سوالف تجهيزات بنات قطر..عرايس2006

كلاسيك ,,

عندج لما تدخلين وصي هلج و كلللللللللللللللل العالم محد ينتظرج عند الباب و يطلع في الفيديو أو الصور امشي بروحج واذا

احتجتي حد خلي وحدة من الويترس تمشي وياج تعدل فستانج و تمسكج لا جيتي بتركبين الدري ..

امممم بعد ترتيب الطاولات اكدي عليهم في القاعة الطاولات تكون مرتبة و موزعة عدل مو لازقين فظهر بعض هاذي تدز الكرسي

ضربت ظهر ذيج ..

اذا في توزيعات ما توزيعات يا تحطينهم على الطاولات مقابل كل وحدة أو تخلينهم عند الباب ..

تأكدي من الستيج و الموكيت اللي عليه محطوط و مثبت عدل ولا لا .. الستيج نفسه تأكدي منه يمكن إنه يكون مب عدل ..

دوحانية ..
امممممممم بالنسبة ان محد يكون معاي انا باوصيهم بس ما اتوقع ان بتفيد لان الكل يبي يساعد
انا ما احب تكون زحمة عند العروس لما تدخل والفستان صح اخلي الويترس عشان اقدر اوري ريلي الصور :)

انا قلت ان ترتيب الطاولات بيكون 3 طاولات طاولتين ثلاث طاولات وهكذا :)
والتوزيعات على كل طاولة عشان اضمن ان الكل اخذ معني ما صرت اشوف توزيعات هل الايام ..
وبالنسبة للستيج هاي مهمة جديدة تنضاف الى اختي حبيبتي :)


مشكورة على النصايح ويا ريت البنات بعد يزيدون اللي عندهم

تذكروا ان رضى الناس غايه لا تدرك كل عرس عقبه تعليقات لازم ما يستحملون
المهم انتي حياتكم لا تهتمون بالشكيات وتغطي على فرحتكم وحياتكم بعدين
خططوا شلون مع ازواجكم بيتكم ناجحه اتفقوا من البدايه ما تدخلون احد في حياتكم
وتذكروا ان كل وحده هي ملكه في بيتها وان الاهل مهما سوو ما يكون مثل الزوج الي يعطيك مفتاح المملكه
المهم خلوا لكم مبلغ ثرا بتحتاجونه بعدين

الله يوفقكم

بنات ...اللي تبي رقم وحده تسوي حلويات حق توزيعات العرس تقولي...ترى انا مجربه شغلها وشفته في اعراس وايد واهي فنانه ونظيفه وحلوياتها مرتبه وايد

ام حمد...جزاج الله خير على نصايحج...ومعاج حق 100 بالميه

والله حتى انا احس التوزيعاااات مالها داعي لاني كل مااروح عرس ويعطوني شي اقطه في البيت اليوم الثاني مدري وينه
والله خساااااير خلي التوزيعات حق يوم الحنه بس .....

تذكرت شغلة بعد
اختاروا وحدة وخلوها وياكم قبل العرس لا تكثرون ترى بتتوترون انا قبل كنت باخلي الوالدة وخواتي كلهم معاي بس لان الوالدة بسرعة تتعب وتتوتر تبي الشي بيرفكت 100% ولا بتتضايق .. قلت اخلي باقي خواتي بالبيت ويجون جاهزين ونفسيتهم مرتاحة احسن
اختي الهادية واللي اعرف انها ما راح توترني بتكون معاي
احتمال وحدة ثانية من الاهل بس عشان تشوف اذا في شي ناقص

وهاي شغلة بسيطة بعد خلو رنه الجوال على رنه هادية لان اقل شي بيوتركم ذاك اليوم :)

حاولي اغراضج كلها تكون مرتبة من قبل عشان ما يضيع شي وتتنرفزين

واذا تذكرت شي بارجع اكتبه

على طاري الاغراض اللي بتودينها معاج يوم تروحين القاعه....شنهي هالاغراض؟ خلنا نذكر بعض فيها على شكل قائمة :) ؟ شرايكم؟

ام حمد جزاك الله الف الف خير ..
وفعلا اهم شي ان محد يتدخل في الحياة بين الاثنين

الحلم الهادئ ممكن رقمها وشلون اسعارها ؟؟ وبقبل كم لازم احجز عندها ؟

يور انجيل ..
حتى انا نفس الحالة خخخخخخخ
ما افتكر بالتوزيعات وايد
يوم الحناء باوزع وبس
اذا اهل المعرس بيوزعون كيفهم

تذكرت سالفه..........وحده من ربعي كانت موديه معاها شبكتها وتبي تلبسها عقب ماتخلص مكياج وتسريحه ...تصدقون؟ انسرقت بيوم عرسها :( واهي بالقاعه !! دورتها عشان تلبسها ولا لقتها كلشششششششششش ! طبعا توترت وايد وتمت تصيح ووحده من اهلها فصخت عقدها ولبستها اياه وانقذت الموقف بس صج انقهرت عليه ولا لقته !

