,,,,حـــــــــــــــــركات رومانسيـــــــــــــــــه,,,,

حلو الفكره الرومانسيه بحطها في بالي ..
وبسويها انشالله بعد مااخذ عليه وياخذ علي اذا ربي تمم على خير

خلاص اجل نحط في بالنا ساعه وبيجامه الحين الين نلقى شي ثاني واذا مالقينا بنرجع لهالاشياء .. والله يووووووفق

يالله انتي اذا اي فكرة جتك قولي ليه عليها وانا بعد بقولك على اي شي يجي في بااااالي

تحياتي
كروزة

وااااااااااو ايش هالافكار الحلوة...:D

ان شاء الله اجربها ..... لكن بعد ما اتزوج..

:cool:

بنات فعلاً أختي روح الأمل صادقة ، مايجوز إن الوحدة تجلس مع

خطيبها إلا إذا هو مالك عليها يعني (( زوجته مع وقف النتفيذ));)

وإذا ماملك تهديه إلي تبي ، وترسلهم له ، غن بغت كل يوم مفاجئة

بس بناااات لا تكثروووون الرومانسية ، وعقب تنقلب عليكم :D

كرووووزة المنتدى ...

مع إن زوجي مايحب العطور ، ولا البخور ، ولا العوووود

أكيد صرتوووو كذا :eek::eek: عارفه بس هذا ماعطاني ربي

المهم نرجع للموضوع .....

فيه عطر من إيف سالو ران إسمه (( بودي )) ريحته حلوة وهاديء

وسلامتكم ....

يالله من يزيد من الأفكااااااار ;)

زوجك مايحب البخور والعود والعطورااات ؟؟؟؟

تدرررين عاااد احسسسسن لك واريح واوفررررر ;)

بس بشوف العطر اللي قلت عنه واقولك راي انشالله

يالله يابناااات الهمممه

انا عندي فكرة حلوة بس بعدي ماجربتها انشالله بجربها واقول لكم .... وهيا تنفع علشان كل وحدة تعرف عيوب علاقتهم وتحاول تعدل منها ......


وهي اني اسوي استبيان عن حياتنا انا وياه مثل التقييم راح احط فيه اسئلة عن كل شي واخليه يجاوب عليه ... يعني الاسئلة تختلف من وحدة الى الثانية كل وحدة عارفة النقاط اللي تنفع تسأل زوجها فيها ..........



وبسويله نسخة وحقي انا نسخة علشان لو كان في خاطره شي ومنحرج يقوله او خايف يضايقني او ماصارتله الفرصة يقدر يكتبه وهو مرتاح ...


وحتى انا لو منحرجة اقول له شي راح اقدر احطه بالاستبيان


وبعدها كل واحد يعطي الثاني ورقته يقراها وتقعدون قعدة مصارحة رومانسية بمكان حلو وتتناقشون بنتايج الاستبيان .....


(تحسووون وحدة متعقدة من الدراسة والاستبيانااااااات والبحوث ههههه)


ها شرايكم ؟؟ انا بعدي ماحطيت الاسئلة لاهية شوي مع الدراسة لكن الفكرة في بالي اذا فضيت وحطيتها اقول لكم اشصار .... ها اشرايكم ؟؟؟؟

عندي ملاحظة ..... في شريط اهدتني اياه وحدة عزيزة علي اسمه بحر الحب للاستاذ ابراهيم الدويش ( اظن اسمه جذي ) واظن وحدة من الاخوات ذكرته من قبل ( مالي خلق ارجع واقرا من الأول عذروني ) ...... الشريط رووووعة انا ماسمعته حطيته بسيارة زوجي كان يسمعه وهو رايح شغله وقال لي شريطج روووووعه سمعته 3 مرات .... شوقني قمت واخذت الشريط وسمعته وكان صج حلو ومفيد حيل انصحكم تسمعونه ....


