سوالف تجهيزات بنات قطر..عرايس2006

ماشاءالله عليج يا ام حمد القطريه روعه شغلج نظيييييف ومرتب والالوان روعه ..

الله يوفقج حبيبتي ..


بالنسبه لمكياج العروووس

انا اشووف االالوان الحلوه هي الوردي والاورانج روعه ..

الغاليه باربي الف شكر بعد شوفي طلبيه افالة العيد

ماشاااءالله روعه الله يوفقج حبيبتي

وتغليف الشوكولا روووووووووعه ..

فنانه مشاءالله عليج .

والله خاطري بمكياج وردي بس مالقيت كوشه حلوه يناسبها الوردي مب عارفه شلون انسق احس ان راسي بينفجر من التفكير

بنات موضة الوان المكياج الدارجه هالايام
دمج بين الوردي والاخضر

رفيجتي تقول انها اسبوعين ورا بعض راحت عرس ولقت هاللون

بس مافكرتوا في الوان مب مستهلكه

احس الوردي وايد استخدموه


ودرجات الغروب بعد صار مستهلك ... ( وانا منهم ههههههههههههههه )



شنو الالوان المب مستهلكه


تهقون درجات التركواز (اخضر وازرق )؟؟؟


شفته على عروس بس المشكله كان مكياجها عادي ...!!! يعني ما برز اللون عدل ...!

السلام عليكم
بنات شلونكم؟

بنات حبيت آخذ رايكم في خيرية الطقاقة هي مزاجية ولا لا
وكم تاخذ على العرس
ومين أحسن وحدة تطق وتحيي الأعراس

ولو سمحتي أم حمد ممكن تطرشيلي صور توزيعات بس بسيطة والأسعار

اغانيها قديمه

مادري ليش للحين تغني ..!!


اذذا تبين وحده اوكي


في وحده اسمها ابتسام زري
وعندها اخت بس مب متذكره اسمها

الحين موتها بنت زري ...

موضتها****

والله الوردي والنفسجي والبرتقالي كلها مستهلكه بس كلاسيكية وماتروحة موضتها لان العروس حلاتها ناعمه وكلاسيكية مب مصرقعه :)

التركواز والازرق بعد شفته على عرايس وااااايد بس مدري ليش ماحبه على العروس

احس الوردي اهو انسب شىء للعروس

عمري قطر...انزين خذي كوشه اي لون يعجبج ودخلي عليها الورد باللون الوردي :)

اول شىء استقري على الكوشه وشوفي الوانها وعقب حددي

لان الوردي ممكن يدخل مع الاصفر والذهبي والاخضر والازرق...اقصد بالمكياج يعني كالوان ظل

ترى الوردي والاصفر وااايد حلو..وبصراحه انا مفكره فيه كلون حق خطوبتي باذن الله لان فستاني وردي وفيه بالاصفر والذهبي

الا اذا كوشتج الوانها بعيييييييده ...مثلا عنابي وذهبي (الكوش الفخمه الملكيه اللي فيها مخامل وكراكيش)...فهذي ماينفع لها الوردي...وبتقيدج بمكياج عنابي :) صج العنابي قديم ووايد تقليدي بس ترى فخم للعروس وحلوووووووو

مره حضرت عرس وحده من ربعي..كوشتها ملكيه مخملية بالذهبي والعنابي...ومكياجها كان ظل اسود وعنابي ناعم مب قوي...وروجها عنابي لماع...وااااايد حلو...والبنت اصلا ملكة جمال عسى ربي يحرسها.......فكانت عجيبه :)


ام حمد :( صراحه زعلانه عليج...طرشت لج مسج ولبستيني...ولا ردييتي علي كلش مدري ليش !

مجنونه قطر.........معاج حق...قبل كم يوم كان فيه عرس جايبينها "ابتسام"...وبدعت فيه ماتم حد مارقص......صج موضتها بس مايندرى عن اسعارها شلون بس الاكيييييييد انها احس من خيريه بوايد لان خيريه مزاجيه حدها.

بسم الله الرحمن الرحيم
السلام عليكم ورحمة الله وبركاته
مشكورة على الردود...:yes:
من هذي ابتسام زري أول مرة أسمع فيها
ايش جنسيتها ؟ قطرية ؟:think:
مايندرى صج كم أسعارها
ياليت اذا حد يعرف يقول لنا....

بنات أنا أخبر ألوان المكياج تنسقونها مع الوان المسكة .. الا إذا كانت المسكة بيضا هذا شي ثاني

لكن مع الكوشة ؟!!! ما له خص بصراحة ..

بنات و ين أقدر أسوي مسكة مب كلها ورد ابي شي جديد .. وين المحلات اللي تعطي أفكار و تنفذها ..

بنات شخباركم
حبيت اقولكم ان نعومي مسوي تنزيلات

اللي سألت عن موضي ما اعتقــد تفكـــر تجيبـــها ,,,,, لأنها تاخذ 150 ألف>>>> جيبوا مطربه أو مطرب أحسن والكلام أكيــد وما تروح حق أي حد،،،،،

أما خالد فؤاد >>>>>>>>40 ألف

ابتسام سعوديه..............دوحانيه :) يمه الحين كلشي يتنسق مع كل شى...الكوشه على الطاولات على المسكه للبطاقه...فيه عرايس يحبون يكون لهم لونين معينين يكونون اهم الغالبين في العرس وينعكسون على كل التفصيلات...خاصة اذا الكوشه فيها لون معين مب كلاسيكية

وفيه عرايس ينسقون المسكة بس مع المكياج :)........بس بصراحه احس لما يكون فيه تنسيق بالالوان في كل شىء يطلع العرس احلى وتحسين انه فعلا منظم وان العروس حاطه بالها على كل التفصيلات ...هذا رايي مع ان شكلي مب مهتمه بهالتفصيلات كلها يعني اللي اقدر انسقه باسويه والا صعب بخليه عادي يعني لون محايد والسلام :)


احلام صغيره.......رحتي بنفسج؟ قميصين النوم اللي في الواجهه اللي لونهم سكري ..عليهم خصم والا لا؟ اعتقد اسم موديلاتهم "فيروز" ؟ اللي مع الروب الطويل!
انا شفتهم من اسبوعين واستغليتهم...على الفين !

