رابطة امهات ديسمبر... حيااااااااااااااااكن هوووون !!

حبيبتي تراتيل انا سويت هالاشعة بنص السادس تقريبا.. اعتقد انج تسوينها وتتوكلين على الله عشان تطمنين حالج وانشالله كل الخير..هي غير عن السونار الرباعي يعني ماراح يبين شكل البيبي حتى لوكنت بالسابع يعني ماله داعي الانتظار راح يبينه مثل العادي توكلي على الله اعتقد ان الاعضاء كاملة الحين وممكن يبين كل المقاسات للاعضاء..

صباح الخير يا حوامل...

شخباركم اليوم؟؟ ان شاء الله بخير...

شكرا بنت البحرين .. اتصلت من شوي بالمستشفى وطلع ان التاريخ اللي عطوني اياه راح يكون دكتور فاجلوه الى الاسبوع الجاي حتى تكون دكتورة ..
بنت البحرين ممكن سؤال ؟؟
انتي في اي مستشفى سويتين الاشعة هذه ؟؟

هلا اختي سويتها بمستشفى التخصصي وانا بعد كان السبت اللي طاف بس رجال اجلتها ليوم الاربعاء كانت دكتورة

مرحباااااااااا حوامل .. عدنا والعود احمد .. شخباركم وشخبار البيبيات ؟؟؟ (f)

رجعت من السفر من يومين .. بس انشغلت شوي ، وكنت ادخل احاول اقرا اخر اخباركم لكن ما يصير عندي وقت ارد ..

بالنسبة عن اخباري فهي الحمد لله تمام .. اليوم كان عندي موعد في المستشفى وكل شي كان اوكى ولله الحمد .
استانسنا في السفر بس الحمل خرب علي اشياء مثل ركوب التلفريك او ركوب الالعاب في الملاهي :sad: وولدي المسكين صاده بو شنيتر " الجدري المائي " تأذى وأذانا هناك .

طبعا انا للحين ما عرفت جنس البيبي واخر مرة سويت التراساوند قبل السفر كان البيبي مسكر ريوله وما عرفت الدكتورة شنو جنسه .. افكر على الشهر الجاي اسوي الالتراساوند الرباعي " الملون " .. وللحين بعد ما اشتريت شي للبيبي ولا جهزت له شي ، في السفر كل ما اشوف شي مال بيبيات واقول بشتريه يقولي زوجي في منه في البحرين ما يحتاج تاخدين شي من هني وتسوين لنا زحمة في الاغراض :angry: :sad:

جمانة اعتقد بترد على نهاية هالاسبوع .. خسارة ما التقيت بها هناك (w)

يالله بنات .. انتوا شخباركم ؟؟ اللي عرفت جنس البيبي ترد بعدي وتقول شنو جنسه وشنو بتسميه .. واللي ابتدت تجهز تقول شنو اخذت وشنو سوت ..

وفي بنات جدد انضموا معانا في الرابطة .. يا هلا ومرحبا فيكم ، منوريييييييييين :shy:


بس ليش التواقيع للحين موقفة :confused:

bride2004:
ام فروحه انتي سويتي تصوير رباعي زوجي يبغيني اسويه انتي شو رايج اذا فيه احد سواه يخبرني

لا والله لم الحين ما سويته كنت ناويه اسويه بعد خمس ايام..بس من كلامكم انه ما يبين خلاص قررت أأجله لاني لم الحين في بداية الخامس..


حياالله كل البنات اليدد اللي انضموا ويانا..و ان شاء الله تفيديون و تستفيدجون :clap:


ماما حسون.. الحمدلله على السلامه..اهم شي ان استانستوا بالسفر :shy:

و سلامته ولدج..شنو تعادى من عيالهم اهناك؟؟

اي تبين الصج احس السفر حق الحامل برايي مو وناسه لان ثقيله و ما تقدر تلعب شي ولا حتى تركب تلفريك او العاب البحر !!

عاد انا احب السفر والله و مع الاسف زوجي عكسي..:confused:

بس لو تكون عنده نية بالسفر..أأجلها لان مو كل سنه تتكرر (n)


بنات احس هالايام..مثل بداية الاشهر النفسية حيييييل متقلبه..قاعده اقول يمكن من الهرمونات!!