وعندي فكرة ثانية طبقتها رفيجتي ونفعت معاها وكانت نتايجها حلوة ... اهيه زوجها من النوع الناشف شوية فاقترحت عليها انها تعطيه صندوق شكله حلو داخله كتب وكتيبات واشرطه ومقالات طابعتها من النت على اوراق ملونة وملفوفة بشرايط كلها نفس لون العلبة ومع ورد مجفف كلها عن الزواج يعني بعضها من سيرة الرسول صلى الله عليه وسلم وبعضها كتب اجنبية مترجمه وبعضها نصايح وكذا .... وتهتم بشكل الهدية شوية وطريقة التقديم علشان مايرفضها (هي كانت خايفة انه يفشلها وماياخذها او يقول لها ان هذا كلام فاضي وما يقتنع) .... وعطته وهو ماكانت عاجبته بس انحرج منها وكمجاملة حسسها انه مهتم وقام يسمع الأشرطة ويقرا الكتيبات والاوراق وهالشي انعكس عليها بصورة حلوة ........ ها شرايكم بالفكرة حلوة صح ؟؟؟؟

يزاج الله خير أختي دانة الكويت.. فكرتج وايد حلوه..

وشريط "بحر الحب" للدويش صج وايد حلو.. وهو موجه للرجال..
أما شريط "السحر الحلال" للدويش بعد.. وايد حلو وانصحكم فيه،، موجه للنساء..

وممكن تعطينا افكارج شو الكتب والاشرطه اللي كانت في الصندوق..
مثلاً أنا عندي شريطين اعتبرهم كنز واحسن هديه للمقبلين على الزواج...
(مقومات السعاده الزوجيه- للدكتور ناصر العمر..... رساله إلى العروسين- بن مسفر)

وشي مجموعه حلوه وايد للاستاذ جاسم المطوع من افضلها:
- فهم النفسيات بين الزوجين
والبقية تلقون اسماءها في هاللنك
http://go.3roos.com/qiXYNCtLsJt

وللدكتور صلاح الراشد أشرطة ممتازه:
(كيف تكسب محبوبتك"للرجال"، كيف تكسبين محبوبك "للنساء")

والبنات ما شالله ما قصروا بطرق تقديم الهديه وتغليفها.. مالنا غنى عن أفكارهم...

صح ان الساعه او العطر او الورده هديه وايد حلوه ويفرح فيها الزوج أو الزوجه.. بس وجود كتيب او شريط وياهم.. يزيد من قيمة الهديه.. ومضمونها يضل في البال..

وفكره ممكن تعجبكم,,, اذا بتهدون كتاب اكتبوا على الغلاف من داخل كلمة إهداء... فيه ذكر لمناسبة الهدية والتاريخ.. بتكون ذكرى وايد حلوه كل ما فتح الكتاب يقراه.. حتى يوم يكبرون عيالكم ويقرون الكتاب.. بيكون الاهداء شي وايد حلو يقرونه.. وممكن تسوون نفس الحركه على غلاف الشريط الداخلي..
ولا تنسون تطلبون الدعوة من القارئ أو السامع.. عشان تلقون الدعوات كهدية مقابلة حتى بعد الموت..

وسلامتكم

هلا اختي روح الأمل ....

عذريني ماتحضرني اسامي الأشرطة الحين لو تحبين أتأكدلج من اساميهم وارد عليج ...... في كتاب مشهور حيل وهو اجنبي مترجم اسمه الرجال من المريخ والنساء من الزهره مفيد حيل وحلو .... أعداد مجلة الفرحة تنفع بعد ...... في كتيبات تابعه لمصابيح الهدى عن الخطبة والزواج وكذا ..... وحتى بعضها لها اشكال حلوة في منها افكار لتنمية الحب شكلها مثل الميدالية وكل ورقة فيها فكرة .....

عندج في النت مقالات وايد حلوة تقدرين تطبعينهم على اوراق معطرة وتلفينهم بشكل حلو وممكن انج ما تقدمينهم مرة وحدة مثلا تحطين وحدة بين اوراقه اللي يشوفها على طول ووحدة عند الكمبيوتر وكل اسبوع مثلا تحطين له ورقة من هالاوراق في مكان ممكن يشوفه هم بتكون فكرة حلوة ....

انا عن نفسي اخذ مثلا مقالة تدرين بعض الأشياء ممكن تنطبق عليج وممكن لأ فآنا اخذها واخطط علي الأشياء اللي ابيها وتنطبق علي بلون فسفوري واكتب على الهوامش الملاحظات اللي ابيه ينتبه منها واحط له الورقة في جنطة اللاب توب لأنه ياخذه معاه الشغل او مرات على المخدة وجذي ..... وهالطريقة تنفع لأنه يدري شنو اللي ابيه وشنو اللي يضايقني بالضبط ..... وصدقيني عن تجربة ترى الرياييل ما يفهمون انتي شنو اللي تبينه اذا ما صرحتيلهم بالويه بيكون جذي اريحلج واريحله ....

