ملتقى الرشيقات اليومي... وين صرتي اليوم؟ شاركينا مشاعرك..

شام حاولي تشغلين نفسج بالرياضه واذا كنتي مسويه رياضه اشغلي نفسج بالقرايه او بالنت بعيد عن الاكل والحلويات
ولاتفكرين انج قاعد تسوين رجيم عشان ماتفكرين بالاكل
وشدي حيلج وشوفي البنات اللي ضعفو مو احسن منج :up:<=======عشان اشجعج

وانا معاج كل يوم حبيبتي عشان توصلين للوزن اللي تبينه وبشجعج على طوووول:clap:

اوكي

بنات لازم نشجع بعض وكل وحده تشجع الثانيه

وشدو حيلكم يابنوتات:smile:

ماتشوفين شر اختنا ام قوقو

ويالا يا فئة اكبر تحدي شدو حيلكم وانا معاكم

لاني من انقص كيلو على اخر الاسبوع لازم اخربط في الاكل ويوم الثاني اشوف وزني رجع

لانه صار وزني 98 وعلى الاربعاء والخميس خربطت في الاكل والجمعه اشوف وزني وصل 100

ماادري شو فيني وزني مب راضي ينزل

يمكن لاني ابد مااسوي اي مجهود حركي وبس تخفيف من الاكل

ان شاء الله الاسبوع الجاي اشترك في النادي

ومع السلامه

نووسه شدي حيلج والرياضه اهم شي صدقيني

وانشالله توصللين حق الوزن اللي تبينه

حبيباتي الأخوات
أنا اليوم أول مرة أفتح هل الموضوع ومن سوء حظي طبعا أني تأخرت
وحابة أن ألتحق بكم وأباشر بأذن الله
وزني 78
المطلوب أنقاص 28 كيلو أن شاء الله ,طبعا بعد الولادة الرشاقة ضرورية
ولدت قبل 3 شهور قيصرية ورزقني الله بولد أسميته يمان هو طفلي الثاني الكبير محمد عمره سنتان
وسألتقيكم يوم الجمعة القادمة وبخبركم عن حالي
وأشكرك عزيزتي أم قوقو
وتحياتي لأخت نبراس

هلا فيج اختي عتوك
انشالله توصلين للوزن اللي تبينه
والله يخليلج محمد ويمان انشالله

كيفكم يابنات 0000000000000000000000000000000000 مشاالله عليكم شادات حيلكم000000000 الله يساعدنا00 ومبروك للي نقص وزنهم 00 بنات ماصدقت لما شفت وزني انبسطت ((((( وزني 71)))))))))))) من امس باديه بلرجيم لاكن لماوزنت لقيت نفسي نازله حيل لان من زمان ماوزنت ويمكن من الحركه والشغل لاني كنت مره ناقله هم السكن والحمدالله استقريت 0 وبصراحه لماشفت وزني كذا تحمست اكثر 0000000000000000000000000000000 انشاالله ننحف يابنات 00

السلام عليكم

كيف حالكم يا بنات

يعطيكم العافيه

فرحت لكم كثير و الله

الف مبرووك للي نقصوا و عقبال الباقين

كملوا و باذن الله راح تنبسطون في حياتكم للابد من النتائج

اللي راح تشوفونها

بالتوفيق

الف هلا ب ام القوقو الغاليه
يلا شجعينا تراك انتي الوحيده اللي تقدر تزيد حماسنا وتخلينا نواصل


اخت عتوك هلا فيك معانا
لامتأخرة ولا شي
الف حمدالله على سلامتك والله يخلي لك العيال

ام خالد الف مبروك على الكويلو اللي نزلتيها

هدي التعديلات على الفئات

الفئه الثانيه فئة وداعا للاكس لارج من 89_75
لازم تخسرون 8كيلو

ام خالد انتقلت الى فئه ثانيه لان وزنها وصل الى71 الف مبروك

المتسابقات
غرشوب 80_70
سمورة 76_60
نونيه 75_48
اسماء سامي 87_60
سموره76_60
فيوليت78_55
بسمه 86_60
وانضمت لهم الاخت عتوك 78_50

الفئه الثالثه فئة الطريق الى الرشاقه من 74_65
لازم تخسرون 7كيلو
المتسابقات
بيان 69_59
طنطاويه74_64
دلع راك 70_55
مخطوبه رايقه65_54
عيالي عمري 68_55
الليدي شما 70_60
مرامي 66_60

وانضمت لهم ام خالد 71_58

شام حبيبتي روحي السوبر ماركت
وخدي لك الكاكاو الصغيرة اللي حجمها مثل جواهر جالكسي
ولما يجي نفسك في الحلا كلي قطعه واحده فقط
جربي هده الطريقه انشاء الله تستفيدين عليها
بالتوفيق

