رابطة امهات ديسمبر... حيااااااااااااااااكن هوووون !!

صباح الخير على الجميع

هلا حبيبتي ام كنده تسلمين يالغاليه

ان شاءالله اذا رحت بسئل واتمنى الاقي المحل وبالنسبه لملابس البيبي

خذت اشياء بسيطه واذا فضيت بأذن الله راح اعرضهم لكم

والله انا استفيد منكم واشوف الناقص واكمله

وبالنسبه للاربعين ما خذت شيء الى الحين

وللاستقبال خذت قميصين نوم واحد من البحرين والثاني من الخبر

وان شاءالله اخلص قبل رمضان المفروض ان احنا نخلص

لان بندخل السابع وبنشوف الثقل عدل وشدي حيلج جمانه

عشان اتشجع واخذ للاربعين

ويالله اشوفكم على خير

صحيح كلامك يا نووووور... لازم نستغل الفرصة من الحين...

بس اللي مخليني اهون هو ان بداية المدارس هو الاسبوع عندنا في البحرين وصايرة السوق تلوع الجبد من الزحمة... لكن على الاقل تلاقين الثياب اللي مو تبع موسم المدارس اسعارها مو مرتفعة هذا اذا ما عليهم تخفيضات :)

يبيلي ملابس للاربعين جلابيات وبجامات قطن حق الردحة والسهر مع النونو... لازم ثياب ثقال ..

مساء الخير

شخباركم؟؟

بنات وين محلات تبيع قمصان نوم حق الولادة في البحرين ريلي هناك وابيه ياخذلي ياليت تفيدوني اليوم لان بعد يومين بيرجع

((((((((((السلام عليكم))))))))))


شخباركم؟؟؟ وشخبار النونوات؟؟؟؟


انا عن نفسي خذت قمصان ولادة من الامارات بدون ارواب 4 حبات
وقلت باخذ قميص مع الروب حبتين او ثلاث.....

امس رحت حق ام عارف ماعجبني شغلها كأن اي خياط مخيطه لج

وان شاء الله بعد ما اروح البحرين بمر على الخبر كم ساعة واخذ لي قمصان


وان شاء الله اليوم بصور الثياب قبل لاحطهم في الشنطه

هلا جمانه

هههههههه اعجبتني الردحه خخخخخخخ

احسن شيء ان بيبتدي الدوام عندكم عشان اذا جيتكم

يكونون منزلين اسعار كل شيء خخخخخخخ

والله لا يهينج قولي لنا من وين ممكن ناخذ قمصان نوم للولاده

عشان ما اقعد ادور على الفاضي

مرحبا يا حوامل شو اخباركم؟؟

ما شاء الله عليكم غبت عنكم يومين ورديت احس انكم اتكلمتوا عن اشاااء وااايد ومواضيع حلوة .... يا الله برد على اللي اقدر عليه..

ليتك معي ... مشكوووره الغلا على شريط الحمل والالوان روعه على الاقل صرنا انعرف منو اللي فيها ولد ومنو اللي فيها بنت....ومبرووك عليج الولد وعقبال ما اتشوفينه بحضنج ان شاء الله..

شقوره...وعن رابطه النفاس والاربعين فكرة وااايد حلوة على الاقل انشوف كل وحده شو نظامها الغذائي وشو الخلطات اللي اتسويها حق جسمها وويها اتعرفين لازم الوحده تعتني بعمرها زين عشان تطلع عروس..

جمانه..اتصدقين اني دايما اوسوس واقول الحين لو قالوا لي ان فيه ولد شو بسوي بهالثياب لاني شاريه اغلب الاغراض باللون الوردي والبنفسجي... وماشاء الله الاغراض واايد حلوة.. وان شاء الله اتشوفين البنوته لابستنهم يارب...وذكرتيني اشتري البرانيص كنت ناستنهم..


ام فروحه..كنده..قطرغيرل باقي الحوامل شخباركم؟؟

السلام عليكم..............

وينكم بنات الليله؟؟؟؟؟؟؟؟؟؟

يعني يوم بغيت اسهر معاكم الكل مب موجود:sad:


تغير وقت جمعتكم!!!!!!!!

