سوالف تجهيزات بنات قطر..عرايس2006

مسا الورد بناااات قطر فديتكم



معاكم شوق من الدوووحه


الله يوفقكم انشالله كلكم للي فيه الخيرر
ونشوفكم احلى عرايس فالدنيااااااا

هلا كلاسيك...يالله عاد كل مارحتي وشفتي شىء قولي لي بلييييز...:)...حبيبتي بالنسبة لاسعاره متفاوته على حسب الجلابية...عنده المغربي والخليجي وعده القفطان اللي يشبه الجلابيات الكويتيه..اللي مثل دنيا القوي..تجيج قطعه ستان ساده بدون اكمام "حفر" وفوقها جاكيت طويل للارض ويكون الشغل في الجاكيت على الاكمام والظهر مثلا...انا سويت لي وحده حق عيد الفطر وخلقها شانتون مع الساتان...وكلفتني عقب المكاسر 1200..كان يقول بيسويها بـ1500 ...وفصلت عنده جلابية مغربية بس بخلق التووور ومطرز عليه شوي بالاكمام وتحت بالحاشية ومن ورى ...كلفتني 400 ريال..بس صج روووووووووووعه روعه باللبس

الحلو فيه انه بيريحج من تشري الخامات قولي له الخامه اللي تبينها ولاللون واهو بيسوي لج كل شىء :) اتمنى افدتج

شوفي بالنسبة للجلابيات المغربية فيه محل ورى السنتر "القديم" في مركز التسوق..اعتقد اسمه "جنات" فيه جلابيات فخمه جدا..بس اسعاره غاليه 1000 وطالع..بس حلو للصباحيه مثلا او لمناسبة حلو تبين تطلعين فيها بجلابية فخمه :) انا عن نفسي وااايد احب القفطان والجلابيات اللي من الشانتون والتفته والتور احسها فخمه ومبهره باللبس اكثر من البدلات

تهقين متى ماركس بيسوي تنزيلات؟ ابغي اشتري البيجامات من عنده لان بصراحه بيجاماته لايعلى عليها

وجدان الشووووووق...هلا ومرحبا اختي...مشكوره على الدعوه الحلوه :) وعقبال كل العرايس يارب

الغاليه اختي من امس احاول ادخل المنتدى ما قدرت الحلم الهادى غير الصخى زعلانك لك الرضى تدللي
شتبغين انا حاضره

شرايكم الوان الموضه السنه هي الوان الارض
كنت في لندن قبل شهرين كل شي باللونين
بيج وبيج غامق واخضر باهت ومشمشي غامق وبني مثل ورق الشجر

شرايكم في الاخضر مع المشمشي

أم حمد تسلم يدج ع الشغل الحلوو .. الشوكولا واايد كشخه ..

بنات أمس رحت عرس فيه ابتسام كانت زينه بس مو توب ! ويقولون قبل بيوم كانت بعرس بعد بس كان الطق موو شي ..

وانا مع دوحانيه مو شرط المكياج يكون ع الكوشه .. يعني ممكن لون يليق بس مو شرط نفس اللون ..

والعروس حلاتها كلاسيكيه ومكياجها حالم متناسق مع فستانها وفرحتها ..

اي و ع طاري الوردي والاخضر .. انا حطت لي سعاد هالالوان مره من فتره قريبه لان فستاني كان فيه هالالوان.. كان سموك ومعاه اخضر والوردي جاي مع الخط الي تحت العين .. وطلع حلووو ..

وجدان الشوق هلا فيج اختي نورتي .. = )

هلا ام حمد:) شيكي الخاص ومشكوره على ردج الحلو

RoO7 QtR


لا يكون كنتي في العرس اللي في الدفنه هههههههه


لان امس كان عرس رفيجتي هناك وكانوا جايبين بنت زري .........

هلا فيكم حبيييبات قلبي


؟....