انتبهوا يابنات...الاشياء الثمينه خلوها في شنطة عند وحده معينه يكون عندها النقوط والطقم اللي بتلبسينه مثلا اذا الماس اوغالي...وجوالج وساعة يدج عشان ما تتلخبطين وتدورين عند الكل.

والله اسعارها حلوه ..ومواعيدها مضبوطه ..بدور الرقم وبطرشه لج

الاغراض اللي للفندق :
قميص النوم :down:
عباية وشيلة
استشوار
لبس ثاني يوم
معجون وفرشاة ومزيل عرق بودرة
ابرة وخيط احتياط :)
فوط صحية احتياط بعد :o
ملابس داخلية
عطورات
مزيل مكياج مهم :)
عطوراتي
مكياج
بعد شرايكم في شي ناقص ؟

بناااااااااااااااااااااااااااااات ...........

يقولكم من طول الغيبات جاب الغنايم ................


وانا غننيمتي هي اني افتكيت من الامتحانات.............


باركوا لي اخيرا بجهز ..........................يللا يللا بروح اجيب دفتر واكتب الاغراض الي قالت عنها دوحانيه فموضوعها ..........وبرجع اقرا شكتبتوا .....

انتبهوا يابنات...الاشياء الثمينه خلوها في شنطة عند وحده معينه يكون عندها النقوط والطقم اللي بتلبسينه مثلا اذا الماس اوغالي...وجوالج وساعة يدج عشان ما تتلخبطين وتدورين عند الكل.

جزاج الله خير هاي شي مهم وايد .. رفيجتي ضيعت ذهب و10000 ريال يوم عرس اخوها انتبهوا
ويوم خطوبة وحدة انباقت ساعة كانت جايتها هدية

[grade="00008B 00008B 008000 4B0082"]نــــــــــــــــــبــــــــــــــــــــــع الكوثر ................................

هلاوغلا فيج وبكل بنت ........اصلا انا حبيتج من يوم ماسميتين في موضوع دلوعه قطريه >> حبيبة الغالي ........

هههههههه يارب يسمع منج [/grade]

خطيبة الغالي
الف الف مبروك اخيرا افتكيتي :)
لج وحشة .. وزين عشان تبدين التجهيز :)

[grade="00008B 00008B 008000 4B0082"]ليــــــــــــش لازم نطبخ خخخخخخخخ انا قلتله ماعرف ونفس حالتكم بحكم دراسته برا يعرف كل شي يامال العافيه يللا عالاقل اضمن مستقبلي لين جعت نص الليل عندي احد يسويلي شي هههههه[/grade]

ههههههههههههه ذكرتيني بنصيحة بنت خالتي امي تقول لي تعلمي تسوين شي باجر في بيتج بتموتون من الجوع

و هي تقول لالالالا نصيحتي تعلمي بس الاشيا اللي يحبها هو لا تعورين راسج ..

و الله ما اشوف الطباخ مشكلة و حياتي بتكون كلها اكل ؟؟؟؟!! رفيجتي كانت تعرف في بيت اهلها بس ما تسوي شي دلووعة

و لا تهتم لا في طباخ و لا في غيره متى ما اشتهت ,, لكن تعالوا الحين ما شاء الله عليها مسؤولة عن بيتها و مجلس و بنوتة

صغيرة يعني الحمد لله الواحد يقدر يمشي لكن ما يتم كسوول طول عمره. .

بنوتات .. أبي جوتي الله يعزكم حق الفستان ؟ و ين ممكن ألقى سكري ؟؟

هههههههههههههه
يحليلج والله

انزين شرايج ان ريلي عنده طباخ حاطة في العديد كل يوم يمدح اللي يسويه
.. اقوله جيبه عندنا عقب يقولي شابي في الطباخ اذا انتي موجودة !!!
ترى الريال مهما كان يحب طباخ مرته حتى لو خرابيط ... تعلمي من اللحين لا تتفشلين جدام الريال باجر :)