رابطة امهات ديسمبر... حيااااااااااااااااكن هوووون !!

انا بس اعرف جنس البيبي بعد 10 ايام ان شاء الله راح ابتدي مباشرة في التجهيز.. خلاص الحين دشينا السادس.. وان شاء الله ربي يتمم علينا بخير

هلا وغلا اختي نور... انا بعد ربيت في ولدي بالثامن وماكنت مجهزه شي بس هالمره باقي لي شوي وبخلص....

هلا اختي جمانه...يا الله ان شاء الله اتعرفين جنس البيبي وتبدين اتجهزين...

السلام عليكم شلونكم بنات :shy:

جمانه الصور وايد حلوه..ماشاء الله عليج جريئة بركوبج للتلفريك..و الحمدلله ان مافي الا كل خير..:smile:

الحين تخلين ماما حسوون تتحسسسسسسسف لانها ما اركبت..بس تدرين لو اني بنفس الموقف بسوي نفسها ما اركب مع اني جريئه و احب اركب الالعاب الخطره لكن بالحمل ما اقدر اجازف :cool:




تراتيل حبيبتي سلامات..و ان شاء الله تكون نور فادتج :)


هلا القيوانه..انا الحمدلله انتي شخبارج؟؟:shy:

اي والله انا خايفه يصير فيني مثلكم ان اولد مبجر و انا ماجهزت..و مو بس جذي.. الدوامات قربت و ما اظن بيكون فيني حيل اداوم و افتر بالسوق..

فدام ان الحين عطله و الحمدلله نقدر نمشي بعد ما ثقلنا..فانصح الكل يجهز عشان ترتاحون بعدها..




جمانه انتي الحين بالسادس يعني واضح البيبي شنو ما اتوقع بيكون فيج صبر لي ذاك الوقت عشان تعرفين جنسه؟؟:bigsmile:

روحي باجر الصبح و بشرينا

هلا بنات شلونكم..
الاخت جمانة مشالله الصور حلوين عليج بالعافية..

بنات انا نهاية الشهر عندي موعد الثاني حق ابرة اخدتها قبل شهر تقريبا وهذى الثانية اعتقد اسمها النرزاز او شي يشابه هالاسم ..الا بسألكم حد منكم ياخدها او اخدها؟؟؟؟؟؟ والا بس انا؟؟

وبالنسبة للحبوب انا اخد الكالسيوم 600 جرام ازل مرة كتبت لي مرة باليوم ويوم كمل كتبت مرتين باليوم وقبلها من زمان قالت لي مرة هو جم مرة باليوم لازم ناخدها مع العلم اني ماواطنت الحليب ومشتقاته من حملت لين الحين..


اعتقد اني راح ادش السابع جريب لاني بالضبط الحين 24 اسبوع متشوقة حيللللللللللل ابغي اجوف بنتي..

الا بنات باخد رايكم بمسأله انا ولاتي مثل منتو عارفين بديسمبر بدايته وهذا اول حمل وكنا ناوين اذا الله ماككتب وحملت هالسنة راح اروح الحج انا وزوجي بس الحمدلله الله كتب بس الحين مستحيل اقدر اروح وزوجي بعد غير رايه لانه لازم نروح مع بعض قال خلها للسنة الجاية انشالله وشلون يهدني وانا توني والدة واذا راح هالسنة صعبة السنة الجاية نروح اثنينا فشال الفكرة من باله ..

المهم انه الحين شغله يبون يطرشونه كروس في قطر تقربا شقر ونص من بداية 11 الى نص ديسمبر يعني وقت الولادة وانا اقول له رفضه بس هذا فيه مصلحة وترقية له بالدوام وهو بعد يقول شلون تولدين ومااجوف بنتي يعني هو يقدر يوم ولادتي يجي ويروح كلها نص ساعة الطيارة بس انا مو متخيلة انه مو وياي وهو بعد اثنينا نتحيرين بيتنا واهله يقولون له روح احنا بنتحمل فيها بس اكيد غيرر اذا زوجج معاج خاصة انه اول بيبي محتارة وايد.

