سوالف تجهيزات بنات قطر..عرايس2006

هههههههه دلوعه .. خلاص بعتمد عليج ف المستقبل :$

آمين مشكورة ع الدعوه الحلوه ..

===

الحلم الهاديء ..

انوار اوكي ع خبري بس يوم يطلعون العروس والمعرس تشل الطيران وتغني ع كيفها الي هي تبيه وتسفه الطلبات..يعني لازم الواحد يوصيها ..

نديبه بعد اوكي بس من الاغاني الي ف النت يعني ماشفتها في عرس قريب ..

اما سارة والاسعار ماعندي فكره ..

= )

من عيووووووووني
كم روح قطر عندي؟؟
واصلا رفيجتي من الحين معتمده علي


دوحانيه ممكن رقم سميره
رفيجتي تبيها

مشكوره روح قطر :) ..واذا حد من البنات عندها فكره عن الاسعار ياليت تخبروني

الله يتمم علينا بالخير والسعاده يارب لنا كلنا العرايس
ويرزق البنات كلهم

بالنسبه لي انا الحمدلله خلصت كل شي بس باقي لي الترتيبات الاخيره و بروفات فستان العرس خيطته عند الفراشه و ابغي اخذ لي صندل حلو يكون سكري مب عارفه من وين اخذه دورت مالقيت شي عجبني بصراحه

بالنسبه للبطاقات انا حجزت بطايقي من الامارات عند الرهونجي

اما الفرقه بصراحه اهل زوجي هم اللي اختارو ماحبيت اعترض على الفرقه مع ان خواتي مب عاجبتهم غاليه بس شاسوي استحي اقول لهم مانبغيها .


تدرون بعد شايله هم غير العرس هو البيت انا بسكن في بيت مستقل بروحي وقاعده اجهز واختار العفش بصراحه حسيت بتعب وعوار راس مب عارفه شاسوي

وتحياتي لكم بصراحه سوالفكم حلوه

الموناليزا...الله يتمم لج على خير حبيبتي..موفقة انشاء الله

فرقة غاليه زينه والا لا؟...وماتعرفين كم تاخذ؟.......وبالنسبة لبطاقات الرهونجي..ممكن تطرشين لي رقمهم على الخاص؟ وشكثر كلفتج بطاقتج؟ وشنهو ديزاينها؟ وشلون مواعيد التسليم؟...انا عرسي في شهر 3 باذن الله..وزوجي بيروح دبي في نص1 ..وممكن اخليها يحجز من هناك اذا عجبنا شىء بس هل بيسلمونا البطاقات بدون تاخير؟ والا لا؟ بس حابه اعرف عن مواعيد التسليم ..وعشان جذيه ابي اعرف نوعية بطاقتج لانه اكيد بيعتمد على الشغل اللي فيها.

سندرتج :) سوري بس ابي معلومات

شخباركم يابنات والله وحشتوني
تدرون شنو سويت اليوم قعدت عدلت دفتري ورتبته عدل يمعت لستة كل من كلاسيك ودوحانيه واللستة اللي حطتها دلوعة قطر وسويت دفتر مرتب بس باقي لي شوي واكلمه بس قلت اول شي اطمن عليكم وعلى تجهيزاتكم

اختي الحلم الهادىء بالنسبه حق البطاقات رفيجتي تقول اخوها سوى البطاقه مالت الحريم في الامارات على 4 دراهم وبطاقة الريايل على 3 دراهم
واهما شافوا نفس بطاقة اختها اهيه مسويتها اهنيه وفي الامارات كانت ب4 دراهم واهنيه سواها اعتقد 10 مااذكر كم بالضبط
وبالنسبه حق اسامي المحلات بسألها وبرد عليج