يعني مرات بجي بدون سبب!! (w)

يصير معاكم جذي ولا هذي تهيؤات بالنسبه لي!!:qaq:

اهلين ام فرووحة .. الله يسلمج

والله ما ادري عن حسون من وين صاده .. هو من نروح مكان ويشوف يهال راح يلعب معاهم :sad:

وبالنسبة عن النفسية انا بعد نفسيتي احسها هالايام متقلبة .. ومن امس المغرب وانا احس بلوعة وكأني برجع :confused:

انا قريب بدخل هالايام الشهر السادس ان شا الله ، والدكتورة اليوم قالت لي بعد اسبوعين اروح عشان اسوي تحليل السكر وموعدي معاها بيكون بعد 4 اسابيع .. يالله الحمد لله ان التحليل بيكون قبل شهر رمضان :shy:

مساء الخير بنات...:)

كيف حالكم ياحوامل ، ان شالله كلكم بخير والبيبيات شعلومهم...

بغيت انظم لكم..
انا اخر دورة لي كانت في 13-3-2006
موعد الولادةالمتوقع ان شالله في 18 ديسمبر..
هالحين أنا في الشهر الخامس...

مساء الخير بنات...:)

كيف حالكم ياحوامل ، ان شالله كلكم بخير والبيبيات شعلومهم...

بغيت انظم لكم..
انا اخر دورة لي كانت في 13-3-2006
موعد الولادةالمتوقع ان شالله في 18 ديسمبر..
هالحين أنا في الشهر الخامس...

يا هلا وغلا بكل الحوامل...

والف حمد الله على السلامه ماما حسون.... ومايشوف شر ولدج ان شاء الله...

اي والله..النفسيه حدها متقلبه!!

عاد انا اي شي اقوول شكلها الهرمونات اهي السبب !!!


منو فيكم جهزت و قريب تخلص؟؟

هاي بنات
انا حامل فلأول مرة وبالشهر الخامس وهذا اول حمل لي وموعد الولادة المتوقع 21 ديسمبر
مرة خايفة من الولادة لأن الكل يقول ان الأم تشوف الموت اثناء الولادة
ربي يسهل على الجميع
الطبيبة قالت لي اني حامل ببنت ومرة فرحانة لأن خاطري ببنت
وش تقترحو كمية البيجامات اللي اجهزها للبيبي و وش الاشياء اللي تسهل الولادة
بليز دلوني وطمنوني بنات, محتاجة دعمكم

مرحبا بالجميع...

هلا بيكم ينات...تصدقون عاد امس بغيت اموت من الالم في البطن اعلى السرة وماقدرت اواصل طلعت من الدوام على طول المستشفى وسوت لي اشعة والتراساوند وقالت لي ان السبب غازات وحراره متجمعة بالقولون خبركم من حملت وانا ماهديت لا البيبسي ولا الفلفل وعطتني حبوب بيضة اخد 3 مرات باليوم شوي خف الالم لكن امس حسيت اني بولد وانا بالسادس (اسم الله على) عاد واكدت لي الدكتورة هالمرة انها بنوتة

ما تشوفين شر اخت بنت البحرين ..
بالفعل اني بعد احيانا تجيني الام قرب منطقة السر واموت خوف لكن تاخذ فترة وتروح .. ومرة صار هذا الشيء بداية الحمل واخذت زيت الزيتون ومسحت المنطقة وبالفعل الالم خف ..

قوة بنات .. شخباركم مع الحمل ؟؟

بالنسبة عن الم البطن انا ساعات يجيني ومن بداية الحمل .. رحت عن المستشفى مرتين وكان كل شي يطلع اوكى بس يعطوني حبوب بيضا اشربها عند اللزوم لكني ما كنت اشربها :shy:

تعب الحمل قاعد يزيد معاي والثقل كل ماله يزيد اكثر مع ان بطني للحين صغير ومو بارز وايد " بس البيبي الحمد لله حجمه زين " ، البيبي ما شا الله عليه شكله بيطلع اشطن من حسون لان حسون ما كان يتحرك وايد في بطني بس هذا يتحرك وايد وبقوة لدرجة ان حركته تسبب آلام في بطني واحيانا لوعة جبد ..

