سوالف تجهيزات بنات قطر..عرايس2006

يللا جبت الدفتر وباكتب فالصفحه االاوللى الاشيا الي بسويها .............ماصدق بابدا من الصفر ............ بنات هذا توزيع دوحانيه لعروس فرش وياريت يفيدكم ..>>>اكيد بيفيدكم مب دوحانيه كاتبته ؟؟


الكوشة = حجز .
إعداد قائمة المعازيم = في فترة لاحقة و متأخرة نوعا ما .
اللون المعتمد للعرس = إختيار .
التصوير = حجز
الفستان = تفصيل / شراء / إيجار .
شعر و مكياج = حجز .
الحنا = حجز
ملابس السبورات = للبيت / للطلعات و الزيارات .. شراء / تفصيل .
طقم حمام = شراء .
ملابس النوم = بيجامات / قمصان نوم .. شراء .
ملابس داخلية = شراء .
أحذية / شنط / أبواك = شراء .
بخور / عود / عطورات ( عربية / فرنسية ) = شراء .
ذهب / ساعة للعرس = شراء .
اكسسوارات شعر و زينة = شراء .
مكياج / فرش = شراء .
شنط ( للمكياج / للسفر / للمجوهرات ) = شراء .
مشد للعرس = شراء .
فستانين ( للصباحية / الهدية ) = تفصيل / شراء .
جلابيات = تفصيل / شراء .
عبايات و شيل = تفصيل .
جلسات للجسم إذا تحبين = الجلسة الوحدة بـ380 - 600 إذا فيها كريمات + الجلسة الأخيرة قبل الحنا بـ1160
كورسات للشعر = على حسب .
سشوار و ماكينة براون = شراء .

*الحف + الحنا + الشعر + المكياج + الحمام المغربي + مانكير وباديكير = تحطين لهم مبلغ في ظرف بروحه لأنها راح تندفع آخر شي .
*لما تحجزين الكوشة و تدفعين العربون احتفظي بباقي المبلغ في ظرف بروحه مكتوب عليه " الكوشة " , و التصوير نفس الشي .

دوحانية تهقين نصير نفس هل البنت .. ما شاء الله عليها
انا وايد احاتي هل السالفة .. صراحة انا وايد كسولة وتعودت ان في خدم عندنا
يعني حجرتي بارتبها اوكي بس غير جي نادر جدا ما اسوي شي ومحد يطلب مني شي
اعرف اطبخ بس ما اطبخ كسل , وما احب اغسل مواعين ولا احب اكوي التنظيف عادي وايد نظامية وما احب الشي يكون معفس غير جي مافي :)
بس الخوف عقب شلون بشيل" ملحق " فوق راسي مواعين وغسيل وكوي وطباخ وواحد يعزم ربعه دايما
اخاف اطلع زوجة فاشلة :(

جوتي سكري ........امممممم شوفي السلام ولا الستي .......

دوحانية ..
ما اعرف من وين بصراحة .. جربتي سوق الجبر ؟؟

خطيبة الغالية .. زين انج حطيتي هل الاشياء مرة ثانية
كنت ناسية

مشد للعرس = شراء

هاي شي مهم كنت ناسيته .. جزاكم انتي ودوحانية الف خير

بنات اللي عنده موديل راقي يصلح لخطوبه ياااااااااااااريت تساعدني ابي افتك من هم الخطوبه عشان اجهز عدل للعرس .............

الي عندها صور تحطها او نصايح او اي شي...........


اهل زوجي كانوا حاجزين فالريتز للخطوبه بس بصراحه خليت امي تقولهم خلها عائليه وفالبيت مافيني شدة لانها بتكون قبل العرس بشهرين (بحكم ان زوجي برا )

فالي عندها موديل تعطيني ..........احب البساطه والغرابه

جربي موقع زهير مراد وعبد محفوظ عندهم موديلات غريبة
عبد محفوظ
الي صعب
زهير مراد

ثاااااااااااانكيو .............بدخل وبشوفهم ..........


شخبارج كلاسيك مع الكوش !!

كلاسيك ,,

أنتي نفسي و الله انا متعودة حجرتي بارتبها .. يعني على المزاج ان بغيت ارتب شي في البيت رتبت .. طباخ ما لي خص فيه لأن

في اللي بتطبخ مب معتمدين علي في هالمسألة و انا وحدة ما أكل وايد خخخخ صدقيني بتتعودين لأنج فاضية ما عندج شي غير

ملحقج .. يعني أنا حاطة في بالي ألحين تقسيم معين للوقت بعدين ,,, تبين باعطيج تخطيطي يمكن يفيدج : )



خطيبة الغالي ,,,

بالنسبة لموديل شوفي كتالوج سنوب الحسنا فيه موديلات حلوة ,,, و إذا بتسوين اخذي لج شيفون مع حرير أو شيفون بس

و وديه للمصمم خليه يشكه شي بسيط مب وايد و يسوي لج قصات و يدخل قطع ثانية دانتيل أو حرير أو شيفون سادة .. اي سوي

الخطوبة في البيت و خليها عائلية وايد أحسن لج و أريح لج أنتي بعد ..