ترى البطاقات ارخص في الامارات انا بعد افكر اسويهم هناك اذا صار لي

اللي تعالوا دوحانيه وخطيبة الغالي وكلاسيك مالهم ذاكره وينهم ؟؟
ترى

دلوعه قطريه مب مشكله ان شاء الله نشوفج عروس انتي وروح قطر بس انتو قالوا آمين


طالبتكم في مهمه اذا ماعليكم امر
اشرايكم تكتبون لنا عن تجهيزات خواتكم او قرايبكم اللي متزوجات عشان نتعلم منهم ونستفيد
يعني عن تجهيزاتهم مكياجهم كان عند مين واشلون طلع فساتينهم وين صمموها والكوشه والطاولات من وين خذوها والتصوير أي محل وهل هم يمدحونه او لا عشان نستفيد وشنو الاشياء اللي سووها وندموا انهم سواها وشنو الاشيه اللي سواها وطلعت اوكي
يعني كلشي يخص العرس
وسوري ادري بأذيكم وايد بس ادري اجازه وفاضين قلت خله نشغلكم شوي(هههههههههههه)
اتغشمر
وان شاء الله بتحصلون الاجر من ورانا صدقوني


ادري اهذر وايد اليوم صح

بنات اللي ادور طقم للحمام(الله يعزكم) اللي شفت في زون سنتر عن اللي يبيع الشراشف

هلا بنات شخباااركم

الف الف مبروك خطيبه الغالي الحمدالله افتكيتي وان شاءالله يوم تتخرجين وزين انج خليتي الخطوبه بالبيت والله افضل

دوحانيه ان شاءالله يارب تتخرجين هالكورس وتتفتكين يارب اللهم امين

دلوووعه قطريه انا انا ههههههههه اللي سئلتج عن اللون البنفسجي لان بسوي عرسي بنفسجي وبعد العيد بجهز للقاعه فاتمني اذا ماعليج كلافه تسئلينها عن الكوشه والطاولات

كلاسيك رحت عرس من اهلنا شهر 11 وكانوا جايبين اون لاين تصوير وفيديو ودي جي وكل شي والله عجبني واحسهم ارخص لكن تعاملهم حلو وبالفيديو من شاشه كانت البنت طالعه ناعمه بس ماادري ليش ماعجبني الفيديو ؟؟؟؟مع اني فكرت احجز عندهم

اشرايكم محتارة بينهم وبين مريم الفلبينيه

وشتقصدين انهم تبع كريستال مافهمت؟؟؟؟؟


اشلونج المواليزا من زمان ماشفت مشاركاتك

الحلم الهادي انوار تاخذ 3000 وسمعت من ناس تاخذ 5000 بس انا حجزتها وقالت 3000 بس لحتي اللحين ماسلمتها العربون انشغلت خلال هالايام بسلمها وتراااه ربشه صدقيني انا مااخترتها الا عقب حيرة ورحت لها 8 عروس وبس استقريت عليها

لان اهم شي عندي بالعرس المكياج والطق بالدرجه الاولى اما الباقي مايهمني

البطاقات صدقوني بنات اخرتها بزباله الله يعزكم سوهوم عاااديين كلش واهتموا بترتيبات القاعه اهم

عن نفسي بسويهم عاادين كلش مشابه لبطاقه رياييل

نسيت اقولكم جوتي العرس الله يعزكم شريته ب150 من سوق الجبر طابق ثااني عندهم تشكيلات حلوة وناعمه تصللح للعروس انتوا دوروا وبتلقون نسيت اسم محل والا كان كتبته لكم وعندهم سكري وابيض وابيض على سكري وفيهم لمعه خفيفه

بصراحة المكياج
مكياج امنه اوكيه لانه ناعم ويبين للتصوير
شريفة اووووفر

الكوش والتجهيز للطاولات مافي احسن من لاروز اللي بالسد ورا سبلاش

البطاقات من البنفسج او من الامارات

فدييتج دلووعه ماتقصرين والله .. وآمين خواتي تسلمون فديتكم .. ^.^

أحلام صغيره بالعكس مافيها تعب احنا خوات ..

شوفي أنا مو خبرة بالتجهيز وجي بس اخر الاعراس الي رحتها وكانو يقربون لي المكياج يا يكون سعاد البلوشي .. وتعرفين ستايلها السمووك الناعم .. أو يكون عبير ساعات الالوان والكحل المفتوح .. تعرفين ستايل عبير .. بس في اخر عرس كانت محاوله تسوي للعروس الميك اب ناعم شوي وكان وردي واسود ..