[CELL="filter:;"][ALIGN=center]السلاااااااااام عليكم يابنووووتات يا أمهاااااااات ديسمبر :salam:

هذي أول مشاركة لي في المنتدى وطبعا حالي حالكم حامل في الاسبوع 21 يعني نهاية الخامس وموعد ولادتي تاريخ 23/12/2006 :shy: آخر دورة كانت تاريخ 17 /3 /2006 :gum:

وانشالله بكوووووووون متواصلة معاكم لين موعد ولادتي مو مثل غيري كم يوم وقطع :angry:

وووووووووووووووووووبس.......[/CELL]

اهلا كنده شخبارج وحشتينا :shy:

و سلامات..شلون انتقلتلج العدوى مني و انا بديره و انتي بديره !!!!! هههه

لا خلاص بنفرفش ان شاء الله..فعلا يتني حاله الايام اللي فاتت الله لا يعودها ان شاء الله..

بس الحين قمت اغير جو و اطلع اروح اشتري حق البيبي انا وياه و مرات بروحي ( صج التسوق حق البيبي ينسيج كلشي )

عاد اليوم اخوي يسالني ايهو اكثر متعه بالنسبه لج انج تشترين للبيبي ملابس جديده ولا تشترين لنفسج؟؟؟

اتصدقون احترت بالاجابة ههههه بس حسيت ان لم اشتري حق البيبي احلى ما ادري ليش!!


يله نفس السؤال موجه لكممممم :shy:


كنده صح اشتري الوان محايده خصوصا الحين تنزيلات..لا تفوتين الفرصه..

اليوم صار عندنا تنزيلات مذركير ماشاء الله رحت الظهر حزة الغدا و زحمه!!!!!! هههههههه

حسيت ان لم الليل كلشي بيطير..

فقمت شريت وايد اشياء خصوصا بجامات نيو بيبي و من 0-3 و ملابس داخليه للبيبي..

صار عندكم تنزيلات بمذركير ولا بعد؟؟

اذا صار انصحكم اشتروا لو الوان محايده للي ما عرفت جنس البيبي..

و سؤالي نفس سؤالج كنده..هل تلبسون ملابس البيبي الاول للثاني ولا لا؟؟




بنت البحرين شلونج حبيبتي؟؟

انا ما خذيت الابره اللي تقولين عنها..يعني انتي من اول مارحتي لدكتورتج قالتلج ان راح تعطيج اياها؟؟؟


اتصدقين انا دكتورتي ما تقولي شي الا لم اسالها!!!!!

و بالنسبة لموضوع سفر زوجج بصراحه وايد محير..

يعني صج صعبه يروح خصوصا انج بجر..

و بنفس الوقت حسافه تروح عليه الترقية!!

بس برايي..و لو انا مكانج..اذا عندي احد اعتمد عليه 100% و بيوقف وياي و بيكون معاي خطوه بخطوه..مثل امج-خواتج-اخوانج الخخ..

ممكن اخليه يروح و ايني قبل الولاده يوم يومين و يرجع شغله..

و اهم شي استخيري انتي وياه و ربي يكتب اللي فيه الخير لكم :)



اهلا قطر غيرل..ان شاء الله انشوفج دوم معانا :)

جمـــانة:
يا هلا فيك اخت احلى لورا.. وجذذي تكونين حطمتي الرقم القياسي.. معظم الرابطة امهات اول مرة او ثاني مرة... يا هلا بالخبرة والله يتمم لك الحمل بكل خير.

هلا والله اختي جمانه ممكن طلب اول شي دقي على الخشب >>>> امزح خخخخخخ

بس كنت بقولك شي :sad:

<<< صغيرة لا يغركم انها بتجيب الثالث اهئ اهئ

تسلمين اختي على الموضووع يعطيك الف عافيه

هلا بنات شلونكم شخباركم ؟ ان شاء الله زنيين

أمس كان عندي موعد تلفزيون وأكدوا ان فيني ولد معنا كان خاطري في بنوته بس الحمدالله هاي البجر فمايفرق اهم شي صاحي

وآنه الحين لي 24 اسبوع يعني جم شهر ايكون؟


وبنات باولكم كل مرة آروح حق تلفزيون ايقولون انه المشيمة عندي نازلة وأمس الدكتورة اتقول انه وايد نازلة يعني بينها وبين عنق الرحم بس 1سم
فهل تعتقدون انه راح ترتفع؟ طمنوني وايييد خايفة

