اللي بدأت محاوله تخفيف الوزن و تحب تشاركنا مشاعرها اليوم

بصراحه يوم اقرأ ردود البنات استحي و يجيسني احباط الكل يبغي ينزل من 7 ل 10 كيلو و انا يبالي 27 بس انا مسويه دسكونت و سويتهم 20 كيلو

الظاهر ان امثالي يبغيلهم موضوع خاص بالاوزان الثقيله ......

هلا حبيبتي ام القوقو

أحب انزل 20 كيلو..بس بالراحات

أنا مخففه الاكل و بعد الساعة 8 مساء ما اكل شي
اشرب ماي و اذا جعت اكل روب قليل الدسم
امشي يوميا تقريبا بين 40 دقيقة للساعة على حسب فراغ الوقت عندي
احب انزل 10 كيلو قبل العيد
و الباقي بعدين

الله يوفق الجميع يا رب

انا بصراحه افكر في رمضان ..... كيف بقدر ايود عمري في رمضان

انا السنه اللي طافت سويت رجيم بس كنت اخربط وايد في رمضان عشان جي ما نزلت اكثر من عشره كيلو

و رجعوا كلهم الحين طبعا

و انا باديه يوم السبت بس ما اشوف عمري خفيت و لا جرام

انا بديت اليوم إن شاء الله وودس انحف قبل رمضان ما اقدر دراسه ورجيم صعبه

بس مو ذاك الرجيم بس تخفيف وبقولكم إن شاء الله على النتائج

شكرآ ام القوقو على الموضوع شجعتينا حبيبتي

هلا والله بالصحيات اللي يبون يحافضون على صحتهم شوفوا انا بديت الرجيم وحاطه في بالي الرشاقة لكن اليوم حطيت في بالي الرشاقة والصحة لاني صرت اخاف من امراض السمنة
شوفوا انا بديت الريجيم بالضبط يوم 26 ربيع الثاني حنا اليوم 8 شعبان
بديت ووزني 77 وانا اليوم وزني ما شاء الله ما شاء الله ولا اله الا الله صار 65 ولله الحمد
ما عندي نظام غدائي معين وابي انزل الى 50 ك قولو انشاء الله انزل
انا كنت انزل كل اسبوع 1ك وجتني فترة ما انزال 1ك الا كل اسبوعين وجاني احباط لكن صبرت
انا حاطة في بالي ان ما يجي عيد الاضحى الا ووزني 50 ك يا رب يارب يارب
وشكرا واسفة على الاطاله

السلام عليــــــــــــــــكم و رحمه الله و بركااااته

ما شاء الله تبارك الله و لا حول و لا قوة الا بالله

يعطيكم العافيه وحده وحده

اول شي ما تدرون قد ايش انبسطت لانكم كلكم عندكم النيه

و باذن واحد احد اننا كلنا بنكون احلى بنات بالعيد

و انا فرحانه انكم شجاعات لعمل تغيير باذن الله للافضل

و اننا كلنا مع بعض بننجح ان شاء الله

مرررررررررحبا الدانه

حياك الله و نورتي معانا

الف الف مبروووك ما شاء الله تبارك الله انتهاء اول اسبوع

انجاز رااااااااااااااائع لا اله الا الله عقبالنا

و من جد انا ميته بشوف كم وزني لكن الميزان ما فيه بطاريه مدري بصبر او لا

ما شاء الله عليك زين مسكتي نفسك الصراحه اثبتتي انك شجاعه

اليوم الاثنين قولي لنا وش صار بسرررعه متحمسين

ان شاء الله 3 كيلو او اكثر بعد و لا عاد ترجعينهم

و عقبال ما يخلصون العشره كلهم قبل رمضان باذن واحد احد

الله ينحفك يا الدانه من دون شر يا رب

و ان شاء الله كلنا ندعي لبعض

و ما تدرين كيف فرحت يوم شفت دعواتك لنا جميعا

تشرح الصدر و تقوي الاراده اللهم استجب يا رب

يعطيك الف الف عافيه

و بالنسبه لرمضان اتوقع احسن شي زي ما قلتي نبتعد عن المقالي

و نكثر من الشوربه و السلطات

بتكون مهمه صععععبه الله يعين الجميع

و عساك على القوة يا الدانه و اجميع باذن الله

ننتظر نتيجه الاسبوع الاول...

