خبيرة تجميل....... في خدمتكم

مشكوره الغاليه على النصايح و انا بطبقها .........ز و على فكره انا يوم احط مكياج خفيف ما احط اساس بس ساعات احط بودره

صراحة يتي في الوقت المناسب

عندي كم سؤال و سامحيني :

1- ابا اعرف الألوان اللي تناسب البشرة الحنطية ( مختلطة / مناطق دهنية و مناطق جافة) و طريقة حلوه للمكياج ؟
2- شو المستحضرات اللي تناسب بشرتي للعنايه بها ( صابون و التونيك ..... الخ) ؟
3- اذا بغيت آخذ دورة مكياج وين تنصحيني؟


اعرف انهن وايد بس اللي تقدرين عليه و يعطيج العافية

makeupartist ما رديتي على سؤالي مشكوره سلفا

aulafm:
اولاً ... مرحباً بك في المنتدى
ثانياً ... مؤكد راح نستفيد من خبراتك كخبيرة تجميل
ممكن تخبرينا ما هي الالوان التي تليق بالبشرة السمراء .. والبشرة الداكنة في المكياج
بشرتي داكنة وبالرغم من ذلك اميل الى الالوان الزاهية (الوردى - البنفسجي ) ولا ادري هل تليق بي ام لا .... خاصة ان شفاهي داكنة اللون ايضاً؟؟؟؟

وينك ... مارديتي علي؟؟؟:cry::cry::cry::cry::cry:

شو رايش في المكياج المائي مثل ماركة بن باي كثير اسمع عنها في المنتديات وكارولاين

حياج الله معانا وان شاء الله نستفيد بخبرتج ......انا عندي سؤال ؟؟؟ هل من الضروري نحط مرطب او كريم او ليشي قبل المكياج علشان يخلي المكياج حلوو مرتب ومايسيح ويخلي الويه مخملي ....ولا مب ضروري عااادي ...واذا كان ضروري شنهي احسن الكريمات

[CENTER]اريد اسألك عن طريقه عمل المكياج الدخاني
واذا تقدرين بالصور

وشاكرة لك

خبيرة تجميل مشكورة على خطواتج وانا فعلا اتبع نفس الخطوات لان تعلمتها من دروس وضع المكياج والي علمتني الطريقة خبيرة تجميل

شكرا اختي على وجودج.......


عندي ثلاث اسئلة .......


عندي في منطقة حول الشفايف يعني يمين ويسار الشفايف يتكسر المكياج يعني تبين الخطوط الرفيعة حول الفم مب تجاعيد يس ما اعرف


بشو اوصفها ان شاء الله فهمتيني ياليت تنصحين بكريم قبل المكياج او مرطب يناسب.....


ابغي اسألج عن كريم الأضاءة نفس اللي يحطونه العارضات على الخدود مثلا او منطقة الجبين جربت ماك ما عيبني .....


وفي يوم عرسي حطتلي مالت المكياج ايلاينر بس مدور مثل الشدو وفرشاة لوحده يعني مب نفس لانكوم شو الماركة اللي تعطي لون


اسود حلو ابغي نفس الفكرة .....


وشكرا لج

اهلا فيكي ميك اب ارتيست ...
انا سؤالي ان كيف نعمل لمعة للوجه زي جنيفر لوبيز ويسرا...
لمعة مش بودرة ...لمعة تحسيها صحية....

سؤال كمان...

بدنا تحكيلنا بتفاصيل عن اسرار المكياج الاحترافي يعني
كيف نداري عيبو بالوجه او مناطق بارزة بالاساس و البودرة والبلاشر
يعني مثلا انا شفت اوبرا قبل الميك اب وبعد الميك اب مختلفة تماما
ولاحظت انهم بيلعبوا بهالمبدا كيف نظهر ونخفي ..

سؤال كمان
في قاعدة بتقول من خبيرة تجميل ..
الفاتح عالفاتح يغمق
والغامق عالغامق يفتح..
شو رايك في هالمقولة

GIS : انا يوم احط مكياجي السريع احط باودركومباكت بدون فاونديشن .... او فاونديشن خفيف بدون باودر بس ضربات خفيفه على الاماكن اللي راح احط فيها البلاشر..

aulfm : حبي جاوبت يوم تكلمت عن الوان الصيف .. الذهبيه... على كل حال .. ركزي على اللوك البرونز البنفسجي والازرق والاخضر لايقين لج.. وموضه الحين مع الذهبي.... بالنسبه للروجات حاولي تحطي كريم الاساس على الشفايف ووزعي اللون اللي انت تحسيه حلو عليج وماشي على اللوك...

الترابيات والبنفسجي والبنك حلويين عليج.. حتى في درجات برجندي حلوه بعد...

شكرا يا عيون وساع وحياج الله....


زوجه مطيعه:

تكلمنا عن الموضه الحين .. بس انا احس انه لازم نركز نحن شو نحب وشو ذوقنا.. يعني مثلا انا لي ستايل في المكياج.. بس مرات يحظرون زباين يحبون ستايل معين . انا اسوي اللي هم يحبونه...و هذا هو اللي يريحم .. .
اختاري من الموضه اللي تحبينه .. وبعدين انت بشرتج حنطيه يعني معظم الالوان راح تناسبج.. لو تحبين جربي الباستيل الحين في الصيف.

