رابطة امهات ديسمبر... حيااااااااااااااااكن هوووون !!

للاسف :( انتهت الفترة المسموح فيها تعديل الرد...

ان شاء الله المرة الجاية.. وما راح تطول كثير لأن الحين كل عضوة تدخل راح تقول جمانة انا فيني ولد مب بنت !! جمانة انا ما ضفتيني !! ههههههه


بنات انا بحملي الاولي كنت وايد مستانسة على عمري ليش انه ما طلع لي ولا نتفة خط ولا شق.. وكان بطني صغير نسبياً.. بحيث اذا البس عباية راس وانا في الشهر السابع ما يبين علي اني حامل!
وبس دشيت التاسع مرة وحدة بوووووووو انترس البطن كله شقوق وخطوط مع اني ما اهملت روحي وكنت دايما ارطب بطني.. :( فيعني املكم ضعيف انكم اتمون بدون تشققات..

وبعد شيء احب انوركم فيه.. لما ترطبون لا تكتفون بالبطن والصدر.. رطبوا بعد الخواصر.. والارداف واعلى الافخاذ واهم شيء منطقة ( العانة ) :o ما كنت ادري ان التشققات توصل الى هناك.. وما عرفت الا بعد الولادة لما هفتت الدبة وشفت الهوايل اللي تحت !!

:dd

كاني ملونتج بالازرق لاااااااه .. لا تجننيني فديتج... انا صدقت ورحت اشيك بعد .. مافيني شدة زعل احد :D

انا زدت زيادة مماثلة لج اختي.. تقريبا فقط 5 كيلو.. والعبرة في الشهور الاخيرة مب في البداية.. الله يستر... شكلي بصير دبة منفوخة.. مااااااااااااابي :(

سلام ..
اخت بنت البحرين اني نفسش عطوني ابرة تطعيم في الموعد اللي طاف وعطوني موعد لوحدة ثانية بعد شهر والثالثة بعد سنة لان الجرعات اللي اخذتها يوم اني صغيرة ناقصة مو كاملة ...
اخت جمانة اني بعد بديت احس شوي بالثقل وبدت رجولي تنام واجد اذا ظليت قاعدة لفترة ..الله يتمم الينا على خير وحتى التشققات بدات تظهر بين الخاصرتين واسفل البطن ..الله يستر من الباقي..

هلاااااا بنات

تدرون انا بعد مازاد وزني الا 3 كيلووو من بعد مانزل 11 كيلو من الوحام والتنسي بس احس اني ثقيله مادري ليش بعد مالي بطن وكل ماروح الموعد يقولون big baby مادري وين منخش وحركته بطيئه وماحس انه يتحرك وايد.

انا الحين من حملت زاد يمكن سبعة كيلو وانا الحين بنهاية السادس وخايفة يزيد بعد اكثر

سؤااااااااااااااال للي ولدت من قبل يعني ام عيال :gum:

هل الخطوط والتشققات اتروح عقب الولاده والا اتم على طووووووووووووووول :sad: ؟؟

هااااااااااااااااي بنات
الاااه صار لولدي ربع على قولة جمانه هههههههه
ماقلت لكم ولدي صار له من اسبوع تقريبا بدا يرافس وشكله عوض التاخير الي تاخره
رفساته قوي
بس من بدا يرافس قام ينزل مني شي مثل المخاط وكلماله ويزيد انتو ينزل منكم بعد ؟
ومن ناحية الوزن انه بعد وزني مازاداله 3كيلو هاذي وانه مليانه شوي
وانه عكسج قطر قيرلانه دايمن يقولون small baby

مرحبا بنات...

وانا بعد ما زدت غير 3 كيلو بس

شقورة الافرازات هذي طبيعية .. اهم شيء ما يتغير لونها الى البني او الله لا يقوله الى الاحمر.. وما تكون كميتها وايد...

انا من حملت وانا استخدم كوتكس للاستعمال اليومي... بدونها والله ثيابي كانت بتصير خريسة :o
[line]

كندة الله يعافيج خليتي خاطري في طقم ملابس اطفال باللون الاورانج والاصفر موووتي انا الالوان الفاقعة للاطفال.. بس المخمل ترا كلش مو زين.. اذكر اخذت لولدي بدلة شبك مخمل وكانت وايد راقية وحلوة الوانها حمراء فاقعة وولدي ابيضاني فكان شكله حلوووووو فيها... بس صار شيء غريب من البسه اياها يظل يصارخ بقوة جنه حشرة قارصته حتى امي نبشت قماطه وفراشه وكل شيء تدور اذا فيه شيء يعوره بعدين لما فصخناه البدلة هدأ وصار طبيعي... مادري حسيت انها تنغز جسمه رغم انها مبطنة من الداخل بقماش قطني لأنها شتوية.. وخلاص حرمت اشتريله مخمل :(

[line]

قطر قيرل.. الخطوط ما راح تروح ابداً... خلاص هذي ضريبة الامومة...

