رابطة امهات ديسمبر... حيااااااااااااااااكن هوووون !!

مرحبا بناات...

شخباركم يا حلوات؟؟؟

اولا بغيت اشكر كل اللي سأل عني... واي استانست لما شفت حد جايب طاريه انا قلت الحين بدخل ولا بلقى حد سأل عني...

فديتكم والله اشتقت لكم وااااااااااااااايد ... وسبب غيابي عنكم طبعا الكمبيوتر كان خربان وخذته اصلحه...

غناتي صمت الامل الحمد لله على السلامه يا الغلا وما اتشوفين شر يارب...

جمانه الف مبرووك حبيبتي على البنوته ...وانا بعد عندي ولد واللي في بطني بنت... يعني مثلج...

وبالنسبه للرعشه ودقات القلب انا بعد من اقوم من النوم واقعد شوي بدون اكل اقعد ارتجف وقلب يدق بسرعه الله يعينا في رمضان وان شاء الله انصومه كله....

وعن حركه البيبي انا بعد دايما احس الحركه تحت واتم خايفه ....
والسموحه طولت عليكم...

السلام عليكم شلونكم حوامل؟؟؟

مبروك اختي جمانه على البنوته والله فرحت لج:smile:

انا ان شاء الله بروح بكره عندي تحليل سكر :sad: الله يعيني عالطعم

وبعدها بروح عياده اشوف الجنس للتاكيد لان قالوا لي احتمال!!!!!!!!!!!!!

والله يستر

الله يبارك فيكم يا بنات وحدة وحدة... ماقدر اعدد اخاف انسى احد وتزعلي علي بعدين... مافيني شدة زعل..

عاد من امس الى اليوم والتبريكات والتهاني تنهل علي كأني ولدت خلاص هههههههههه الحمدلله رب العالمين.. وطول امس هدرة وسوالف معاها اقصد طبعاً بنتي... اويلي عليها... حبيبة امها... شكلي بستخف والله خخخخخخخخخ

ايه... الحين اقدر احط لكم اللستة الجديدة ما دام اسمي صار ملون فيها ههههه الله يرزق الجميع من خيره يا رب، الحمدلله على النعمة..

[line]

صحيح يا تراتيل ملكوتية... ولدي اسمه حسين.. والحين ان شاء الله بييب له اخت.. الله يتمم لنا على خير ان شاء الله .. وان شاء الله بيينا شهر الله وبننشغل شوي عن محاتاة الحمل.. وبعدين بس يخلص رمضان تكون ولادتنا قربت وايد..
[line]

ام فروووحه... ههههههههه انا بعد استانس اذا اشوف ردود وسوالف وايد.. اذا محد يرد احس الرابطة مهجورة ومافيها الا صوتي يلعلع بريحاتي هههه
الله يبارك فيج ... وبالنسبة لماما حسوون... انا تعرفت عليها هني من المنتدى... عاد من قبل فترة... شسوي وغصبتني الا احمل معاها في شهر واحد ههههههههه تقول تستحي تصير بروحها...

بيني وبينها سوالف ع المسنجر.. :) والفضيحة بس قلت لها المفاجأة راحت حرقتها علي في الرابطة... لكن مردودة لج يا ماما حسو وون هههههه

اييه اكيد ايام الحمل احلى بوايد... الحين متى ما تعبتي ترقدين بكيفج.. بعدين لاااااا مافيه هالحجي.. تعب وارهاق وااايد... انا بعد وايد افكر في هالمرحلة اللي هي من بعد الولادة الى عمر 3 شهور... وايد متعبة... بس ان شاء الله ربي يستجيب دعائي وما تطلع البنت لعاية مثل اخوها زلزل الوادي وهو نتيفة ما يبين ...

[line]

صمت الامل...

حمدلله على سلامتج الغالية ... وسامحيني كتبت لج في ردي السابق بس تمحى بالغلط :(
اتمنى انج ما حطيتي بخاطرج علي..
وان شاء الله دفعة بلا عن عمرج وعن البيبي ... اهم شيء طلعتوا سالمين..

