خبيرة تجميل....... في خدمتكم

السلام عليكم.... حبيت اسالك عن طرق ترطيب الجسم وتعطيره وشو احسن المنتجات لهذا الغرض وشكرا

حبيت اسالك عن السواد تحت العين كيف اقدر اخفيه وعن الكونسلر الجيد .........

واتمنى تفيدني انا بشرتي حنطيه صافيه مافيها حبوب بس السواد تحت العنين وابغى اعرف ايش احسن بودرة وكريم اساس

لأني ماألقى الي يناسبني كل مره اجرب شكل بس مااعرف ايش الاحسن ........ بليززززززززززز ساعدني لانك انت صاحبة خبرة ......

ولك مني جزيل الشكر .....

يعطيج العافيه

اختي خبرتي بالمكياج متواضعه من كم يوم رحت اشتري بودرة كل مادخلت مكان طلعتلي 3او4 انواع بودرة
اللي اعرفه فيه بودرة سايبه او حرة اللي تكون متناثرة وبودرة مظغوطه بس هاي اللي اعرفه ؟

ممكن تذكريلي انواع البودرة وكل وحده حق شو

لاني لما رحت قالتلي اسماء غريبه مثل الكومباكت اعتقد مظغوطه وقالت الليكود وماادري شنو قالت اسماء كثيرة

ممكن تذكريلي اسماء البودر وكل وحده لشو؟؟؟

هلالالالا فيج makeupartist

انا بشرتيي زينه :) بس مشكلتي ان فيها افرازات دهوون زائده عن اللزوم يعني مع تقدم العمر تزيد هذي الافرازات

اذا كنتي تعرفين النوعيه المناسبه من ماركه جيرلان ياليت تعطيني النوع المناسب لي

انا بشرتي مختلطه حساااسه جدا

تحياتي لج

الروح النقيه

هلا عزيزتي ..makeupartist

ابي اسألك وشرايك بأساس جيرلان ديفينورا .. للأعرااس ..؟؟

وعن الشدو لكريمي لسماش بوكس شرايك فييه ..؟؟

بأنتظارك ..

يعطيك العافيه خبيرتنا

ما قصرتييييييييييييييييييي


جزاك الله الف خير

هلا الغالية،،

كان ودى اسأل عن كريم لتحت العيون من ماركة ايف سان لوران ولا لانكوم علشان اخفف من الخطوط والسواد تحت العيون

صباح الخير ..

سامحوني على التقصير ....... والتأخير ..

googel:
ما احب استخدام الفازلين كمرطب ..عموما منتجات البودي شوب رائعه ... على ما اعتقد سيسلي عندهم مرطب للشفايف... لو حبيتي تجربينه... ولا خلج على البودي شوب.. لو طبيعة شفايفج ناشفه .. يعني هي مشكله حاولي تعالجينها من الجذور ... المرطبات علاج خارجي.... طبعا راجعي طبيب مختص... كل اللي اقدر اقوله .. عليج بالماي والسوائل... يمكن تحتاجين فيتامينات B complex جربي كل يوم تاخذين حبه من زيت كبد الحوت (Cod Liver Oil) ... وتجنبي عادة ترطيب الشفايف بالعاب.... وهلا


مصباح كيفيف:
انا كل ما سمعت ان احد يتعالج بالركوتان ازعل... احص مضاره وايده .. صح له منافع بس لازم تعرفين مضاره .. غير العوامل النفسيه يأثر على البشره.. اختلاف الالوان او الجفاف..
اذا البشره اصلا دهنيه ومرت في ازمه ادة لجفافها مثل حالتج.. ما يمنع انها تزييت بعد فتره.... لانها طبيعتها تفرز زيوت بعد مده معينه...
خلج على الترطيب تجنبا للتجعيد والتشققات.. بس استخدمي فاونديشن للبشره الدهنيه .. عشان يكفيج مشكلت التزييت بعد فتره.... وهلا



