خبيرة تجميل....... في خدمتكم

هل في كريمات لتنظيف البشرة ونعومتها؟
و ممكن أعرف أسمائها؟
ممكن تقولي لي الموضة السنة دى ايه في ألوان المكياج و درجاته؟
ممكن أعرف الكريمات الضارة بالبشرة والعادات السيئة التي تضر بالبشرة؟

حرام عليكم ليش ماتطلعون مشاركتي هذي ثالث مره ارسل وعلى نفس الموضوع

وانا كمان ماحد رد عليييييييييييييييييييييييا :sad:

مشكورة كثير على مساعدتي

بس زيت اللوز ايش نوعه هل هو المر أو الحلو؟؟

والقشدة هل نفسها القشطة أم الكريمةوإذا كانت الكريمة حددي أي كريمة؟؟

مشكورة اختي على جهودك الرائعه لمساعدة اخواتك والله يجزيج خير

بغيت اسئلج عن كونسيلر السائل اشتري غامق او فاتح ؟

واحطه على العين كلها والابس تحت؟

ووضعه يوميا يضر بالبشرة؟

وخصوصا لان هالايام عندي امتحانات فصار نومي مخربط وطلع سواد تحت عيني يبين واااضح مع ان قبل اسهر ولايبين بس اللحين زاد ووصار وواضح

واحطه قبل الاساس والا بعده ؟

بغيت اسئلج عن مثبت المكياج استخدامه على الاقل 3 ايام بالاسبوع يضر بالبشرة؟؟


شكراا لج واتمني تجاوبيني على ائلتي كلها لان ماعندي خبرة فيهم

وبغيت اسئلج اختي الوحده اشلون تعرف نوعية بشرتها ؟

لان بشرتي كانت جافه الى طبيعيه بس اخر كم سنه صارت مركبه عند الخدود جاف الى طبيعي لكن جبهه والانف وال>قن دهني خصوصا لين نمت وقمت الاحظ خشمي مزيت لكن بعض الاحيان يكون خشمي خصوصا بالبرد يصير جاف ويتقشر ماادري من الجو او البودرة وه>ا بس لما يكون الجو بارد يعني بفصل شتائ

شكراا لج

يعطيك الف عافيه و جزاك الله الف الف الف خير

ما قصرتي الصراحه...

فيه سؤال دايما يحيرني و لا اعرف جوابه

مستحضرات و كريمات التجاعيد و كريمات مقاومه الشيخوخه و الخ

يصلح استخدمها و انا ما فيني تجاعيد و لا هي للناس اللي عندهم تجاعيد؟؟؟؟؟

خبيرتنا عسى ما شر

السلام عليكم ..

عزيزتــي ..

أنتي أو من بنااات المنتدى اللي تعرف لا تبخل علي ..

ياليت تفيديني أو تفيدونـــي بالبودره اللي تنحط تحت العين عشان لما احط شدوو مايتوسخ او ماينزل الشدوو على وجهي ويخرب لي الأساس ويعفس لي كل شي سويته .. ؟؟؟؟ ..

وابي اسمها ومن وين اشتريها .. وهل لها عدة استخدامات ولا بس تنحط تحت العين وأعلى الخد ..؟؟ ..

وياليت تكون مب غاليه ..

ومشكوره انتي وبنااات منتدااااي الغالي ..

وياليت متأخرون علي لأن عندي زواج الخميس هذا ..

صباح الخير

سامحوني على التقصير .. عشان انا شيك على الموقع من كمبوتر المكتب .. وكنت الفتره اللي طافت واللويك اند في البيت ............... سامحوني اوكي...

نبدأ :

أم شمايل ... غناتي يعتمد على الروج.. في روجات الوانها تكون بروحها واضحه وسميكه... عموما الفاونديشن تحت الروج يثبه ... ... وهلا ...


شعلوله الحلوه: حبيبتي انا ماجربت كحل ديانا .. يا ريت حد جربه ينصحنا.. انا استخدم من ماك.. وكريولان او BN .. كحل لورد ان بري الواتر بروف .. ما يسيل .. بس جربي تحطين فوقه اي كحل اغمق عشان يعطي لون اغمق....
انا عموما .. اسخن القلم .. شويه من بعيد عشان يعطي لون ويسيل بشكل اسرع... بس تريي يبرد... مب تحرقين عينج...ومرحبا ملايين..

جنه.

البشرات 3 انواع
الدهنيه .. تزييت .. تظهر مرات فيها حبوب.. مساماتها واسعه ... وتكثر فيها الرؤس السوداء

المختلطه: تخذ شكل الدهنيه بس في منطقة الخشم واللجبين ومرات الجزْ القريب اللخشم من الخد..
الجافه: تكون ناشفه .. حساسه.. تقشر في بعض الحالات ..... مشدوده....