اي صح بنات .. البنفسجي والذهبي يطلع حلووو مع الاضاءه .. شفت هالالوان وكان مسويها ماسيس .. بس عاد مو أي درجة بنفسجي ..

والتصوير احلى شي كرستال احس عادي لو خسرتو ع التصوير لانه واايد مهم ..

والفستان في محل ف السد اسمه لابوم وحده سوت عنده فستانها وطلع مو حلو .. مادري انا ماعجبني .. حتى قياسه حسيته مو اوكي عليها ..

بس = )

وان تذكرت شي بقوول .. ^.^

مشكوره روح قطر على المعلومات
فراشه شكرا على مرورج ونصايحج

تدرون بنات الدفتر مو راضي يخلص الاشياء الثانويه والتافه احسها وايد مليت وانا اكتب

انزين اشرايكم في ألوان الخليج اوكي او لا؟

وفي شي مهم واااااااااااااااايد انتبهوا له


وانتوا عالكوشه
ومحد يمكم
والكل يطالع ويبتسم
يمكن وحده منكم تتوهق وتذكر شي
او تبي شي مهم
او تذكرت شي
لان العروس وهي عالكوشه وايد يحلى لها تتذكر اللي ناسيته خخخخخخخخخ
مابتقدرون تنادون حد ولا تصارخون ولا بيبين في التصوير

حلوة الحركة عجبتني باتفق ويا اختي ( مسكينه هل الاخت بتعاني :) )

وبعد الاغنيه اللي تطلعون عليها مهمه
عندكم اغنية عبدالرب ادريس ليله
حلوه وااااااايد

هل الاغنية احبها وايد بعد في اغنية اسمها امل عمري حق اسماعيل , من اسماعيل ذيه احد يسالني لقيته وانا ادور في الزفات اعتقد تصلح حق وقت الطلعة او لما يدخل المعرس بس انا عرسي مب دي جي , شلون انسق مع الطقاقات يحطون لي الاغاني اللي ابيها ؟


احلام صغيرة الله يبارك فيك الفال لج ان شاء الله
وذكرج الله بالشهادة ذاك اليوم قبل لا ارقد قاعدة افكر شناسية وتذكرت لبس الصلاة :) بس بعد نسيت احطه بالسته وباقي الاغراض بعد ناسيتهم

مشكورة دلوعة قطرية على اللسته
الحلم الهادىء
امممممممم البطاقات ما اعرف بس سمعت عن الرنجونهي والبنفسج وفي بعد شركة ليش ما تسالين بنات الامارات
بس ترى فعلا وايد وايد ارخص البطاقات من هنيه انا ما انصح اي حد يسوي بطاقاتهم هنيه ..


الموناليزا
الله يتمم عليج ويوفقك ان شاء الله

أحلام صغيرة
سالت عنج العافية .. امس اختي مخلصة امتحانات فالعيلة مجتمعة عندنا :)

اخر عرس رحته وكان يعز علي وحدة من اهلنا : سوت مكياجهم كان عند مين:
عبير بس ما عجبني وايد
واشلون طلع فساتينهم وين صمموها: الفستان روعة وناعم وايد سوته عند الفراشة
والكوشه والطاولات من وين خذوها: امسيتي .. عجبني تنسيق الطاولات بس الكوشة مب وايد
والتصوير أي محل وهل هم يمدحونه او لا: التصوير وتوابعة كله من كريستال
وشنو الاشياء اللي سووها وندموا انهم سواها وشنو الاشيه اللي سواها وطلعت اوكي
يعني كلشي يخص العرس: امممممممممم البنت انصدمت بالكوشة :( تقول غير اللي بغتها بس انا شفتها مب سيئة لهل الدرجة
الطقاقات خربوا العرس :( كان طقهم لوعة بس الاشياء الباقية اوكي تقريبا

هاي بنوتات
الحلم الهادئ
امييييين عشان اشارك معاكم صج بالقسم
ومشكوووووره على رقم سميره

عروس الدوحه سئلتها امس
قالت الكوشه وكل شي من ماسيس

كلاسيك
العفو الغاليه واحنا بالخدمه


خطيبة الغالي
ويييييييييينج؟ مكانج يبين

مشكوووورة دلوعه بس معليش ازعجتك ماقالت لج كم كلفها كل شي لان ماسيس غاللللللللللللللللللي