الريم ! اعتقد اللي كانت تسال عن موضي اهي دلوعه قطريه...بس والله وااااااااااايد 150 !! بل بل !! شدعوه هذا وهي مب مطربة مشهوره !! عيل احلام كم تاخذ؟؟:cool2:

الغالية دوحانية في محل اسمه ود يشتغل فيه لبناني اسمه ريمون
شغله عجييييييب
جابوه مرة من زمان في برنامج الدار
شغله راااااااقي
بس أعتقد انه غااااالي
بس ما أدري وين محله..

الحلم الهادئ
قمصان نعومي ذول ما عليهم تنزيلات :( مع ان كان خاطري في الاسود
رحت وما عجبني شي بس شريت لي بجامتين وكم قطعة ملابس داخلية
وعندهم 8 قطع فوط ب 600 ريال
ناين وست اللي بالستي بعد عندهم تنزيلات


بنات وين بتفصلون جلابياتكم ابي ابدى افصل جلابيات بهل المعادلة : سعر مناسب + شغل عدل
وين ممكن احصل ؟

كلاسيك...عاد تبين الصج انا ماعجبني شىء في نعومي غير هذولي الاثنين :( بس احس لو لفيت على المحلات بلاقي شىء احلى وارخص مدري ليش اهم مادشو ف خاطري وايد واستغليت سعرهم...تدرين؟ لقيت واحد داخل من الكولكشن القديم احلى منهم وسعره 995 ريال ولونه ابيض ناصع...حسيته احلى وارقى بس بعد ماخذيته وقلت توني ادور وعقب ما الف عدل بقرر من وين اخذ.

بيجامات ماركس اند سبنسر وااايد احلى من نعومي..من ناحية الموديلات الحلوه والخامه اللي صج بتم عندج مهما غسلتيها لا بيتغير اللون ولا بيتغير الخام...والملابس الداخليه احس مافيه في الدوحه احلى من ايتااااام ودبنهامز..صج ييبون شغلات حلوه وتصلح للعرايس دانتيلات وتور وحلاكات حلوه والوان زاهيه :) ليش ما تجربينهم؟

الا قولي لي شلون فوط نعومي؟ تراني كلش مانتبهت لهم يوم رحت لهم....وشلون الكوالتي؟ والالوان؟ وشنهي ال8 قطع بالضبط؟

آآآآآآآخ لاتقولين لي عن ناين ويست ترى اموووووووت في صنادلهم ...بس لازم امسك يدي لان عندي صنادل وااااااااايد ومابي اصرف اكثر بس صج صنادلهم حلوه وفرصه في التنزيلات تلاقين اسعار حلوه :) بس بقاوم ومب شاريه

حبيبتي كلاسيك...اذا تبين جلابيات كشخه وسعر معقول..روحي ربشه..خياطه حلو وموديلاته احلى...والمغربي اللي عندهم ممكن يوريج الكتالوج وتختارين اي موديل يعجبج واهو بيشتري الخامات وبيفصل لج........بس هاه تراه في الاسعار يلعب لعبته...يعني لا تستحين منه كاسريه وبينزل لج خاصة اذا بتسوين عنده اكثر من قطعه

صراحه انا دايما افصل عنده ...اشوف مثلا موديل معلق وجاهز..واطلبه مع بعض التعديلات..وتغيير اللون مثلا...ويسوي لي...وعندهم فلبينه تاخذ لج المقاسات اذا حبيتي.....بس اهم شىء تقولين له عن موعد التسليم قبل اسبوعين من موعدج الاصلي لانه تعباااااااان في مواعيد التسليم يعني انتبهي وعطيه موعد بدري على اللي تبغينه باسبوعين عشان تضمنين انه يكون جاهز :)

واذا تبين اي معلومات اكثر عنه لا يردج الا كيبوردج :cool2:

الحلم الهادىء

انا نفس الشي ما عجبني شي بس قلت اني لازم ابدى اتشرى عقب ما بلاقي وقت
قمصان النوم اللي في ماركس وايد احلى بس انا انتضر التنزيلات

دبنهامز مريت عنده بعد وشريت بعد ملابس داخلية من عندهم بس مادري شلون احس ان قبل كانت في اشياء وايد احلى

الطقم اللي عند نعومي فيه ما ركزت شاللي فيه بالضبط بس اذكر ان كان فيه فوط وروب وشبشب بعد وشو ما اتذكر بالضبط
الكوالتي ما شفتها لاني كنت مستعجلة بس الالوان اعتقد بيج على سكري وكان فيه وردي واصفر ما ات>كر بس انا ما فكرت فيه الا عقب ما طلعت بس قلت دام ما عليه تنزيلات بادور يمكن الاقي شي احسن

ربشة امممممم باروح له باشوف الاشكال اللي عنده .. من جم تبدى اسعاره
بالنسبة للجلابيات المغربية مريت على محل عنده شغلات حلوة صوب سوق الديرة كانت اسعاره حلوة بعد بس ابي اشوف اشياء احلى