هذا كل اللي عندي الحين لازم اكمل دراستي ...... كلما عجبتكم فكرة من افكاري ادعولي اتخرج هالكورس الله يخليكم .؟.

هلا بناااااااااااات.......

كيفكم؟؟؟؟

انا الحقيقة مو متزوجة بس اموووووت بالرومانسية اللي بحدود:)

وعجبني موضوعكم وحبيت اشارككم فيه........

الحقيقة الفكرة اللي عندي لقيتها باحد المنتديات الثانية ومرررررررة عاجبتني وانا احب اللعب على نوعها بس على براءة اسويها...... يعني بدون حب وغزل:o :o

والفكرة هي انك تفتحين جهاز الكمبيوتر اللي عندكم بالبيت واللي يستعمله زوجك وتفتحين على شاشة التوقف,,,,,, اكيد كلكم عارفينها (اللي تطلع لك بعد ما تتركين الجهاز شغّال لحاله ويكون احيانا فبها صور او ممكن زوجك او احد من اللي يستخدمونه بالبيت كاتب فيه بيت شعر او حكمة او الايميل حقه)

انتي هنا ايش تسوييييييييييييييييييييين؟؟؟؟؟؟؟؟؟؟

افتحي على شاشة التوقف ذي واكتبي فيها اي عبارة حلللللللوة او بيت شعر غزلي او اي شي بالعربي او الانجليزي,,,,,,,,,

وبسسسسسسسسسسسس سلامتكم لأني مستعجلة واذا تذكرت شي قلت لكم لن الموضوع والأفكار كللللللللها حلوة.......;) ;)


باي:cool:

هلا كيفكم

حبيبتي كرزه الحلوه آسفه تأخرت عليك بالرد بس العطره اللي خذيتها لخطيبي كان اسمها كارتير مره حلوه وريحتها روعه وكمان في عطره اسمها ECHO ريحتها مره هادئه انشاء الله اكون كاتبتها صح 000

هاي

مشكوره اختي دانه الكويت على مواضيعك والله يوفقلك وتخلصي الكورس 0000

عندي فكره حابه اقولها لكم يمكن تضيفوا عليها وتكون روعه

اذا كانت عندك مناسبه مثلا عيد ميلاد خطيبك او زوجك
او عيد زواجك مثلا

حجزي لكم طاوله في مطعم يكون فخم وعشاء لشخصين وتروحي للمطعم قبل بيومين تعطينهم الهديه اللي حابه تقدمينها لزوجك وتوصيهم يجهزوا لك كيكه حلوه مع موسيقى رومانسيه وفاجئيه صدقوني ماراح ينسى هاليوم والله :):)

ياليت مااكون طولت عليكم واذا عندكم افكار تزيدونها يمكن تكون الفكره احلى :D:D

والله الموضوع مرررررررة حلو ويونس ،، بس بصراحة مستحية أقولكم شي ،، أنا مخطوبة ورغم كذا مابيني وبين خطيبي اي مشاعر زايدة ،، عشان كذا أحس أن خيالي توقف ،، رغم اني كنت جدا رومانسية وحبوبة وإلى الان علاقتي مع أقرباي وخواني وأخوالي وأعمامي لأن سنهم مقارب لسني ،، بس معه مدري ليش العطاء بيننا متوقف
يعني فيه احترام ونوع من المجاملات بس احس انها ما توصل للأعماق ،،
ورغم اني ما كنت اتخيل أبدا أن حياتي الزوجية بتكون كذا إلا ان هذا الحاصل ،، وعشان كذا لما قريت مواضيعكم تحمست بس بصراحة أحس صعوبة في تنفيذها معه ،، مدري ليه !
عموما ادعولي إن القادم يكون أجمل واللي عندها نصيحة ياليت ما تبخل بها علي ،،
مشكوووورين واعذروني لأني طلعت عن موضوعكم