صابون وتونيك... انا استخدم كانيبو .. ومرات شانيل .. ومرتاحه عليهم وايد.. هذا رأي بس....
هي المره شرحنا هالطريقه .. انشالله بشرح طريقه اخري مره يايه.. وبحاول احط اسماء الالوان والمركات بعد
بالنسبه للدورات .. ما ادري الصراحه شو الاحسن في بوظبي.. سوري


هلا والله في عذاري البحرينيه..

كيك فاونديشن انا استخدم كريولان ... كانيبو كماركه .. ممتاز جدا... الصراحه ما استخدمت بن ناي كيك فاونديشن ما اقدر اقول عنه شي..

بالنسبه لليكود فاونديشن .. جيرلان حلو.... ديور فنان .. وفي لون بنك من makeup for ever يناسب كل البشرات .. بعد حلو.. الشانيل فنان .. وجربي الكانيبو بعد....


بالنسبه للT zone انا استخدمه من makeup for ever

الكومباكت يعطي تغطيه احسن عن العادي.. وانت حره .. جربي باودر كانيبو وفرساشي...


رودين و الغاليه yasema 142
اللمعه ... انا عقب ما احط الفاونديشن .. احط الباودره .. ودئما اخلط الباودر.. في بودرات ذكرتها من قبل فيها لمعه من كريولان.. المهم للمعه الاخيره .. خاصه المكياج الخاص.. احط لمه على الخشم واعلى الخد عباره عن اي شادو لامع لوز .. حاليا استخدمه من makeup for ever .. هي نفسها الايشدوات اللي تنحد تحت الحاجب .. في درجات منها على لولوي .. او وردي او اصفر او ...... وايد.. الكود يبدأ ب 90.. بس لازم تكونين حذره عشان ما تحطين وايد بفرشاه وبخفه ..

سيده ملعقه :

المكياج المائي ا نا ساتخدمه من كريولان.. الايشدو من بن ناي .. الاوانه غريبه وحلوه بس صعبة التطبيق وتتكتل لو قارنتيها في كريولان......


ملاذ الحب: انا حق نفسي احرص على ترطيب بشرتي .. مستحيل احط فاونديشن او باودر بدون باس لو مرطب تحته..

في معضم المركات في باس.... اتولييه عنده بيس حسب نوع البشره .. جافه ولا دهنيه ...
ماك عنده بيس يعطي اشراقه .. حتى شانيل
ميك اب فور افر .. عنده بيس حتى حسب نوع البشره ولونها ومشاكلها ..

يعني لو وحده سمرا .. غصب لازم احط لها بيس احمر على ويها .. قبل الفاونديشن .. ولا راح يقلب على رمادي ..

بالنسبه للاستعمال اليومي . المرطب بحد ذاته كفايه ..



عروس دبي:
الخطوط الرفيعه بداية تجاعيد .. او يمكن بشرتج ناشفه .. الترطيب .. والحمايه من الشمس اهم شي..
انصح انج تبتدين تستخدمين كريمات حول الفم للخطوط الرفيعه ...

انا عندي نفس الحاله..
عشان شيه يوم احط مرات الفونيشن خاصه السريع ما احط باودر علهي في المنطقه حول الفم .. عشان ما تبني الخطوط

بس... في هالمنطقه حاولي ان طبقات الباودر وكريم الاساس تكون خفيفه

عموما : كا نيبو عنده مثل جل للخطوط.... قبل المكياج
الحين الايلينر... انا استخدم من كريولان او اتولييه ... كيك بلاك اي لينر ... اظني هذا اللي تقصديه .. حتى ماك عنده ا يلنير بالماي يشبه الايشدو ولونه غامج




رشة عطر.....مكياج بالصور؟؟ ياريت ا قدر.. صعبه لازم اشتري كاميرا ديجيتال.. ما ادري .. ما اوعدج..






خواتي كلكم سامحوني .. وانشالله اقدر افيدكم .. وحياك الله

حبي .. انا ما ادري عن القاعده اللي ذكرتيها ...

بالنسبه لاخفاء العيوب.... في ناس تستخدم الكونسيلر الغامق .. بس انا استخدم الوان بلشرات غامقه .. او اي شدو غامق واحطه على الاماكن اللي تحتاج تصحيح.

يعني لو ويحج طويل .. حطي البلشر على ا لجبين و الذقن..

ولو عريض ضعفيه على الجوانب..
لو ضعيف قربي البلاشر في امن الخشم وخلي البوردرات فاتحه او اكثر اضاءه.. لو خشمج متين شويه حطي البودر على الجانبين مع وضع لو ن افتح في النص.. ولو طويل غطيه بالبلاشر.. وهلم جر..

شكرا لك لاني بالفعل اسويها واحط الون لؤلي من فور ايفر على الخشم والجبهة وعظمة الخدود

[CENTER]أرجو تثبيت الموضوع للفائده العامه

الف شكر لج لتجاوبج معانا وان شاء الله اشتري من ماك

هلا والله خواتي وحياكن الله في اي شي....

وانا دائما في الخدمه.........

يا رابي .. سامحوني .. كل الكلام اللي اكتبه في غلطات أملائيه.... الله يعينكم ...

مشكرره ميك اب ارتست .... طرشيلنا رقمج عشان نحط عندج مكياج

GIS

والله ان هدفي مب اني اسوي دعايه......... انا من خاطري حابه اخدم...

في اي وقت تبين اي شي طرشي لي...

وحياكم الله كلكم...

انا ما اعتقد اني قلت انج يالسه اتسوين دعايه ........ على كل حال الله يسامحج

هلا والله خبيرتنا

شنو احسن base قبل الفونديشن