خبيرة تجميل....... في خدمتكم

هلا يا عاشق الذاهبه.. شو الذاهبه؟؟؟ الحياه؟؟؟؟


على العموم .. الف مبروك يا غناتي والله يتمم عليج بالخير...

راح احط نقاط ما راح اشرح بالتفصيل لانه يعتمد على ذوقج وشو تميلين له والميزانيه:

خذي لج ست كريمات فيشل: المنظف ، السكراب والماسك ( احرصي انها للبشره الدهنيه .. معظم الماركات فيها ماسكات للبشرات المختلفه .. جربي .. سشيدو.. guont

اشتري كريم حق المسامات جربيه من كلينيك....
كريم تنظيف المكياج وصابونه تناسب بشرتج ....

كريم لليل والنهار .. او كريم واحد وحمايه...

خذي فاونديشن تغطيه عدله مع كومباكت باودر (جربي كانيبو)
فاونديشن خفيف مع باودر خيف .. جربي جيرلان .. وديور مثلا .. البودر شوفي البودي شوب او فرساتشي
اشتري كومباكت فاونديشن وباودر للسرعه .. جربي كلينك وشانيل وجرلان..



مسكارا.. جربي سان لوران وديور ...

كحل اسود جربي ماك..

اشتري الحين المكياج وحاولي تسوين طقم لكل شي من روج بلشر:

يعني ست وردي ....
ست بيج وبني
ست اورنج على بيتش
ست احمر
ست بربل او بنفسجي لو حبيتي ...

الحين الايشادوات .. جربي الستات الجاهز وحاولي تاخذين الالوان الاساسيه:

اخضر، ازرق ، بنيات وبرونز، برتقالي وبيجات ، بنفسجي..

جربي الستات الجاهزه من شانيل وديور .. سان لوران كلارنس وجيفنشي...


وشو بعد؟؟

التشققات.. يا عسل مالها علاج .... بس جلسات السكراب تنعم ملمسها . وعليح بالحمام المغربي بالاعشاب ...


ومبروك الف مبروك

بغيت اسئلكم عن كونسيلر فور ايفر عندي اللي حق 5 الوان انا احطه وبعدين اساس وبعده بودرة حرة وفوقها مظغوطه عشان يثبت

قالتلي وحده طريقتج غلط للكونسيلر

بنات علموني طريقه صحيحه

بغيت اسئلج سمعت عن ماسك خميرة من زمان انه اذا حطيته قبل عرس يعطي وجه منظر واشراق صح او لا وممكن ماسك

وبغيت اسئلج في ماسك تعرفينه اقدر اسويه قبل لااروح عرس يعطي وجهي اشراقه ونظر عن تعب

ويعطيج العافيه

هلا حبيبتي فيج بالمنتدى

حبيت اسألج انتي وين درستي التجميل؟؟ وكم سنه الدراسه؟؟

وهل صعبه ولا سهله؟؟ وكم كلفتج؟؟

بعد عندي سؤال

الكونسيلر البنفسجي والاخضر كيف نستخدمه؟؟ وهل لونه يتم بنفسجي ولا نضيف عليه طبقات ؟؟

بعد عندي اسأله هههههه بس شوي شوي

مرحبا فيج يا makeupartist مشكورة على هالمبادرة الطيبة منج....وأنا عندي سؤالين ؟

1. كم مدة صلاحية المكياج؟هل يبدأ من أول استخدام والى متى؟ واذا كان جديد لم يستخدم قط هل له تاريخ صلاحية؟
2.هل استخدام الكحل المائي بالفرشة الي ينحط في علبة مثل الشادو من عند فور ايفر أفضل من الكحل السائل العادي؟


تحياتي الحارة

شو افضل منتجات كريولان غير الشدو المائى؟

[CENTER]أشدعوة اختي الكريمة :sad:

كل ما أسأك ما تردين علي:sad:

انه وايد احضر الإمارات وتصير عندنا مناسبات (^)

فياريت تذكرين اسم الصالون إللي تتعاملين معاهم عشان نجيك:bigsmile:

ما اعتقد صعب

عروس البحرين:

حبيتي : كونسيلر فور افر من افضل الكونسيلرات.... 2 للبشره الفاتحه و3 للبشره القمحيه.. المهم .. بعد توزيع الكونسيلر حطي عليه باودر للتثبيت وبس.....

