خبيرة تجميل....... في خدمتكم

شكرا لكل من دخل وقرا الموضوع وأفادني بتعليق او دعمني برأي او قدم استفسار.. انا استفيد منك وايد.. ولو عندي شي يا ريت اقدر افيدكم فيه..


نبدأ


dlal: احرصي غناتي على ترطيب بشرتج... التجاعيد تبدأ بالبشره الجافه... احرصي على السكراب خاصه اول فتره لو كل اسبوع مره.... وبعد مسكات ترطيب ... المهم .. اهتمي بوضع البيس قبل كريم الاساس.. جربي البيس من ميك اب فور افر .. شانيل او اتولييه.. او ماك.


رمز المحبه: غناتي ابتدي استخدام كريمات للعيون .. لو هالمنطقه بس اللي عندج تحتاج ترطيب.. مع ان حتى الويه الدهني له مرطبات تخص البشره الدهنيه بس. جربي : Force C premium from HR او كريم العيون من ماك.. او جربي sisly
تشققات الميك اب البيس كفيل انه يخلصج منها... جربتي الكيك؟؟؟؟؟؟ شوفي رد jami


Jami: فديت روحج انا اتشرف بزيارتج في اي وقت .. يا سلام حد يحصله ضيفان ويقول لا؟؟؟ القهوه تترياج...
بس عاد لا معلمه ولا شي .... حليلي.......
بالنسبه لأختج... انت قلتي عندها مساحه للرسم جربتي السموكي ؟؟؟؟ غالبا ما تكون العيون البارزه مدوره.. جربي المكياج التقليدي اللي يعطيها طول .. يعني ارسمي خط اي لينر تحت العين وفوفقا متوازيين وخلي فتحه عند نهاية الرسمه .. وسوي شدو غامق في نهاة العين من فوق.. حاولي تخففين حدة التدويره وتعطينها طول.


الكيك من اي ماركه .. دائما يشد .. وهاي ميزه حق اللي مكياجهم يتكسر في اماكن التعابير Expresion makes يعني ممتاز....

عموما انا استخدم الكيك من بن اي ... والكريمي والعادي من كريولان..

في كريولان احب الW بدرجاته .. خاصه W3 للبشره الفاتحه...جربي لهم ال supra ولا الاكوا من كريولان ...


انا ابدا ما انصح بالاشدو الباودر من كريولان.. الا الوان محدوده.. لان الوانهم ما تعطي لون قوي.. بس بما انج اشتريتهم ومتوهقه فيهم.. حاولي تحطينهم فوق الاكوا (المائي) او الكريمي اي شادو عشان يعطي تعزيز للون.


يا حلوات... والله ماك اي شدواته خطيره....

بالنسبه للألوان داخل العين.: الاسود الابيض والبيج وفي درحة زراق خذيهم من كريولان.........عموما الايلنز القلم عندهم زين.. بس جربي ماك الوانه خطيره وحلوه. واستعمالها فنان....


ابتسام................. خطوه مفيده انشالله.... حاولي تركزين على العده اللي يستخدمونها.. اسأليها عن الالوان خاصه التغطيه.. الروج ولا تحطيه في بالج.. الرسمات بالنسبه للعيون....... الرسمات حسب العين..... بس ركز على التغطيه واخفاء العيوب.. وشو الالوان وارقامها .. خليها عندج مرجع.



toot: حياج الله فديتج اخت وعزيزه ويا رب نستفيد من بعض.. انتي امري بالي تبينه فديتج.... قصة الحواجب معاي ومعاج سالفه.. عادي.. حاولي الكونسيلر يساعد شويه.. بس انا اشوف التشقير ما يسوي شي .. المشكلة الشعره تمسك الايشدو.. صدقني ماشي حل ... غير في طريقة المكياج.. طبعا تخفين من كثرة الالوان فوق .. واللون الفاتح يستوي قليل بس تحت الجقن على طول.... سمعت في شي نفس الجل غطيهم ... بس ما حصلته في الامارات.. هو يستخدم في الخدع السنمائيه