[line]

صدري احسه خلاص .. . ممتلي.. مو مثل ايام الحمل السابقة.. واتوقع انه راح ينزل علي السائل الشفاف خلال ايام ... بحسووون نزل علي في الشهر السابع... يمكن الحين ينزل علي في السادس.. احسه كأنه صدر وحدة ترضع فعلياً..
بس بعد حلووو صاير شكله... احسن من الترهل اللي صار لي من بعد رضاعة حسوون.
الحمدلله اشوى عندنا مناسبة وصدري تعدل شكله .. عشان اقدر اكشخ هههه
بالنسبة لصدريات الرضاعة.. من اسمها للرضاعة... يعني مو الحين تقدرين تلبسينها... امممممم اخذي لج صدريات عادية مو مخصوصة للرضاعة بس حجم اكبر يناسب حجم صدرج الحين :)




[line]


البرازيلية... اي والله ياختي... كنت اتمناها من قلب... وصاير لي مثل الاحباط .. كنت متوقعة بشكل كبير وجازم اني راح انجب ولد ثاني.. حتى لما رحت الاسلوع اللي فات مجمع السيف عندنا حسيت باحباط كبير وحزن لما شفت اني راح انحرم مرة ثانية من شراء ملابس واغراض البنات الحلووووة...

لما خبرتني الدكتورة انها بنت ما صدقت.. شوي وبكذبها... لو ما راوتني الاعضاء االتناسلية.. دمعت عيوني عدل.. احس انها نعمة كبيييييييرة من الخالق ما استاهلها... الحمدلله الحمدلله..

الحليب شيء طبيعي اختي... واكيد راح تحسين بفرحة عودة .. بس نصيحة لا تحاولين تعصرين صدرج ولا اي شيء... خليه بس اكتفي بترطيبه وشد الحلمة على خفيف للخارج عشان تكون مهيئة للرضاعة بعدين... والله ييسر لنا حملنا وولادتنا ونشوف البيبيات بايدينا...
ذكرتيني .. بحملي الاول.. بلغ بي الشوق مدااااه... رحت لأقمطة البيبي اللي مشتريتها ولفلفتها وحطيت داخلها مخدة صغيرة.. وغمضت عيوني جني حاملة ولدي... بس بعد ما سوى شيء ولا طفى نار الشوووق... ههههههههه

[line]

كندة الله يبارك فيج يا عمري.. ايه الحمدلله الله رزقنا البنت والولد... خلاص ما نبي شيء الحين... نسكر الى ما بعد 10 سنين عشان نييب غيرهم..

القيوانية ، ليتك معي...

هلا والله بالغايبات... من طول الغيبات ياب الغنايم... والله يسلم كمبيوتراتكم من كل شر وفيروس هههه

اححح القيوانية ما قلتي لنا شنو تشريتي للبيبي .. واذا تقدرين تحطين الصور عاااااااااد .. :( ذابت جبدي وانا اترجى في بنات الرابطة محد حاط صور.. ... ...
:cry:



ليتك معي... الله يعينج على تحليل السكر.. بس كلها ساعة زمن ان شاء الله وتفتكين.. واهم شيء تطلع النتيجة زينة...

هااااااي بناااااااات
رجعت لكم من بعد طول غيبه وحشتوني وحشتوني وحشتوني
وشكرااااا لكل الي سال عني في غيابي
بقول لكم شنو سر غيابي





















تبون تعرفون





















السر اهوه اني رحت وشريت اغراض البيبي كاااااااااااامله
من الالف الى الياء
شريتهه تقريبا كلهه من ماذر كير
وفصلت له طقم شنطه مع فراش طلعووو عجاااايب توني اليوم يبتهم
اخترت له اللون التفااحي واااو عجيب طلع
بس توني متذكره اني نسيت اشتري البانيو وكرسي السباحه ماعليه بشتريهم باجر
اما عن السرير قلت مب شاريته الحين لان خايفه يغبر خبركم جونه في البحرين زفت والحمدالله
فقلت نهاية الثامنه باخذه بس انه حجزته في بالي خلاص
الحين بنات ابي اسالكم سمعت عن رياضه تسويهه الحامل بشهرهه اسمهه رياضة القرفصاء شنو هيه وشلون نمارسهه
عندي لكم خبر مب حلو
رحت للدكتوره وقالت لي ان ضغطي مرتفع وايد وعطتني حبوب للضغط وكل يومين اروح اجيكه واحتمال اترقد نهاية الاسبوع انه بداية الحمل دايمن ضغطي مرتفع وترقدت مره بهل سبه واتمنه اني ماترقد مره ثانيه
وخصوصا ان الناس خوفوني يقولون اذا الضغط يرتفع في السابع وماينزل يولدونج انه خايفه عدل
وانه باقي لي جم يوم وادخل السابع
في وحده تعرف شي ينزل هل ضغط؟؟؟ بليز الي تعرف تساعدني
وياالله اشوفكم على خير

