحين عرفت القماطات اللي تقصدينهم..

انزين انا شاريه منهم 3 ..تعتقدين اشتري كم زيادة؟؟؟

اي و بغيت اسالج هذا الكريم سيدو شفته بس قلت البنات بركن الطفل و التربية كانوا اكثر شي يمدحون منتجات سبمايد..قلت بشتري منه كلشي..انتي شنو تنصحين؟؟

من ذوقج الحلو يا ام احلى فروووحه


هههههههه شكلها بنتج كانت راقدة والحين شبعت رقاد... والله يعينج تبين تنامين الحين وهي توها مصحصحة...

قولي ليها اذا خاطرها بالثياب ناخذ لها بعد مثل الشيء.. لا تطلع فيها شامة ولا شيء هههه


جوفي حركة البيبي القليلة تكون بسبب قلة وصول السكر اليها.. مو اي سكر عاد.. سكريات البطيئة الاحتراق اللي تكون موجودة في النشويات عادة.. يعني البنوتة قاعدة تعطيج انذار اكلي زين لا تخربطين تراني اتأثر..

بالنسبة للقماطات.. اشوف عدد 4 او 5 كفاية.. يعني يبيلج واحد بعد او اثنين :)

منتجات سيباميد وايد حلوة وخفيفة على الياهل.. حتى البيبي اللي فيه حساسية عادي يستخدمها..
ما يتحسس منها..

بس هذا سودو كريم.. وايد ينصحون به الدكاترة حق طفح الحفاضات.. يعني مو للاستخدام اليومي.. مو للوقاية .. انما للعلاج من طفح الحفاض اذا صاد البيبي اسم الله عليه..

واو جمانه حلوين..تصدقين الوردي الللي فيه مثله قماط وكب وقفاغيز انا خدته بعد من مذركير لبنتي..
بس نبهتيني على كريم سودو مال الطفح وحتى المشد تنصحينيني فيهم؟؟

بالنسبة للي كتبتي عليهم قماطات في النوع الثاني الابيض اللي ييج مثل المفرش شنو احسن ذلين او ذاك شنو الفرق بينهم؟؟

بالنسبة للبلانكيت مذركير عندهم الخفيف اللي انتي ماخدته وفي المتين اذا جفتيهم اللي مثل المستشفى يخلون فيهم البيبي بس احلى انا قلت باخد واحد متين لان بيكون الجو بارد..شرايج؟

صباح الخير

اشلونكم امهات ..اخباركم...

جمانه ماشاءالله عليج اغراضج واااااااااايد حلوه

ملبوس العافيه على العروس ان شاءالله

حبيبتي حبيت اسئلج عن المشد استخدمتيه قبل

ولا هذي اول مره .......

لان اختي خذته وتقول ما نفعها .......

................................................................................................................


ام فروحه حبيبتي لازم تهتمين بصحتج الغاليه

حرام فرووووووووحه ايش ذنبها انتي مالج شهيه للاكل

اشلون تبينها تتحرك......

......................................................................................................

مرحبوووووو مرحبوووووووو يابنات ياسهرانين طول الليل سهر وانا انام من الساعه 8ونص والسبه دواااااااااااامي التعبان

هلا حبيبتي كنده صح كلامج الكل قالي حلاة الرباعي في الاشهور الاخيره لان صج شكل الجنين الحين مب حلو ...شاسوي ماقدر اصبر بس البيبي مالي مربرب كبير مب ريعصي ....
كنده ترى السكر عندج نازل تحملي بنفسج وسوي تحليل دم شوفي الحديد عندج لان انا إكيلت سلطات والحين طلع فيني فقر دم .

جمانه ترى انا نفسج حركة البيبي قليله الظاهر وامي تقولي بـيـبـيـيج بليد وثقيل كل يتطنزون عليه مب سالم من السانهم من الحين قاعدين له قعده :sad: وبخصوص الضاغط اللي شريتيه احس انه يابس واليابس يلعوز في اللبس انا شفت الضاغط الاندونيسي في المنتدى و وصيت الخادمه تجييب لي اياه لان الكل يمدحه.

ليتك معي مشكووووووووووووورة أوي أوي على الشريط وااايد عجبني :clap: وعلى طاري الرقده انا مارقد الا على بطني أو ظهري اول مانام اكون على جنب بس اتوعى احصل نفسي على بطني أقوم متخرعه وانتظر حركة البيبي.

ياحليلج يام فروووحه مدرسة خخخخخخ مادري ليش انصدمت عبالي طالبه في الجامعه:gum:


بناااااات ترى احسن فوط اللي من بيبي شوب ناعمة وحلوه وألوانها زاهيه بس ماخذيت مريله قلت ماحتاجها الحين كنت متوقعه بس حق الأكل .... وانصحوني صديقاتي بالشفاط مال الحليب قالولي البجر (البكرية) تحتاجه.