الا لو عندج مشاكل .. تحتاجين تحطين كونسيلر او بيس برتقالي او احمر تحت الكونسيلر ....
بالنسبه للماسكات... في الموقع وخاصه تجهيزات العرس .. مسكات وايد .. اسمحيلي يممكن العرايس اللي جربوا رأيهم افيد..
عموما .. بحاول عقب احط شويه مسكات .....

PINK GIRL
شكرا يا غناتي ...
انا درست في فرنسا .. بوظبي وفي لبنان..... المده اللي تحتاجينها حسب انت شو تعرفين وشو تحبين.. انا دراستي في فرنسا كانت بس سكن كير بدون مكياج.....
بالنسبه لسؤالج:


البنفسجي : يستخدم للبشره المائله للصفار .. وينحط لتغطية الصفار على البشره.
الاخضر: يخغي الحبوب الحمرا.. والبقع المائله للحمرا على الويه..



Mrs chocolate:
المكياح قبل الفتح يتم فتره.. ما اقدر احددها بس ممكن تكتشفين انه صار جديم من كثافته لو طلع عليه ترسبات لونه او حتى ريحته..
عموما الاشياء حسب الاستعمال والحفظ تنتهي صلاحيتها : مثلا مسكارا لو استعملها كل يوم بعد شهر تحسيها تكتل...
الفاونديشن يتم لين 6 شهور او اكثر بعد الفتح .... الروجات نفس الصلاحيه .. بس مثلا الباودر يقعد اكثر..
مره قريت شي عن هالشي .. بحاول اراجع.. واسمحيلي لو المعلومه اللي عطيتج ايها غير دقيقه ..

اما عن استخدام الكحل : يعتمد على مقدرتج على الاستخدام وشو تحسنيه اسهل.. بالنسبه لي .. بالفرشاه افضل.




حذف: المائي اروع شي عند كريولان.. ما انصح بالشادو الكومباكت او الباودر .. بس الساتان جيد والروجات زينه.. البودرات اللوز للخلطات حلوه....... الكحل الاسود ممتاز. عموما كحلهم حلو..
فراشيهم مب ذاك الزود.. وفونديشنهم حلو.. بس هم مميزين بالستيك.. والكونسيلرات..




عذب القوافي.. لا تزعلين عليه.... انا اللي فهمته انه ما يستوي الواحد يسوي حق عمره دعايه في المنتدي

مشكورة اختي makeupartist لى الرد السريع.......وعندي سؤال ===========) اذيتج بأسألتي

1. انا ودي اشتر شدو في علبة فيها كل الألوان بدل ما اشتري كل لون بروحه..ممكن تدليني على كاركة معينة تصلح للحفلات..؟ لان شريت من فور ايفر كل لون بروحه ويكلف وايد؟؟؟

mrs chocolate:

هلا والله يالغاليه.

بالنسبه للعلب يعتمد شو الوان تحبين ..
ممكن تجربين الستات الجاهزه من ديور شانيل وجيرلان وماك .... لو تحبين الوان قويه مثل فوشيا .. بنفسجي واشيا صارخه.. جربي BN


you are always wlecome

مشكورة حبيبتي على الرد الفوري انتي كده:up:

أقول الغالية..أنا بعد أبغي ألوان شدو بس تكون مجموعة في علبة..وأبغيها تكون قوية و تثبت..مثل (البلته) مالت الألوان

hi suger

الباليتات حسب شو تحبين .. جربي اللي ذكلاناهن

وهلا والله بالحلوات.....

