خبيرة تجميل....... في خدمتكم

[CENTER]طيب ممكن اعرف انتي في اي صالون

عشان لو جيت عندكم زيارة

نتعامل معاك

وانتي وين دارسة التجميل وكم مدة الدراسة:bigsmile:

حبيتي GIS

لا تزعلين عليه....

بس بيتحروني اسوي حق عمري دعايه.. بس
لو تبين اي شي طرشي لي على الخاص..

فديتج فديتج فديتج لا تزعلين ..


انا استخدم البيس من اتولييه.. makeuper for ever بعد الباس حلو




انا درست في فرنسا.. في بوظبي من 7 سنوات في المعهد الامريكي.. وفي لبنان .. بس المهم انج تحبين هالموضوع

ماشاء الله عليج صج خبيرة :)
بس بسالج فونديشن فوريفر والكومباكت مالهم حلوين حلوين يعني يسوون والا مو ذاك الزود؟
شكرا لج

لا خلاص رضيت ............ انا ترا ما كان قصدي اللي انتي فهمتيه

انا بصراحه احب مكياج المواطنات لانهم يعرفون ذوقنا اكثر من الجنسيات الثانيه .........و بصراحه انا خاطري اتعلم احط مكياج ..... و سامعه عن مركز قنطار و معهد زودياك ......... بس للاسف ما اعرف اذا كانت دوراتهم زينه

GIS
فعلا ان معاج بهالنقطة انا عندي المكياج و تجهيز العروس و المكياج العادي لازم يكون من يد مواطنه من نفس البلد لانها بتفهمج عدل وعارفة احتياجاتج وشكل المكياج اللي دارج وقلبها عليج :) اهم شي انه قلبها عليج بنت الديرة والا شرايكم؟؟

[CENTER]طيب اختي ما قلتي انتي في اي صالون:think:

مناري حبيبتي ............نحنا هني في الامارات عندنا وايد بنات يحطون مكياج روعه لدرجه اني استغرب من وين اتعلموا يحطون بهذا الاسلوب (ما شاء الله عليهم). و بعضهم يعرضون مكياجهم في المجلات ......... و كلهم مكياجهم رووووووووووووووعه

و حبيت اقولج اني استخدم الفاونديشن و البودره من ميك اب فور ايفر و هم روعه و يخلون و يهج يبين قطعه وحده .......... جربيهم و خبريني

أصلا ماشاء الله الخليجيات بشكل عام طالعين طلعه بالمكياج والازياء ان شاء الله منها لأعلى :)

بجربهم بس لما يخلص شي من اللي عندي
اصلا لو بشتري شي ثاني بيذبحوني بالبيت وبالمنتدى لوووووووووووووووووووووول

و انا و حده من اللي ناويلج ......... لازم ترحمين عمرج من هذا المرض اللي اسمه "شراء المكياج" و تخلصين المكياج الي عندج قبل

اي بس خلاص ماراح اشتري هالمرة كلمة رجل ماراح ارد بكلمتي لووووووووووووووووووووول
بنطر يخلصون الديور اللي عندي لأن عندي 2 مو راضين يخلصون جنهم كل يوم يزيدون

هاجي ابغيج ........... و كلام الريايل لازم ما يتغير

makeup for ever معظم اشياءه حلوه....

انا وياكم ماشالله وايد مواطنات الحين .. وشغلهم حلو.. ويستخدمون ادوات ومكياج ماركات وشي مرتب..... يعني تعبانيين على عمرهم..

واهم مشي مثل ما قلتو يفهمون علينا.......

بالنسبه لقنطار .. ما ادري.. اللي اعرفه انهم يستخدمون كرايولان...

زوديك.. يعني ما احس وايد بروفيشونال.. ما ادري لو حد جربه يقدر يفيدنا؟؟؟

وفديتك يا GIS قلبج طيب ...

:o:o:o:o:o:o:o
لا تقوليت جي







استحي

شكرا على مشاركتج

وماشالله عليج انا جربت الطريقه اللي شرحتيها وطلعت حلوه

بس ممكن تنصحينا في الروجات؟؟؟

اي ارواج تحسين حلوه؟؟؟؟؟

اي مركات؟؟؟

شكرا مره ثانيه

السلام عليكم ورحمة الله وبركاته

مشكوره اختي العزيزه makeup artist

موضوعج ولا اروع وافادني بدرجه ما تتصورينها...

وعندي سؤال الغاليه:

عندي هالات بشكل مزعج تحت العين، وبشرتي بيضا، يعني كلش الهالات مشوهه منظري...المهم خبيرة مكياج فباريس جالاري نصحتني بكونسيلر من ماركة diego dalla palma درجة صفر، نفع معاي مدة شهر تقريبا، بعدين صرت لمن احطه تصير المنطقه حول عيني رماديه او بيج غامج...ويبين شكلي تعبانه اكثر....