من رجعت من السفر وزوجي ابتدا يداوم في شغله وانا رجعت لي الكآبة مرة ثانية :sad: حالتي صايرة صعبة ، على طول حاسة بكآبة وملل وضيقة خلق ومالي نفس آكل ووزني مو قاعد يزيد مثل لما كنت حامل بحسون " وهذا احسن شي " والليل يجيني ارق وما اقدر انام الا بعد فترة (w) عقب ما تلوع جبدي من القعدة بروحي لان زوجي وحسون ينامون وانا ما يصير لي خلق حق نت او تلفزيون او حتى اقرأ لي كتاب او رواية ، والمشكلة ان عندنا 3 مناسبات زواج هالشهر في تاريخ 13 ، 18 ، 28 وللحين ما جهزت ولا شي حتى لاقرب حفلة واصلا ما لي نفس اروح اعراس ولا لي نفس حق دوارة سوق وتشري ثياب ونقعة الصالونات وهالسوالف حتى ساعات يجيني شور ان ما اروح هالاعراس مع انهم قراب لي لانهم زواج خالتي وخطوبة بنت خالتي وخطوبة بنت اخت زوجي والعايلة كلها قاعدة تجهز الا انا ما سويت شي . :confused:

في السفر شوي تغيرت نفسيتي وراحت عني الكآبة لكن الحين ردت لي .. ومو عارفة شسوي حتى الجامعة كل ما افكر فيها تلوع جبدي وافكر انسحب هالكورس حق الولادة مرة وحدة ، فكرت اشغل نفسي باني ابتدي اجهز للبيبي لكن زوجي مو مشجعني ويقول تو الناس .. قلت بفكر في نوعية التوزيعات اللي بسويها لكني بسرعة تمللت من الموضوع واجلت التفكير فيه ، صاير ما لي نفس حق اي شي :sad:

في احد مثلي ولا بس انا .. تمللت من الحمل وخاطري اولد من اليوم لاني وايد تعبانه جسميا ونفسيا ، ثقل ولوعة " بحملي الاولي استمرت اللوعة للشهر التاسع والله يستر هالمرة " وكآبة وارق وانسداد الشهية للحين مع ان في حملي بحسون كنت في هالفترة من الحمل آكل زين وشهيتي مفتوحة (w) :angry:

احس الشي الوحيد اللي ممكن يخفف عني اللي انا فيه هو شهر رمضان .. الروتين الرمضاني عجيييب ويبعد الملل ، يا ريت اغمض عين وافتح عين اشوف شهر رمضان قرب والناس ابتدت تجهز له :shy:

احس اني جبت لكم الكآبة بكلامي بس ما عندي غيركم افضفض له خصوصا ان بيت ابوي مسافرين ومعظم صديقاتي بعد وباقي الاهل مثل ما قلتلكم مشغولين بالتجهيز للعرس الجاي اللي بيكون يوم الاحد .. مسامحة :sad:

ما اتشوفين شر حبيبتي بنت البحرين...ولازم اتخلين عنج البيبسي والفلفل ترا موزين لج وللبيبي.... والف مبروك على البنوته....

ياهلا وغلا اختي تراتيل وبالفعل زيت الزيتون وااايد زين...


يا هلا وغلا ماما حسون...واله انا مثلج من ناحية الثقل...كله احس عمري ثقيله وما اقدر امشي عكس حملي بولدي الاول....حتى اليوم رحت المول ومشيت شوي ووايد تعبت لين الحين احس بطني يابس مثل الصخر....

وراي اني اتسيرين اتجهزين حق الحفلات اللي عندكم واتغيرين جو شوي ترا اليمعه حلوه واتشيل عنج الكآبه والضيج...

مرحبا ياحلوات...

وينكم اليوم؟؟ محد دخل الرابطه؟؟

السلام عليكم شلونكم بنات؟؟

بنت البحرين انا رايي من راي القيوانه..ترى البيبسي و عموم المشروبات الغازية موزينه للبيبي تضعف العظام عنده..ديري بالج حبيبتي..


هلا ماما حسون..والله حبيبتي..يمكن قتلكم هالكلام منقبل احس نفسيتي حيل متقلبه و ابجي بدون سبب :(

الله كريم..و الحمدلله هالايام احس اني صرت احسن قمت اغير جو..

و انصحج تغيرين جو عشان تطلعين من الكآبه..


القيوانه شلونج؟؟