هلا فديتج اختي القيوانيه..............

العفو حبيبتي الحمد لله ان اعجبج :shy: ...............

والله يبارك في عمرج وتسلمين يا قلبي ...........

يالله نبي انشوف اغراض البنوته .........

قوه بنات شلونكم
كنده +ام فرووحه شفيكم تباركون لي عل ولد جنكم توكم دارين هههههههههههههه
يعني ملخبطين بيني وبين ليتك معي
ماعليه برد عليكم نيابه عنهه الله يبارك فيكم لان انه واهيه واحد مثل ماقالت
تصدقون بنات وايد احس روحي زهقانه والايام قاعده تمشي بلبطيييييييييييييئ
يعني كل لشهر عدو بسرعه ماعدا السادس مب راضي يطوف افففففففففف
مع اني من حطت ليتك معي الشريط وانه اعد تنازلي بس بعد ابي عل اقل رمضان ايي بسرعه عشان مايخلص اله خلصنه السابع
وعن رمضان انه احس روحي مااقدر اصوم يعني احس بالااام فضيعه فثي بطني اذا اجوع مادري خايفه عل بيبي هم ماابي افطر اصلن ماعرف افطر في رمضان شسوي ؟؟؟

هلا والله بنات شخباركم ان شاء الله بخير؟؟

ها سهرانين اليوم ولا بتنامون امبجر؟؟

شقورة..انا قصدي ليتك معي..ههههههه عادي مع الحمل كلشي يصير متلخبط..!


اليوم احنا اول يوم دوامات..

و بفضفض لكم شصار معاي..

رجعت البيت حيل ضايق خلقي :( و ابيكم تساعدووووووووووني..


في الفصل الاول كانت عندنا وحده من الموظفات آخر مره شفتها حامل بالشهر الخامس..
و كان بطنها كبير ماشاء الله يعني واضح عليها الحمل..


المهم اليوم شفتها ولا مافي بطن..

قتلها ماشاء الله متى ولدتي؟؟!! انا كنت ناسيه اهي اي شهر كانت لان مثل ماقتلكم كان بطنها كبير..

المهم قالت الله ماكتب!!

و بعدين قعدت تقصلي القصه بالتفصيل الممل..

تقولي في بداية السادس و انا احس بمقص فضيع..عبالي داش فيني هوا..

قلت ارتاح عالسرير..و كل شوي يزيد المقص..

دقت على زوجها عشان يوديها المستشفى..و تحاول تقوم مو قادرة و فجأة نزل عليها دم..

راحت الطبيب بسرعه قالتلها الدكتوره ان البيبي فيه نبض و الرحم مفتوح ولادة..

و ولدوها..لكن البيبي ماكمل و توفى.. و اهي عندها من قبل 5 عيال..و وايد تحمل و تسقط..

اتصدقون ضاق خلقي ..

الله يلعن بليس قام يوسوس فيني..

لان الحين توني في بداية السادس..

والله بنات بس ابي الايام تمشي بسرعه..

مع ان سمعت البعض يقول ان فترة الحمل احلى من الولادة..لكن الحين بس ابي اولد..

يا ربي تثبت لنا البيبي و نشوفهم بين ايدنا بالف صحة و عافية..

عاد و اهي تكلمني اطالع بطني..

لاحول ولا قوة الا بالله..

شسوي قولولي؟

ام فروحه نصيحتي لج دايمن من تسمعين خبر مب زين او انج تبتعدين عن المكان عشان ماتسمعين واذا كان الكلام لج مباشره حاولي واهيه تقول لج الخبر انج تصلين عل نبي وتقرين التعويذات
انه مابي اخوفج بسم الله عليج وعل بيبي
بس تره الوالده تقول اذا سمعتي قصه مب زينه عن الحمل وحطيتيهه في بالج تصير لج
اهيه بعد مره وحده قالت لهه عن قصة ولاده متعسره وحطتهه في بالهه ويوم اولدت صادتهه نفس القصه بلضبط
فدايمن تقول لي من تسمعين خبر شين صلي عل نبي واقري التعويذات صج جربيهه بتحسين براحه

مشكوره شقورة على النصيحه..