بما اني قاعده ومتملله ومافيني نومه

خل اكتب لكم شنو شريت يمكن افيدكم بشي عاد بكتب الي اتذكره

1-مقياس درجة حراره للماي
2-مرضعتين وحده صغيره ووحده وسط ماكثرت قلت وحده للماي ووحده احتياط يمكن مابيرضع طبيعي احتياط بعدين بكثر والماركه بيجون او ميزون مااذكر

3-قماطات داخليه عدد 14
4-قماطات خارجيه عدد 7 وماذركير يايبين قماطات عجيبه تينن صايره مثل البطانيه وايد حلوين
5-فوط كبير 2 وصغار4
6-فوط صغار كلش او منشفات يعني حق لمه ترضعينه يم حلجه شريتهم طقم كامل 6 من ماذركير ايون مع بعض

7-مشط
8-مصاصه
9-فرشاة لتنضيف المرضعه
10-قبعات خبركم اعيالنه شتويين يبي لهم وايد شريت 5 وعندي من قبل يايبتهم من السعوديه 2
11-قفازات اكثرهم يايين طقم مع الثياب بس الي بروحهم شريت 3
12-دواليغ 5
13-جواتي اكثرهم يايين طقم مع شي بس الي بروحهم شريت 2
14-شنطه للبيبي وحده الي سويتهه في الخياط لاني احس مابحتاجهه وايد لاني بحط اغراضه معاي في شنطتي الموضه احين شناط كبار

15-فراش مادري شسمه الي يرقدون الياهل عليه نسميه مرقد 2 يعني الي نقدم الياهل عليه او للتصوير
16-لحاف 2 وبشتري واحد
17-طبعن لثياب مب ذاكره وايد واعتقد على حسب الذوق هل شي كل وحده اشبتشتري

واذا تذكرت بعد بقول لكم

هلا ومرحبا اختي شقوره ... ما شا ءالله اليوم كل الغايبات ردوا ...

مبروووك الف مبروك خلصتي اغراضج ما شاء الله عليج شاااطرة ههههههههه
واللون التفاحي :up: اختيار وذوق حلوووو اختي..

الحين عندج وقت وايد .. قعدي تحزي شنو نسيتي وكل يوم روحي تشري الناقص.. ان شاء الله يكمل كل شيء..

ضجرتيني اختي بسالفة الضغط... انتي اهم شيء تريحين اعصابج الحين... وتتركين الاكل المالح ومادري.. ما عندي خبرة كفاية عن ضغط الحوامل.. ان شاء الله بقية البنات يساعدونج...












[line]



بنات من طلع لها في الاشعة ان راس البيبي فوووق؟

انا قالت لي الدكتورة راسها فوق بس عندها مجال الى التاسع يمكن تغير وضعها... بالتحديد وضعها معترضة (( على شنو ما دري !! ههههههه )) اقولكم بنات قلبي معورني على سالفة القيصيرية... الله لا يقوله...

يقولون الحباي يخلي الياهل يصير راسه تحت.. بس ما دري كلام مال اول صج ولا بس جذي..
عموما بنتظر الى الاشعة الجاية اذا ما غيرت وضعها بشتغل ع الموضوع .. عاد خرافات ولا غيره...

[line]


بنات محد حط صور الاشعة؟!!!!!!!!
اليوم قاعدة اطالع صور الاشعة واقارن بينها وبين صور حسون... خصوصاً صورة الوجه.. احس وجهها البنت اطول من وجه حسوون... حسوون صاير قمري او دائري اكثر...

بحط لكم بعد شوي الصور..

