سوالف تجهيزات بنات قطر..عرايس2006

الغاليه هذي مفرش طاوله معاه مفرش للصينيه

هذي الصندوق من وين خاطري اغلفه بالمخمل العنابي اشوف ايش بيصير

اظن تلبيس القاعه ب 15 الف اذا مو اكثر لاني ما سمعتها عدل

ام حمد هاي صندوق للمكياج تلينه عن حميد تريم اللي في سوق فالح

شوفوي اذا قدرتي تلبسينه مخمل قولي لي عشان اخليج تلبسين لي واحد وتزينيه حق مكياجي

وينكم بنات مامبين
لا خطيبة الغالي ولا كلاسيك ولا دوحانيه ترى مكانكم امبين
قولوا لي شنو سويتوااااااااااااا

اختي خطيبة الغالي يصير ادش معاكم ابي استفيد من خبراتكم

اشرايكم في دينا حق مكياج العروس وام ياسين حق شعر واشلون مواعيدهم مضبوطه والا لا؟
وين احسن مكان اسوي فيه فستان العرس
اشرايكم في الفراشه؟؟؟

ام حمد ما شاء الله شغلج ناعم
لاتنسين تروينا اياه لما يخلص

واذا غلفتي البوكس روينا شلون بيكون عشان اتعامل معاج في تغليف بوكسي
:)



your angel

ما شاء الله وايد حلو البوكس
بس فيه ادراج ولا فاضي من داخل ( ادري اذيتج ) بس انا شفت في فتول وما عجبوني وايد هاي شكله احسن :)

احلام صغيرة فديتج والله سالت عنج العافية ..
بس الوالدة و خواتي صاروا ينقدون علي من كثر ما اقعد على النت قلت اقعد وياهم شوي :)
اللي سويته امممم ما سويت شي كنت ابي اروح ماسيس عشان اشوف الكوش اللي عجبتني على جم وما لقيت المرة :(
ومريت امسيتي لقيته امسكر

خل اقولكم امس شسويت : انا عندي دفتر فيه الشغلات اللي اشتريتها عاد كان شكله مب مرتب خذت دفتر صغير وقسمته وحطيت هاي الاوراق الفسورية وحطيت عنوان عليها من الطرف وقسمت الشغلات اللي المفروض اخذها مثلا ملابس داخلية قمصان نوم تصوير وكوشة الخ وحطيت لسته الحجوزات حق العرس والهدية والحنا والصباحية ولسته الاشياء اللي لازم اخذها وياي الفندق ولسته الشغلات اللي لازم اشيك عليها يوم العرس
يعني كل ما رحت عرس اشوف شالشغلات اللي ينقدون عليها الناس واحطها عندي في اللسته عشان ما اسويها في عرسي
صار شكله كنه ملف صغير حسيت جي وايد ارتب من قبل ....
ادري متفيقة بس كنت متملله وما عندي شي اسويه :)
اي وفي اول صفحة اللمت اللي انا حاطته لهل المجموعة وبكم اقدر اشتري بعد :)

نبـــــع الكوثر
هلا والله فيك ويانا ..
بالنسبة حق دينا مكياجها حلو بس اخرت اخت رفيجتي في خطوبتها وكانت رافعة خشمها شوي بس مكياجها اوكي
ام ياسين اممممم ما اعرفها ليش ما تحجزين مرسيدس او نجوى اشوف البنات يمدحون هاي اكثر
من وجهة نظري الفراشة احسن مكان ممكن تسوين فيه فستانج ..
والف مبروك

هلا كلاسيك
عجبتني فكرة الدفتر انا مسويه لي واحد من فتره ويبي لي ازيد عليه اشيه شكلي بسوي مثلج
تراني فاضيه خلصت امتحانات وماعندي شي يبي لي اتسلى اشوي

اختي نبع الكوثر دينا مب لين هناك مكياجها ليش ماتحجزين عند عبير او سعاد البلوشي واشريفه المهندي وايد البنات يمدحونهم هل الايام

والشعر ام ياسين شغلها حلو وعندج بعد مرسيدس مثل ماقلت اختي كلاسيك

والفراشه احسن مكان للفستان

الله يبارك فيج اختي كلاسيك
مشكوره على النصايح بس احس دينا مكياجها انعم من عبير بشوف بعد
ويمكن احجز مرسيدس حق الشعر

اختي احلام صغيرة

شريفه المهندي خوات ريلي مايمدحونها وايد يوم قلت باخذها حق الخطوبه يقولون مب لين هناك
وسعاد البلوشي شفت مكياجها كان وايد ناعم
تدرون شكلي بستقر يا على دينا او سعاد البلوشي والشعر مرسيدس بشوفها اذا مب مزحومه
لان يوم خطوبتي كانت بتسافر وماحصلتها

وان شاء الله فستاني بصممه عند الفراشه بروح اشوفه

مشكورين حبايبي على الردود

احلام صغيرة حتى انا خلصت امتحاناتي ..
ما قلت لكم طلعت النتايج باركولي
2 امتياز و 3 جيد جدا .. قولوا ماشاء الله :)

كلاسيك :) الف الف مبرووووووك باين عليج دودة مذاكره تاكلين الملازم اكل :pain: "اتغشمر" مشاااااااااااااء الله عليج