اي والله انا بروحي خوافه..:(

و بتبع نصيحتج ان شاء الله و ببتعد عن السوالف اللي تغم..

بس قلت ابي اسمع منها عشان استفيد و اتجنب اللي اهي سوته عشان مايصير فيني هالشي لا سمح الله..

:( :( :(

ام فروووحه شسويتي فيني من صباح الله خير ...

بروحي ابي انسى القصتين اللي صاروا عندنا قبل ما اسافر مب قادرة وتيين الحين تقلبين المواجع علي. :(

وحدة منهم بنت جيران بيت اهلي.. ما كانت تحمل.. وحملت مرة واسقطت عقب 2 وشيء من عرسها.. والحين عقب 5 سنين من عرسها حملت مرة 2 ... ما خلت استشاري ولا دكتور ما راحت له عشان يثبت هالجنين.. اللي ما صدقت تحمل فيه.. وكانت تاخذ ابر تثبيت وااايد.. اعتقد اول شيء 4 مرات باليوم.. بعدينن صاروا ابرتين.. وكل ابرة بثمنها.. بس قالت معليه كله فدوة جان يعيش.. واخذت اجازة مرضية من شغلها .. وآخرتها يوم وصلت السادس.. راحت الا يقولون لها البيبي متوفي من كثر الابر والادوية والمثبتات اللي خذيتيها.. :( والله يوم يدفنونه في المقبرة قعدت اصيح حسيت بغلاوة الضنا ... :(

والثانية وحدة من قرايبنا تصير بنت عمتي.. عاد ذيك امورها كلها سليمة وطبيعية وحملت بعد الزواج بكم شهر.. ما كان عندها اي اعراض ولا اي آلالام ما شافت الا مرة وحدة ياينها نزيف ويوم راحت قالولها ولادة مبكرة.. كانت بنهاية السادس.. وطلعت البنت حية وفيها روح.. بس ما قدرت تعيش :(


والله انتي اللي جنيتي علينا يام فرووحه.. كل ماا بي انسى هالقصتين الي صاروا في نفس الفترة بالغصب اقدر.. يالله اتمم علينا يا رب وتفرحنا بشوفة عيالنا وما تحرم احد من الذرية الصالحة...

يا بنات لا تنسون تقرون المعوذات وتطلعون صدقة عنكم وعن بيبياتكم .. الله يبعد الشر عنا كلنا ..

تدرين يا كنده اني اليوم بالذات من اصبحت ناوية ان شاء الله بس يرد زوجي من الشغل اروح المستشفى افحص.. سواء عن التهاب الابوال.. او عن الالام اللي تجيني في مفصل الحوض اثنينهم...

الضربات عندي فوق وتحت... عاد الحين اعرف ضربات تحت على اليسار هذي ضربات ريولها.. واللي فوق بنص البطن هذي اياديها.. لأنها الهانم معترضة لي..

ان شاء الله مافينا الا الخير...

خلينا نغير جو شوي قبل لا يجون باقي البنات وينهمون وينغمون مثلنا.. طلعتي السوق مرة ثانية تشريتي؟

بنات شخباركم وحشتونييييي

ماشاء الله تبارك الرحمن يومين بس مادشيت النت زادت 6 صغحات خبركم مادش الا بالدوام ماعندي نت بالبيت وهذا اللي مسليني شوي..

المهم شلونكم ماشاء مواضيع وايد مادري ارد على شنو والحق يالله ماعليه..

ام فروحة مشكورة حبيبتي عالرابط والله يبارك في حياتج عالوظيفة صج انها يات متأخرة بس بعد طول انتظار وبالنسبة لطبيعة الشغل انا اشتغل ببنك بس مالي اختلاط مباشر مع الزباين بقسم داخلي..
وبالنسبة لديور الرابط وين ممكن الاقيهم هل ممكن اطلب بالنت ويوصلون لنا البحرين؟؟

جمانة مشكورة حبيبتي عالطريقة انشالله احاول اصورهم هاليومين..على فكرة رحت مذركير بالويك اند وخدت كريم الطفح وبلانكيت متين وشوي اغراض..