googel: ما عندي صور .. ولا سكانر ولا اعرف اصلا كيف احط الصور .. انا تعيسه في الكمبيوتر ...
بس حاولي تسوين اللوك العربي.. يعني تغطيه عدله ..فاونديشن خفيف .. كحل اسود داخل العين وارسميه بالالينر دار ما دار وحطي فوقه اي شدو اسود عشان يعطي لوك طبيعي .. سحبتة الايلنر تأثر.... جربي الالوان اللي يحبونها الريايل .. درجات الحمار.. ولا بابي بنك مع تدخيله على الاي شدو.. يعتمد على ذوق ريلج...



فدييييييييييييييييييييييييييييييييييييييييييييييييييتك حياكم الله

حبيبتي خبيرة المكياج ..........مشكورة على النصايح الحلوة

اشتريتن من ماركة make up for ever البودرة المضغوطة والكونسيلر والماسكرا وروجات عبارة عن علبتين كل منها تحتوي على خمسة ألوان والعلبة الأولى درجاتها من البني الغامق إلى العنابي والبيج والثانية درجات الوردي والبنفسجي وقالت لي مشرفة المكياج خلطي الآرواج مع بعض بيطلع ألوان حلوة المصيبة أني وصلت البيت وماعرفة اطلع منهم ألوان حلوه فكل لون أطلعة في النهاية يطلع لي برتقالي واحس اني ندمانه لأني اشتريت منهم أنا عادة أحب ماركت أيف سان لوران بس مادري شو خلاني هالمرة أجرب من عندهم!!!!!!!!!!! عندج لي إفادة في كيفية استخدامها؟

وشكرا

يا عروسة العرايس.....

الروج الباليتات من ميك اب فور افر زينيين ... بس مسألة الخلط؟؟؟؟؟؟؟
يعني في درجات من الوردي ... لو خلطيها بالبيجات تعطي برتقالي .. والاحمر يوم يتخفف بالوردي ولا البيج بعد يعطي برتقالي..

بس تختلف درجة البرتقالي ... واللمعه تفرق..

الحين ما عندج غير تستسلمين للأمر الواقع............... بس والله الباليته الوحده فيها تنوع... مع اني ما ادري ايس ست اشتريتي .. بس كلهم فيهم تنوع .. وحلويين....

هلا معلمتي عدنـــــــا على قوله سبيس تون
انزين وين القهوة وين اجبل ويهي في اي امارة ؟؟؟

مشكوووورة على المساعده
بس بعد وحدة طماعه مثلي تبا تسأل
اختي ( هههههه) عقدتها خواتها عندها انتفاخ تحت العين و سواد و هذا يأثر وايد على شكل عينها و هيه عيونها ناعسه تقريبا كيف اغطي كل هذا و احط لها الالوان اللي تناسبها ؟؟

الثانيه مثل ما قالوا اغلب البنات يتكسر الفاونديشن معاها ويظهر خط التجاعيد بين الفم مع العلم ان بشرتها دهنيه وايد


شي ثاني بالنسبه لي بما ان عندي شدو المائي من كريولان شو هيه الفرش المناسبه حقها و من وين اخذها و كم رقمها ؟؟


و السيريوم هذا حق اشو ؟؟ و متى استخدمه ؟

الله يعطيك العافيه اختي على النصايح والله يجزاك خير :)

السلام

مشكوره اختي ومااقصرتي ...

بحط ها النقط في بالي ..

انشالله اليوم بروووح .. وبنشوووف ويش يصيرر ..

دراعه .. مي ارباب....... ابتسام العمر ............. حياكم الله ومراحبا ملايييييييييييييييين

jami:
انت تامرين يا عمري......... بالنسبه للهالات والانتفاخ... الحل السريع هو الكونسيلر... في هالحالات جربي .. كريولان .. كونسيلرهم خطير..
بس على المدى لازم تستخدم كريمات العيون....... لحل المشكله جذريا..

بالنسبه للفاونديشن.. تجرب بيس للبشره الدهنيه .. تحاول تستعمل الكيك لانه يشد.. و ما ادري لو تحب تجرب كريم تغطية التجاعيد من كانيبو...