اقول..ولو فيها لقافه..ممكن تقولين لنا شكتبتي في دفترج الاخير..خلينا نستفيد كلنا :) ادري صبعج بيورم من كثر الطباعه بس ماعليه ترى كله باجره وانتي كريمه واحنا نستاهل والا شلون؟:cool2:

هههههههههههههههه
الله يبارك فيج الفال لج ان شاء الله بس كله امتياز مب جيد جدا


انزين شكتبت في الدفتر :شوفي هو الدفتر فوق بس انا متكيسلة اقوم اجيبه :)
اول صفحة كتبيت فيها قمصان النوم والملابس الداخلية
بعدين قسم ملابس البيت وجلابيات البيت
الجلابيات الفخمة
ثياب الطلعة
فستان العرس ومستلزماته مع فساتين المناسبات
التصوير والكوشة
المفارش وطقم الحمام
العبايات والشيلات
بعد وشو ؟؟؟
اي وانتوا بكرامه الجواتي والشنط
والذهب والاكسسوار والالماس
بعد من اخر الدفتر حطيت قائمة الحجوزات والتواريخ والعرابين
بعدين الاشياء اللي اشيك عليها او اخلي اختي تشيك عليها يوم العرس
الاشياء اللي لازم احطها وياي في شنطة الفندق

هاي تقريبا اللي حطيته
واذا تبين طرشيلي ايميلج باطرش لج جدول مقسمه في الاشياء اللي ممكن احتاجها واني عدلي فيه على حسب احتياجاتج :)

هلووو فتيات لوول

انا موجودة بس كنت أدرس أمس و قعدت مع هلي انا بعد ينقدون علي ..

و ما سويت شي للعرس

كلاسيك :) حلو تقسيمج..بس استرعى (حلوه استرعى) اهتمامي سالفة انج تسجلين الامور اللي ينقدون عليها الناس في العروس....شنهي هالامور كتبيها لنا خلنا نستفيد :) "وحده تحب حش العروس"

وبعد استرعى (فديت لغتي الفصحى) اهتمامي ايضن !...اللسته اللي بتشيك عليها اختج حق يوم العرس ...شنهي الامور بالتفصيل :) ترى وايد هالتفصايل مهمه واتوقع الكل يبي يقراها ويستفيد منها

وفيه بعد سالفه ابيكم تشاركوني فيها بعدين برجع لها :)...نصلي المغرب ونكمل بعدين

ان شاء الله بس يا ريت اذا حد يشوف ان في شي ناقص يعلمني
تقريبا الاشياء اللي باخلي اختي هي نفسها الاشياء اللي ما ابيها تكون في عرسي

اول شي : اذا القاعة كبيرة ومافيها شاشات الناس البعاد ما يقدرون يشوفون عدل , الفيديو المكساج احسن من كاميرا وحدة لان الاخطاء او المشاهد اللي مالها داعي تنحذف
الدي جي يكون موجود عشان الفترة اللي الطبالات يتجهزون فيها ما يكون المكان هادي وعشان الزفة طبعا
تفاصيل الاضاءة على الكوشة لان الاضاءة لها دور كبير في ان الكوشة تبين فخمة اولا
تنسيق الطاولات
اذا فيه قهوة وشاي على الطاولات مرة رحت عرس واسمع اللي حداي تتحندى لانهم كانوا حاطين بس قهوة
السويت والموالح اللي على الطاولة
الويترس او بنات الضيافة اللبس اللي باختاره لهم وكم وحدة احتاج
الطاولات : بالنسبة للفازة او للشمعدانات اللي يحطونها دايما دايما اذا رحت عرس فيه الفازات عالية اسمع الناس يتحندون لانهم ما يشوفون ففي عرسي باخلي فازة او شمعدان عالي والطاولة الثانية شمعدان او فازة صغيرة
اضاءة القاعة : لازم تتفقون مع حد يضبط اضاءة القاعة على اللي تبينه يوطي او يعلي .. في عرس دشت العروس بنفس الاضاءة واشوف ام العروس تصارخ على الضيافة تبي حد يوطي على الليتات ومافي حد منتبه واخر شي دشت عادي وما كانت دخلتها ملفته كلش حرام معن العرس كان مرتب

امممممممم هاي تقريبا اهم الشغلات اللي لفتت انتباهي ويا ريت اذا في شي زيادة لاحظتوه تعطوني خبر خل ازيده عندي



اختي بشكل عام بتشيك ان هل الاشياء كلها بتكون موجودة ..و بتكون على اتصال مع المصورة
بتشوف الكوشة وانا وياها لاننا بنكون في القاعة بدري

اول شي الف مبرووك النجاااح كلاسيك واحب ازيد على كلامج
الناس ترى ينقدوون عالعشى يعني اختاروا اكل البوفيه ولستة الاكلات .... والسوويت
بيني وبينكم ترى مهمااا مهمااااا كان العرس ايجنن ومرتب بعد في ناس تعيب ليش مادري ههههههههههه

الله يبارك فيك
ادري والله وزين نبهتيني للعشاء بس هاي بيكون على اهل ريلي وما اعتقد انهم بيختارون شي مب عدل
وصاجة الناس ما يعجبهم شي لو شسويتي هههه بس الواحد يحاول على الاقل