بعد شنو؟؟

اممممم بنات عندي سؤال للي موعدهم تقريبا معاي يعني بداية 12 اخر زيارة لكم كنتو باي سبوع وجم كان حزتها وزن البيبي؟؟؟ بليز انا اخر مرة قالت لي الدكتورة شوي حجمها اقل من الطبيعي؟؟

اليوم عادعندنا دوام المدارس بالبحرين والشوارع من الصبح ماشاء الزحمة مو طبيعية...

صبحج الله بالخيرات اختي بنت البحرين ...

وحشتينا حبيبتي.. اليوم دوام المدرسين بسسسس يعني لاحقة على الزحمة العدلة.. والزحمة الاكبر الاسبوع الياي لما يدامون طلبة الجامعة وكل طالب يروح بسيارته هو بس محد معاه... ذيج الحزة قولي زحممممممة الشوارع هههههههه


ايه تصدقين .. تعودنا على بعض اكثر الحين وصرنا نهذر بدون حساب.. ههههههههه ردي على اللي يعجبج بس.. وطنشي الباقي... ساعات اسوي جذي انه...

اختي بنت البحرين يفترض انج في الاسبوع ال 25 صح مو؟ وكأنه الوزن الحين بحدود ال 750 غرام ( يحليلها النتوفة ههههههههه ) بس انا بالاسبوع ال 24 تقريبا..

تدرين .. شوفي رابط مرموم تبع شهور الحمل.. وشوفي معلومات الشهر السادس والسابع بعد.. انا توني قارية السادس بس ما دشيت الشهر السابع عشان اقراه...


بعد بنات الامارات... شوفوا هالموضوع من ركن التسوووق... عجبتني الجلابية وااااااااايد ناعمة وحلووووة... تتوقعون لو اودي الصورة الى خياط يقدر يخيط لي مثلها؟
لأن للاسف التوصيل لبنات الامارات بسسس...

http://www.3roos.com/forums/showthread.php?t=195773



برب لحظات بروح اجيك اللحم خليته يفوح على الفرن :)

صباح الخير يا حلوات...

شحالكم اليوم؟؟

ام فروحه , جمانه حرام عليكم لا اتزيدونا خوف انتوا بس اتعوذوا من ابليس ومثل ماقالت شقوره تبتعدون عن المكان اللي يناقشون فيه هالمواضيع ...

كنده.. انا بعد حالتي نفس حالتج دايما اتييني هالالتهابات واحس بألم فضيع بالخواصر ... الله يعينا بس واشربي مااي وااايد...

بنت البحرين.. ياهلا وغلا فيج الغاليه...

جمانه... ياي الجلابيه وااايد حلوة واتوقع لو اتودينها الخياط ان شاء الله بيضبطها...

هلا بيكم كنده والقيوانية

كنده بالنسبة للكريم خبرتني عنه جمانه وهو لالتهاب الحفاظات للبيبي واسمه سودو بمذركير وانا سمعت عن واحد اسمة داربوين بعد يمدحونه بمذركير بعد..حق التهاب الجلبد بعيد الشر..انا ماخدت كريم الثدي لانه كان ماركة كوكو بتر والدكتورة قالت لي انه تجاري وانا استخدمته عن الحكة زيد الحكة بجسمي كلها..
لايفوتج تشترين القطنيات من سوريا وايد زينة ومعروفة...

وحياج الله بالبحرين باي وقت...

جمانه ترى الجلابية حلوة واعتقد يضبطها الخياط؟؟ الا شخبار اللحمة؟؟؟؟؟؟؟

بنات يالله خبرونا الحين كل وحدة عرفت جنس البيبي المفروض اخترتو الاسماء ياريت كل وحدة تكتب لنا اسم اللي اختارته

انا بالنسبة لي للحين مستقرة على (جنى) شرايكم؟