انا الحين في المكتب.. بدور في النت وبحاول اقول لج......

السيروم عنايه مكثفه.. يعني في حالة جفاف البشره او تعبها نستعمل السيروم تحت الكريم عشان نظم فعاليه اكبر


وهلا يا أمر

ماشاء الله اضم صوتي للاخوات تثبيت الموضوع.
س1:ايش هوالبس وايش مفعوله بالبشره؟
س2:ايش هوالكيك ومافائدته؟
س3:سمعت عن كريم ستروب بالمنتدى قبل الاساس ممكن تفيديني؟
ٍس4:لي جيه لدبي ممكن ازورك وتعلميني المكياج الي يناسبني مابي شهاده ابي اتعلم لشخصي؟
وشكرالطريقةاللون الروج الاحمرلاخفاءالهالات.................

هلا وغلا

غناتي انا من بوظبي .. وحياج الله في اي وقت....
البيس.. هو الاساس تحت المكياج.. يثبت .. يوحد اللون.. ويخلي الشكل النهائي حلو...
الكيك نوع من انواع الفاونديشن المائي... اهم ماركات تقدم الكيك .. كريولان و بن اي .. انا استعمل البناي.. الكيك يعطي تغطيه اكبر..تقدرين تحطين طبقات منه بألوان مختلفه.... واول ما تحيطينه وينشف تحسين انه يشد البشره.
اسمحيلي .. انا ما اعرف كريم ستروب.. وياريت حد يفيدج ويفيدني وياج.......

وهلا والله..............

:flower:
مشكوووووووووووورة يالغاليه و ما قصرتي

السلام عليكم

الف شكر لك اختنا العزيزة وحياك الله في بيتك الثاني

ويعطيك العافية على سعة صدرك

انا عندي مشكلة وهي الهالات سوداء تحت العين ولما احط المكياج يبين اثر الهالات فعلشان جذي اذا ممكن تخبريني شنو استعمل حق هذي المنطقة اثناء وضع المكياج علشان تخفي الاثار بشكل مؤقت

وانا استعمل كريم خاص لهذي المنطقة علشان يزيل السواد لكنه مو سريع المفعول لانه يزيل الاثار للابد فحاليا السواد خف لكن ما زال موجود

في امان الله

صباح الخير ...

نجوم الليل..... انزين انج تستتعملين كريم.. الاساس دائما انا نعالج المشكله مب نحاول نغطيها..

طبعا ما عندج غير الكونسلر..
لو الهالات خفيفه.. جربي سان لوران ... لو اثقل شويه اثقل.. جربي ميك اب فور افر او ماك ...لو الهالات غامجه استعملي كريولان..... ولا تنسين حركة الروج الاحمر تحت الكونسلر اللي ذكرناها قبل...

ومرحبا ملاييييييييييييين

السلام عليكم ورحمة الله وبركاته
خبيرة عروس.......اذاماعليك امر تدليني على البيس الي يناسبني لونه رقمه شركته
علما ان بشرتي بيضاء وعندي هالات فظيييييييعه
ولوتدليني لكريم اساس لاني افتح درجه اطلبهاتقلل من بياض بشرتي
وسألت المحل قال هذه افتح درجه لكريم الاساس....
الي بشرتها بيضالهاكريمات خاصه ولالا

سلااااااااااااااااااااااااااااام
خبيرتنا
انا لوني حنطي وجاي على بالي اشتري كريم اساس وبوده من فور ايفر ايش الرقم اللي يناسب الدرجه الحنطيه من كريم الاساس والبودره
ابيهم بالارقام
ومشكوووووووووووووووووره

فديتكم والله

وشكرا على كل اللي يمورن على الموضوع..


لقيت دربي: ماشاالله عليج....... انا قمحيه وادائما احط فاونديشن لوني او اسمر ..... يعني لون اسمر عنج شويه ما يطلع حلو؟؟؟؟ على كل حال جربي ماركات مثل كريولان و بني اي .. عشان عندهم كفر لكل البشرات... حتى الكونسيلر من كرايولان يغطي الهالات عدل...


