خبيرة تجميل....... في خدمتكم
makeupartist
03-04-2005
238 رد
32,247 مشاهدة
أ
أشواق لا تنتهي
مشرفة سابقة
18-04-2005 | 06:31 PM
[CENTER]
يعطيج الف الف الف عاااافيه على هالمعلومات الوافيه والمجهود المميز الواااااضح
حبوبه عندي استفسار انتي كتبتي انج تستخدمين الاساس الستيك واتحطين فوقه الكيك مال BNممكن اعرف سبب استخدامج للستيك بهالحاله؟؟؟؟؟؟
انا اشوف احسن ستيك هو TV PAINT STICKمن كريولان
انا الي اعرفه ان الستيك للحبوب والحفر الي بالويه صح بس في استفسار تتوقعين لو حطيت استيك وفوقه سائل من كانيبو<<< اساس طبعا وبعده البودره المضغوطه بيتشقق الاساس عندي بمنطقة الفم؟؟
ولج مني الف تحيه والسموووحه منج
ن
نوراء الحلووووه
عروس مشاركة
18-04-2005 | 11:57 PM
مشكوره حبيبتي على هالموضوع
ومنكم نستفيد
حبيت اسأل عن كريم الاساس والبودر من ماركة maybel line
اشرايش فيها
السلام عليكم
عندي سؤال للخبيرة
أنا قريت عن قناع النشا وماي الورد إنه ايهدي البشرة وايرطبها هل هذا صحيح لو لا لأنه خاطري استعمله وبشرتي صايرة جافة ومافيها نضارة ويش رايك؟؟
وإذا ما ينفع ممكن تعطيني قناع تاني ايفتح البشرة لأنه بشرتي اسمرت من الحساسية وطبعا ما يدخل في مكوناته العسل لأني اتحسس منه وكمان زيت الزيتون لأني مرة جربته وسمر لي بشرتي
ومشكورة
بشرتى مختلطه
وعلى طول من تزيت ======تسمر
حتى مع استعمال كريمات العنايه ولو كانت مخصصه للبشره المختلطه لازم بعد فتره يبدأ التزيت ويبدأ الاسمرار
شنهو الحل بنظرج
شنو رايج في كريم restorative facial cream
with shea butter
day and night-all skin types
من ماركه سيسلى
انا عندي عينه واستخدمتها في الليل
بس وايد قوامها ثقيل وما احسها تتغلغل لداخل البشره بسرعه
ولا انتى شنو رايج يا خبيرة المنتدى
واعتقد سعرها فوق ال30 دينار
ويعطيج الف عافيه
هلا وغلا ...
حياج الله يا نجوم الليل والف شكرا على مرورج..
ام القوقو.... قابض للدهون انا استعمله من ميك اب فور افر........ ما ادري اذا راح يناسبج.... انشالله انشالله
ميمي بيبي........
اللي ستك اللي ذكرتيه ممتاز ومثل ما قلتي يستخدم كونسيلر وتغطيه للعيوب .... واحسن ارقامه W4, W3, W6 626 002
انا يوم استخدم بني للبشره الجافه .. لازم احط تحته ستيك من بني اغمق من لون البشره ....
مرات استخدم ستيك من كرايولان واحط فوقه الفاونديشن السايل من كرايولان... ما جربته من السائل من كانيبو .. جربي وقولي لي......
عموما .. الكيك من بني يشد البشره .. وممتاز للدهنيه اكثر عن الجافه . بس للجافه .. لو حطيتي ستيك تحته يستوي احسن .....
نوراء............ اسمحيلي غناتي انا جربت الباودر بس من هالماركه .. واستخدمته للصبح حق الدوام.. خفيف توزيعه حلو .. بس ما جربت الفاونديشن ... ما ادري ؟؟؟ جربيه وخبرينا.................
مصباح كفيف ..
حبيتي النشا وماي الورد صدق مفيد حق البشره .. بس لو بشرتج جافه حطيه وياه زيت .. لوز او سمسم او خروع لو انت تحسسين من زيت الزيتون... وجربي تحطيه قشده فيه ......
بتطرق للاقنعه بعد شويه ... خلج وياي ....
googel
عمري انت تقولين تزيت ؟؟؟ البشره المختلطه ما تزيت الا على التي زون...
الكريم اللي ذكرتيه انا جربتيه اكثر من رائع .. صح قوامه ثقيل بس يتخلل البشره وممتاز.. بس اكثر للبشره الجافه .. يعني المناطق اللي تزيت لا تحطينه عليها.....
استخدمي الكريم على المناطق الجافه بس... جربي وقولي لي..
الماسكات الطبيعيه:
الزيوت:
للترطيب ... خاصه زيت اللسمسم.. اللوز .. الزيتون .. والخروع
زيت الخروع واللوز له فعالية التفتيح..... جربيه مع قناعات العيون لمحاربة الهالات...