[ انا بشر تي جافة ولما احط كريم الاساس يكون لونة باهت ابي اعرف شنو الحل

عزيزتى خبيرة التجميل مشكلتى هي جفاف منطقة الجفون ويبان اكثر ع الميك آب ! مع ان بشرتي عادية تميل للدهنية

بس الاحظ على الميك اب تبان تشقاقات خصوصا في الجفون ؟ بليز حليلي هالمشكله

السلام عليكم و الرحمه
اول شي اقول الله يوفقج يالغاليه و ما قصرتي ( انزين على الاقل خبرينا انتي من وين عسب نزورج و نجرب فنيان اقهوة ولا ما تعزمين هههههه)

معلمتي عندي اسأله وايده أولاً:-
1- اختي حنطيه على بياض و عيونها شوي جاحظه و مساحه عينها واسعه ما شاء الله بس عيزت و انا اجرب فيها الالوان و تطلع ام الدويس .( الازرق ابد ما ناسبها _ ما عرفت شو الرسمه اللي تناسبها )

2- بغيت اعرف الكيك فاونديشن من كريولان كيف تستخدمينه عيزت منه و كل ما حطيت حق خواتي شوي و يفلعوني بالكرسي يقولون انه يشد و يأذيهن - بغيت اعرف درجه الكيك اللي عندج و طريقه استعماله و البودرة اللي تحطينها بعده و رقمها و من وين )

3- شريت 15 لون شدو عادي من كريولان و احس انه خسارة ما تظهر الالوان ابا طريقه اطلع جبد اللون و احلل بيزاتي اللي فيه

4- ابا اعرف الاقلامه الحلوة اللي تنحط داخل العين يعني لون ابيض او اصفر و ازرق و غيره من وين اخذهم ؟؟

هلا بش بين صااحبااتش

منووره والله ..

واذا احتجت شيئ بسألش ...

جا في بالي سؤؤال ..

بما اني برووح انشالله دووره مكيااج ..

وشو هي الاشيااء اللي لازم انتبه لهاا واهتم فيهااا ..

وادقق فيها ...

اكيد فهمتي علي .. لانش فناانه في المكياج ..

تحياتي انتظر الاجابه قبل مااتبدأ الدووووره

hi make up artist
الحقيقة حبيبتي أنا أعمل make up artistبس أكيد العين ماتعلى على الحاجب انتي ماشاء الله عليك خبيرة اما بالنسبة لية فمالي الا كم سنة وبس وحابة أستفيد من خبرتك
بصراحة تواجهني دائما مشكلة ان بعض الزبونات حواجبهم كثيفة وعريضة وطبعا باعتبار أن النمص حرام أنا ماأنصحهم فيه لكن في نفس الوقت مايرضون يعملو تشقير ولااي طريقة ثانية سؤالي ؟هل فيه طريقة ثانية تخلي شكل الحواجب حلو ومرتب علما اني استخدمت الكونسلر بس ما أعطاني النتيجة المرضية ومشكورة سلفا
معليش سؤال ثاني اذاكان الجفن الثابت منفوخ ويغطي الجفن المتحرك ومافي مساحة اش ممكن اعمل رسمة وسامحيني على الاطالة

[CENTER]يعطيج العافيه اختي موضوع رائع واتمنى (تثبيت الموضوع) للافاده

«®°·.¸.•°°·.¸¸.•°°·.¸.•°®»make up artist «®°·.¸.•°°·.¸¸.•°°·.¸.•°®»

واذا احتجت شي بسألج ..

وجزاج الله الف خير

خبيرتنا ودي في لوك طبيعى ونفس الوقت مغري علشان زوجي لانه ما يحب السموكى ولا الغوامق

بشرتى حنطيه مب فاتحه ولا غامقه

اذا ممكن صوره توضحيه من ارشيف الصور اللى عندج مشكوره مقدما