لا فديتج عادي خذي راحتج
ماذكر والله اظن امس قالت 40 الف
عاد مادري تقصد الكوشه والطاولات ولا الكوشه بس
واذا تبين مكان اوكي وباسعار حلوه روحي اكستوتيكا اللي فالنصر
عند عياد الدوحه وكلر نوت
بهالصفه ( وحده ماتعرف تدل)
يصمم لج كوشات حلوه حسب الطلب واسعارهم اوكي
واذكر وحده بالمنتدى قالت من قبل انها سوت عنده ب 27 الف الطاولات والكوشه
وتقول كاسروه وتموا حنوا عليه لانه ينزل وايد

والله هال موضوع وااايد نفعنها ها بنات...
عرووس قطر لو طلب صغير ابي اسألج في الجبر عن المحل الي قلتي عنه ...انا ابي صندل مو الي يجيج كله عالي يعني ابي الكعب العادي حق العرس ..احصل عندهم؟؟ ويكون سكري
مشكوره فديتج مقدما:)

مشكوره كلاسيك على الرد الحلو
انا بعد سمعت عن امسيتي ورحت عرس كانوا ماخذين منه كانت الكوشه حلوه بس والطاولات مب لين هناك
هاي كله يعتمد على ذوق العروس ساعات المحلات عندهم شي حلو بس كل وحده وذوقها

الحلم الهادىء:
الموناليزا...الله يتمم لج على خير حبيبتي..موفقة انشاء الله

فرقة غاليه زينه والا لا؟...وماتعرفين كم تاخذ؟.......وبالنسبة لبطاقات الرهونجي..ممكن تطرشين لي رقمهم على الخاص؟ وشكثر كلفتج بطاقتج؟ وشنهو ديزاينها؟ وشلون مواعيد التسليم؟...انا عرسي في شهر 3 باذن الله..وزوجي بيروح دبي في نص1 ..وممكن اخليها يحجز من هناك اذا عجبنا شىء بس هل بيسلمونا البطاقات بدون تاخير؟ والا لا؟ بس حابه اعرف عن مواعيد التسليم ..وعشان جذيه ابي اعرف نوعية بطاقتج لانه اكيد بيعتمد على الشغل اللي فيها.

سندرتج :) سوري بس ابي معلومات

بالعكس اختي الحلم الهادئ لا ازعاج ولا شي آمري واتدللي بعد

بالنسبه للفرقه وهي غاليه اخر مره شفتها في عرس تقريبا من سنتين وكان طقها روعه بس اللحين ماسمع حد يتكلم عنها مادري شسالفه ودي البنات اللي يعرفونها يقولون لنا رايهم فيها

بالنسبه للبطاقات اخترتهم يوم كنت في الامارات من كم اسبوع وخذتهم من عند الرهونجي بس تدرين والله ماعندي رقمهم اللحين لان اختي هناك مستقره وهي تتابع معاهم وعلى راسهم وهي اللي بتجيبهم لي قبل العرس يعني بعد العيد في اول شهر فبراير اول ما تعطيني الرقم باطرشه لج ولا يهمج . بالنسبه لديزاينهم بصراحه روووعه ويخبلون وقال لي هذول جداد توهم نازلين و تصدقين لقيت نفسهم عند البنفسج اللي بقطر على 30 ريال انصدمت والله وانا ماخذتهم في الامارات على 10 ريال تخيلي بالنسبه للمواعيد شكلهم مضبوطين لان اختي يوم راحت تشوف البروفه راحت على الموعد لقت كل شي جاهز واللحين هم في الطباعه يعني انتظر بس متى يخلصونهم


اختي عروس الدوحه

موجوده يالغاليه والله تعبت من التجهيزات افتر راسي


كلاسيك شلونج حبيبتي

شسويتي مع الكوشه ان شاء الله لقيتي شي و انتي متى عرسج باذن الله يعني في اي شهر


الله يتم لنا جميعا بالخير

اختكم في الله / الموناليزا