المهم احسن وقت تعرفين فيه نوعية بشرتج الصبح.... حطي كلينكس على وجهج وشوفي اذا كانت مزيته .. او لا.. طالعيها في انارة الصبح..


بالنسبه اللرؤس السودا.. عمل مساج بحركات دائريه يسهل في التخلص منها عن طريق تنشيط البشره وتحريكها....عقب حطي فوطه ساخنه على خشمج عشان تفتحين المسام .. سوي سكراب .. وعقب جربي لاصقات الرؤس السوداء على الانف او الجبين او الذقن ..

امسح الدمعه :
مرحبا يا حلوه في اي وقت


ميمي بيبي...
انا ما افضل استخدام الكيك من BN ووضع الستك تحته للبشره الدهنيه.. هاي الحركه نسويها للبشره الجافه ....

طريقتج صحيحه... وحلو الواحد يجرب ويحاول..

طبعا الكيك بعد الاستخدام لفتره خاصه لو تم مفتوح لفتره تقل انسيابيته...

انا استخدم كشي سريع بلشر برونزي مايل للبني.... جربيه في علبة بودر من ميك اب فور افر
اما لو بسوي بضمير... استخدم اي شدو غامق بني.. من ماك ما اتذكر رقمه الحين .
اللي احطه فوق الخشم .. يا ستان بودر من كريولان ..او اي شادو لوز من ميك اب فور افر لولوي .



قطريه:
حبيتي.... الاخت ميمي بيبي ..... ماشالله عليها تخلط لين توصل للي يناسبها.. اهم شي اللسيتك ما يناسب الدهنيه .. وهو عادا اول طبقه مب اخر طبقه.. وضع طبقات من البودره ما فيه مشكله .. خاصه لو خفيفه ... مرات انا اخلط استخدم كانيبو ولا جيرلان وفوقه لوز بودر..
عموما الماركات اللي ذكرتيها كلها ممتازه..

3roosel elnile

حبيتي الكريمات يعتمد انت شو تحبين وشو تريدين تستخدمين.... انا احب شانيل كانيبو Guint or photomer
تكلمنا عن الموضه هالسنه قبل ... في اول الموضوع يا حبي
بالنسبه للعادات السيئه : الاكثار واللاقلال خطأ
يعني الاعتدال بالعنايه بالبشره مهم .. يعني مثل اهتمي بما يلي:
تنظيف عميق كل اسبوع( حليب مساج وسكراب وماسك)
عمل ماسكات طبيعيه مرتين او حتى مره في الاسبوع
الحرص على كريمات المساء والنهار
كريمات الوقايه من الشمس
تنظيف البشره برقه ومع التجاه العضلات ( بالنسبه لعضلات العين الاسفل: من الخارج للداخل والاعلي العكس)
وضع كريمات العيون
اذا احتجنا نبدأ استخدام كريمات التجاعيد .. نتوكل على الله
شرب الماي بكثره ..



مصباح كفيف : اي زيت لوز بس يكون طبيعي ونقي .. ممكن تخلطين المر والحلو ... بالنسبه للقشده .. صح هي الكريمه اللي ناكلها .. مثل نستله قشده ..


عروس الدوحه :
الكونسيلر يا حبي يكون افتح درجه عن لونج .. جربي تتش من سان لوران ......
ينحط بحرات (طبطبه) خفيفه على العين ... حول العين لين يغطي لين العظمه حول العين .... ما ينحط فوقه فاونديشن .. عند نهاياته نخلط بدايات الفاونديشن ... بعدين الباودر..

استخدام المثبت بكثر .. يأثر على البشره اكيد .. هو فيه ماده شمعيه .. ممكن تسكر المسام وترهق البشره لو اساء استخدامها....
للمكياج العادي او الصباحي .. ما اعتقد فيه داعي للبيس كريم مرطب كفايه ...

just me

جربي يا حلوه اي لوس باودر خفيف .... جربيه من ميك اب فور افر .. سيسلي.. لانكوم ... .. انا عموما استخدمه من دياجو دالا بالما....

عروس الدوحه انشالله تكونيين حصلتي اجابتج في الردود وخاصه للاخت جنه ..

ام القوقو..

الترطيب مهم ... ونبدأ نستخدم كريمات التجاعيد .. من عمر 30 وفوق لو بشرتنا مب تعبانه والمرطب كافي .......
كريمات التجاعيد مهمه في المراحل الاولي... خاصه انها تحمي بشرتنا فتره اطول ...