هذي اشعة البنوتة



وهذي اشعة حسووون




ها اشرايكم؟؟ تشبه اخوها ولا لاااا؟

هلا اختي جمانه ومشكوره عل نصيحه هههههههههه ضحكتيني والله ابقق عيوني ابي اشوف مب شايفه شي حتى صورة ولدي مع انهه ملونه ورباعيه بس مادري شلون احسهه مب معروفه
بس على فكره تره امي قالت لي الشكل الي تتخيلينه لولدج او بنتج يصدق تره فدايمن اتخيليهه تينن عشان تطلع حلوه هههههه

هلا و مرحبا بكل الغايبات عنا وحشتوووونا :)

فعلا من طول الغيبات ياب الغنايم..

ليتك معي يله بانتظار تبشرينا عن جنس الجنين :)


جمانه

تدرين اليوم بالصدفه داخله المواضيع المميزه ولا القى قصة ولادتج و اقراها :)))))))

ماشاء الله وايد اعجبتني احس كانت سهله..او سريعه..لحمدلله:)

بس اللي استغربت منه ان مامداهم يقصون المنطقه اهي انشقت بروحها..تدرين ان برا باميركا و دول اوربا مايشقونها..يخلونها نفسج تنشق بروحها..!!

عاد اللي اعرفه ان اهم مطورين بالطب اكثر منا..

ما ادري اي طريقه اهي الصح و الافضل!!!؟؟؟


المهم..اكتشفنا شي يديد يعني طلعتي انتي و ماما حسون متفقين ان تحملون بنفس الشهر ها ههههه :) وناسه خوش فكرة

احس حريم اول كله عيالهم كبر بعض الظاهر كانوا يتفقون :)

ماشاء الله صور السونار وايد حلوه طبعا صورة حسون اوضح..

لازم تسوين رباعي و تحطين لنا صورة حسووون عشان نقولج يشبهون بعض او لا ..

اما ابهاذا السونار كل اليهال يشبهون بعض هههههههه


حدي ودي اسوي السونار الرباعي..مافيني صبر عليه..

سمعت انه افضل الاسابيع انج تسوينه من الاسبوع 24 الى 28 والله اعلم :) يعني الحين بشهرنا..

انا الحين الاسبوع 22 بنطر اسبوعين ان شاء الله و بسويه مافيني صبر اكثر..و ان شاء الله خير :)







شقورة زين قلتيلنا على سر اختفائج هههههههه :)

انا الله يسلمج بعد الحمدلله شريت وايد اشياء من اغراض البيبي و بقولكم عنها بعد شوي ..بما اني متملله على قولتج :)

مع هذا ماكنت اختفي وايد عن الرابطه :)

خلاص لا تختفين عنا مره ثانية..

بالذات يايتنا دوامات و بيحوشنا اكتئاب الدوام فنيي اهني عشان نسلي بعض :)))))

ويييييييييه شقووره... اكيد ما يحتاي بنوتتي اكيد قمرررر لوو بنظري انا بسسسس هههه

ان شاء الله اسوي الرباعي قريب ونشوف الوضع... بس افضل اتأخر عشان تربرب اكثر...


[line]

ام فرووحه... صحيح بالدول الغربية ما يشقونهم.. يخلونه يصير الشق بروحه... او تصير اهتراءات...

على فكرة جرحي احسه اندمل بسرعة الحمدلله ما مهل وايد... حتى امي شكت فيني اني والدة ههههههه اقولها لازم اتدحن عشان تصدقين؟ يألمني بس متحملة ههههه

على فكرة ولادتي كانت بسرعة لأن عطوني طلق صناعي وهو اللي خلا الطلق ورا بعض لما ولدت .. :)
افكر اطلبه منهم هالمرة بعد.. بس اذا ولدت طبيعي عاد :(


[line]

بنات تدرون ان الدكتورة في الاشعة أخرت لي موعد الولادة؟ اول شيء خرعتني تقول البيبي نموه اقول من حساب الدورة باسبوع.. بعدين لما خبرتها سالفة التبويض المتأخر والحمل اللي ما كان بالحسبان لأن الجماع تم في غير الاوقات اللي كنت احسبها تبويض... فحسبت لي من تاريخ الجماع .. وتأخر موعد الولادة ... تخيلوا.. 15 يوم كامل !!!!!!!!!!!!!!!!!!!! بولد في 20/12 :(
وااااااااااااااااااااااااااااااااااااااع :cry:

عقب شوي بحط اللستة وفيه اسامي المنضمات الجديدات.. :)

جمانه ليش زعلانه؟؟

انا سبحان الله ما ادري ليش حاسه اني بولد قبل موعدي..