بس بعد الولادة بشهور يمكن حوالي 3 شهور يفتح لونها وتصير مثل لون الجسم.. واذا اعتنيتي بنفسج بعد الولادة ما راح تبين الا عن قرب ان شاء الله...

[line]

بنات احس روحي بنفجر ... :( بطني زايد حجمه وحتى ريلي لاحظ... ساعات اوسوس اظل اعصر في رجلي ويديني اشوف متنفخين اولا .. اخاف من الزلال :(

امس امي زفتني لأني لابسة جلابية مب مخصرة اصلا... بس وسعها زين.. وكنت البس مثل وسعها في حملي الاول الى الشهر السابع بالراحة... والحين لا... شكله البيبي بيصير حجمه كبير مثلج يا قطر قيرل... وانا بروحي ضاربني الوسواس الفففففف من القيصيرية.. :(

صباح الخير شلونكم حوامل منتداي الغالي متى راح تبتدون تجهيزاتكم حق البيبي
تدرون ان عيد الاضحى بتاريخ 30/12 الله يعيننا

مرحبــــــــــــــــــــا

جماااااااااااااااانة الصراحه صدمتيني :confused: :confused: مابي خطوط وتشققات... وبخصوص الافرازات انا بعد مبهدلتني واستخدم الفوط الصحيه الحجم العادي مو اليومي من كثرها وقالت الدكتورة أي حامل معها الافرازات لازم اتعالجها قبل الولاده عشان ماتأثر على عين البيبي واتطلع وصخ.... وعلى طاري انتفاخ اليد والريل انا ماصادني اي شي بس ريلي وايد ترقد ليكون هااااي علامة من علامات الانتفاخ ولا صارلي اي اسوداد في جسمي ومثل ماقلت لكم ولا خط ولاتشقق انا مثل ما انا بس احس بثقل وريلي اللي ترقد والافرازات الكثيره والبيبي حركتة وااااااااااايد خفيفه ونادرة وماتحرك بسرعه واعااااااااااااااني من كثرة اللعاب من بدايه حملي.

ام طلال انا موعد ولادتي قبل العيد انشالله باسبوع تقريبا يعني البيبي بيحصل عيديه :gum:

ام فرووووحة وينج مابينتي؟

(f)

والله انا الدكتور معطيني موعد 22/12 والله كريم ويسهل عليّ وعليكم الولاده

والله انا ولدي بيصير عمره شهر تقريباً في العيد :bigsmile:

ولدي الاول يبته ثاني يوم من رمضان.. وفي عيد الفطر صار عمره شهر تقريباً... اتذكر تشققت وانا اجمع عياديه ... وااااايد... خشيتها له بالبنك :shy:

بنات الافرازات مو معناها بالضرورة التهابات... الالتهابات هي اللي تأثر على عين البيبي.. :gum:

مراحب..
ما ادري ان كنتون تقصدون الافرازات اللي لونها ابيض مثل الحليب او شيء ثاني لان هذه الافرازات تصيدني من فترة لفترة من بداية الحمل ..

شلوووووووونكم بنات؟؟

ان شاء الله فقدتوني؟ ^_^

شكراا قطر غيرل على السؤال :):)

كان مخلص اشتراك الانترنت و اليوم تجدد الحمدلله ولا كنت بفقدكم :(


جمانه كفوووووو والله..الواجب كامل 10\10 :)


ليتك معي فاقدينها والله..كانت دايما تحطلنا شريط الحمل .. ان شاء الله ترجع قريب..

و ماما حسون بعد فاقدينها؟؟!!

و وايد بنات مختفين..ان شاء الله يردون بالسلامه

اليومين اللي فاتوا لهيت مع السوق و المشترى حق البيبي..احس صججججج تعب :(

و المشكله حدددده زحمه لان السوق تنزيلات لغاية 50%

فتعالي تقريبا ساعه بس نطري دورج على ما تحاسبين مشترياتج!!:angry:


شريت منوعات من 0-3 و من 3-6 و من 6-9 وراعيت الوقت اللي بيكون فيه الجو شتوي و اللي بيكون صيفي..

لاني كنت ناسيه هالموضوع و رديت بعض الشغلات..فلا تنسونه و انتوا اتجهزون..


و في اشياء محتاره اخذها ولا لا..آخاف تيي هدايا..مثل كرسي السيارة و العربانه و الخ..

اللي ام للمره الثانية..قولولنا شنو الهدايا اللي يتكم في الطفل الاول عشان نتوقع بعضها!؟؟ :shy:

صباح الخير يا حلوات...
شخباركم اليوم؟؟؟

مراحب امهات ديسمبر .. شخباركم ؟؟ وشعلومكم ؟؟

اشكر كل من افتقدني وسأل عني وما تقصرون .. مثل ما قلتلكم من قبل كان عندنا زواج خالتي والتهينا شوي لان بعد الزواج قمنا نروح بيت جدي " بيت العايلة " وبعد بكرا " يوم الاثنين " عندنا خطوبة بنت خالتي ، احسن شي ان نفسيتي تغيرت وفرفشت شوي :shy:

جمانة : الف الحمد لله ع السلامة .. والله زين سمح لج زوجج تركبين التلفريك انا الممانعة كانت من زوجي لانه سألهم عن الحوامل وقالوا له مو زين فما رضا اركب :sad: يالله عليج بالعافية ..