اي وايد اريح...اممم عندي كتالوج سنوب بشوفه ............ويمكن لين رحت السعوديه فالويك اند عندي عرس باخذ قطعه

خطيبة الغالي ..
والله الكوش لين الليحن مافي شي جديد
خاطري بثيم للعرس يكون جديد ومب مكرر
يعني اخر عرس رحته كان ستايل صيني والويترس لابسين صيني
والطاولات على ستايل صيني حتى كانوا معلقين على اطراف القاعة هاي الليتات مال الصينين .. انا وايد عجبني العرس
خاطري بشي جي بس كل الافكار احسها خلصت :)


دوحانية ..
شوفي بالنسبة للطباخ انا بعد ما اكل وايد بس مدري وزني كل مالة يزيد .. صايدتني ضيقة منه ومتكيسلة اسوي رجيم
بس هل الايام صايمة فان شاء الله اضعف شوي
وادري ان قبل العرس باضعف وايد

بالنسبة حق شغل البيت قلت انا عشان ما اتعب نفسي باخذ لي غسالة مواعين \ غسالة اتوماتيك ونشافة
خخخخخخخ ما احب هل الشغل كلش
ويا ريت تطرشين لي جدولج .. على فكرة انا على طول عقب اجازة العرس بابدى الشغل
يعني ما بقعد في البيت مع ان ودي

كلاسيك نفسي حتى انا ابي شي محد سواه ...........اممممممم بنفكر ليش لا.........

تعرفون حد يجي البيت djبس تكون وحده

خطيبة الغالي
افتحي الوسيط بتحصلين وايد اعلانات اغلبيتهم حريم اللي يسون الدي جي
ارشح لج اون لاين

جربتيه ؟؟

في عرس رفيجتي جابوهم قبل لا يبدون الطقاقات واسعارهم زينه
حتى ام رفيجتي تقولي اخذي عندهم التصوير الفيديو لان اسعارهم ارخص ويتعاملون مع كريستال
الشاشات وهل السوالف ارخص ترى من كريستال

اليوم رحت حق ناس عرسهم في البيت تحسين البيت يجنن من الورود

ممكن رقم اون لاين

** المفروض آخذ نسبة من كل وحدة أوزع رقمها هني ** : )

امممم خطيبة الغالي ,,, عندي رقم دي جي مرة مجربتها يوم خطوبتي و من عقبها انهالت عليها الطلبات

تبين رقمها ؟

مادري من اللي سئلتني عن اخت رفيجتي من وين جهزت كل شي بنفسجي حق عرسها بس بسئل وبرد عليكم

امممم تبون احسن نصيحه يا بنات؟؟
لا تخلون حد يجي معاكم القاعه غير 1 او 2 بالكثيييييييير

انا بنت خالتي بعرسها خلتني انا معاها ورفيجتها كانت جايه من السفر عالعرس على طول
احسن من التوتر والتنرفز ولاتخلون حد يدخل الغرفه عشان ماينسرق شي لان بتصير زحمه وهيصه حلوه هيصه
عالفاااااضي ومحد بينضر غيركم
وفي شي مهم واااااااااااااااايد انتبهوا له


وانتوا عالكوشه
ومحد يمكم
والكل يطالع ويبتسم
يمكن وحده منكم تتوهق وتذكر شي
او تبي شي مهم
او تذكرت شي
لان العروس وهي عالكوشه وايد يحلى لها تتذكر اللي ناسيته خخخخخخخخخ
مابتقدرون تنادون حد ولا تصارخون ولا بيبين في التصوير



تبون الحل؟؟

خلوا اقرب وحده لكم تكون دايما حول الكوشه
واتفقوا مع بعض على حركه
(مجربتها)
اذا تبون شي طالعوها بنظره معينه يعني تعالي

واذا هي تبي تتأكد تأشر اجي؟؟؟
العروس المتوهقه شبتسوي هني؟؟؟ ماتقدر تقول اي


بتبتسم يعني اي يالذكيه تعالي خخخخخخخخخخخخ


اتمنى اكون افدتكم
شرايكم؟؟
اي وفي شي
لاتنسون تختارون اغنيه تحطونها وانتوا تقصون الكيكه وتتفقون مع منظمة العرس اللي هي اختج او رفيجتج تشيك عليها لما توصل مالت الديجي عشان محد يتوهق
وبعد الاغنيه اللي تطلعون عليها مهمه
عندكم اغنية عبدالرب ادريس ليله
حلوه وااااااايد
وتصلح لوقت تقطيع الكيكه وتبديل الدبل
او وانتوا طالعين

اول شي كلاسيك ألف مبروك على النجاح
ثاني شي وايد عجبتني لستتج وياريت ادزين لي الجدول اللي مسويته على الخاص بدز لج ايميلي
تراج نسيتي الاسيتون عشان تشيلين المانكير وسيادة ولباس الصلاه ولاتنسين الشامبو والصابون وكريماتج هههههه وبعد بخور لازوم الكشخه

وخطيبة الغالي مبروك لانج خلصتي من الامتحانات

وآخر شي صراحه وايد اشيه ذكرتوها وانا كنت ناسيتها
انا مادري اشفيني هاليوم تكيسلت وقعدت في البيت ولا سويت شي

دلوعه قطريه شنو آخر ترتيباتج شنو سويتي