GIS

لا يا حبيبتي ليش يجيك احباط؟؟؟

كلنا هنا عشان نبغا ننحف و نخسر كيلوات زايده بغض النظر كل وحده كم

و بعدين مشوار الالف ميل يبدا بخطوه اهم شي انك تبدين لانك اذا بديتي ان شاء الله

توصلين لكن اذا قعدتي مكانك ابدا ما راح تتغيرين

و بعدين الحمد لله على كل حال 27 بالنسبه لك شي كثير

طيب اللي يبغا لهم ينحفون 50 او اكثر و ش يسوون ؟؟

فيه ناس يا عمري اوزانهم اكثر من الميه و الميه و خمسين

عشان كذا الحمد لله انك ما وصلتي لمثل هالحاله

لانهم فعلا بيتعبووون كثير و مشوارهم صعب

اما انتي ان شاء الله بالاراده و الاصرار بتخلصينهم

انا اختي كانت لازم تنقص 20 كيلو و ما شاء الله الحين

صار وزنها مثلي و باقي لها زيي

انتي بس حددي لك هدف صغير مثلا 5 كيلو

و اشتغلي عليهم و اذا خلصتي باذن الله ابدي باللي بعدهم

شوي شوي الا و انتي مانيكان باذن الله

و الحين احنا هنا كلنا معاك وكل وحده تساعد الثانيه

و اذكركم ان شاء الله اذا قعدنا نسولف و قلنا تذكرون يوم كنا نسوي ريجيم

اهم شي بعد ما نوصل للوزن الزين نحااافظ عليه

و الحين يا عسوله ابغا ابتسامه من الاذن للاذن

و ابغا تقولين لنا كل يوم شصير معاك

فوانيس

اهنيك يا عسوله على ارادتك ان شاء الله ما يجي العيد

الا و انتي ناقصه العشره او اكثر من غير شر يا رب

و طريقتك مره حلوة ما شاء الله

اتمنى لو كنت اقدر اسويها بس المشكله انا اعرف نفسي

ما اقدر اسيطر عشان كذا ناويه ان شاء الله انزل وزني بعدين احافظ عليه

بالتخفيف

و طريقتك حلوة و صحيه الله يوفقك يا رب

و باذن الله 10 كيلو بتكون مفاجأه العيد لكل اللي حولك لان شكلك

بيفرق كثييييييير ان شاء الله

و انا سعيده انك معانا و يا رب نكون دايما مع بعض

و دايما خبرينا ايش يصير معاك عشان نتشجع اكثر و اكثر

GIS

حبيتي انا معاك رمضان بيكون تحدي كبـــــــــــــــــــــــير

و من الصعب السيطره على النفس فيه

لكن باذن الله بنلقى حل

انا نفسي حاليا احس اني ما اقدر اسوي ريجيم في رمضان

لكن اقول على الاقل ان شاء الله بشرب صحن الشوربه كللللله اول شي

و بحدد لي من كل شي حبتين و بحاول اشرب مويه كثير

و بشرب من ترمزي على الله بس يكون لها تأثير

طبعا هالترمز انا املاها كل يوم شاهي اخضر + نعناع + زنجبيل

و طعمه احسن بكثير من الشاهي الاخضر لحاله

و الله يعيينا

انتي الحين حاولي تنقصين اكثر شي عشان في رمضان تحافظين على الوزن على الاقل

لو ما قدرتي تنحفين...

هاه ايش رايكم يا بنات؟؟

على فكره

انا برضه بديت يوم السبت و نفس الشي احس اني ما نقصت و لا شي

لكن انتظر الاربعاء باذن الله باوزن و اشوف

الله يفرح قلوبنا اذا وقفنا على هالميزان قولوا اميييين

حياك الله دلوعة زوجها 2005

و اكيد دراسه مع ريجيم صعبه و دوام مع ريجيم صعب

لكن النتيجه تسوى التعب

بالتوفيق و انا ابغا بعد انحف ان شاء الله قبل رمضان

و لا تنسين تطمنينا عيوني عليك و تقولين لنا ايش يصير معاك

و انا ابغا اننا كلنا نشجع بعض حتى انا محتاجه تشجيع هههههه

و ننتظرك يا عسل

نبراس الشرقيه

:clap::clap::clap::clap::clap::clap::clap::clap:

:up::up::up::up::up::up:


الف الف الف الف الف مبروووووك

ما شاء الله تبارك الله النتيجه الراااائعه

عقبالنا جميعا

و تهانينا لك لانك قطعتي اكثر من نصف المشوار

ما شاء الله لا حول و لا قوة الا بالله

قولي لنا شجعينا اكثر

ايش شعورك يوم نحفتي

و كيف طلع شكلك و ملابسك وش صار فيها

و رد فعل اللي حولك

و عقبال ما تصريرن 50 في اقرب وقت ان شاء الله من دون شر يا رب

و يعطيك الف عافيه على المشاركه معنا رفعتي معنوياتي

و شجعتيني اكثثثثر

ننتظرك لا تطوليييين

أم القوقو:
بسم الله الرحمن الرحيم

السلام عليكم ورحمة الله وبركاته

الى المشرفات الفاضلات و العضوات الحلوات

انا ودي لو يكون فيه موضوع يتشاركون فيه البنات اللي بدأوا محاوله

تخفيف الوزن كل يوم و يشوفون كم نقصوا و يشجعون بعض لان زي ما انتوا عارفين

الحاله النفسيه اما ان تدفع الوحده للاستمرار و الصبر او الاكتئاب و الفشل

بس ما ادري اذا المفروض يكون الموضوع هنا او في ركن سوالف عروس او ركن ثاني

بس انا توقعت هنا علشان الرياضه و التغذيه بعد

ان شاء الله يكون ما فيه مشكله و نبدا نتكلم عن انفسنا

مع اني بديت اليوم الا ان اليوم طووووول اكثر من المتوقع هههههههههه

ننتظر الرد و التوجيه مع الشكر

أنا أيضا أريد مشاركتكم في الكلام عن الرجيم أنا بدأت يوم السبت 3/9/2005 و الحمد لله النتيجه كويسة لكن النزول بطىء وهذا كل ما أتمناه لأن الرجيم السريع يسبب التعب و يسبب السمنه السريعة وأحب أن أنصح الجميع بشوربة الكرنب من أكثر الأشياء التي تساعد علي التخسيس و الموضوع ده جربته من قبل . أنا أجلس الآن معكم وأشم رائحتها وماما بتعملها في المطبخ للافطار للأنى صايمة كل سنة وأنتم طيبين ......

eldesoukyml

مرحبا فيك و حياك الله معانا

و مبروك على النتائج الكويسه

ما شاء الله

ان شاء الله ينزل كل الوزن الزائد من دون شر يا رب

و اما بالنسبه لشوربه الكرنب سمعت كثير عنها انها تنحف

بس ما قدرت استحمل طعمها

اهم شي كويس انك ما شاء الله عندك الرغبه و الاراده

و اهم شي اننا كلنا نخسر وزن زائد

و تقبل الله صيامك

و يا ريت تقولين لنا عن تجربتك اكثر و تخبرينا ايش يصير معاك كل يوم

هلا حبيبتي ام القوقو

شوفي هذا هو الموقع ...اول شي اختاري التكت "ticket" وبعدين ظغطي نكست "next" وبعدين اختاري الايقونه
وبعدين ظغطي نكست واختاري شنو هو وزنج الحالي والوزن اللي بديتي عليه الرجيم والوزن اللي تبين توصلين له

وكلما تنزلين دخلي مرة ثانية وظبطي الامووور يعني غيري الوزن الحالي بس ويطلع لج رابط خذية وسويله نسخ ولصقيه بالتوقيع

ان شاء الله فهمتي على شرحي !!!!!!!!!

واذا لا قوليلي اعيد

والله يسهل علينا<<<<<شدعوه بنولد ههههههههههههههههه

ان شاااء الله كلنا ننزل ونكافح الشحم على قولتج ام نواف
حلوة شلة المناظلة

وهذا هو الموقع

اظغطي هنا

واختي نبراس الشرقة الف مبروووك وماشاء الله عليج ان شاء الله نوصل للي وصلتيه

اختكم
#رومانسية#

الله يبارك فيك وعقبال كل اللي يعملون ريجيم
شعوري لا يوصف كل ما شافتني وحدة وقالت لي نحفت افرح واطير من الفرح
بالنسبه الى شكلي ما تغير واجد لكن الحمد للة بدا يتغير نحو الافضل
ملابسي ما حسيت بالفرق واجد لاني في البيت ما البس الا البيجامات وما اطلع الا قليل جدا
مشكوره حبيبتي ام القوقو على دعائك وتحميسك لي

رومانسيه اشكر لك طيبتك و ردك و شرحك

انا سويت الخطوات تماما

لكن التوقيع طلع زي ما انتي شايفه مدري ليش؟؟

على العموم يعطيك العافيه و اذا فيه غلط في طريقتي يا ليت تقولين لي مشكوووره

و مبسوطه اني شفتك اليوم ان شاء الله نشوف بعض دوم

نبراس الشرقيه

عقبال ما تخلصين كل الكيلوات اللي تبين تنحفينها

و اهم شي النفسيه تتعدل

حتى بعد لو عندك شي كان ضيق عليك روحي جربيه الحين

انا عندي برمودا هو مقياس الرشاقه

انتظر انحف عشان اروح اقيسه هههههههه

و شكرا على مشاركتك عسوله

رومانسيه

اخترت صفحه ويب و طلع الحمد لله لكن مدري ليش طلع كبير زي ما انتي شايفه

خخخخخخخخخخخخخخ

على العموم باركووووووووووووووووووووووو لي

نقصت كيلوين الحمد لله

كنت مرررره محبطه و رحت قست وزني و الحمد لله

باذن الله اني اوصل الوزن اللي ابيه قبل رمضان

قولوا لي ايش صار معاكم

بااااي

السلام عليكم ورحمة الله وبركاته
هلا حبيباتي طبعا اليوم كان اول يوم لي من ريجيم وصادف يوم الاثنين ولازم الصيام
بس الحمدلله الامور مشت عادي جاد ماكليت وايد وشربت موية كثيرة
شغلت عمري عن الاكل والله يسهل بالصراحة ناوية نية انما على الشحوم يا انا ياهي