و يمكن انتي بعد تجدمين ماتدرين شنو اللي الله كاتبه!!

و انصحج دوم تخيلي انها ولاده طبيعية لا تقولين يمكن قيصرية..

البيبي اصلا يتحرك كل شوي مو شرط ان راسه فوق يعني بيتم..اصلا تو الناس على نزلة الراس..


المهم ناطرين اللسته :)

و انا الحين بكتبلكم شنو شريت للبيبي..نطروني :)

[هلاا اختي ام فروحه ولا تخافين خلاص مابختفي هههههههههه لان احس افتكيت من تعب التشري

بقولج اختي جمانه وانتي وراي وراي ملاحقتني ملاحق ههههههههههه تدرين ان انه بعد الدكتوره الاخصائيه الي سوت لي رباعي قالت لي نفسج الياهل صغير في البدايه وبعدين قلت لهه ان هذاك الشهر كان وقت الجماع مع زوجي متاخر لانه كان مسافر لكويت فحسبت لي طلع 19\12 يعني 12 زياده بس انه ماقلت لكم لان الدكتوره في العسكري الي اتابعني قالت لي لا البيبي ماشي مضبوط مع تواريخنه فماقلت لاحد مع اني متاكده ان حساب الاخصائيه اهوه الاصح بس بيني وبينكم انه ماتقبلت الواقع لان احس 12 يوم وايد ههههههه بس انه لاتغيرين موعدي خليه القبلي متفائله فيه انه
[line]

بنات ابي شهر 12 ايي بسرررررررررررررررررعه زهقت ابي ننتضر بعض وكل وحده تغير من الي ولدت قبلهه ههههههههه اقصد تفرح لهه ابي نقعد على نار ونخبر بعض بلمستجدات احس الرابطه بتصير فله شهر 12
عاد انه عندي فكره مانبي رابطتنه تنتهي لمه نولد ابيهه تصير حق قصص الولاده وسوالف اعيالنه مابي نصك الرابطه اشرايكم؟

ههههههههههه نسيت اقول لج جمانه انه بعد اخر مره قالو لي راس البيبي فوق

قلتلج وراي وراي هههههههههههههههه

يمكن انه بعد باحبي شسوي لو ازحف بعد بس المهم اولد طبيعي ههههههههههههههههههه

مشتريات البيبي..


بذكرلكم الاشياء الكبيرة بالبداية..

شريت السرير الحمدلله..

ادري ان بدري عليه..بس رحنا نشوف ولا طلع المحل مسويت تنزيلات حلوه..و بتخلص بعد يومين..قلنا خلاص نشتريه على طول لان السعر الاصلي بيرجع بعد يومين و مابنلحق..و المشكله ان مع التنزيلات هم كان سعره غالي..

ثاني شي السرير الصغير اللي حق الاربعين هم من نفس المحل..

ثالث شي الكبت اللي كله ادراج..

رابع شي البانيو اللي تغسلين البيبي و انتي واقفه..


هذي اهي الاشياء الكبيرة..

اما باجي الشغلات :


-فوط 2 و صغار خذيت وايد يمكن 14 !! دستتين كل دسته فيها حوالي 7 فوط..

- كيس البيبي واحد..بس اشوف الاغلبية شارين 2..عشان اذا توسخ واحد ..فشكلي برجع ادور على واحد ثاني!

-ملابس نيوبرون ماكثرت منهم لان البيبي راح يكبر بسرعه ان شاء الله...

من 0-3 خذيت بجامات و ملابس للطلعه..

اما نيوبورن ماخذيت شي حلو كله للبيت..يعني بعدني ماخريت ملابس اذا بغيت اقدم البيبي للضيوف..يمكن انطر لم ينزلون الشتوي ان شاء الله..


و خذيت رضاعاتماركة افنت 2 ايون طقم.. و خذيت الحلمات افنت بعد نفس الماركه..لاني سمعت من البنات بالمنتدى انها احسن ماركه..و فعلا لقيتها اغلى وحده من بين الماركات..

خذيت شفاط الحليب من نفس الماركه..