البيض: صفاره للترطيب .. وبياضه يساعد في شد البشره.. بياض البيض والليمون يدخلن في ماسكات ضد التجاعيد ولشد البشره وتفتيحها
الاعشاب:
السدر: شد البشره وتفتيحها
الكركم : تفتيح البشره وازالة الاثار
الحناء : قليل منه في الخلطات يساعد علي ترطيب البشره .. وزيت الحنا له فعالية الترطيب
الشوفان: تهدأت البشره وضقلها وتفتيحها (ممتاز للمسكات بكل انواعها)
الترمس : دقيق الترميس يستخدم لتفتيح البشره
الحمص: دقيق الحمص يستخدم لتفتيح البشره ونقائها
الرز: بودرة الرز ايضا للتفتيح
النشا: يساعد في صقل .. شد البشره وتنعيمها...
الحليب ومشتقاته:
الحليب خلطه مع الماسكات يساعد في شد البشره وترطيبها لما فيه من دهون
القشطه: خصيصا للبشره الجافه .. عامل ممتاز للترطيب
اللبن الزبادي(الروب بامحلي) يهدأ البشره .. جربيه مع شويه نعناع وعسل ...
العسل:
يساعد كعامل ترطيب .. يرمم البشره .. يساعد في العلاج من التجاعيد
الفواكه والخضار:
البطاطا والخيار.. عوامل للترطيب وتفتيح البشره .. طبعا نفس الشي مع الشاي .. يستخدمون قناع للعيون
جربي قناع الخيار مع الحليب والعسل ...
الفراوله .. منعشه تمدم البشره بفيتامين ومضادات الاكسده .. محاربه للتجاعيد مثلها مثل العنب والتوت وكل هالفصيله من الفواكه .. قناع الفراوله مع القشطه وزيت اللوز رائع......
الافوكادو........ للترطيب للترطيب للترطيب .... وجه وشعر.. بعد الموز له خواص الترطيب نفسها وبعد يساعد ضد التجاعيد
الطماطم.. فيتامين C وعامل شد للبشره .. وعن التجاعيد نفس التفاح .. والبابايا .... واليح والبطيخ .. والبرتقال .. غني عن التعريف من مصادر فيتامين C الرئيسيه.. الليمون دائما يستخدم للبشره الدهنيه ....
ممكن تستخدمين كبسولات الفيتامينات او حتى كبسول زيت كبد الحوت لأي ماسك خاصه مسكات التجاعيد وشد البشره
شو بعد؟؟؟؟ اسمحلو لي هالي في بالي ... واتذكره الحين ..... صح الخميره .. تمد البشره بفيتمين B يعزز البشره
ماسك عجيب انا اسويه وهو من اسراري الخاصه:
شوفان + رشة حنا + سدر + كركم + حمص + قشطه + عسل + خميره + حليب + نشا زيت لوز وخروع لو بشرتج جافه .. ورشة ليمون لو دهنيه .... اخلطي المواد الجافه معا بعدين المواد السائله وخليه على ويهج .. وشوفي العجب .. طبعا تنظيف البشره وفتح المسام كما ذكرنا سابقا....
الموضوع.. يوم اتذكر شي عليه بأضيفه .... وانتو فيدونا لو عندكم شي ....
M
Mrs Chocolate
عروس متألقة
19-04-2005 | 09:18 AM
مشكورة يالغالية على المعلومات القيمة....صج استفدت.:)
بالنسبة للميلك والتونيك والماسك ناوية اخذ من بودي شوب بغيت اسالج شنو رايج فيهم وتنصحيني بأي نوع؟وانا بشرتي جافة ما عدا منطقة الأنف.
وبالنسبة لمنتج السكراب (التقشير) شرايج بسكينول الي في الصيدلية(انشاء الله تعرفينه)؟ واذا ما تعرفينه عطيني مثال لمنتج اخذ منه لاني ما افهم شي في العناية بالبشره؟
واستفساري الأخير عن الكيك فاونديشن مال بن ناي انا بشرتي بيضاء وأخذت بودره رقمpc-5 natural no 1 شرايج بالرقم انا جربته بالمحل وشفت يناسبني يعني عاطني لون بشرتي الطبيعي على افتح اشوي فشرايج فيه ؟ أنا قلت بسألج قبل لا
استخدمه علشان ابدله اذا طلع ما يناسب؟
ومشكورة غناتي
mrs choloclate
فديييييييييييييييييييييتج.. انا ما عندي فكره عن السكراب والميك والتونيك من بودي شوب... ولا جربت الاسكنول..
يعني الله يخليج لا تزعلين .. ما اعرفهم ..
بس رقم 5 بيج فاتح.. ومن اكثر الارقام استعمالا.. جربيه على ويههج قبل لا تشترينه .. مب علي يدج.... انا اخلطه ب 305..... بس لو هو بروحه يناسبج .. تراه حلو
ا
ام العيون السود
عروس مشاركة
19-04-2005 | 11:57 AM
هلا اختي ونور المنتدى بدخولج واريد اعرف اذا عندج علم عن احسن طريقة لنزع الشعر من الجسم بليز ردي على الخاص ولا عليج امر
بس بسرعة تكفين
تحيـــــــــــــــــاتي
M
Mrs Chocolate
عروس متألقة
19-04-2005 | 12:02 PM
حبيبتي ميك اب ارتست مشكوره على الرد بس عندي سؤال..اذا عندج فكرة عن منتج معين للميلك والتونيك والسكراب والماسك ياليت تدليني عليه؟؟
وبالنسبة لبودرة بن ناي تقصدين نفس الرقم الي عندي ومدحتيه ان استعمله بروحه وهو
رقم 1 pc-5 natural no لان تلخبطت؟ وسوري استحمليني....