وهلا يا حلوه

يا هلا بخبريتنا،،،

ما قصرتى على المجهود الملحوظ وبارك الله فيج،،

سؤالى هو: انا حابة اخذ بيس من ميكب فور افر اللون البنفسجى علشان يعطينى نضارة لانة بشرتى مايلة الى الاصفرار وبعد عندى بشرة مختلطة وسمعت عنة انة كويس واحتاج احط حق مكياج الصباح تنصحينى فية ولا على فكرة انا انظف بشرتى بالصابونة الخاصة وبعد كذا التونك واخلى الواقى الشمس هلى احتاجة البيس قبل وضع الفونديشن؟؟؟؟

اقبلى تحياتى يا الغالية

يا حلوه... انا والله ما احب البيس للأستعمال اليومي.. اصلا بيستوي وايد.. مرطب ...وحماية ضد الشمس وقعب بيس حق الصبح؟؟؟ ما تحسينه وايد؟؟؟ هذا رأي شخصي..
عموما البنفسجي اللي عندهم يعطي اشراقه للبشره وحلو.... وهلا

هلا عزيزتــي ..

أشكرك لردك السريع علي ..

بس صرااحه مب حرام اشتري لوس باودر بميه وشوي بس عشان احطها لتحت عيني يعني للتنظييييييف بـــس ..

طيب ريميل وريفلون وماكس فاكتور عندهم اللوس باودر ..؟؟؟..

المشكله مايفهمون علي اذا رحت وشريتها اقولهم ابي البودره اللي تنحط تحت العين عشان مايوسخ الشدو المكياج .. ولا يفهمون علي يقولون بلمعه ولا بدون لمعه صرااحه ازهق منهم واطلع ولا اشتري شي ..
انا اللي اشوفها عند جويل اللي بالام بي سي تكون ثقيله بس اللي اشوفهم بالمحلات خفيفه ...!!!!!!!!!

ياليت عزيزتـــي تحطين لي صورتهاااا ..

وشكراً..

انا يا غناتي ما ادري جويل شو تحط...

بس عموما.. الباودر العاديه اللوز تستخدم لهالغرض..... جربيها بدون لمعه من ماكس فاكتور او اي ماركه انت تفضلينها...


ومرحبا يا حلوه

خبيرتنا الواسعه الصدر

شلونك وحشتينا

يا طويله العمر شفايفى على طول ناشفه وخصوصا بعد غسل الوجه شنو الحل لها

فى البدايه استخدمت الفازلين اهو يعطى ترطيب بس يسمر الشفايف
بعدين استخدمت مرطب ليبيو بس مافى فايده
والحين استخدم من بودى شوب مرطب شفايف على زبده الكا كو في ا لبدايه تمام بس بعد فتره من الاستخدام
صارت شفايفى وايد جافه يعنى لازم على طول احط المرطب والا شفايفى بتكون يابسه ومشدوده

ابى علاج طبيعى للشفايف الجافه+ اسم مرطب شفايف ممتاز علشان اشتريه


ودمتى سالمه لنا

السلام عليكم

هلا بخبيرتنا رجعت لأني شفت ردك على الأخت جنة وهو
"المهم احسن وقت تعرفين فيه نوعية بشرتج الصبح.... حطي كلينكس على وجهج وشوفي اذا كانت مزيته .. او لا.. طالعيها في انارة الصبح.."

أنا قلت لك من قبل استعملت الرواكتان وأصبحت بشرتي جافة وحساسة جدا
بس أنا لما أقعد من النوم الصباح تكون مزيتة كل الوجه طبعا بس ما فيها مسامات يوجد مسامات واسعة بس في منطقة الأنف ومنطقة الأنف عندي دهنية جدا طول اليوم وباقي الوجه أحيانا ايصير عادي وفيه رطوبة واحيانا جاف وأحمر ولما أستعمل كريم الاساس السائل الخاص بالبشرة الجافة احسها بعد ما أحط المرطب اتصير مزيتة أنا محتارة الحين ويش نوع بشرتي؟؟ممكن اتساعديني وربي يوفقك في كل شي ومشكورة على سعة صدرك

مشكورة اختي وجزاج الله خير ويعطيك قوة والعافيه

فديت عمرج اختي عندي فقط سؤالين؟

الاول يصير استخدم شادوا حق العيون للحواجب واكيد مايضرهم

لاني سمعت من خبيرة قالتلي لاتستخدمين قلمحواجب لانه يسقط بعد فترة شعر حواجب

الثاني ماهو العمر النهائي لمستحضرات تجميل يعني بعد كم فترة سواء استخدمتهم وخلصتهم او ماخلصتهم لازم مااستخدمهم لجميع المكياج سواء بودرة ااس والخ------