مرحباااااااااااااااااا بنــــات

أم فرووووحة شحالج؟ ومشكورة على الترحيب.... تدرين ان مذركير من زمان مسوي تنزيلات وكل شي مخلص وباقي بس الكجره وكم قطعه حلوة انا اخذت منه فوط للبيبي وكم طقم والباقي كل من بيبي شوب.
نـــــواري

الصراحة ماعرف بسوالف الحمل وايد لاني بكر غير اللي مريت فيه من نساااااااااااه متعبه بس اعتقد لو مب زين جان قالت لج الدكتورة شتسوين وأمي كل تقول لي انسدحي وارفعي ريلج والكل يقول نفس الكلام لان هالحركة وايد زينه والله يسهل عليج وعلينا.
بنت البحرين

توكلي على الله فديتج وخلي زوجج يروح دورته وكلها نص ساعه بين البحرين وقطر يعني أي وقت يقدر يجيج وحرام تروح عليه الترقيه والله امي جابت 2 من اخواني وابوي كان في بريطانيا ولا قالت له تعال أهم شي مستقبلكم وانتي ماشالله عليج عندج اهلج واهله اذا ماخاب ظني وانشالله ماتطلعين من الولاده الا وهو واقف على راسج


والله يعطيكم العافييييييه

مشكورة اختي قطر جيرل بنفكر انشالله بالموضوع جدي لانه انا جدي جداك شهرين بقعد عند اهلي بعد الولادة

الاخت نواريا تحملي بروحج وعلقر ريولج عالاقل نص ساعة باليوم لانه سمعت مب زين

بنات محد رد علي عن الابر والله نسيت اسمها يمكن السساز مب مذكرة

مراحب بنات..

بنت البحرين هذي ابرة الكزاز .. وعلى ما اتذكر اني تكلمت عنها في هالرابطة من قبل..

وهي ابرة منشطة للجرعات التطعيمية اللي خذيتيها في الطفولة.. وتاخذيها بس مرة وحدة في اول حمل.. وبعدين خلاص تصير عندج حصانة مدى الحياة.. انا خذيتها بحملي الاولي وبهالحمل ما خذيت شيء..

والله يوفقكم انتي وزوجج وتتوصلون لقرار ترتاحون انتوا الاثنين به..
[line]

بنت قطر يا هلا ومرحبا فيج اختي.. نورت ويانا.. وحياج سولفي براحتج وكتبي كل اللي خاطرج فيه وكل اللي تحسينه يوم بيوم..
مسامحة كنت مشغولة شوي اليومين اللي فاتوا بالركن وامور اخرى وما قدرت ارحب فيج.. اطلب منج السموحة..

[line]

نواري الف مبروك على الولد.. الحين انتي بس وشقورة اللي عندكم اولاد.. والباقين كلهم بنات بسم الله ما شاء الله على البنات... اشوى على الاقل عن لا يصير ولد شقورة بروحه هههههههه
انتي الحين بالسادس اختي.. نصه..

اختي اذا كنتي تشتغلين اخذي اجازة ضروري لمدة اسبوعين وارتاحي فيها مثل الايام الاولى للحمل.. كله نامي على ظهرج وورفعي ريلج فوق موسدة او مسند رفيع.. نزول المشيمة شيء خير ويمكن لا سمح الله يسبب لج ولادة مبكرة او عملية قيصيرية... تحملي بروحج اكثر واكثر..
[line]

ههههههههههه احلى لورا دق ودقينا وصلاة على النبي وصلينا عن لا يصيبج شيء ..
اتمنى تتواصلين معانا اكثر واكثر.. وما عليج منا احنا بالرابطة معظمنا فريخات ههههه

[line]
ام فرووحه الله يبعد عنكم الهموم انتي وكندة..