اختي العروس الهاربة عادي ان الرجل يكون جاف شوية كلهم جذي بس انتي تحاولين اتغيرينه ..... حاولي انك ما تنسين اي مناسبة تمر عليكم و انج بين كل فترة والثانية اتجهزين له هدية صغيرونة بدون مناسبة اي شي مثلا انا مرة ماكان عندي وقت اطلع اشتريله شي سويت له وردة بالكلينكس مع كرت حلو .... القصد انج انتي تخلينه يحاول يجاريج ويسوي مثلج .... حاولي بين فترة والثانيه تقعدين معاه قعدة رومانسية انتي ترتبينها بتلاحظين انه انشالله بدا يتغير ويهتم بهالشي اكثر ...... بس لا تتوقعين يكون مثلج لان طبيعة الريال تختلف عن طبيعة المرة واي تغير حتى لو بسيط اثني عليه بتلاقينه انشالله صار مثل ما تبينه ............

بخبركم كيف علقت القلوب والورود...

الله يسلمكم عن طريق خيوط بيضه..ولو كانت شفافه يكون احلى...
ولصقتها عالسقف..الله يخلي اختي العبره الله عطاها الطول عشان تساعدني...وطبعا مع الاضاء الخافته...بيطلع شكلهم كأنهم معلقين في الهوا...رهيب...للحين زوجي مو راضي اشيل هالقلوب ..من يوم الحفله...

عاد ماخبرتكم شو سويت ليلة العيد....

خذت حمام الهنا...وسشورت شعري ولفيته رولات...وطلع ياسلاااام...
وغيرت لحاف السرير...
وجهزت كل شي...حتى الاضاءة الخافته..والفستان الجديد...
والله عقدت ارتب لين ما انقطع نفسي...




اخر شي...
وصل زوجي...ومعاه ولد اخته؟؟؟؟
ما اشوفلكم الا زوجي دخل علي..ووراه ولد اخته....
داخلين مع بعض غرفة النوم؟؟؟


كنت بامووووووووووووووووووت من القهر؟؟؟؟

يعني كل شي تفركششششششششششش

أختي دانة
تسلمين على ردك ،، وأكيد أني بحاول ،، أنا أصلا بديت وحنا في بيننا مثل هالحركات بس المشكلة أني أحس انها مثل ما قلت لك مو من القلب إن صح التعبير ،، هذا بالنسبة للحركات والهدايا وهالشغلات ،، اما الكلام فماأعتقد أنه سهل يبيله وقت ،، لأن حتى الطلعات العادية اللي نطلعها ندور فيها على كلام يجمعنا ،، ونصير ندور وندور إلين ما ندووووووخ ويجينا النوم ،، ونرد البيت هههههههههههه
والله صدق إن الحياة مهي سهلة مثل ماكنت أتخيل ،، بس ها لا أوصيكم أدعوووولي

والله يقويكم ويوفقكم أجميعن قولوا آميييييييين

الله يعطيكم العافية على أفكاركم الرهيبة
والله انكم ما قصرتوا

انا عضوة جديدة،وحبيت أشارك معكم بهالموضوع الأكتر من رائع،
انا ما عندي أفكار متلكم، بس بحب اقوللكم هالموقف اللي ادخلت فيه فرحة كبيرة لقلب خطيبي ، حددت أنا وخطيبي موعد حفلة الخطوبة و كتب الكتاب (وتسموها الملكة) بيوم عيد ميلاده..هو بيعمل بالخارج فجهزت أنا وأهله كل شي لنضمن حفلة مرتبة ان شاء الله، اجا من السفر قبل الحفلة بثلاثة أيام،حاولت خلالها انسيه أمر عيد ميلاده،وأشغله بترتيبات الخطوبة!
وبيوم الحفلة تم كل شي زي ما خططتله والمفاجأة كانت انو بآخر الحفلة انطفت كل الأنوار إلا نور خافت علينا انا واياه فقمنا وقفنا، ودخل قالب من الجاتو كبير ومكتوب عليه اسماءنا انا واياه داخل قلب كبير و عليه شمعة وحدة (على أساس عمره ابتدى من هاللحظة) وكان فيه دخان متصاعد ملون ليعطي نوع من الجمال على الجو ، وعلى أنغام أغنية (happy birthday 2 u) طفينا الشمعة وقطعنا الكيك وقدمتلو هدية (ميدالية ذهب فيها نصف قلب ذهب مكتوب عليه محمد رسول الله، وعقد ذهب لي ، فيه النصف الثاني للقلب ومكتوب عليه لا اله الا الله) فأخد الميدالية، ولبسني العقد ، ورقصنا على اغنية كل عام وانت الحب ، طبعاً هو كان ناسي أمر عيد ميلاده ، مشان هيك شفت بعيونه فرحة كبيرة ودمعة وبريق من شدة سعادته لإني عملتلو الفرح فرحين... كانت حركة حلوة ما نسيلي اياها لليوم (بالمناسبة هاد الحكي كان في الصيف)...
انا عارفة انكم عندكم أفكار أحلى... بس انا حبيت اطلعكم على اشي أدخل فرحة كبيرة على قلب أعز إنسان على قلبي ، مشان ازا حدا بحب انو يستفيد من هالتجربة!
تحياتي للجميع...
(l) حسناء العروس ...(l)