و المصاصه بعد نفس الماركه :)

و خذيت معقمة المراض ماركة اسمها شيكو على ما اظن..

و شنو بعد ..اممممم

الاسفنجه اللي تحطين عليها البيبي لم تيين اتسبحينه..

و ادوات النظافه مشط و مقراضه و الخخ..جنطه ايي فيها ست كامل..

وطبعا كبابيس و دسوس..


هذا اللي اذكره الحين..اذا تذكرت شي بعد بقولكم...



على فكرة وااااااااايد نفعني الموضوع مال اغراض البيبي اللي بالمواضيع المميزة..

ولا ماكنت ادري شنو بالضبط احتاج..

يله اللي ماشرت شدوا حيلكم و اشتروا..

انا قلت اخلص بسرعه قبل الدوام بداية الاسبوع الياي ان شاء الله لاني ما اقدر على مشوارين بنفس اليوم..(w)

مبرووك على اغراض البيبي ام فروحه تص3دقيني ذكرتيني باشيه ماشريتهه (المقراض وادوات التنضيف)
وبخصوص الفوط الصغيره تقصدين فيهه الي لنص الجسم لتغير الحفاظ ولا شملتي الي حق الرضاعه مع فوط الحفاظ لان اذا 14 للتغير الحفاظ احسهم وايد ولا اشرايج
ومن ناحية الشفاط وكبسولات التعقيم قلت باخهم بداية التاسع من الصيدليه اضمن يعني مع متشريات الصيدليه لوشنات وخرابيط وحفاضات
وماقلتي لنه اخترتي للنونو اي لون ؟

]nawaray

4/12/2006








ghada2

bentel ba7rain

5/12/ 2006






ليتك معي

شيخة البيت

6/12/2006






شقوره7/12/2006


nooooooooooooooor
11/12/2006



ماما حسون
أم نوووره
صمت الامل

12/12/2006











القيوانيه

16/12/2006


bride2004

17/12/2006



jay

18/12/2006



الموناليزا

19/12/2006


جمانة20/12/2006



soosoo googoo
21/12/2006



omtalal

22/12/2006



Qtr Girl
23/12/2006


كنده 88

24/12/2006

البرازيلية
25/12/2006

احلى لورا
26 _12 _2006


سحابة حب

27/12/2006






eng-nona

29/12/2006






أم فرووحة

30/12/2006

وبانتظار اشرطة الحمل من ليتك معي...

على فكرة فيه بنات وايد اختفوا ..

بنات بحط لكم وصلات مواضيع مفيدة حق التشري...

من ركن التربية والطفل..

هلا شقورة.. :)

لا الفوط اللي خذيتهم الصغار حيل..اللي كبر كف الايد تقريبا..

اي والله ذكرتيني ابهالفوط كنت ناسيتهم..بس خذيت فوطتين للسباحه..

و تذكرت بعض الاشياء يمكن تفيدج ان شاء الله..

خذيت الفوطه اللي تحتها نايلون تحطين تحتها البيبي اذا بقيتي تغيرين له..

و خذيت نفسها نايلون بس من سنتربوينت..

و خذيت مستلزمات السرير .. بس يبيلي بعد واحد احتياط عشان اذا توصخ.. :(

المشكله ان احنا بالشتا يعني من كلشي يبيلج احتياط لان الملابس ماتنشف بسرعه..!

و في مخده يبيعونها بعد بسنتربويت مفتوحه بالسوط اكثر من فتحه عشان الياهل اذا انقلب عادي يتنفس هم خذيناها..

احسها مهمه..

لاني سمعت معلومه ان الطفل الرضيع لا تحطين له مخده عادية موزينه على ظهره..اخذيله مسطحه و خفيفه..

و هذي مسطحه..انصحج فيها..

و طبعا الجناط حق اغراض البيبي..

وحده عادية حق الملابس و وحده بلاستك حق الرضاعات و باجي الاغراض مثل الاكل..هذي بعد احسها مهمه..من مذركير..

ان شاء الله افتدتج و افدت البنات :)

اكثر الهدايا اللي نفعتك بعد الولادة

بس خلاص لأن أذن عندنا الفجر... بروح اصلي وانام لي شوي...

بكرة ان شاء الله على الخير نلتقي..