مبروك للبنات اللي عرفوا جنس الجنين وعقبال كل اللي ما عرفوا " مثلي " :sad: لكن الموضوع صاير عندي عادي ومو مستعجلة للحين :bigsmile:

بالنسبة للافرازات فأنا تنزل علي افرازات بين فترة وفترة لكنها بدون لون او ريحة ، والام البطن بعد تجيني كل شوي ، البيبي حركته ما زالت قوية وشكل بيطع حركي ونشيط .. الله يعيني عليه (a) لكن بطني مو صاير كبير ... وللحين مدلعة روحي والبس بنطلونات وتي شيرتات وقليل اذا البس جلابيات ..

في موعدي اللي طاف " كان من اسبوعين " كتبت لي الدكتورة على حبوب فيفول " فولك اسيد + حديد في كبسولة وحدة " وهالنوعية اول مرة استخدمها حتى بحملي الاولي ما قط استخدمتها واشوف انها مسببة لي امساك ومتعبتني وايد .. الحين صار لي 3 ايام ما اشرب شي والحمد لله بطني قاعد يمشي طبيعي بس ان شا الله ما ينقص دمي :pain:

وعن اغراض البيبي فأنا للحين ما اشتريت ولاااا شي بس امي لما ردت من السفر لقيتها مشترية شنطة عجيبة للبيبي بس المشكلة ان لونها كحلي واذا جبت بنت احس ما بيصير حلو اني استخدمها .. مع ان الشنطة وايد حلوة الصراحة وما اعتقد ان في مثلها في البحرين :cool2:
واما عن الهدايا اللي حصلت عليها في ولادتي بحسون فكانت سرير صغير " اللي شكله صاير سلة على ستاند " ، سلة للبيبي ، عربة اطفال ، مشاية " اللي يمسكها الطفل ويمشي " ، وشوية العاب مثل سيارة وسيكل وحصان كبير هذا غير عن الهدايا المادية " الفلوس " .. هذا اللي اتذكره حاليا بس البنت أتوقع ان اغلب الهدايا راح تكون ذهب مثل ما قالت كنده ... ما يندرى هالمرة شنو بحصل من هدايا :D

انا ولادتي بتكون ان شا الله قبل عيد الاضحى بحوالي 25 يوم او اقل " هذا اذا ما قدمت في ولادتي مثل حسون " ، وفي بالي لما اجهز للبيبي اشتريله لبس يكون حلو ومميز للعيد لان ما اعتقد راح اقدر اتسوق قبل العيد ومرة وحدة بشتري ثياب حقي وحق حسون للعيد :dd: ام فروحة اعتقد موعد ولادتها بيكون في العيد :shy:

وبالنسبة عن الخطوط اللي تطلع على البطن فأنا في كم خط على بطني حاليا " حوالي 4 خطوط بس صغار " وللحين ما استخدمت لهم ولا زيت .. بس في حملي الاولي ما طلع لي ولا نتفة خط على بطني ولا تأثر بالحمل .. هالمرة بعد ملاحظة زيادة في نمو الشعر على بطني لكنه ما زال خفيف ولونه فااااتح ويقولون بيطيح بروحه بعد الولادة ... وعن النفخ فما احس روحي انتفخت لكن الثقل متعبني وقومتي وقعدتي ثقيلة شوي.

اما عن وزني فأنا نقصت في فترة الوحام 9 كيلو تقريبا وللحين ما زاد وزني الا حوالي كيلو ونص بس وهالنص كيلو مو ثابت بعد اوقات اوزن نفسي القى روحي ناقصة نص كيلو على عكس حملي بحسون اللي زاد وزني زيادة رهيبة مع ان ما كان يبان على شكل جسمي ذيك الزيادة :gum:

الليلة وراي صيام من الساعة 8 لان بكرا عندي تحليل السكر " الجلوكوز " وان شا الله كل شي يكون طبيعي مثل حملي الاولي بس خايفة لان الاسبوع اللي فات اكلت حلوى وايد من زواج خالتي .. كل ما يجون نسوان يباركون بالزواج وحطوا لهم حلوى اكلت .. حسيت روحي ما اقدر اقاوم الحلوى وهي قدامي (w)

وهذا الموقع انا حطيته في بداية الرابطة وحبيت ارد احطه للعضوات اللي توهم منضمين للاستفادة
http://go.3roos.com/57PEJvGwhX5


طولت وايد وعورت راسكم .. يالله ، اشوفكم على خير ان شا الله :shy: