سوالف تجهيزات بنات قطر..عرايس2006

لاتخافين على اختج يادوحانيه ترى قعدت له قعده وخليته يفصلي الفاتوره تفصيل كل شي بغيته واللون اللي طلبته ورقم االقطعه وقلت له ماراح ادفع لك باقي المبلغ قبل لااشوف الكوشه والالوان اللي طالبتها يعني الباقي بدفع له يوم العرس تخيلي وحلفت له قلت ماراح ادفع لك ريال اذا شي ناقص بيني وبينج احنا رايحين ماشاء الله مجموعه

انا شايفه شغله في عرس من اهلنا علشان جذي عاجبني وايد ووصوني شاقوله وشلون احكر له في الاسعار

شخباركم بنات

دلوعه قطريه
ان شاء الله الله يوفق امورنا ويسهلها

الموناليزا
انا للحين مارحت شادو بس يقولون عنده اول شي قلت بشوف في السعوديه ااذا ماعجبني باخذ منه وصج هاي اسعاره واحس انه صج يستاهل لانه مره وحده الوحده بتعرس ولازم يكون شي عدل

دوحانيه
ان شاء الله تنجحين وتفتكين هالكورس
بالنسبه حق الفساتين عندج البرنسيسه حلوه تصميماته
وبعد عندج مجمع الغرافه في مصممين حلو تصميماتهم اذا تبين شي حلو وناعم اذا ماتبين شي غالي اسعارهم معقوله
وبالنسبه حق بدلة الصباحيه عندج خياط الخضري واليرموك

انا عن نفسي بسوي بس فستان الهديه عند مصمم معروف عشان يكون كشخه
والباقي بفصلهم عادييين لانه محد بيشوفهم غير العيله خاصه فستان الصباحيه
لان عقب بيتمون في الكبت وماراح ينلبسون وبعد الوحده ماتدري عقب يمكن تحمل ولا شي ويتغير جسمها وعقب بتروح موضتهم

your angel
ستايل الطاووس راحت موضتهم الحين هاي كان من فتره هالستايل

ومشكوره على النصايح الحلوه والصور

الموناليزا

ماشاء الله عليج زين سويتي .. انا صار عندي تقربيا ثيم للعرس وابي حد ينفذه بس
باشوف اذا يقدر ينفذه
وباسوي نفسج عشان اضمن ان ما يخرب لي شي
وقميص النوم اللي خذتيه اعتقد شفته وعجبني بعد بس انا ماخذه قميصي من الكويت
ولحد اللحين ما شفت اللي شدني اكثر منه


دوحانية فديتج والله ما عندي فكرة

يور انجل مشكورة على الافكار والصور .. يعطيج العافية

ما شاء الله عليج الموناليزا خلج جذي على طول و الله يتمم على خير ..


أحلام صغيرة ,,, يااااااااااااااارب الله يسمع منج ,,,, و البرنسيسة المصمم اللي عندهم اسمه بدر ؟

دوحانيه
المصممين اللي عند البرنسيسه 2
واحد ضعيف اسمه دانييل فضيع
والثاني ماعرف شسمه وهو اوكي بعد

ولاترضين باول موديل يسويه لج حسسيه ان مايعجبج اي شي وعطيه جم يوم وارجعيله وشوفي الفن

صج بنوتات
لو تعرفون موضي الشمراني كم تاخذ؟ وممكن رقمها
وابي رقم خالد فؤاد
ومشكورين

هلا دلوعه قطريه
سوري حبيبتي ماعندي ارقام اللي طلبتينهم ان شاء الله اللي عندها من البنات تعطيج اياهم

ليش ماتتصلين الزعيم وتاخذين من عندهم رقم خالد فؤاد

وحبيت اعرف شنو آخر اخبارج ماعندج لنا اشيه يديده

دوحانية:

زين بنوتات .. قولوا لي وين أفصل فساتيني ؟ ابي مصمم شغله حلو و قصاته مرتبة و أسعاره حلوة بعد .. و ين تنصحوني ..

و أبي أفصل بدلة للصباحية خذت لي شيفون مع حرير بس مو عارفة وين أفصل .. فأنتوا شرايكم؟

حــبيبــتي ... دوحـانيــة ..