بليز شو تنصحيني فيه....؟؟؟

وعسى ربي يجازيج خير على نصايحج القيمه

عندي سؤال وأنا محتاجة لمساعدتك كثير لأني عالجت بشرتي بالروأكتين وبشرتي اتحولت الى عادية وجافة في بعض المناطق زي لخدود وحوالي الفم وصارت حساسة جدا مع إنها من قبل ما كانت كذا وأنا الحين أعاني منها كثير مع إني مااستخدم مكياج ولاشي بس في هالفترة أحتاج للمكياج بشدة لأنو عندي مناسبة مهمة حفلة ملكتي وبعد فترة راح اتزوج ولاني لاقية حل لبشرتي
استخدمت كريمات ترطيب تحت اشراف الطبيب ولافي فايدة تتشربها بشرتي واتجف واحيانا نفس المناطق الجافة ادهن يعني ماني عارفة نوع بشرتي الحين ..!!

بس أبيكً اتساعديني في كريمات الأساس المناسبة لبشرتي وأقنعة طبيعية اترطب بشرتي وأكون لك شاكرة كثير

أنا عروس ويالسه اتشرى للعرس
وابا أسألج عن المكياج شو آخذ وشو تنصحيني من ماركات وأدوات تجميل
للعلم:
بشرتي دهنية وفيها حب الشباب.....شويه مب وايد
عندي مسامات
بشرتي بيضا.......وشعري أسود
واذا تعرفين في علاج التشققات اللي بالجسم.......ياريت تنصحيني بمستحضر فعال
اترياج

صباح الخير

مرحبا بالغاليه برونزيه:


الروجات... الوانرها يعتمد على ذوقج ولبسج وشو يناسبج بس هاي بعض النقاط:

جربت ماركات وحسيتهم يلطفون بشرة الشفايف: لاةكوم، ديور، استيلودر ميك اب فور افر
ماك الوانه روعه .. وتحصلين اي لون تفكرين فيه
الموضه بدت بتجاه المات.. بس الجلوس بعد موجود بقوه...
الجلوس يعطي انتفاخه للشفايف .. بس المات يعطيها عرض اكبر بعد خاصه لو لونها فاتح
جربي هالطريقه: بعد الفاونديشن ولمسة بودر عشان نثبت الروج ونعطيه لونه.. حددي شفايفج بتحديد اغمق عن لون الشفايف ، بعديين ييبي تحديد لون الروج تقريبا حطي فوقه او اخره ومديه في كل الشفايف.. عقب حطي الروووووج والجلوس لو حبيتي...
لو حبينا الروج يتم فتره طويله .. المات يطول... واكثر روج يختفي بسرعه اللي جلوسي.... الا اذا حرصتي تخلين الجلوس في الشنطه.....
حاولي تحطين مرطب على شفايفج قبل لا ترقدين عشان تكون شفايفج ناعمه في الصبح..

وهلا

حبيتي حياج الله..


Diego Dalla Palma وحده من اكثر المركات بروفشنال.. يبعونه في باريس جالري.. بس مشكلته معظم اغراضه غير متوفره.....

انا استخدم الستيك فاونديشن حقي.(استعمال شخصي)

المهم ... صديقتي .. فيها سواد وتجاعيد بنسبه كبيره الحين تستعمل كريم اشترته عن طريق التلفزيون... اظني اسمه (white touch )

بس بالنسبه لحالتج.....

التكنولوجي تقول:

دئما الاصفر او البيج على الاسمر يعطي لون رمادي. .. وهذا اللي يخلينا نحط البيس الاحمر تحت الفاونديش للسمر...

في حالة عدم وجود هالبيس.. او في البيت هاي طريقه سهله ومريحه .. ييبي قلم روج احمر وبطرف صبعج وزعيه تحت العين .. نسبه خفيفه بس.. عقب .. حطي الكونسيلر العادي..... انشالله راح تخفف....


وهلا ...

مصباح كفيف:

هلا بالغاليه، هاي المشكله تواجه معظم اللي تستخدمون الروأكتين .....

جربي شانيل Maxihydration واستخدمي وياه السيروم.... يعني عقب التنظيف بالملك.. سيروم وفوقه المرطب.....
ابتعدي عن التونيك في هالفتره... والمرطب لستخدميه اكثر عن مرتين في اليوم

جربي هالماسكات:

زيت اللوز + عسل + قشطه + حليب مع شوربة الشوفان المطحونه ناعمه... ممكن تحطين عليه شويه كركم

نص موزه /او افوكادو مستويه مهروسين ويا العسل وشويه زين زيتون .


في هالفتره تحتاجين تسوين minificial في البيت بسيط وتحطين الماسكات .. او تشترين ماسكات ترطيب :

الفيشال في البيت:

بعد استخدام الميلك وعمل مساج للويه اسمحيه بقطنه.. وييبي فوطه حطيه في ماي دافي قدر ما تقدرين تتحملين الحراره... وخليها على ويهج سوي هالحركه لين تتفتح المسام وتحسين ويهج استوى احمر..
حطي السكراب..... ( اختاري اللي يناسبج للبشره الجافه).. عقب نظفيه وغسلي ويهج بماي دافي وحطي الماسك..



بالنسبه لكريمات الاساس.. تحتاجين الكريمي في هالفتره.... شوفي الماركات اللي تكلمنا عنها بس الكريمي منها.. ولو حطيتي مرطب قبل او بيس راح تستفيدين انشالله..


بس