ام حمد القطريه


لاتهونين بنت عمتي سندرتني تبيني اطلب رقمج

خلتني اسجل عشانج هههههههههه

يعطيج العافيه ياام حمد صج فنانه وشغلج حلو والله يوفقج يالغاليه

الحلم الهادئ جلابيه ب 1200 واااااااااااااااايد وبالذات لو شانتون
انا رحت حرير بومباي ونسفت الالوان اللي ابيها وفصلتهم اكثر وحده طلعت علي لحد الحين 700 القماش والتفصيل
وربشه صج غاااالي ومواعيده زفت
بنات تقدرون تدخلون الشانتون مع الدانتيل يطلع رووووووووووعه لجلابيه

هلا بنوتات
بالنسبه لموضي دام 150 الف خخخخخخخ الطقاقات وايد على شنوووووووووو 150 الف؟؟؟؟؟؟؟
شنو الناس لاقين فلوسهم في الشارع
عيل شكلي بقول حق رفيجتي تستقر على خالد فؤاد
اغانيه ترررررررربش

مدري اذا بهالموضوع سالتوا عن ابتسام زري
اتصلت لها من يومين ابي احجزها لعرسي خساره عندها عرس بهاليوم صج انقهرت
وهي تاخذ 7 الالاف بس ما تطلع من العرس اذا النقوط ما يوصل عشرين الف يعني لازم المجموع كامل 27 الف

بنات امممم ابي اخذ رايكم
شنهو احلى لون للعدسات عالعروس لاتقولون لي لا تلبسين مستحيل ما البس لووووول لاني منقهره للخطوبه لبست بنفسجي غامق وبني وما بينت عدل
انتوا شرايكم بثينه قالت لي الرماديه احلى شي
بس اخاف تطلع وايد فاتحه مع الكشافات والاضاءه
كل وحده تقترح لي لون ؟ واللي شافت عروس لابسه عدسات تقولي اي لون ؟ وكان حلو او لا ؟
ووووابي اسالكم عن مكياج العروس احس مو حلو تسوي لي سموك اسودمع اي لون ؟ والا انتو شرايكم
انا افضل الالوان الفاتحه والقويه ؟ شنهي اقتراحاتكم لي ؟

يه يه يه يه
عااااااشو بنات قطر

انا ويني عن هالموضوع؟؟؟؟؟؟؟؟؟؟؟؟؟

توني مكتشفته

وانا بانضم لحزب دلوعه قطرية وروح قطر :)
لاني مب عروس ولا شي بس الحمدلله عندي خبرة في التجهيزات وهالسوالف

وان شاء الله اقدر اساعدكم

الله يوفقكم كلكم ويسهل اموركم يارب
وتكون اعراسكم من احلى وارقى مايكون

عمري قطر:
بنات امممم ابي اخذ رايكم
شنهو احلى لون للعدسات عالعروس لاتقولون لي لا تلبسين مستحيل ما البس لووووول لاني منقهره للخطوبه لبست بنفسجي غامق وبني وما بينت عدل
انتوا شرايكم بثينه قالت لي الرماديه احلى شي
بس اخاف تطلع وايد فاتحه مع الكشافات والاضاءه
كل وحده تقترح لي لون ؟ واللي شافت عروس لابسه عدسات تقولي اي لون ؟ وكان حلو او لا ؟
ووووابي اسالكم عن مكياج العروس احس مو حلو تسوي لي سموك اسودمع اي لون ؟ والا انتو شرايكم
انا افضل الالوان الفاتحه والقويه ؟ شنهي اقتراحاتكم لي ؟

الغــاليــه ... العدسات تختارينها على حسب المكياج اللي بتحطينه....

انا رفيجتي كان مكياجها الشدو اسود وماروني والجلتر ذهبي ...
والروج كان درجات الاحمر ... وكانت عدساتها عسليه .. وكانت صج روعه ...

الرمادي حلو وايــد بس مب الفاتح .. لان في منه درجتين ... الاغمج مع عسلي روعه ..

وعندج اللون التركوزا روووووووووووعه من قلب ..مع المكياج .. اما البنفسجي معروف انه مايبين مع المكياج .......

واذاعلى مكياج العروس .. مب ضروري السموك يكون اسود .... تقدر تغيره لبني او بنفسجي او اي لون تحبينه .... او تحط لج المكياج الكلاســكـ الناعم .. اللي يعتـمد على رسمـة العيــن ..

وركزي على لون الروج ...