ماما فروحة هاااااي الرباط http://go.3roos.com/7cSRtunVEES

روحي FRANCE
بعدها Baby Dior
NAISSANCE فوق صورة البنت طبعا اكيد اتعرفين بس اخاف اتضيعين وعلى طول بتحصلين الرضاعات.
حاولت احط لج الصور بس تعبني ماعرفت له

شلونكم بنات مع بيبياتكم ان شاء الله بخير؟؟ :)

ههه والله جمانه شاريه لها هدوم وايد..بس اللي نيو بورن طبعا شوية ماكثرت..و من 0-3 اكثر شي ملابس طلعه..و الباجي خذيت أكبر من 3-6 و من 6-9..شسوي ماقدرت اقاوم :(

بعدين حبطتني وحده من صديقاتي قالتلي يمكن ما ينفعون البيبي بعدين يتغير جسمه..

عاد قلت بسويلها رجيم الا تلبسهم ههههه

عندي ماشاء الله صديقة بنتي مربربه و تتعب معاها باللبس ماتلقالها بسرعه!! لي درجة ودتها اخصائي تغذية تخيلوا :( الله يعينها..



نور اي والله صدقتي البنت مالها ذنب:(

خلاص اليوم بعوض ان شاء الله و بلاحظ حركتها :)




هلا والله بقطر غيرل..

هههههههه أي طالبة لا ده كان زمااااااان :):)

عاد أحلى أيام أيام الجامعه والله..

عاد ما عرفت انتوا شنو تشتغلون ولا تدرسون..

اليوم كل وحده قبل لا تكتب موضوعها تقول اهي طالبة ولا شنو تشتغل..خل نتعرف على بعض اكثر..

قطر غيرل اعتقد انج طالبه صح؟ :)

على فكرة شفت رضاعات ديور حدهم روووووووووعه..

تسلمين عالرابط يا الغالية.. اليوم بتفحصة عدل :)

هلا كروشات ديسمبر شخباركم؟؟


عندي لكم خبر!!!!!!!!!!!!!!!!!!!!!!!





عرفت جنس البيبي واخيرا عطاني وجهه وشفته....................














شتوقعون؟؟؟؟؟؟؟؟؟؟؟؟؟؟













































(((((((((((((((((((( ...BOY... ))))))))))))))))))))

هاي بنات البارحه ماسهرت معاكم راحت علي نومه
جمانه وايد حلوين ثياب بنوتج الشبك الاصفر عندي مثله شريته حق ولدي
بس بقول لج شي جمانه الي قلتي عنهم انهم برانيص انه شريت مثل الخامه بس فكرته قماط خارجي لان وايد خفيف مايدفي
وبخصوص لقماطات الداخليه تره انصحج بلي في محلات البيبي في سوق واقف او عندج في فرحة ام ايوون خياط والخامه مريحه للبيبي وخفاف ينلفون بسهوله قطن خفيف عشان تقدرين تلفينه بقماط خارجي من غير مايبين شكله دفش وماتعرفين تحملينه
وطبعن القماطات الداخليه بتحتاجون اكثر من 15 انه الكل قال لي لان الياهل بسرعه يوصخهم
والوشنات وهل سوالف احسج مسبقه يوم خذيتيهم انه كنت باخذ من نفس هل ماركه بس خفت ينتهون لين مااولد ههههههههه
وبخصوص المشد يعني اهوه لازم يكون خاص للنفاس مايصلح المشدات العاديه لان انه قبل كنت استخدم للحفلات شورت سلم اندلفت واهوه صج يشد لج بطنج ولا جنه فيج شي لان انه قبل كان فيني كرش صغير ماادري اذا يصلح حق النفاس او لا خصوصا ان اهوه واااااايد يضغط على الجسم
بس احس اذا استخدمته برجع مثل قبل بسهوله
انه اليوم ولدي مارفسني ولا تحرك من البارحه على هل حال مادري ليش قلت بنتضر لليل اذا ماتحرك بروح للدكتوره اهوه اوردي انه بروح المستشفى اليوم اشيك الضغط

مبروووووووووووووووك ليتك معي
ياااااااه بردتي قلبي الكل يسولف عن البنات واخيرا احد تحجه عن الاولاد ههههههههه
خلاص ولدي وولدج ربع من اليوم ها بندور لهم عرايس خب العرايس في الرابطه وايد

الله يبارك في عمرج حبيبتي

اي والله فرحت يوم دريت وجيتي على بالي قلت معاي اختي شقوره.......

يالله بتحجزين حق ولدج من الحين عروس :dd:

على قولتج ماشاء الله رابطتنا تقريبا الاكثر بنات

الله يحفظهم




الحين الواحد يقدر يشتري ويعرف شبياخذ لاعت جبدي من المحايد

وان شاء بعرض الاغراض الصبيانيه:dd:

الف مبروك ليتك معي عالبوي وانشالله تقر عينج بشوفته...

ام فروووحه وين احصل رضاعات ديور اللي قلتي عنها؟؟ قصدج ماركة ديور صح؟ انا ادور ابغي لو طقم واحد ماركة عالاقل اخليه لمناسبة او للمستشفى؟ وين احصلهم وشلون اسعارعم ياريت تفيديني ضروري؟؟

بالنسبة لتعارف انا اشتغل صار لي سنة و3 شهور بس متخرجة من سنتين من الجامعة..عيوزة ههههههههههههههه
ماتجوفوني ادش بالنت من الصبح 7 الى 3.5 وقت دوامي بالشقة ماعندي نت ههههههههه

خاطري اصور اغراض بنوتي واخليهم بس ماعرف شلوووووون؟؟؟