ام العيون السود
أنا ملقوفه شوي ما عليه :)
في احسن من الحلاوة؟؟؟
واذا تبين حل دائم في عندج الليزر أو في خلطات طبيعية لتخفيف نمو الشعر زوري ركن العناية بالجسم و بتلقين مواضيع وااايد
اذا كنتي تعانين من كثافة في نمو الشعر روحي فحصي الهرمونات اول و زوري طبيب جلدية :)
آسفه على المداخلة :)
ام العيون السود..........مناري ما قصرت .................... وصدق شوفي صفحات العنايه بالجسم.... وهلا
Mrs. choloclate
صح اقصد اللون اللي اشتريته ... صح
انا عموما استخدم اكثر من لون مرات 3 الوان او اربعه .... بس الله يبعدج عن هالصدعه......
اختي بغيت اسألج .. تعرفين اصبع الروج العادي لما نستخدمه يكون له خفيف ..لو استخدمته بالريشه يكون لونه اوضح ؟؟
السلام عليكم ورحمة الله وبركاته هلا والله فيك بس حبيت اسالك عن كحل قلم اسود مايسيل يقولون كحل ديانا زين وش رايك فيه واتمنى انك تفيديني لاني جربت كحل من لانكوم ومن اليزابيث هيلين وكلها مانفعت وشكرا
السلام ياحلو لوسمحت ابي كحل مايسيح ويطلع شكل العين روعه لاني استخدمت كحل من لانكوم ومن اليزابيث هيلين وكلها تسيح
السلام عليكم
اختي عندي سؤال مشكلة محيرتنييييييي مرة انا بشرتي لحد دحين مش عارفة ايش نوعها بلضبط الحرمة في الصالون تقولي دهنية وانا اشوفها مختلطة وساعات احس انها صدق مختلطة احترت كيف حتى مش عارفة ايش استعمل من مستحضرات لاي نوع بشره
انا بشرة وجهي من عند الانف دهنية وتزيت مره وعند الخدود عادي يعني مش ناشفة ولا تدهن بس في بخدودي حبوب لكن مش حبوب شباب كبيرة يعني عادي بس كيف بيكون نوع بشرتي؟ مختلطة ولا دهنية انا سمعت ان المختلطة تكون منطقة الخدود جاااااافة ومافيها شي بس انا يطلعلي حبوب بخدودي لكنها ما تدهن قوليلي الحل الله يخليك ايش نوع مستحضرات تجميل استعمل ؟وفي كمان سؤال لو ما بتعبك معي :o الرؤس السودا في الانف ايش حلها؟
وتسلمييييييييييييييييي يارب :flower:
الف عافيه حبيبتي على هالمجهود ومشكوره على الرد:shy:
أ
أشواق لا تنتهي
مشرفة سابقة
20-04-2005 | 03:58 PM
يعطيج العافيه اعيوني انا بشرتي دهنيهيصير استخدم ستيك كريولان وفوقه BNالكيك؟؟؟!!! ادري يننتج اسمحيلي
على فكره اليوم جربت طريقة ااساس ثانيه
وكانت وايد حلوه
وهي اني حطيت الستوب شايننغ وفوقه BN الكيك وفوقه اساس كانيبو السائل وفوقه الكومباكت بودر من كانيبو كانت النتيجه وايد حلوه والحمدلله الاساس ماتقطع عند الفم وعموما من كل طبقه حطيت شي بسيط بس لاتنسين اتجاوبين على سؤالي
اي على فكره انا اساس BN قرب يخلص ومع نهايته حسيت انها مو انسيابيه مثل اول الاستخدام تقريبا ايش رايج لاحظتي هالنقطه
وخاطري اعرف عيوني انتي اتضعفين الخشم على الجوانب بايش شنهي طريقتج وماركاتج
ولنص الانف اي ماركه تستخدمين
وفعلا ربي يجزيج الف خيييييييييييييييييييييييييييير على سعة صدرج واوعدج ان هذا اخر استفسار
الصراحه انا بعد بشترني دهنيه شنو احسن منتج استخدمه بشكل يومي قبل المكياج الصراحه استخدمت ماك ومانفعني
وكم بودره تنصحين نحطها على الوجه قبل المكياج انا احيان استخدم بن ناي كيك وفوقه ماك
او كريم اساس ماكس فاكتور وفوقه ماك او استيك بم ماي وبعد فوقه ماك
بس بعد فتره ويهي يزيت
وخاصه عند الفم
وعادي نحط ثلاث بودرات او اربع فوق بعض يعني مراح تضر البشره
ويصير نحط بودره كيك وفوقها كريم اساس وعقباها استيك واخر شي البودره>>>>>>>>>>>>ادري يالسه اخبص بويهي
وثاني ششي شنو احسن مثبت للجلوس
وشاكره لك ردج