^_^

نور الدوحه
حياااااااااج في حزب الملاقيف خخخخخخ


وبالنسبه للعدسات
شوفي ماركة فريش لوك عندهم عدسات روووووعه اسم اللون بيور هزل
انا يعجبني وايد مع الميك اب
خاصه للمناسبات
واتوقع بيطلع حلو عالعروس لانه مب غريب مثل الرصاصي والرمادي مثلا ممكن يطلع مب حلو مع المكياج والاضاءه

عنادي قطر
& دلوعه قطريه
تسلمووووووووووووون ياقلبي عالنصايح الحلوه بجرب العدسات ان شاء الله

هلا بنات :)...........عمري قطر..اهو صج غالي بس بصراحه شغله مرتب وفخم والجلابيات اللي اتكلم عنها ام قطعتين فيها شك وشغل على الابه والاكمام والظهر ومنثر فيها فولك وشك ناعم على شكل نجوم على الظهر بالكامل ...مثل اللي في مسلسل دنيا القوي...جدا فخمه..وبصراحه الملبغ فيها محلل عدل...يعني حق كشخة العروس بتكون وااااايد حلوه ..:) والحلق شانتون وتور وتفته وساتان اكثر من خامه في الجلابية الوحده!...بس عيبة المواعيد وهذي محلوله..انا قوله ابيها قبل موعدها الاصلي باسبوعين !

اانا شفت عروس حاطه عدسات رمادية على بني...بس مثل ماقالت عنادي قطر...مب الرمادي الفتح كلش...لا الدرجه الاغمق...ومكياجها كان بنفسجي ووردي...وكان روعه روعه روعه العدسات مسوية شغل جامد :) انا بعد محتاره اي لون اعتمده حق العرس بعدين

رحت شريت لي 3 الوان من فرش لوك...والحين جربت الازرق وطلع وايد حلو بالمكياج.......بس للحين ماجربت الرمادي ولا الاخضر....فرصه الحين العيد كله باتمكيج وبجربهم

لاتخاطرين باي شىء بدون ماتجربينه عليج اول :) عشان تكننين مقتنعه تماما :) وبالتوفيق

مرحبا بنات ........

أنا زعلااااااااااااااااااااااااااااااااانه



4 ايام مادخلت المنتدى وحد طراني غير دلوووووووووووعه :(




............بس تدرون شلون.................



..........لانكم عرايس ومشتطين................


..........بسامحكم ........................


وهذي ابتسامه :) ...................


وحشتوني ......................

بنات انا يوم الجمعه حضرت عرس بالسعوديه وكانت الطقاقه ( ساره أخت العنود ).........كان طقها وااااااااااااااااااااااو .........هي تاخذ 12 + نقوط ...وبدون نقوط تاخذ 15الف............بس اعتقد لوبتجيبونها قطر غير ...........


العرس كان درجات الاخضر والسكري وناااااااعم وايد........الكوشه كانوا مسويينها عند محلات سعد الدين رهييييبه....كانت خلفيتها بروجكتر عارضين فيه عرس الرجال وفيه نفس باقات الورد على شكل كور كبيره تروح فوق وتنزل تحت وعليها اضاءة خضره .........واطراف الممر الطويل الي تمشي فيه العروس احواض ماي طواليه لما وكان الماي بعد يتحرك فوق وتحت ولونه اخضر ............اممممم زفتها كانت حلوه لان العروس تنزل من درج وكان شكلها حلو وكلاسيك وايد......

اف ياناس عندهم توزيعات خطيره فيه محل اسمها جهينه وسعد الدين رهيب وايد للتوزيعات راقيه ولذيذه وكشخه بكل معنى الكلمه .........امممممم بس فالمكياج احنا نغلبهم صراحه ............. وبس :)

اي صح والطاولات كان الستاند معلق عليه فواكه خضره يعني تفاح وعنب منزلينهم من خيوط .........العرس عموما كان موضوعه فواكه وماي وورد ....بالعربي من الطبيعه :)

هلا خطيبة الغالي :)...من طول الغيابت جاب سوالف العروس خخخخخخخخخ قولي انج مسافره ولا علمتينا الحين المفروض احنا نزعل عليج :)

والله شكله العرس حلو وموضوعه حلو........بس اكيد محد كل التفاح :) ماتخيل وحده تقصها بالسكين او تقرمها خخخخخخ يبي لهم شىء جاهز للاكل على طووول بس العنب والكرز والفراوله احس شغلات صغيره وتناكل بسهوله...والوسواسية تبي تغسلهم اول !! اوووووه سالفه !

قولي لنا شريتي شىء من هناك؟؟ وشنهي افكار التوزيعات عندهم؟