زين زين عاد لا تدزين بروح اسوي ال home work اللي كلفيتيني فيه وانا مسافرة اهئ اهئ اش هالحالة ما ارجع ديرتي الا جزاء علي ههههههه

[line]
ماما حسون المختفية.. وينها؟؟؟؟؟

اهلا بنات شلونكم :)


ههههههههه جمانه ضحكتيني.. اي بدزج و بقرصج اذا ماسويتي الهوم وورك..و اذا تأخرتي بوقفج ورا ترفعين ايدج مع ريل وحده

هههههههههههه << صج مدرسة



هلا بنت البحرين..حبيبتي رديت عليج بخصوص الابره و بخصوص موضوعكم :)



اهلا قطر غيرل.. العفو يا الغاليه :)

اتصدقين احنا بس امس اللي سووا تنزيلات في مذركير..!! الظاهر انتوا بقطر سابقينا..اما بيبي شوب فمع الاسف ماعندنا اهني بالكويت :( شوقتوني له من كثر ماتسولفون عنه :)

nawaray

4/12/2006






جمانة

ghada2

bentel ba7rain

5/12/ 2006






ليتك معي

شيخة البيت

6/12/2006






شقوره7/12/2006


nooooooooooooooor
11/12/2006



ماما حسون
أم نوووره
صمت الامل

12/12/2006











القيوانيه

16/12/2006


bride2004

17/12/2006



jay

18/12/2006



الموناليزا

19/12/2006


soosoo googoo
21/12/2006



omtalal

22/12/2006



Qtr Girl
23/12/2006


كنده 88

24/12/2006






سحابة حب

27/12/2006






eng-nona

29/12/2006






أم فرووحة

30/12/2006
ختامها مسك مع ام فروووحه الدلوعة :D


بنات ترا البعض لونت اسمه على الذاكرة.. وتعرفون ذاكرتي ترا كلش ما تسّعي.. فصححوا لي هااااااا

واللي ما لونت اسمها واهي تعرف جنس البيبي تقول عشان اللست الجديد نضيفها ونلون اسمها :)

دووووووووووووم الضحكه اخت جمانه مو يووم

اقول بنات اليوم كان عندي موعد في المستشفى وماصدقت اشوف الطبيبه الا وقمت اتشكى يادكتوره عندي وعندي >>> صارت مثل العجاايز هع هع

المهم قالتلي انتي حاسه هذي الاشيااء عشاان البيبي صار يسحب منك كل احتياجته ووصتني اني اتغذى كويس واعطتني فيتامينات وقالتلي اشوفك في الموعد الجااي
وبس وطلعت من عندها وسيدا على ابيت ادور الفراش هع هع

ابشركم بناااااااااات <<<< مستانسة من قدها :D



طلع لي 3 خطوط جديدة في بطني !!!!!!!!!!!!!


هذا وانا اللي كل يوم ارطب بزيت الزيتون ومستحملة الريحة وعدام الثياب :D

مدري على وش مستانسة... اولردي بطني خراب خراب !!

بس بطني قاعد يكبر بصورة ملحوظة يوم عن يوم...

من الحين ما اقدر البس غير الجلابيات ... والقعدة عندي تنيم رجايلي... واذا مسدوحة اموت ولا اقدر اقوم من سدحتي بسهالة !!!!!

انتو مثلي بنات ولا للحين عادي عندكم الحركة؟؟

هلا اختي احلى لورا عيوني احولت و لا شفت تاريخ ولادتج اذا ما عليج امر كتبيه عشان اعدل القائمة بسرعة ...

واذا تعرفين جنس البيببي كتبيه بعد؟

قووووووووووووووووة يا احلى امهات :shy:

جمانـــــــــــــة

ميرسي أووووي أووووي على أحلى ترحيب :flower: بس ليشششش ماحطيتي موعد ولادتي مع البناااااات؟ :cry:
وعلى سالفة الخطوط والتشققات انا كلش ماطلع لي ولانتفة خط مع اني ماحطت ولانقطة زيت او كريم يمكن عشان بطني واااايد صغير واصلا ولاجني حامل بطني مصفوق وانشالله يارب ماتطلع لي خطوط وتشققات عشان ماتحطم :sad: بس صج الحركة صارت صعبه واحس اني ثقيله مادري على شنو يمكن عشان انا حاطه في بالي اني حامل والحامل تثقل يمكن <<<<<<<<< الاخت عايشة الدور :gum:

تيب اختي جماانه غالي والطلب رخيص

انا اخر دوره جاتني في 21 _3 _2006

وولادتي بإذن الله في 26 _12 _2006

اما جنس البيبي ماعندي علم بيه بس انا نفسي يكون بنوته

وتسلمين ياغلاتي على الاهتماام لاهنت

اختي بنت قطر ضفتج قبل لا تحطين الرد.. سامحيني الغالية...

اختي احلى لورا.. جاري الاضافة :)