حسناء العروس حركه اكثر من رهيييييييييبه

وينكم يابناااااااااات وين راحت الرومانسيه اللي فيكم :mad::mad::mad:

مشكورة اختي العزيزة شوق العيون على الرد ،

وبانتظار المزيد من الأفكار الرومانسية منك ومن كل الأخوات...


(l) حسناء العروس... (l)

كنت قبل زواجي متحمسة للحركات هذي لكن زوجي الله يهديه مايعرف شي اسمه رومانسيه ويقول هذي خرابيط مسلسلات..لكن للحق يفرح اذا سويت له حركه وهذي منهم :مرة كان فيه مباراة مهمة لفريقة وهو يتابع المباراة ..لبست فستان زفافي وحطيت مكياج يقارب لمكياج الزفاف ...باختصار كأني ليلة الزفاف،طبعا هو ماتوقع ولما خلصت المباراة بالهزيمه جاء معصب ودخل علي بالغرفة وكانت المفاجأة انه نسى الهزيمة وقلبها ليلة رهيبة......

مرحبة يا بنات .... بصراحة وانا اقراء الواضيع الابتسامه ما مانت تفارقني وتذكرني بكل يوم حلو مع زوجي ...

انا الي بقوله الحين ... انا في عيد ميلاده الاخير .... انا بصراحة ما كانت عندي اي فكرة اسويها .... وصت اسئل صديقاتي بس ولا وحدة عطتني فكرة سريعة كل الافكار لازم اجهزها قبل الحفلة بكم اسبوع ...

ويوم شفت ان ولا فكرة اقدر اسويها ... بالسرعة هذي ... قلت ما شي الااخليها شي بسيط جداً واعوظ هذي الحفلة مرة ثانية انشاء الله ... وبعدين اتصلت بمطعم وحجزت طاولة ..... وقلت لهم ابي طاولة على جنب لاني عندي مناسبة .. عيد ميلاد زوجي ... فصار كل شي عااادي وبهدووء تام وانا كنت يومها زعلاانه علشاان هذا اول عيد ميلاد لزوجي من بعد 5 سنوات يتم عاادي ... من غير ونااااسة وانا كنت اقول هذا الكلام لاخت زوجي ... المهم صار وقت العشا وقلت لزوجي انا عازمتك بمطعم ....

ادري طولت عليكم ... بس معلي سامحوني ...

رفض زوجي العشا ... وقال انا مشغوول المهم بعد اصرار كبير وافق ...

ولما رحنا المطعم وهنا المفاجأة ,,..........:rolleyes:

كان عند الباب استقبال وموسيقى رومانسية .... وكانوا الي يشتغلون بالمطعم واقفين على الجنبين .. وانا وزوجي كانت بالنسبة لنا مفاجئة كبيرة ...

وعلى الطاولة ورد وزينة وبالونات في القسم الي كنا فيه ... وطول الوقت يباركون لنا ...

والمفاجاة الاكبر لما خلصنا العشا دخلو علينا بباق ورد كبير .... وعليها كرت ... بصراحة كنت في ذاك اليوم مستحية وايد ... مثل لما كنت عروس .. بس اهني الفرق ان العرس كان مختلط ...:o :o

المهم لما اخذت الكرت من على الورد وكانت المفاجاة اخت زوجي باعثة الباقة ... وكان يوم ممتع بالنسبة لي ..