عندج مجمــع الغرافــه ,, اتليــه الحازم ... المصمم لبناني .. اسمــة حازم ..

تصمــيماته حلوهـ .. وخياطتهم مرتبـــة وايــد واسعاره حلوه ... مجربتــه كذا مــرهـ

ورفيجــتي تعاملت مع الباحــه في نفس المجمع .. ومستانسة على خياطـته صج مرتب ..

وانــتى مري عليهم .. احذى بعـض وشوفي اللي يريحج ..

(^_^)

يور انجل تسلمين عالصور الحلوه
كلاسيك جزاك الله خير على الزفات

يور انجل تسلمين عالصور الحلوه
كلاسيك جزاك الله خير على الزفات
:::::::::::
بنات ابي فكرة لزفه فيها يهال بليز ساعدوني اللي راحت عرس وشافت زفه فيها يهال واعجبتها تقولي
ووين يسوون الزفات اللي يجيبون حريم يسوون الزفه ؟؟

الغاليه عنادي قطر...ودوحانية........بصراحه انا جربت اتيليه الحازم وكلش ماعجبني...مع ان القطعه كلفتني وايد بس خربها وخرب الموديل وماكان مرتب كلش........دوحانية انصحج تروحين انوني اللي بالسد او كارولاين انا شفت شغلهم على بنات وايد وصج روعه ومرتب وايد واسعارهم من 2500 وطالع...واذا تبين اقل...فيه محلات غيرهم.....بس هذيلا مضمونين واكيد بيعجبج الشغل وبيطلع الفستان روعه

عمري قطر........انا شفت زفه في عرس وحده من ربعي...شمسويه؟...حاطه موسيقى اندلسيه ناعمه وحلوه....وجايبة بنتين صغار عمرهم حول ال9 سنين وملبستهم لبس اندلسي قديم...اللي تجيج السراويل منفوخه..وعلى راسهم الكبوس الطويل المخروطي اللي في طرفه من فوق قطعة شيفون تنزل لتحت وتنربط باصابعهم (السبابه)...اتمنى فهمتي اللي اقصده..........وبس اهم يكونون جدامها ويرقصون بحركات ايقاعيه على الموسيقى ...كانت وايد حلوه ورهييييييييبه والبنات مشاءالله عليهم مدربات عدل :) بس تدرين؟ ماكلفها شىء كلش لا البنات اصلا بنات جيراننهم :cool2:

الله يوفقكم بنات والفال لباقي الحلوووات ..

حبيت انصحكم باشيا ممكن تفيدكم في التجهيز

بالنسبه للعطورات افضل ان الوحده تشتري طقمين كاملين

و عطورات مجموعه مثلا 8 وغير العطورات العربيه ودهن العود

لان الواحد بسرعه يمل من العطورات يحب يغير ..

والميك اب تشتري مجموعه مب تخم وبس لا ..ليش السوق مب مختفي

كل شي موجود وكل اشوي ينزل شي جديد ..

بالنسبه للفساتين انا ما افصل في الدوحه اشتري جاهز

ولو اضطريت لممناسبه كبيره افصل برا قطر او اشتري من برا ..

بس اعرف كذا وحده تحب خياطة دار لارا ..وكارولين ..ومودبيلا


اختكم باربي

على طاري العطور .... شريت لي عطر كنزو توه جديد نازل ريحته عوود لكن شنوووو رهييييييييييب حق الشيله والعبايه مع شويه دخوون ... دشيت بيت رفيجتي .... وكل شووي وحده من خواتها تسألني عن الريحه <<<< وانا تشققت حسيت اني سبشل

اخباركم ياعرايس قطر انشالله بخير حبيت اسلم عليكم وابارك لكم مقدما والله يهنيكم

اهاااا باشوف البرنسيسة .. و كارولاين ..

أما الحازم ما أظن إني بامر عليه بس لا يزال البحث جارياً : )

بنات شنهي احلى الالوان لمكياج العروس ؟؟؟

عمري قطر........احس احلى شىء على العروس الوردي...تطلع به ناعمه وحالمه :) والا شرايكم يابنات؟

انا بعد اشوف الوردي احلى لون

صور بالوردي شوفوا اللون شلون نعومه هادي