وليف القلب..... اللي اقدر انصحج فيه لون في ميك اب فور افر لكل البشرات لونه مايل للوردي..
صعب اقول لج رقم معين لفاونديشن او بودرات...

معلمومه:
البشرات بختلاف الوانها سمرا .. قمحيه .. حنطيه وفاتحه... تنقسم الى درجتين ... بشرات تميل للون الاحمر .. وبشرات تميل للصفار....
دائما نحن نحاول في الفاونديشن والباودر نعدل هالشي بوضع العكس .. يعني لو بشرتج حنطيه لازم تعرفين هي تميل للصفار مثلا؟؟؟ عيل حطي فاونديشن لونج او درجه افتح بس يضرب على الحمار او البنك..
لو حطيتي لون للصفار ... راح تطلعين باهته .. فهمتيني؟؟؟؟

يعني انت حاولي تجربني الفاونديشن وعقب جربي كل الباودرات عليه .. جربيه على منطقة الفك.. الو الرقبه او حتى على الخد عشان تعرفين اللون المناسب....


ومرحبا ملايين

يعطيج الف عااافيه على هالمجهود الراااااااائع

سؤالي

شنسوي الحين بهالرطوبه واللهوب بالمدرسه<<<مع العلم بشرتي دهنيه
استخدم حاليا كانيبو السائل للبشره الدهنيه202 والكومباكت بودر202 وقبلهم احط ستوب شايننغ من فور ايفر بس مشكلة كانيبو اتقطع عند الفم شاااسوي واحس اوقااااات مساماتي اتبين ساااعديني بليييز

يعطيك الف الف عافيه اختي ميك اب ...... ماادري شالباقي تسلمين لي اختي


وربي استفدت من مشاركتك الحلوه

اختي انا بشتري دهنيه واستخدم مجموعة تنظيف للبشره من لانكوووووم لكن مااحس باي فرق لحد اللحين على اني استخدم لي اكثر من 6 اشهر
فشرايك انتي ؟؟؟؟


اما بالنسبه للكريم الاساس استخدم كريم اساس كومباكت سايل من لانكوم ماادري يحتاج بودره والا لا واذا يحتاج شستخدم معه انا احيان احط معاه بورده من بودي شوب


ياليت تساعديني

وياليتك تكتبين لنا موضوع عن كيفية رسم العين الكبيره والصغيره مشروحه بالصور

ويعطيك الف الف عافيه

والى الامام بالتوفيق اختي

makeupartist:

معلمومه:
البشرات بختلاف الوانها سمرا .. قمحيه .. حنطيه وفاتحه... تنقسم الى درجتين ... بشرات تميل للون الاحمر .. وبشرات تميل للصفار....
دائما نحن نحاول في الفاونديشن والباودر نعدل هالشي بوضع العكس .. يعني لو بشرتج حنطيه لازم تعرفين هي تميل للصفار مثلا؟؟؟ عيل حطي فاونديشن لونج او درجه افتح بس يضرب على الحمار او البنك..
لو حطيتي لون للصفار ... راح تطلعين باهته .. فهمتيني؟؟؟؟

:eek2:
عيل تدرين ان اغلب البنات يعطونا معلومات غلط و يقولون ان الفاونديشن اللي ياي على البنك ما يناسب الخليجيات و اكثر عن مرة قريت هذه المعلومه في المنتدى ...
مع ان انا اشوف وايد بنات يهبل عليهم اللون .. الحينه عرفت السر كل كلامهم خرطي طلع هههههههههههه


ما شاء الله عليج بغمض عيوني ولا بلبس عدسات سود ههههههههه عسب ما احسدج :up:



تعالي ما خبرتيني الفرشاة حق الشدوهات المائيه من وين اخذها و كم رقمها ؟؟

انا اشوف اكثر الدرجات اللي تناسب الخليجيات البينك!!!
بس لليومي اكثر


للحفلات افضل البيج <<<داشة بالموضوع عرض ادري لووووول