هلا ام القوقو مشتاقيل شو اخبارك ان شاء الله بخير نريد منكي ان تشجعينا محتاجين الى تشجيعج

هلا بنات حياكم الله كيفكم شدو حيلكم ولتضعفون جدا اي شي


اوكي:up::up::up::up::up::up:

بنات مدرررررررررررري اشفيني
ارداتي صاير من سيئ الى اسوء
وررربي
سااااااعدوووووووووووووووووووني

شكرا لكي اختي نبراس الشرقيه 0000000على اهتمامك فينا 00000000انا انبسطت لما شفت التغير واتحمست اكثر 00عقبال البنات كلهم 00000000000000000000000000000000000000000000000000 ((((((( ام القوقو هلا بك يالغاليه الله يهون عليكي يارب ويساعدك 00000000000000000000)))))))))) اختي بيض الصعو شيدي حيلك

السلام عليكم ورحمه الله

كيف حال احلى بنات

الف مبرووووووك لكل اللي نزلوا ما شاء الله

فعلا انجاز عظيــــــــــــــم كل وحده لازم تفتخر بنفسها

انها انجزت شي مو كل الناس يقدرون عليه

بعون الله اولا ثم بارادتها و عزيمتها القويه

و انا متأكده انه من احلى المشاعر اللي ممكن تحس فيها اي انسانه

هي انها تنتقل من فئة الى فئه ثانيه يعني قفزة كبيره ما شاء الله

و معناته انها قرررربت كثير من الجسم الرشيق الحلو من دون اي كرش او

بلكونات طالعه من يمين و من يسار خلاص جسم حلو يعني

شكلك حلوو حلوو

انتي تشوفين نفسك حلوة

و كل من شافك علق على رشاقتك

الملابس راح تبان موديلاتها الحلوة على الاجسام الحلوة

يطلع الخصر الجميل و يبان التقسيم الانثوي الرائع

ما فيه تردد و انتي تبغين تشترين اي تي شرت او بلوزه و لا فيه

تفكير كيف بتطلع باللبس لان جسمك اذا وصلتي للهدف راح يكون

مناسب و حلو باي لبس يعني انسي الوقفه قدام المرايه

و تغيير اللبس مليون الف مره هذا مطلعني سمينه و هذا ضاغط من هنا

لا لا لا لا لا لا لا خلاص

فيه شيلي اللبس و البسي بكل ثقة و من دون ما تشوفين

المرايه و لو حصل انك القيت نظره يمكن تقعدين نصف ساعه و انتي تدورين

مو مصدقه كيف طالعه كيوت و حلوة و مبسوووطه من نفسك

اهم شي اهم شي انك تكملين لحد ما توصلين

لانك لو جربت حلاوة ذاك الاحساس ما بترضين ترجعين للعذاب و السمنه مره ثانيه

و لا راح تتعبين..............

سامحووني على غيابي و تقصيري في حقكم

هلا يالغاليه 000000ام القوقو 000 معذوره ياحبيبتي بس انتي طمنينا عنك الحين 00 والله كلامك يشجع كثير 000000000000000000وانا احس اني مره ينقص ومره يرتفع وزني 000 شكلي من النو عيه الي بسرعه ينحفون وبسرعه يسمنون 000000000000 هاه بنات وش اخباركم 00000000000000000كيف الرشاقه معاكم 0000

هلا بنات باركولي نقصت كيلو وان شاء الله الباقي يارب بتشجيع منك ان شاء الله اخسر الباقي

بس انا كنت امسويه رجيم النشويات وهو ماعجبني راح اغيره اليو واسوي رجيم جربته وبل الاسبوع نقص 3 كيلو راح ارجعله اليوم باذن الله تعالى



ومشكوره يا ام القوقو على كلامج الحلو وتشجيعج معانا والله يعين حبيبتي



بنات محتاجه تشجيعكم معايه والله يوفق الجميع

باسمه الف مبرك حبيبتي وبالتوفيق
اهلا ام القوقو
شوفي وانا اقراء الكلام اللي كتبتيه قاعده اتخيل نفسي واهم شي بدون كرش او بلكونات
عجبتني كلمة بلكونات انا وخواتي نسميه تضاريس ههههههههههه
والله والله يا او القوقو ان كلامك يشجعني ويقنعني
عندك قدرة على الاقناع لا اله الا الله ما شاء الله
ادعي لنا
بالتوفيق للجميع

مشكوووووره ام القوقو صج كلامج شجعني لانه اليوم مالي خلق امشي
وكنت ابي اكل كاكاوات لاني مليت:sad:
بس انشالله بستمر واضعف