عروس الدوحه: غناتي انا عمري ما سمعت ان قلم الحواجب يأدي لتساقط شعر الحاجب.. والمنتج الغير جيد سواء كان قلم او شادو راح يضرنا.. الميزه في الاي شادو انه يعطي نظره طبيعيه... بس لو وزعتي القلم ومشطيه ممكن يعطي نظره طبيعيه بعد.. يعتمد على طريقتج وشو يريحج . بس انتبي لا يتساقد الاي شادو لو استخدمتيه محدد للحواجب...
عمر المكياج يعتمد على طريقة الاستعمال والحفظ... كل ما كان سائل كل ما زادة سرعة التلف...
البودرات:
في الباودر البرس: المضغوطه العاديه والمعروفه قديما .. تجددت الحين وصارت تخلط من الفاونديشن ونسميها كومباكت ومنها الانواع اللي ممكن نستخدمها بالماي... الكيك انا اعتبره فاونديشن خاصه من بني وكرايولان....
وتييج اللوز .. وهي الحره.. ومنها الخفيفه واللامعه وانواعها عديده..
والليكود.. اللي تكون سائله بس فكرتها انها تستخدم فاونديشن بعد .. لانهم نفس التركيبه .. يعني بصريحه العباره فاونديشن..
المهم .. الكومباكت منطقيا تعطينا اكثر كثافه واكبر تغطيه ... تليها المضغوطه واخفهم اللوز....


ام اليازيه:
ترطيب الجسم وتعطيره يا قلبي يعتمد علي الذوق وشو نحب نحن.. اعتقد في المنتدي وايد افكار ....وخوات عندهم افكاره احلى ..
عن نفسي .. استخدم دائما الشور جيل والكريم والعطر من نفس الماركه .. وعقب احط دهن عود ومسك من عبدالصمد القرشي .. واتدخن...
احلى ماركات استخدمتها ... فيكتوريا سكرتس... شانيل ....... والحين استخدم استيلا وروعه .....


جوليا 2005:
حبيبتي .. السواد تحت العيون عالجيه لو بعد الشر في شي عضوي.. اشربي وايد ماي ... استخدمي كريمات الحد من السواد.... بالنسبه للكونسيلر .. ذكرناه فيما سبق ... جربي كرولان لتغطيه قويه .. وتاتش من سان لوران للاستخدام اليومي.. او ميك اب فور افر .. او حتى ماك..

اشوق لا تنتهي
شكرا غناتي على المرور وكلج ذوق

الروح النقيه: من جيرلان للبشره الدهنيه؟؟؟؟؟ انا ما ادري ... افضل سيشيدو او استي لودر او كلينيك للبشره الدهنيه....... شوفي شو يناسبج يا حبيبتي..


just me
اساس ديفينورا اكثر من رائع ويعطي اشراقه .. انا استخدمه كأستعمال خاص .. شادو سماج بوكس حلو بس ما جربت الكريمي منه؟؟؟؟ انت انصحينا؟؟؟

ام القوقو:
فدييييييييييييييييييييييتج وجزاك الله الف خير على دعمج وذوقج


سهورر:
ايف سان لوران افضله اكثر.... والخيار لج..ومرحبا ملايين

هلا الغالية،،

مشكورة حياتى على الافادة وانشاء الله باخذ ايف سان لوران وعلى فكرة انا حاليا استعمل كريم الجديد لنفس الشركة حق ( الانتى ايج) وايد ريحتة حلو ويعطى نعومة رائعة واستعملة فى النهار قبل وضع كريم الاساس واقى الشمس(f)

السلام عليكم

بصراحة انا عندى اسئالة كثير
1.ابي احسن ماركة كريم الاساس و البودرة المظغوطة للبشرة الدهنية وياريت تكتبي باللانكليزي ؟؟؟

2.مرطب البشرة احسن ماركة وللبشرة الدهنية و ياريت كمان بالانكليزي ؟؟؟

انا عارفة اسئالتي كثير

بس عندي سوئال اخيرررر

من اضع المكياج اول اشي احط مرطب البشرة و بعين الكريم الاساس ؟؟؟

شكرا جزيلا مقدما
:smile:

شو راي خبيرتنا في مجموعه التبيض للوجه من الماركات المعروفه مثل شسيدو وغيرلان
هل ليها مضاااااااااااااااااااااااااار؟

هلا ......صباح الخير يا bonn

المرطب ينحط مرتين وممكن بعد غسل الويه بعد...
ينحط تحت الفاونديشن .... لوحابه تزيدين من سيولة وسهولة توزيع كريم الاساس تحطين فيه شويه مرطب او حتى بيس ..... او اي شي تخلطيه عشان يعطي اشراقه .. لمعه حق الفاونديشن .....


بالنسبه للبشره الدهنيه ... ما اقدر انصحج بمرطب او باودر معين .... يعتمد انت شو راح يناسبج....

عموما... جربي seshido, Este Lauder or sisly or even clinuqe is greate

بالنسبه للبودر ... Kanebo, Devinora from Jurlain, then Mac or Clinuqe


ومرحبا فيج يا غناتي.. وهذا كان رأي الشخصي وياريت صاحبات البشره الدهنيه يقولون لنا تجاربهم....

شكرا عزيزتي على جوابك :clap:

هلا والله بعذاري البحرين

شوفي يا قلبي.......... انا عمري ما استخدمت اي شي فيه مواد تبييض.... عموما هي يا انها مواد قاشطه تأدي لازالة طبقات من البشره .. وتبقي ضعيفه رفيعه تتأثر بسرعه للعوامل البيئيه ..

يا فيها مواد كيمائيه او كرتزون ... وهي تعمل بشكل كيميائي على تفتيح البشره..

احس كلهم فيهم خطر بس على المدي البعيد.. طبعا نسبة الخطوره مدروسه .. واثرها ما راح يبين بشكل سريع ولا جان فقدت هالشركات الكبير مصداقياتها...
دائما اتخيل عمري احط كلوركس على ويهي .... عشان شيه ما جربت ابدا استخدمها حتى الخلطات اللي يسوونها ويحطون فيها كريمات مثل فير ان لوفلي او روز وغيرهم .. حرمة اخويه تقول استعمل فير ان لولي من عشر سنين جان ضرني لو خطر....
بس انا ما اقدر اثق في هالاشياء...عموما .. زلو مظطره على استخدامهم.. احرصي على الحمايه من الشمس.... لان حساسيه البشره تضعف... وتكون اكثر عرضه لمخاطر الشمس ..

شكرا خبيرتنا
بس انا ما ابي ابيض لا
المشكله من احط على وجهى كريمات العنايه لون وجهى يغمق
من جذي فكرت فى مجموعه التبيض
قلت على الاقل ما بتغمق لونى لحين حطيتها
فاخذت لى من شسيدو على اساس انها مواد طبيعيه مثل ما قالوا



انزين ودي تقولين لى عن احسن واقى من الشمس

اوكي يا عذاري فهمتج..

ييبي كريمات ترطب وما تعطي منظر دهني خاصه لو بشرتج دهنيه .. راح تلمعين .....

على كل حال انا عن نفسي استخدم

URIAGE
protection Extreme SPF IP 90

حمايه عن الشمس .. وما احطه الا لو بسير طلعات تحت الشمس..


وهلا يا حلوه

حبيبتى بشرتى مب دهنيه---- مختلطه (جافه ودهنيه بس الانف وحواليه)

على العموم الف شكر ومن القلب
والله اجازيج خير

عندج فكره عن المنتجات الي تعطي الشعر لمعه

يعني انا شعري بعد الغسيل باهت وينفش

هل فيه مستحظر معين يعطي لمعه بدون ما يدهن الشعر

مالي مثيل..................

شو اقولج.؟؟ ما عندي خبره في مستحضرات الشعر .. عن نفسي استخدم مجموعة كرستاس الشامبو وماسك وسيروم......